शिक्षा / स्वास्थ्य
सुनसरीको दुहबीमा नर्भिकले अस्पताल चलाउने
दुहबी: सुनसरीको दुहबीमा देशकै प्रतिष्ठित र अग्रणी निजी अस्पताल नर्भिक इन्टरनेशनलले हस्पिटल स्तरकै स्वास्थ्य सेवा उपलब्ध गराउने भएको छ ।
नर्भिक अस्पताल सञ्चालक चौधरी गु्रपले सुनसरीको दुहबीमा अवस्थित श्री लुनकरणदास गंगादेवी चौधरी च्यारिटी हस्पिटललाई मर्मतसम्भार र आधुनिकीकरण गरी काठमाडौंको नर्भिक अस्पताल स्तरकै सेवा प्रवाह गर्न लागेको हो ।
यो अस्पताल विगत ३ वर्षदेखि बन्द अवस्थामा छ । उराठलाग्दो भइसकेको अस्पताललाई नर्भिक अस्पतालले पुनर्जीवन दिन लागेको हो ।
नर्भिक इन्टरनेशनल हस्पिटलका अध्यक्ष वसन्तकुमार चौधरीका अनुसार नर्भिकले आफ्नो संस्थागत सामाजिक उत्तरदायित्वअन्तर्गत दुहबीको सो अस्पताललाई पुनः सञ्चालनमा ल्याउने र स्तरोन्नति गर्ने उद्देश्यले ५ करोड रुपैयाँ बढी लगानी गर्ने भएको छ ।
दुहबीको सो अस्पतालमा नर्भिकको प्रविधि, जनशक्ति तथा अनुभव समेत प्रयोग गरी पूर्वी नेपालका सर्वसाधारणलाई न्यून दरमा स्वास्थ्य सेवा उपलब्ध गराइने योजना रहेको चौधरीले बताएका छन् ।
बन्द हुनुअघिसम्म १५ शैया क्षमतामा सीमित सो अस्पताललाई २५ शैयामा स्तरोन्नति गरी व्यवस्थित ढङ्गले सञ्चालन गर्ने र यो कार्य ६ महिनाभित्र पूरा गरिसक्ने चौधरीले घोषणा गरेका छन् ।
Facebook Comment
Banner
आज – ०८ आषाढ २०८१ शनिवार को राशिफल
मेष
मेष (चु, चे, चो, ला, लि, लु, ले, लो, अ) अधिकार प्राप्तिका लागि गरिएको प्रतिस्पर्धामा विजयी भइनेछ । बुद्धिको उपयोग गर्नाले जटिल ठानिएको कामसमेत सम्पादन हुन सक्छ ।
मिथुन
मिथुन (का, कि, कु, घ, ङ, छ, के, को, हा) हर्ष र प्रसन्नताका बीचमा समय व्यतीत हुनेछ । सम्पत्ति लाभ गर्न अनुकूल प्रयास हुनेछन् । सहयोगीको सङ्गतले फाइदा हुने काम गरिनेछ ।
सिंह
सिंह (मा, मि, मु, मे, मो, टा, टि, टु, टे) लाभदायक यात्राको सम्भावनालाई नकार्न सकिँदैन । एकपछि अर्को अवसर आउनाले मन प्रसन्न रहनेछ । नोकरी गर्नेले मानसम्मान पाउने छन् ।
तुला
तुला (रा, रि, रु, रे, रो, ता, ति, तु, ते) रोकिएका काम पुनः सुरु हुन सक्छन् । ठेक्कापट्टा तथा घर जग्गाको कारोबार सफल हुनेछ । कसैकसैका लागि सन्तान सुखको योग पनि छ ।
धनु
धनु (ये, यो, भा, भि, भु, धा, फा, ढा, भे) आज समय मध्यम खालको रहनेछ । कार्यक्षेत्रमा अरुले गरे भनेका कुरामा चित्त नबुझ्न सक्छ, संयमता अपनाउनु नै बुद्धिमानी हुनेछ ।
कुम्भ
कुम्भ (गु, गे, गो, सा, सि, सु, से, सो, दा) आज शुभकार्यको चर्चा चल्नेछ । स्वास्थ्य सबल रहने छ । कुनै कुराले मनमा शान्ति छाउनेछ । रमाइलो यात्राको सम्भावना पनि छ ।
बृष
वृष (इ, उ, ए, ओ, वा, वि, वु, वे, वो) दबाब र तनाव बढेको महसुस हुनेछ । जिद्दीपनाले गर्दा काम बिग्रने डर छ, तर साँझमा शुभ समाचार मिल्नेछ, साथै शेयर बजारले साथ दिनेछ ।
कर्कट
कर्कट (हि, हु, हे, हो, डा, डि, डु, डे, डो) आज परिश्रमअनुसार उपलब्धि पनि राम्रै पाइनेछ । चिताएको कामले तीव्रता लिनेछ । सामाजिक र धर्मकर्मको क्षेत्रमा मन पनि लाग्नेछ ।
कन्या
कन्या (टो, पा, पि, पु, ष, ण, ठ, पे, पो) आज आफूलाई कमजोर भएको अनुभूति हुनेछ । आफन्तसँग मनमुटाव बढ्ला । सामान हराउन पनि सक्नेछ, अतः सचेत रहनु होला ।
बृश्चिक
वृश्चिक (तो, ना, नि, नु, ने, नो, या, यि, यु) धार्मिक र सांस्कृतिक सभासमारोहमा सरिक हुने समय छ । ज्ञान र अध्यात्मको भावना बढ्नेछ, तर शेयर बजारको लगानी लाभदायक नहोला ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) स्वास्थ्यप्रति सजग रहनु होला । दबाब र तनाव बढेको महसुस हुनेछ । महत्त्वपूर्ण अवसर गुम्न सक्नेछ । यात्रामा सावधानी अपनाउनु पर्नेछ ।
मीन
मीन (दि, दु, थ, झ, ञ, दे, दो, चा, चि) आज रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । लामो समयदेखि रोकिएका अधुरा कामहरू पुरा पनि हुनेछन् । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
सुन्दरहरैंचाको सार्वजनिक सुनुवाईमा नगरवासीको न्यून उपस्थिति, अधिकांश कुर्सी खाली
विराटचोकः सुन्दरहरैंचा नगरपालिकाले आज विराटचोकमा गरेको नगरस्तरीय सार्वजनिक सुनुवाईमा नागरिकको न्यून उपस्थिति न्युन थियो ।अधिकांश कुर्शिहरु खालि देखिन्थे
काठमाडौंको टेक मिडिया हाउस प्रालिको सहजीकरणमा भएको सुनुवाइ कार्यक्रम अन्तर्गत हिजो वडा नम्बर ३, ४, ५ र ६ को सार्वजनिक सुनुवाई भएकोमा आज वडा नम्बर ८, ९, १० र १२ को सार्वजनिक सुनुवाई भएको हो । सार्वजनिक सुनुवाईमा नगरवासीको उल्लेख्य सहभागिता हुनुपर्ने भए पनि हिजोको सार्वजनिक सुनुवाइमा न्यून उपस्थिति थियो । आजको सुनुवाईमा अधिकांश कुर्सी खाली नै थिए । जनप्रतिनिधि, नगरपालिकाका कर्मचारी, सञ्चारकर्मी र सुरक्षा कर्मिसहित आजको सुनुवाइमा ४० जना जतिको उपस्थिति थियो । उपस्थित सर्वसाधारणमध्ये ९ जनाले आफ्ना जिज्ञासा राखेका थिए ।
नगरपालिकाको सार्वजनिक सुनुवाईमा मुख्य रुपमा जनप्रतिनिधि उत्तरदाताको रुपमा सहभागी हुन्छन् । सबैभन्दा बढी जनसंख्या भएको वडा नम्बर १० का जनप्रतिनिधिको उपस्थिति नै थिएन। सोही वडाबाट विजयी कार्यपालिका सदस्य बबिता खापुङ उत्तरदाताको रुपमा नभएर प्रश्नकर्ताको दीर्घामा बस्नुभएको थियो । आफूले जवाफ दिनुपर्ने जिज्ञासा नसोधिएपछि वडा नम्बर ९ का वडाध्यक्ष प्रकाश श्रेष्ठ पनि कार्यक्रम नसकिई हिँड्नुभएको थियो ।
Banner
युरोकप फुटबलमा स्पेनसँग इटाली पराजित, इङ्ल्यान्ड र डेनमार्कको खेल बराबरी
युरोकप फुटबलमा स्पेनले इटालीलाई हराएको छ। गएराति भएको समूह ‘बी’ को खेलमा स्पेनले इटालीलाई १–० गोलले हराएको हो । योसँगै स्पेनको २ खेलमा ६ अङ्क भएको छ भने इटालीको २ खेलमा ३ अङ्क मात्र भएको छ ।
यस्तै युरो कप २०२४ को आफ्नो दोस्रो खेलमा इङ्ल्यान्डले डेनमार्कसँग अङ्क बाँडेको छ । फ्रांकफर्ट एरिनामा गएराति भएको खेलमा इङ्ल्यान्डले डेनमार्कसँग १–१ को बराबरी खेल्दै अङ्क बाँडेको हो । पहिलो खेलमा सर्बियालाई १–० ले हराएको इङ्ल्यान्डले डेनमार्कसँग भने बराबरी खेलेको हो ।
योसँगै इङ्ल्यान्डको २ खेलमा ४ अङ्क भएको छ । डेनमार्क र स्लोभेनियाको समान २ खेलमा समान २ अङ्क नै छ भने सर्बियाको १ अङ्क छ । यसअघि हिजै भएको खेलमा सर्बिया र स्लोभेनियाले १–१ को बराबरी खेलेका थिए ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद5 years ago
रंगशालाको अवलोकन
-
मुख्य5 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login