विराटचोकः मोरङको सुन्दरहरैंचास्थित विराटचोकमा भएको नेपाल कम्युनिष्ट पार्टी नेकपाको नगरस्तरीय प्रशिक्षण कार्यक्रमलाई आज सम्बोधन नेकपा नेता योगेश भट्टराईले ओलीको कटु आलोचना गरे ।
इन्द्रपर जेसीज मङ्गलस्मृति प्रतिष्ठानको सभाहलमा भएको प्रशिक्षण कार्यक्रममा बोल्ने नेताहरु प्रधान्मन्त्री केपी शर्मा ओलीको कदमविरुद्ध खनिएका थिए ।
कार्यक्रमको प्रमुख अतिथि रहेका पूर्व मन्त्री नेकपा स्थायी कमिटी सदस्य योगेश भट्टराईले प्रधानमन्त्रीले जनताको रगत र पसिनाबाट बनेको प्रतिनिधिसभा विघटन गरेर असंवैधानिक कार्य गरेको प्रति ओलीको कटु आलोचना गरे ।
अहिले प्रधानमन्त्रीले चुनाव गराएर दुई तिहाइ बहुमतको सरकार बनाउँछु भन्नु हुँदाखाँदाको सन्तान मारेर अर्को सन्तान जन्माउँछु भन्नुजस्तै भएको उनको भनाइ थियो ।
‘संविधानमा हुुँदै नभएको अधिकारलाई अदालतले ल्याप्चे लगाउँछ भन्ने सोच्दै नसोचौँ’, उनले भने, ‘नेताहरुले गरेका बदमासीपूर्ण कामलाई सच्याउने दायित्व अदालतको हो ।’
नेता भट्टराईले प्रधानमन्त्रीले निमोठेको संसद फागुनको पहिलो साता अदालतले पुनस्र्थापना गर्ने बताए । त्यसप्रछि प्रधान्मन्त्रीले राजनीतिबाट सन्यास लिनुपर्ने उनको तर्क थियो । प्रचण्ड र नेपालले नेतृत्व गरेको समूह नै नेकपाको आधिकारिक समूह भएको उनले बताए ।
कार्यक्रममा नेकपाका नेता इन्द्र आङ्बो, केन्द्रीय सदस्य अजम्मर कन्दङ्वा र महेश रेग्मीलगायतले सम्बोधन गरेका थिए ।
सम्बन्धित समाचारः
हाम्रो आन्दोलन सत्ता प्राप्तिका लागि मात्रै होइनः योगेश भट्टराई
You must be logged in to post a comment Login