कोशी प्रदेश
गछिया जेसीजको सातौँ पदस्थापन सम्पन्न
विराटचोकः गछिया जेसीजको सातौँ पदस्थापन समारोह आज सम्पन्न भएको छ । कार्यक्रममा सन् २०२१ को लागि अध्यक्ष चयन भएका रबिन सिटौलालाई सन् २०२० का अध्यक्ष मनोज रेग्मीले चेन प्रदान गरेर पदस्थापन गराएका थिए । त्यसपछि रेग्मीले सिटौलालाई शपथ ग्रहण गराएका थिए ।

कार्यक्रममा जेसीजका गतिविधि समाचारको माध्यममार्फत् प्रकाशन गरेकोमा निष्पक्ष खबर डट कमलाई कदर पत्रले सम्मान गरिएको थियो । त्यस्तै, जेसीजका पूर्व अध्यक्षहरुले स्थापना गरेका विभिन्न पुरस्कार पनि जेसीज सदस्यलाई प्रदान गरिएको थियो ।
गछिया जेसीजका संस्थापक अध्यक्ष दुर्गाप्रसाद घिमिरेले स्थापना गरेको दयानिधि–देवका घिमिरे सम्मान लक्ष्मण दाहाललाई प्रदान गरिएको थियो । सन् २०१६ का अध्यक्ष लक्ष्मी न्यौपानेले स्थापना गरेको दुर्गा न्यौपाने स्मृति उत्कृष्ट युवा पुरस्कार नवराज पोखरेललाई प्रदान गरिएको थियो ।

सन् २०१७ का अध्यक्ष अमिष ढकालले स्थापना गरेको पुरस्कार मनोज रेग्मीलाई प्रदान गरिएको थियो ।
सन् २०१८ का अध्यक्ष नेत्रप्रसाद दुलालले स्थापना गरेको विमलाकुमारी दुलाल स्मृति उत्कृष्ट कार्यक्रम संयोजक पुरस्कार नवीन बराललाई प्रदान गरिएको थियो ।
सन् २०१९ का अध्यक्ष बोधराज रिजालले स्थापना गरेको नारायणप्रसाद रिजाल स्मृति पुरस्कार शान्तिराम श्रेष्ठलाई प्रदान गरिएको थियो ।
त्यस्तै, कोरोनाको संक्रमणको जोखिमका कारण गरिएको लकडाउनको समयमा गछिया जेसीजले सञ्चालन गरेको चुलो बाल्ने अभियानका क्रममा सहयोग गर्ने बोधराज कन्स्ट्रक्सन, आशा नेपाल, सञ्जीव सत्याललगायत दर्जनभन्दा बढी व्यक्ति तथा संस्थालाई सम्मान गरिएको थियो । सो अभियान जेसीजले भदौ १३ गतेदेखि २८ गतेसम्म सञ्चालन गरेको थियो ।

कार्यक्रमलाई सम्बोधन गर्दै जेसीज अध्यक्ष रेग्मीले कोरोनाको संक्रमणको जोखिमका कारण आफ्नो कार्यकालमा भर्चुअल विधिबाट तालीम दिइएको बताए । स्थानीय निकाय र विभिन्न संघसंस्था तथा व्यक्तिको सहयोग र समन्वयमा गरिएको चुलो बाल्ने अभियान प्रभावकारी भएको उनले बताए ।
सुन्दरहरैंचा नगरपालिकाका प्रमुख शिवप्रसाद ढकालको प्रमुख आतिथ्यतामा भएको कार्यक्रममा उपप्रमुख धनमाया तामाङ, कार्यपालिका सदस्यहरु, वडाध्यक्षहरु, गछिया जेसीजका पूर्व अध्यक्षहरु, मोरङ, सुनसरी, झापा र धनकुटाका जेसीजका शाखाका प्रतिनिधिलागयत उपस्थित थिए ।

Banner
एमालेमा उम्मेदवारी शुल्क : अध्यक्षलाई १५ हजार, केन्द्रीय सदस्यलाई ५ हजार
नेकपा एमालेमा उम्मेदवारी दर्ताका लागि शुल्क निर्धारण गरिएको छ, जसमा अध्यक्षका लागि १५ हजार, अरु पदाधिकारीका लागि १० हजार र केन्द्रीय सदस्यका लागि ५ हजार रुपैयाँ उम्मेदवारी दर्ता शुल्क तोकिएको छ ।
सबै पदको फारमका लागि १ सय रुपैयाँ तोकिएको छ । आजै उम्मेदवारी दर्ताको समय तोकिएको छ । भोलि बिहान ११ बजेबाट नेतृत्व चयनका लागि मतदान हुँदै छ ।
Banner
साफ महिला क्लब च्याम्पियनशिपको उपाधिका लागि एपीएफ र इस्ट बङ्गाल खेल्ने
साफ महिला क्लब च्याम्पियनशिपको उपाधिका लागि नेपालको लिग विजेता एपीएफ क्लब र भारतको लिग विजेता इस्ट बङ्गाल एफसी खेल्ने भएका छन् । लिग चरणका दुई खेल बाँकी छँदै एपीएफ र इस्ट बङ्गाल उपाधिका लागि खेल्ने भएका हुन् ।
काठमाण्डौको त्रिपुरेश्वरमा रहेको दशरथ रङ्गशालामा हिजो भएको पहिलो खेलमा एपीएफले पाकिस्तानको कराँची सिटी एफसीलाई १–० गोलले हरायो । यस्तै हिजै बेलुका भएको दोश्रो खेलमा इस्ट बङ्गालले बङ्गलादेशको नसरिन स्पोर्टस एकेडेमीलाई ७–० गोलले हरायो ।
लगातार ३ खेलमा अपराजित इस्ट बङ्गाल ९ अङ्कसहित तालिकाको शीर्ष स्थानमा छ । समान खेलमा २ जीत र १ बराबरीसहित एपीएफ ७ अङ्क जोड्दै दोश्रो स्थानमा छ । एपीएफले पहिलो खेलमा बङ्गलादेशको नसरिन स्पोट्र्स एकेडेमीलाई ४–० गोलले हराएको थियो भने दोस्रो खेलमा भूटानको ट्रान्सपोर्ट युनाइटेडसँग गोलरहित बराबरीमा रोकिएको थियो ।
एपीएफले लिग चरणको अन्तिम खेलमा इस्ट बङ्गाल एफसीसँग पर्सि बुधवार खेल्नेछ । दक्षिण एशियाली फुटबल महासङ्घ (साफ) ले पहिलो पटक आयोजना गरेको च्याम्पियनशिपमा ५ सदस्य राष्ट्रको लिग विजेता सहभागी छन् । सिङ्गल राउन्ड रोबिनपछि शीर्ष २ टोलीेले फाइनल खेल्नेछन् ।
Banner
सहयोगी मनद्वारा गछिया आधारभूत विद्यालयका ९८ विद्यार्थीलाई न्यानो स्विटर वितरण
जाडोको चिसो बढ्दै गएका बेला मोरङको गछिया आधारभूत विद्यालयमा अध्ययनरत ९८ जना विद्यार्थीलाई ‘सहयोगी मनहरु सामाजिक संस्थाले न्यानो स्विटर वितरण गरेको छ।
आइतबार आयोजित कार्यक्रममा संस्थाका अध्यक्ष भीम अधिकारीले विद्यार्थीहरूलाई स्विटर हस्तान्तरण गर्दै शिक्षासँगै बालबालिकाको स्वास्थ्य र सुरक्षामा पनि ध्यान दिनुपर्ने आवश्यकता औंल्याउनुभयो। उहाँले यस्ता सामाजिक अभियानले समुदायमा सकारात्मक सन्देश प्रवाह गर्ने विश्वास व्यक्त गर्नुभयो।
विद्यालय प्रशासनले संस्थाको सहयोगप्रति आभार व्यक्त गर्दै यस्ता कार्यक्रमले विद्यार्थीहरूको नियमित उपस्थिती र मनोबल बढ्ने जनाएको छ। स्थानीय अभिभावकहरू पनि संस्थाको पहलप्रति खुशी देखिएका छन्।
सहयोगी मनहरु’ संस्थाले आगामी दिनमा पनि शिक्षा, स्वास्थ्य र सामाजिक सेवाका क्षेत्रमा सहयोग निरन्तर गर्ने जनाएको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने













Pingback: गछिया जेसीजको कार्यक्रममा मेयरले भने, ‘गछियाको विकासको नेतृत्व जेसीजले लिनुपर्याे’ - निष्पक्ष