कोशी प्रदेश
सुन्दरहरैंचामा बन्ने भयो प्रदेशस्तरीय अस्पताल
विराटचोकः सरुवा रोगको उपचारको लागि सुन्दरहरैंचामा प्रादेशिक सरुवा रोग अस्पताल बन्ने भएको छ । आज संघीय सरकारका संस्कृति, पर्यटन तथा नागरिक उड्ययन मन्त्री भानुभक्त ढकालले अस्पतालको शिलान्यास गरे ।
शिलान्यास समारोहलाई सम्बोधन गर्दै मन्त्री ढकालले प्रदेशस्तरीय अस्पताल सुन्दरहरैंचामा बन्नु सामान्य विषय नभएको बताए । मंसिर १५ गते देशभर ३ सयभन्दा बढी अस्पताल शिलान्यास हुँदा यो अस्पताल पनि शिलान्यास गर्ने तयारी भए पनि प्राविधिक कारणले कठिनाइ भएको उनको भनाइ थियो ।
५० बेडको सो अस्पतालका लागि संघीय सरकारले चालु आर्थिक वर्षमा ८ करोड रुपैयाँ विनियोजन गरेको र जम्मा २५ करोड रुपैयाँ संघीय सरकारले दिने उनले बताए । बीपी कोइराला स्वास्थ्य विज्ञान प्रतिष्ठानको स्वामित्वमा रहेको १५ बिघा जग्गामा अस्पताल बन्ने भएकाले ५० वर्षका लागि प्रदेश सरकारले जग्गा भाडामा लिएको र प्राविधिक पक्षको जिम्मा प्रतिष्ठानले लिने गरी सम्झौता भएको उनको भनाइ थियो ।
आफू कानुन मन्त्री र स्वास्थ्य मन्त्री हुँदा तुलनात्मक रुपमा धेरै काम गरेको बताउँदै उनले अहिले पर्यटन मन्त्री हुँदा पनि धेरै राम्रा काम गर्न चाहिरहेको बताए ।
विशिष्ट अतिथि राष्ट्रिय सभाका सांसद रमेशजंग रायमाझीले अस्पताल शिलान्यास हुनुमात्रै ठूलो कुरा नभएको बताउँदै कार्यान्वयन महत्वपूर्ण विषय भएको बताए ।
विशिष्ट अतिथि प्रदेशका सामाजिक विकासमन्त्री हिक्मत कार्कीले प्रदेश सरकार र प्रतिष्ठानबीच सहकार्य भएकाले अस्पताल सञ्चालनमा कुनै समस्या नहुने बताए । संघीय सरकारले दिएको बजेट अपुग भएमा प्रदेश सरकारले पनि थप सहयोग गर्ने उनले प्रतिबद्धता जनाए ।
प्रदेश सांसद राजकुमार ओझाले अस्पताल मात्रै नभएर उत्कृष्ट ल्याब सञ्चालन गर्नुका साथै औषधी उत्पादनमा पनि ध्यान दिने बताए ।
प्रदेश सरकारका प्रमुख सचिव दिनेश भट्टराईले अस्पताल सञ्चालनका लागि छुट्टै समिति प्रदेश सरकार र बीपी कोइराला स्वास्थ्य विज्ञान प्रतिष्ठानबीच समन्वय गरेर बनाइने बताए । यस सम्बन्धमा प्रतिष्ठान र प्रदेश सरकारबीच हस्ताक्षर भइसकेको उनले बताए ।
कार्यक्रमका सभापति बीपी कोइराला स्वास्थ्य विज्ञान प्रतिष्ठानका उपकुलपति डा. ज्ञानेन्द्र गिरीले १ वर्षभित्रमा अस्पताल बनिसक्ने प्रतिबद्धता व्यक्त गरे ।
सुन्दरहरैंचाका मेयर शिवप्रसाद ढकालले ठूला शहरभन्दा बाहिर यस्ता ठूला योजना बन्नाले पछाडि पारिएको क्षेत्रको पनि विकास हुने बताए ।
सामाजिक विकास मन्त्रालयका सचिव गोविन्द कार्कीले कार्यक्रम सञ्चालन गरेका थिए ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login