शेयर
आमहड्तालको दिन पनि शेयर बजारले बनायो सूचक र पूँजीकरणमा रेकर्ड
विराटचोकः नेकपाको दाहाल नेपाल समूहले आज आम हड्ताल गरे पनि शेयर बजार बढ्दा नेप्से सूचक र बजार पूँजीकरणले नयाँ रेकर्ड बनाएका छन् ।
प्रि ओपनमा बढे पनि त्यसपछि केही समय तीव्र गतिका साथ घटेको बजार पछि सम्हालिएको थियो । बन्द हुने समयमा भने नेप्से ८.३४ अंकले बढेर २४७५.२६ अंकमा बन्द भएको छ । राम्रा र बलिया कम्पनीको सूचक सेन्सेटिभ इन्डेक्स पनि १.६८ अंक बढेर ४५४.०२ बिन्दुमा पुगेको छ ।
बजार बढे पनि कारोबार रकम भने घटेको छ । ७ अर्ब ६१ करोड ५० लाख ७१ हजार ९३ रुपैयाँको कारोबार भएको बजारमा नेप्सेमा सूचीकृतमध्ये २ सय १ कम्पनीका १ करोड ८७ लाख १९ हजार ३ सय ८७ कित्ता शेयर किनबेच भएका थिए । नेपाल पुनर्बीमा कम्पनीको सर्वाधिक २७ करोड ५३ लाख ८२ हजार ६ सय ७० रुपैयाँको कारोबार भएको छ । डिप्रोक्स लघुवित्तको २४ करोड ६ लाख तथा ग्लोबल आईएमई बैंकको २० करोड ५६ लाख २२ हजार रुपैयाँको कारोबार भएको छ ।
नेप्से उपसमूहमा रहेका १२ समूहमध्ये ६ वटामा हरियाली छाउँदा व्यापार समूह साढे ४ र लघुवित्त समूह साढे ३ प्रतिशतले उकालो लागेका छन् । जलविद्युत् समूह १ दशमलव ९२, उत्पादनमूलक समूह १ दशमलव ३९, निर्जीवन बीमा ० दशमलव ६१ र अन्य समूह ० दशमलव ०८ प्रतिशत बढेका छन् ।
होटल समूह सबैभन्दा धेरै ०.९९ तथा वित्त समूह ०.९८ प्रतिशतले ओरालो लागेका छन् । बैंकिङ समूह ० दशमलव ४३, जीवन बीमा समूह ० दशमलव ३८, विकास बैंक ० दशमलव २५ र सामुहिक लगानी कोषमा ० दशमलव १ प्रतिशतले गिरावट आएको छ ।
आज १० वटा लघुवित्त र ५ वटा जलविद्युत् समूहका कम्पनीको शेयर १० प्रतिशतले बढेको छ । सूर्योदय लघुवित्त, समिट लघुवित्त, जनउत्थान सामुदायिक लघुवित्त, महुली सामुदायिक लघुवित्त, नेशनल माइक्रोफाइनान्स, उन्नति सहकार्य लघुवित्त, सपोर्ट माइक्रोफाइनान्स, किसान लघुवित्त, ग्रामीण विकास लघुवित्त, सिनर्जी पावर, माउन्टेन हाइड्रो, राधी हाइड्रो, पाँचथर पावर कम्पनी, स्वाभिमान लघुवित्त र वरुण हाइड्रोपावरको शेयरमूल्य १० प्रतिशतले बढेको हो ।
केही दिनदेखि लगातार १० प्रतिशत हाराहारीमा शेयरमूल्य बढिरहेको प्रभु लाइफ इन्स्योरेन्सको शेयर मूल्य सबैभन्दा धेरै साढे ३ प्रतिशतले घटेको छ । कर्पाेरेट डेभलपमेन्ट बैंकको शेयरमूल्य पनि ३ प्रतिशत घटेको छ ।
बजार बढेसँगै समग्र बजार पूँजीकरण पनि बढेर ३३ खर्ब ३४ अर्ब ६ करोड ३३ लाख ३६ हजार ८ सय ९८ रुपैयाँ कायम भएको छ ।
Facebook Comment
आज संविधान दिवस मनाइँदै छ । २०७२ असोज ३ गते संविधान सभाबाट संघीयतासहितको ‘नेपालको संविधान’ जारी भएको दिनको स्मरण गर्दै संविधान दिवसलाई राष्ट्रिय दिवसको रुपमा मनाउने गरिन्छ ।
दिवसको अवसरमा हरेक वर्ष विशेष समारोह आयोजना हुँदै आएको छ । विशेष समारोहमा राष्ट्रपति, उपराष्ट्रपति, प्रधानमन्त्री, प्रधानन्यायाधीश, प्रतिनिधि सभाका सभामुख, राष्ट्रिय सभाका अध्यक्षलगायत उच्च पदस्थ व्यक्तिहरु सहभागी हुने गर्दछन्
प्रदेश सरकार, स्थानीय सरकारका साथै गणतन्त्रवादी राजनीतिक दलहरु, विभिन्न संघसंस्था र नागरिकस्तरमा पनि छुट्टाछुट्टै कार्यक्रमको आयोजना गरेर संविधान दिवस मनाउने गरिन्छ । दिवसको अवसरमा नेताहरुले शुभकामना सन्देश पनि जारी गरेका छन् ।।
नेपाली कांग्रेस केन्द्रीय निर्वाचन समितिले आज र भोलि हुने वडा तहको अधिवेशनमा उत्साहपूर्वक सहभागी हुन पार्टीका क्रियाशील सदस्य तथा सबै तहका नेता, कार्यकर्तालाई आग्रह गरेको छ ।
नेपाली कांग्रेस केन्द्रीय कार्यसमितिको निर्णयअनुसार यही असोज १६ देखि १९ गतेसम्म काठमाडौँमा हुने १५औँ केन्द्रीय महाधिवेशनअन्तर्गत वडा तहको निर्वाचन कार्यक्रम असोज ३ र ४ गतेदेखि सुरु हुँदैछ ।
समितिका सदस्य सचिव राजु कटुवालले विज्ञप्ति जारी गरी वडा तहको निर्वाचन सम्पन्न गर्न ७७ वटै जिल्लामा निर्वाचन अधिकृत खटिएर कार्यप्रारम्भ गरिसकेको बताएका छन्।
जिल्ला निर्वाचन अधिकृतले जिल्ला तह तथा स्थानीयस्तरका पार्टीका जिम्मेवार पदाधिकारी र सदस्यसँग निर्वाचनसम्बन्धी व्यापक छलफल गर्नुका साथै वडा तहमा मतदान अधिकृत खटाउनेलगायतका कार्य सम्पन्न गरिसकेको विज्ञप्तिमा उल्लेख छ ।
समितिले कुनै पनि अफवाह र भ्रामक कुरामा नलागी असोज ३ र ४ गते हुने वडा अधिवेशन प्रक्रियामा उत्साहपूर्वक सहभागी भई निर्वाचन प्रक्रियामा भाग लिन सम्पूर्ण क्रियाशील सदस्य तथा पार्टीका सबै तह र निकायलाई हार्दिक अनुरोध गरेको छ ।
नेपाली कांग्रेसको वडा तहको अधिवेशनका लागि ७७ वटै जिल्लामा निर्वाचन अधिकृत खटिएका छन् ।
कांग्रेस केन्द्रीय निर्वाचन समितिका अनुसार ३ र ४ असोजमा हुने वडा तहको निर्वाचनका लागि जिल्ला निर्वाचन अधिकृतहरूले आफ्नो कार्य प्रारम्भ गरिसकेका छन् ।
उनीहरूले जिल्ला तह तथा स्थानीयस्तरका पार्टीका जिम्मेवार पदाधिकारी र सदस्यसँग निर्वाचन प्रक्रियाबारे छलफल गर्नुका साथै वडा तहमा मतदान अधिकृत खटाउनेलगायतका काम सम्पन्न गरेका छन् ।
समितिका सदस्य सचिव राजु कटुवालका अनुसार कांग्रेसको १५औँ केन्द्रीय महाधिवेशन १६ देखि १९ असोजसम्म हुँदै छ । महाधिवेशनअन्तर्गत वडा तहको निर्वाचन कार्यक्रम ३ र ४ असोजमा हुँदै छ ।
केन्द्रीय निर्वाचन समितिले निर्वाचन प्रक्रियाबारे फैलिन सक्ने अफवाह तथा भ्रममा नपरी वडा अधिवेशनमा सहभागी हुन सम्पूर्ण क्रियाशील सदस्य तथा पार्टीका सबै तह र निकायलाई आग्रह गरेको छ ।
कटुवालले विज्ञप्तिमार्फत ३ र ४ असोजमा हुने वडा अधिवेशनमा उत्साहपूर्वक सहभागी भई निर्वाचन प्रक्रियामा भाग लिन आग्रह गरेका हुन् ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login