विराटचोकः नेपाल स्टक एक्सचेन्जले सूचीकृत समूहहरुको हेरफेर गर्नुका साथै एउटा समूह थपेको छ । अन्य समूहमा रहेका ८ कम्पनीहरुमध्ये ४ वटालाई ‘लगानी समूह’ बनाई नयाँ समूहमा राखिएको छ । होटल समूहको नाम परिवर्तन गरी होटेल्स तथा पर्यटन समूह बनाइएको छ । यस समूहमा साबिकका होटल समूहका सूचकका साथै हालै आईपीओ सूचीकृत भएको चन्द्रागिरि हिल्सलाई समावेश गरिएको छ ।

नयाँ बनेको लगानी समूहमा नागरिक लगानी कोष, हाइड्रो इलेक्ट्रिसिटी इन्भेष्टमेन्ट एण्ड डेभलपमेन्ट कम्पनी ( एचआइडीसीएल), नेपाल इन्फ्रास्ट्रक्चर बैंक र एनआरएन इन्फ्रास्ट्रक्चर एण्ड डेभलपमेन्ट कम्पनी परेका छन् ।

हाल नेप्सेमा २ सय १८ वटा कम्पनी सूचीकृत छन् । अब नेप्से, सेन्सेटिभ, सेन्सेटिभ फ्लोट, १३ उपसमूहसहित विभिन्न १६ वटा परिसूचकमा नेप्सेले सूचक गणना गर्ने भएको छ ।

विराटचोकः आज पाउण्ड स्टर्लिङ, अस्ट्रेलियन डलर र साउथ कोरियन वनको विनिमय दर घटेको छ ।

बाँकी सबै विदेशी मुद्राको विनिमय दर बढेको छ ।

नेपाल राष्ट्र बैंकका अनुसार यस्तो छ आज फागुन १५ गतेका लागि निर्धारण भएको विदेशी मुद्राको विनिमय दरः

विराटचोकः आज दिनभर ‘मेरो शेयर’ को वेबसाइट तथा एप नचल्दा लगानीकर्तामा क्लोज आउटको जोखिम बढेको आशंका गरिएको छ ।

सीडीएससी एण्ड क्लियरिङले आईपीओको रिजल्ट निजी अनलाइन मिडियालाई नदिएपछि अधिकांश लगानीकर्ताले रिजल्ट हेर्न एकै पटक ‘मेरो शेयर’ लग इन गर्नाले प्रयोगकर्ताको भार थाम्न नसकेर सो साइट नखुलेको हो । जसका कारण लगानीकर्ताले आईपीओको रिजल्ट हेर्न त पाएनन् नै कतिपय लगानीकर्ता क्लोज आउटमा पर्ने सम्भावना पनि बढेर गएको छ ।

बुधबार शेयर बिक्री गरेका लगानीकर्ताले बेचेको शेयर एडीआईएसमार्फत् आजसम्ममा ब्रोकरको खातामा शेयर ट्रान्सफर गरिसक्नुपर्ने हुन्छ । आजसम्म शेयर ट्रान्सफर नगरेमा कारोबार रकमको २० प्रतिशत जरिवाना तिर्नुपर्ने हुन्छ, जसलाई क्लोज आउट भनिन्छ । कतिपय लगानीकर्ताले शेयर बेचेकै दिन राति शेयर ईडीआईएस गरेका हुन्छन् भने कतिपयले भोलिपल्ट वा पर्सिपल्ट गर्छन् । बुधबार यदि कसैले शेयर बेचेको र सोही दिन वा हिजो ईडीआईएस नगरेको भए क्लोज आउटमा पर्ने सम्भावना बढेको हो ।

आज देखिएको समस्यालाई समाधान गरी ईडीआईएस गर्ने म्याद थपिएन भने लगानीकर्ता क्लोज आउटमा पर्ने निश्चित छ ।