खेलकुद
राष्ट्रिय तेक्वान्दो प्रतियोगिताका लागि प्रदेशबाट खेल्ने खेलाडी छनोट
विराटचोकः यही फागुन २८ र २९ गते हुने राष्ट्रिय तेक्वान्दो प्रतियोगितामा प्रदेश नम्बर १ बाट खेल्ने खेलाडी आज छनोट गरिएको छ ।
इटहरी स्थित कबिर माविको प्राङ्गणमा प्रदेशभरका २ सय खेलाडीमध्येबाट प्रतियोगिताका लागि खेलाडी छनोट गरिएको हो । फाइटतर्फ १२ इभेन्ट र पुम्सेतर्फ ६ इभेन्ट्समा प्रदेश नम्बर १ का खेलाडीले प्रतिष्पर्धा गर्ने भएका छन् । प्रतियोगितामा सातै प्रदेश, नेपाल स्कुल स्पोर्टस् फेडेरेसन र आयोजक गरी ९ टिमले सहभागिता जनाउने भएका छन् ।
प्रदेश नम्बर १ बाट महिला जुनियर ३० देखि ३५ केजी तौल समूहबाट पथरीकी अनिसा राई र कबिर मावि इटहरीकी पवित्रा श्रेष्ठले प्रतिष्पर्धा गर्ने भएका छन् ।
३५ देखि ४० कजी तौल समूहमा क्रिम्सन डोजाङ सुनसरीकी दीपा राई र ब्राइट फ्युचर मावि सुन्दरहरैंचाकी ऋषिका भुजेलले भाग लिने भएका छन् ।
४० देखि ४५ केजी तौल समूहमा बालसदन एकेडेमी मोरङकी जेसिका खनाल र न्यु पाथीभरा डोजाङ झापाकी कुसुम लिम्बूले खेल्ने भएका छन् ।
त्यस्तै, पुरुष जुनियरअन्तर्गत ३५ देखि ४० केजी तौल समूहबाट लक्ष्मीमार्ग डोजाङका मनोज बस्नेत र ब्राइट फ्युचर डोजाङका लेनिस श्रेष्ठ भिड्ने भएका छन् ।
४० देखि ४५ केजी तौल समूहबाट लाइटिङ स्कुल धनकुटाका चेतनाथ पन्त र लेटाङ डोजाङ मोरङका निरज राई सहभागी हुने भएका छन् ।
४५ देखि ५० केजी तौल समूहबाट पशुपति डोजाङ सुनसरीका प्रसन्न तिम्सिना र ब्राइट फ्युचर सेकेण्डरी मोरङका सागर जोगीले खेल्ने भएका छन् ।
महिला सिनियरअन्तर्गत ४७ केजी तौलभन्दा तलको समूहबाट लक्ष्मीमार्ग डोजाङ मोरङकी सबिता तामाङ र पकली मावि सुनसरीकी रेजिना चौधरीले प्रतिष्पर्धा गर्ने भएका छन् ।
४७ देखि ५१ केजी तौल समूहमा देउराली डोजाङ पाँचथरकी एलिना धमला र क्रिम्सन डोजाङ सुनसरीकी मलिस्का लावती सहभागी हुने भएका छन् ।
५१ देखि ५५ केजी तौल समूहमा क्रिम्सन डोजाङ सुनसरीकी रक्षा मगर र विराटनगरकी नमिरा शेखले खेल्ने भएका छन् ।
त्यस्तै, सिनियर पुरुषतर्फ ५४ केजीभन्दा कम तौल समूहबाट लाइटिङ स्कुल मोरङका सरज राई र ज्योति मावि सुनसरीका आकाश चौधरी भिड्ने भएका छन् ।
५४ देखि ५८ केजी तौल समूहबाट लक्ष्मीमार्ग डोजाङका अभिषेक भट्टराई र अल्टिमेट डोजाङ चैनपुर संखुवासभाका अनुप राई सहभागी हुने भएका छन् ।
५८ देखि ६३ केजी तौल समूहबाट सुकुना डोजाङ मोरङका बुद्धि तामाङ र ज्योति मावि सुनसरीका आर्यन माझीले भाग लिने भएका छन् ।
राष्ट्रिय तेक्वान्दो संघ प्रदेश नम्बर १ का सचिव सूर्य दंगालका अनुसार पुम्सेतर्फको छनोट भने भोलि आइतबार हुने भएको छ ।
Facebook Comment
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
मोरङको सुन्दरहरैंचास्थित गछिया बजार खेल मैदानमा बिहीबार भएको अन्तिम क्वार्टरफाइनल खेलमा राष्ट्रिय जागृति क्लबले झापाको दमक फुटबल एकेडेमीलाई २–० ले पराजित गर्दै प्रथम गछिया गोल्डकप अन्तर्राष्ट्रिय आमन्त्रण फुटबल प्रतियोगिताको सेमिफाइनलमा प्रवेश गरेको छ।
जागृतिका लागि प्रवेश बस्नेतले खेलको ११औँ मिनेटमा गोल गर्दै अग्रता दिलाए। त्यसपछि ३९औँ मिनेटमा योगेन्द्र कार्कीले दोस्रो गोल जोडेर टिमको जित सुनिश्चित गरे।
विजयी टिमका योगेन्द्र कार्की ‘प्लेयर अफ द म्याच’ घोषित भए र उनले नगद ५ हजार १ सय रुपियाँ प्राप्त गरे।
बिहीबारको खेलसँगै प्रतियोगिताको सेमिफाइनल समीकरण पूरा भएको छ। पहिलो सेमिफाइनल शुक्रबार सिराहाको सहलेस फुटबल क्लब र गाईघाट युनाइटेडबीच हुने छ।
दोस्रो संस्करणको नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। पहिलो खेल ११:४५ बजे पोखरा एभेन्जर्स र काठमाण्डु गोर्खाज र अपराह्न ४ बजे सुदूरपश्चिम रोयल्स र चितवन राइनोजबीच हुँदैछ। दुवै खेल त्रिभुवन विश्वविद्यालय अन्तर्राष्ट्रिय क्रिकेट रङ्गशालामा हुनेछन्। पोखराका कप्तान कुशल भुर्तेल हुन् भने काठमाण्डुका कप्तान करण केसी हुन्। पोखराको नेतृत्व कुशल मल्लले गरेका छन् भने सुदूरपश्चिमको कप्तानीमा दीपेन्द्रसिंह ऐरी छन्। आजको खेलमा दुई कुशलसँग करण र दीपेन्द्रले प्रतिस्पर्धा गर्ने देखिन्छ। पाँच खेलबाट चार अङ्क मात्र जोडेको पोखरालाई प्लेअफको सम्भावना जीवित राख्न जित्नै पर्ने दबाब छ। काठमाडौँले भने छ खेलबाट आठ अङ्क जोडेको छ। प्लेअफमा पुगिसकेको सुदूरपश्चिम र प्लेअफको बाटोमा रहेको चितवन आमनेसामने हुनेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login