नेकपा एमाले सुन्दरहरैंचा नगर कमिटीका उप सचिव डिल्ली ढकालले आसन्न दोस्रो नगर अधिवेशनमा नगर अध्यक्ष पदमा उम्मेदवारी दिने घोषणा गरेका छन्। लामो समयदेखि पार्टी संगठनमा सक्रिय भूमिका निभाउँदै आएका ढकालले पार्टीप्रति निष्ठा, इमान्दारिता र नेतृत्व क्षमताका आधारमा आफ्नो उम्मेर्द्वारी अघि सारेका हुन्।

पार्टी भित्र ‘कर्तव्यनिष्ठ र अनुशासित युवा विच लोकप्रिय नेताका रूपमा परिचित ढकाल सुन्दरहरैंचामा र सशक्त संगठनकर्ता मानिन्छन्। उनले हालसम्म पार्टीको विभिन्न तहमा जिम्मेवारी सम्हाल्दै स्थानीय संगठनलाई सुदृढ बनाउने कार्यमा अग्रणी भूमिका निभाउँदै आएका छन्।

उम्मेदवारीको सन्दर्भमा प्रतिक्रिया दिँदै ढकालले भने, “संगठनलाई थप एकीकृत, अनुशासित र जनमुखी बनाउने लक्ष्यसहित म अध्यक्ष पदमा उम्मेदवारी दिन लागेको हुँ।”

एमालेको दोस्रो नगर अधिवेशन नजिकिंदै गर्दा नेताहरूको सक्रियता बढ्दै गएको छ भने कार्यकर्ताहरूभित्र नयाँ नेतृत्व चयनको उत्साह पनि देखिएको छ। चैत्र २८ गते एमाले सुन्दरहरैंचाको दोस्रो नगर अधिवेशन हुँदैछ ।

जेसिआइ इन्द्रपुर र पाथीभरा स्वतन्त्र महिला समाजको संयुक्त आयोजनामा बेकरी तथा मिठाइ बनाउने तालिम सफलतापूर्वक सम्पन्न भएको छ। उक्त तालिममा ५० भन्दा बढी सहभागीहरूले विभिन्न प्रकारका केक, कुकीज र परिकारहरू बनाउन सिकेका छन्, जसले उनीहरूलाई व्यवसायिक तथा घरेलु उत्पादनमा सक्षम बनाउने अपेक्षा गरिएको छ।

तालिमका प्रशिक्षकहरूले बेकरी उद्योगमा आवश्यक पर्ने आधारभूत ज्ञान, सामग्रीको प्रयोग, उचित तापमान व्यवस्थापन जस्ता महत्वपूर्ण पक्षहरूमा प्रशिक्षण दिएका थिए। सहभागीहरूले प्रत्यक्ष अभ्यास गर्दै स्वादिष्ट परिकारहरू तयार पार्ने अवसर पाए।

जेसिआइ इन्द्रपुरका अध्यक्ष आकास दुलाल का अनुसार, यो तालिम महिलाहरूलाई आत्मनिर्भर बनाउने उद्देश्यका साथ आयोजना गरिएको थियो। यस्तै, पाथीभरा स्वतन्त्र महिला समाजकी अध्यक्ष योजना शर्मा ढकाल ले स्थानीयस्तरमा सीपमूलक तालिमहरू निरन्तर सञ्चालन गर्ने प्रतिवद्धता व्यक्त गरेकी छिन्।
कार्यक्रम सफलताका लागि प्रशिक्षक, सहभागी र आयोजकहरूलाई धन्यवाद दिँदै जेसिआइ इन्द्रपुरले आगामी दिनमा यस्तै व्यावसायिक सीप अभिवृद्धि गर्ने कार्यक्रमहरू ल्याउने योजना रहेको जानकारी दिएको छ।

अमेरिकामा राष्ट्रपति डोनाल्ड ट्रम्पविरुद्ध प्रदर्शन भइरहेको छ । राष्ट्रपतिका रूपमा ट्रम्पले आफ्नो दोस्रो कार्यभार सम्हालेपछि पहिलोपटक मानिसहरू ठूलो संख्यामा उनीविरुद्ध सडकमा उत्रिएका हुन् ।

अन्तर्राष्ट्रिय मिडियाहरूले जनाएअनुसार ट्रम्पविरोधी यो प्रदर्शन अमेरिकाका सबै ५० वटै राज्यमा फैलिएको छ । अमेरिकीहरूले यो प्रदर्शनलाई ‘ह्यान्डस अफ’ नाम दिएका छन् । उनीहरूले यसलाई मानिसहरूको मामिलामा ट्रम्पले दखल नदिउन् भन्ने रूपमा अर्थ्याएका छन् ।

प्रदर्शनकारीहरूले सामाजिक तथा आर्थिकलगायत थुप्रै मुद्दामा ट्रम्पको निर्णयमा अनसन्तुष्टि जनाएका छन् ।

ट्रम्पले लगालग कर लगाउन थालेपछि अमेरिकाबाहिर पनि उनको नीतिको विरोध भइरहेको छ । लन्डन, पेरिस, तथा बर्लिनमा पनि यसबारेमा सभाहरू आयोजना भएका छन् । यसले ट्रम्पविरोधी प्रदर्शन अमेरिकामा मात्र सीमित नरहेर युरोपसम्म फैलिएको देखाउँछ ।

ट्रम्पले ५७ देशमाथि कर लगाउँदा अमेरिकीहरू पनि यसबाट पीडित बनेका छन् । करका कारण महँगी बढ्न सक्ने चिन्ताले अमेरिकीहरूलाई सताएको छ । अर्कातर्फ करकै कारण मन्दी हुन सक्ने आशंका पनि गरिएको छ ।

मानिसहरूको आक्रोश ट्रम्पमा मात्र सीमित नरहेर एलन मस्कसम्म पुगेको छ । जर्मनीको फ्र्याङ्कफर्टमा बस्ने अमेरिकीहरूले ट्रम्प र मस्कविरुद्ध र्‍याली निकालेका छन् । बर्लिनमा पनि मस्कको कम्पनी टेस्लाको शोरुमबाहिर सयौँले प्रदर्शन गरेका छन् ।

बर्लिनमा प्रदर्शनकारीहरूले एक प्लेकार्ड बोकेका थिए । जसमा लेखिएको थियो- सटअप एलन मस्क, हामीले तिमीलाई भोट दिएका होइनौँ ।

त्यस्तै एउटा ककुरलाई कपडा लगाइदिइएको थियो जसमा लेखिएको थियो- हामी डगी (डीओजीई) को विपक्षमा छौँ ।

यसका अलावा पेरिस, लिस्बन जस्ता शहरहरूमा पनि ट्रम्प र मस्कविरुद्ध प्रदर्शन भइरहेको छ । उनीहरूले स्वाभिमानी अमेरिकीहरू शर्मनाक भएको सन्देश दिने प्लेकार्ड बोकेका थिए ।

हजारौँ संघीय कर्मचारीहरूलाई कामबाट हटाउने, सामाजिक सुरक्षा प्रशासनको क्षेत्रीय कार्यालय तथा विभिन्न एजेन्सीहरू बन्द गर्ने, प्रवाशीहरूलाई देश निकाला गर्नेलगायतमा अमेरिकीहरूले विरोध जनाएका छन् । त्यस्तै स्वास्थ्य वित्त पोषणमा कटौती गरेकोमा पनि उनीहरूले ट्रम्प र मस्कको आलोचना गरेका छन् ।

सरकारी दक्षता विभागको प्रमुखका रूपमा आएदेखि नै मस्कले अनुदान कटौती, कर्मचारी हटाउनेलगायतका कार्य गर्दै आएका थिए । जसका कारण अमेरिकीहरू उनीप्रति आक्रोशित बनेका हुन् ।