कोशी प्रदेश
खोला छेउमा रहेको अस्थायी शौचालयमा शौच गर्ने धेरै, सार्वजनिक शौचालयमा न्यून
विराटचोकः पूर्वपश्चिम राजमार्गमा पर्ने मोरङको सुन्दरहरैंचाको मालती पुलको पश्चिम दक्षिणमा सिमलको रुख छ । त्यस ठाउँमा दैनिक सयौँ गाडी रोकिने गर्दछन् । खासगरी त्यहाँ रोकिनेमा मोटरसाइकलहरु बढी हुने गर्छन् । सो ठाउँमा टिनको पाताले रुखलाई घेरा लगाएर ‘विशेष ठाउँ’ बनाइएको छ । त्यहाँ रोकिने मानिस टिनको पाताले रुखलाई बेरेर बनाइएको शौचालयमा शौच गरेर गन्तव्यतिर लाग्ने गर्छन् ।
सो ठाउँको उत्तरतर्फ ‘सान्त्वना खाजा घर’ रहेको छ । परिवारसहित बसेका धनबहादुर श्रेष्ठले सो खाजाघर सञ्चालन गरेका हुन् । उनलाई ‘यहाँ कसले अस्थायी शौचालय बनाएछ’ भनेर सोध्दा आफूले नै सो शौचालय बनाएको बताए । ‘तपाईलाई सुन्दरहरैंचामा करोडौ लगानी गरेर अत्याधुननिक शौचालय बनाएको थाहा छ भनेर उनलाई प्रश्न गर्दा आफूलाई थाहा नभएको बताए ।
उनी भन्छन्, ‘मलाई थाहा छैन । यहाँ त खुला ठाउँमा आफ्नै पसलतिर फर्केर मानिसले पिसाब गर्न थालेकाले तथा घरमा र पसलमा महिला आमा दिदीबहिनी पाहुनाहरुलाई असहज लागेकाले टिनले बारेर शौचालय बनाइदिएँ ।’ आफू र परिवारलाई लाजै लाग्न थालेकाले बाटो हिँड्नेको पनि उद्दारै होस् भनेर अस्थायी शौचालय बनाएको उनले सुनाए ।
‘आफ्नो लाज ढाक्न पनि यस्तो सेवा गर्नुपर्यो,’ हाँस्दै उनी सुनाउँछन्, ‘अहिले यहाँ करीब ५ सयको हाराहारीमा मानिसले पिसाब गर्छन् । यहाँ उज्यालो भएदेखि रातिसम्म नै मानिसले पिसाब फेरिरहेका हुन्छन् ।’
न्यून संख्यामा छन् सार्वजनिक शौचालयमा जाने
यता ५ महिना पहिले सुन्दरहरैंचा र सलकपुरमा सञ्चालनमा आएका अत्याधुनीक सुविधासम्पन्न शौचालयमा भने दैनिक १० देखि १२ जना मात्र जाने गरेको पाइएको छ । करोडौ खर्च गरेर बनाइएको शौचालयमा भन्दा खुला ठाउँमा शौच गर्न जानेको संख्या धेरै छ । सलकपुरमा रहेको शौचालयको रेखदेख गर्ने सुनिता मल्लिकका अनुसार दिनमा ९० देखि १ सय रुपैयाँ संकलन हुन्छ । शनिबार बजारको दिन भएको हुनाले अलि धेरै मानिसहरु शौचालयमा आउने उनले बताइन् ।
उनका अनुसार शौचालय सञ्चालन भएपछि ३ महिना सम्म निःशुल्क शौच गर्न पाइने समयमा भने बजारका प्रायः सिटी सफारी चालक, अटो चालक सधैँ शौच गर्न त्यहाँ जाने गरेका थिए । अहिले शौच गरेको शुल्क लाग्न थालेपछि उनीहरु कोही पनि नआएको उनले सुनाइन् । यस्तै, कतिपय मानिस शौच गर्न आउने तर आफूले चन्दा दिएको पैसाले बनाएको शौचालय भएको हुनाले किन पैसा तिर्ने भन्दै हिँड्ने गरेको पनि उनले सुनाइन् ।
सो अत्याधुनिक शौचालयमा साबुनपानी, टिस्यु पेपर, टावल, बस्ने सोफा, पत्रपत्रिका पढ्ने कक्ष, धूमपान गर्ने कक्षका साथै सैलुन पनि रहेको छ । तर पनि मोटरसाइकल चालकहरु भने खुला क्षेत्रमा नै शौच गरिरहेका भेटिन्छन् । सार्वजनिक शौचालयमा पिसाब फेरेको ५ रुपैयाँ, दिसा गरेको १० रुपैयाँ र रिफ्रेस भएको १५ रुपैयाँ शुल्क राखिएको छ । गत माघ १० गतेदेखि शुल्क लिन थालिएको उनले जनाइन् ।
सम्बन्धित समाचार
युरोपियन मापदण्डमा बनेका अत्याधुनिक शौचालय भोलि उद्घाटन हुँदै, यस्ता छन् विशेषता
सुन्दरहरैंचाको विराटचोक र सलकपुरका सार्वजनिक शौचालयको उद्घाटन
Facebook Comment
नेपाली कांग्रेसको आसन्न नगर अधिवेशनलाई लक्षित गर्दै सुन्दरहरैँचा नगर उपसभापति पदमा कमल ढुङ्गाना ‘कुन्दन’ले उम्मेदवारी घोषणा गरेका छन्।
ढुङ्गाना हाल नेपाल तरुण दलको कार्यवाहक सभापतिको जिम्मेवारीमा छन् भने गछिया जेसीजका अध्यक्षसमेत हुन्। लामो समयदेखि सामाजिक तथा युवा क्षेत्रमा सक्रिय ढुङ्गाना युवामाझ लोकप्रिय मानिन्छन्।
सरल स्वभाव, लगनशीलता र नेतृत्व क्षमताका कारण युवापंक्तिमा आफ्नो छुट्टै पहिचान बनाएका ढुङ्गानाले पार्टी संगठनलाई थप सुदृढ बनाउँदै युवाको सहभागिता र नेतृत्व विकासलाई प्राथमिकता दिने बताएका छन्।
नगर उपसभापतिको उम्मेदवारीसँगै ढुङ्गानाले पार्टीभित्र युवाको सक्रिय सहभागिता बढाउने, संगठनलाई जनमुखी बनाउने तथा कार्यकर्ताबीचको सम्बन्धलाई थप मजबुत बनाउने आफ्नो उद्देश्य रहेको बताएका छन्।
सरकारले १० भदौमा आएको विनाशकारी रसुवा बाढीलाई ‘हिमालयन सुनामी’ नामकरण गरेको छ । सरकारले त्यही नामबाट संयुक्त राष्ट्रसंघको महासभामा सम्बोधन गर्ने अन्तर्राष्ट्रिय सम्बन्ध तथा पर्यटन समितिको बैठकमा उक्त नाम सुनाएका हुन् ।
संयुक्त राष्ट्रसंघीय महासभामा जानुअघि समितिलाई भ्रमणबारे जानकारी गराउँदै मन्त्री खनालले भने, ‘अहिलेको जुन बाढी छ, मैले सुनामी भन्ने गरेको छु– हिमालयन सुनामी । जुन डिजास्टर अनुभव गरियो, जसले पछिल्लो समय कम्तीमा पनि २०/२५ वर्षदेखि बनाइराखेको समृद्धिको न्यारेटिभमा नै धक्का पुर्याएको छ,’ उनले भने ।
१० भदौमा भोटेकोसीमा आएको बाढीले रसुवा, धादिङ, नुवाकोटमा सबैभन्दा बढी प्रभावित बनाएको छ । रसुवा र नुवाकोटमा भएको क्षति भने निकै बढी छ । बस्ती नै बगाएका कारण कम्तीमा पनि १० हजार नागरिक बेपत्ता भएको अनुमान छ । विभिन्न जलविद्युत् आयोजनादेखि अन्य संरचनाहरूमा पनि क्षति पुर्याएको छ ।
लाङटाङ लिरुङ हिमालमा भएको विस्फोटपछि तिब्बतको ल्हेन्दे खोला हुँदै भोटेकोसीमा बाढी आएको थियो ।
सरकार अहिले पनि उद्धारमा सक्रिय छ । उक्त विपत्पछि सरकारले संयुक्त राष्ट्रसंघमा जलवायु परिवर्तनका कारण नेपालले क्षति व्यहोर्नुपरेको आवाज उठाउँदै छ । त्यस क्रममा सरकारले क्षतिपूर्तिको माग दाबी गर्ने तयारीसमेत गरेको छ ।
उक्त तयारीका लागि परराष्ट्रमन्त्री खनाल महसभामा जाने तयारीमा छन् । साथै, प्रधानमन्त्री वालेन्द्र शाह ‘बालेन’ ६ असोजमा महासभामा भाग लिन अमेरिका जाने तयारी छ । उनले ८ असोजमा सम्बोधन गर्ने तयारी छ ।
नेपालले पहिलोपटक घरेलु मैदानमा टेस्ट मान्यता प्राप्त राष्ट्र बंगलादेशविरुद्ध ऐतिहासिक अन्तर्राष्ट्रिय टि-२० शृंखला खेल्ने भएको छ। नेपाल क्रिकेट संघ (क्यान) र बंगलादेश क्रिकेट बोर्ड (बिसीबी) को संयुक्त आयोजनामा मार्च २०२७ मा तीन खेलको टि-२० अन्तर्राष्ट्रिय शृंखला सञ्चालन हुन लागेको हो।
त्रिभुवन विश्वविद्यालय (टियु) क्रिकेट मैदान, कीर्तिपुरमा आयोजना हुने उक्त शृंखलाका खेल वि.सं. २०८३ चैत १२, १४ र १६ गते ( सन् २०२७ मार्च २६, २८ र ३०) मा खेलिनेछन्। नेपाली टोलीले घरेलु मैदानमा कुनै टेस्ट राष्ट्रसँग द्विपक्षीय शृंखला खेल्न लागेको यो पहिलो अवसर हो।
यो शृंखला नेपालमा हालै गएको विनाशकारी बाढी तथा पहिरोमा ज्यान गुमाएका पीडितको स्मृतिमा समर्पित गरिनेछ। यसका साथै बंगलादेश क्रिकेट बोर्डले नेपालको महिला क्रिकेट, उमेर समूहका टोली, उच्च प्रदर्शन कार्यक्रम (हाई पर्फर्मेन्स) तथा प्राविधिक क्षमता अभिवृद्धिमा समेत सहयोग गर्ने प्रतिबद्धता जनाएको छ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login