Banner
बेलबारी साना शहरी खानेपानीको चुनावका लागि ३ दलको गठबन्धन
विराटचोकः बेलबारी साना शहरी खानेपानी तथा सरसफाइ उपभोक्ता संस्थाको नयाँ नेतृत्व चयनका लागि ३ दलीय गठबन्धनले पत्रकार सम्मेलन गरी आफ्नो प्रतिबद्धता सार्वजनिक गरेको छ ।
चैत ७ गते शनिबार हुने निर्वाचनका लागि नेपाली कांग्रेस, नेकपा माओवादी केन्द्र र जनता समाजवादी पार्टीले गठबन्धन गरी ४ पदमा उम्मे्दवारी दिएका छन् । बाँकी ५ पदमा भने सर्वसम्मत रुपमा सञ्चालक चयन भएका छन् । निर्वाचनमा अध्यक्ष, कोषाध्यक्ष र खुला सदस्य २ जनाका लागि मतदान हुँदैछ ।
गठबन्धन अन्तर्गत अध्यक्षमा कांग्रेसकी रुक्मिणी धिमाल, उपाध्यक्षमा जनता समाजवादीका केशव घले, सचिवमा माओवादी केन्द्रका जगतबहादुर क्षेत्री र कोषाध्यक्षमा डिल्लीराज गिरी (उत्तम)ले उमेद्वारी दिएका छन् । खुला सदस्यमा कांग्रेसका प्रेमबहादुर गुरुङ र गणेश बस्नेतले उम्मेद्वारी दिएका छन् ।
पत्रकार सम्मेलनमा गठबन्धनबाट अध्यक्षकी उमेद्वार रुक्मिणी धिमालले आफ्नो प्राथमिकता सहितको प्रतिबद्धता प्रस्तुत गरिन् । आफू वर्तमान कार्यसमितिमा रहेकी हुनाले सोही अनुभवलाई संस्थाको हितमा कार्यन्वयन गर्ने उनको भनाइ थियो ।
आफूले पहिलो प्राथमिकता वडा नम्बर ३ मा रहेको खानेपानीको समस्यालाई लिएको उनले बताइन् । संस्थालाई सक्रिय बनाउन र सदस्यलाई जागरुक बनाउन तालीम, गोष्ठी, अन्तरक्रियालगायतका कार्यक्रमलाई जोड दिने उनले बताइन् ।
चुनाव प्रचार प्रसार समितिका सहसंयोजक पर्शुराम सुवेदीको अध्यक्षतामा भएको कार्यक्रममा नेपाली कांग्रेसका महासमिति सदस्य नगेन्द्रप्रसाद जमरकट्टेल, जनता समाजवादी पार्टीका नगर अध्यक्ष तिलक राई, माओवादी केन्द्रका तिलकप्रसाद राईलगायतले आफ्नो धारणा राखेका थिए । कार्यक्रममा निर्विरोध सबै पदाधिकारी उपस्थित भएर यही गठबन्धनलाई आफूहरुको समर्थन रहेको जनाएका थिए ।
संस्थाका सञ्चालक समितिको महिला सदस्यमा माओवादी केन्द्रकी शर्मिला लुङ्गेली, जनता समाजवादीकी बबिता राई र कांग्रेसकी सीतादेवी बास्तोला निर्विरोध चयन भइसकेका छन् । त्यस्तै, उपाध्यक्ष पदमा केशव घले र जगतबहादुर क्षेत्री पनि निर्विरोध निर्वाचित भइसकेका छन् ।
अध्यक्ष पदका लागि रुक्मिणी धिमाल र खेमप्रसाद गौतम, कोषाध्यक्ष पदका लागि तोषित सुवेदी र डिल्लीराज गिरी तथा २ जना छानिने सदस्य पदका लागि प्रेमबहादुर गुरुङ, प्रकाशकुमार भण्डारी र गणेश बस्नेतले उम्मेद्वारी दिएका छन् ।
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: बेलबारी खानेपानीमा रुक्मिणी धिमालको संयुक्त प्यानल विजयी - निष्पक्षखबर