शेयर
नेप्से लगातार दोस्रो दिन उच्च अंकले बढ्यो, नबिल बैंकले किन्ने हल्लासँगै बंगलादेश बैंकको उच्च कारोबार
विराटचोकः झण्डै १ महिनाअघिदेखि ओरालो लागेको शेयर बजार हिजो र आज लगातार २ दिन १ प्रतिशतभन्दा बढीले बढेपछि लगानीकर्ता आशावादी भएका छन् । लगातार १ महिनासम्म बजार घटेपछि लगानीकर्तामा ‘प्यानिक सेल’ को अवस्था देखिएको थियो ।
हिजो ४०.४० अंक अर्थात् १.६८ प्रतिशतले बढेको बजार आज ४२.९५ अंक अर्थात् १.७७ प्रतिशतले बढेको हो । योसँगै नेप्से परिसूचक २४७५.०९ को विन्दुमा अडिँदा सेन्सेटिभ इन्डेक्स पनि ५.५५ अंकले बढेर ४४४.१५ को बिन्दुमा रोकिएको छ ।
आज बजारमा ४ अर्ब ६४ करोड रुपैयाँ बढीको सेयर किनबेच भएको छ।
आज नेप्से उपसमूहमा रहेका १३ वटा समूहमध्ये व्यापार बाहेक बाँकी १२ वटामा हरियाली छाएको छ । सबैभन्दा धेरै होटल तथा पर्यटन समूह ४ दशमलव १० प्रतिशतले बढ्दा उत्पादनमूलक समूह पनि ३ प्रतिशतले बढेको छ । व्यापार समूह १.६ प्रतिशतले घटेको छ ।
नेप्सेमा सूचीकृतमध्ये २ सय १३ कम्पनीका १ करोड १६ लाख ५७ लाख ९ सय ७५ कित्ता शेयर किनबेच भएको छ । ५७ हजार ७ सय ४२ पटक भएको कारोबारमा ४ अर्ब ६६ करोड १७ लाख ९२ हजार १८६ रुपैयाँको शेयर किनबेच भएको छ ।
नेपाल बंगलादेशको बैंकको भाउ बढेर किन भयो उच्च कारोबार
आज नेपाल बंगलादेश बैंकको सर्वाधिक ७७ करोड ३ लाख १८ हजार ७ सय ९० रुपैयाँको शेयर कारोबार भएको छ । नबिल बैंकले सो बैंक किन्ने हल्ला चलेसँगै १० प्रतिशत मूल्य बढेर सो बैंकको उच्च कारोबार भएको थियो । त्यस्तै, नेपाल इन्फ्रास्ट्रक्चर बैंकको २१ करोड ६६ लाख रुपैयाँ र नेपाल लाइफ इन्स्योरेन्सको १३ करोड ४४ लाख रुपैयाँको शेयर कारोबार भएको छ ।
बढेको बजारमा आज ४ वटा कम्पनीको १० प्रतिशतले शेयरमूल्य बढेको छ । युनाइटेड इदी मर्दी हाइड्रोपावर, ग्रीनलाइफ हाइड्रोपावर, चन्द्रागिरि हिल्स र नेपाल बंगलादेश बैंकको शेयरमूल्य १० प्रतिशतले बढेको हो ।
जोशी हाइड्रोपावर डेभलपमेन्टका शेयरधनीहरुले ७ प्रतिशतका दरले सम्पत्ति गुमाएका छन् । त्यस्तै, आँखुुखोला जलविद्युत, दिव्यश्वरी हाइड्रोपावर, खानीखोला हाइड्रोपावर र रैराङ हाइड्रोपावरको शेयर मूल्यमा उच्च गिरावट आएको छ ।
बजार बढेसँगै समग्र बजार पूँजीकरण ३४ खर्ब १६ अर्ब ९१ करोड २४ लाख ७९ हजार ८ सय ५ रुपैयाँ कायम भएको छ ।
Facebook Comment
Banner
चन्द्रमामा ५ देखि ८ गुणा बढी पानी रहेको पाइयो
चन्द्रमामा सोचेभन्दा धेरै पानी रहेको पाइएकाे छ । भारतीय अन्तरिक्ष अनुसन्धान संस्था (इसरो) ले गरेको अध्ययनअनुसार चन्द्रमामा पाँचदेखि आठ गुणा बढी पानी रहेको पाइएको हो । अध्ययनले चन्द्रमाको सतहमुनि धेरै बरफ रहेको र यसलाई आवश्यकताअनुसार निकाल्न सकिने देखाएको भारतीय सञ्चारमाध्यम टाइम्स अफ इन्डियाले जनाएको छ ।
अनुसन्धान संस्था इसरोको स्पेस एप्लिकेशन सेन्टर, आईआईटी कानपुर, युनिभर्सिटी अफ सदर्न क्यालिफोर्निया, जेट प्रोपल्सन ल्याबोरेटरी र आईआईटी–आईएसएम धनबादका वैज्ञानिकहरूले संयुक्त रूपमा यो अध्ययन गरेका खबरमा उल्लेख छ ।
अध्ययनले चन्द्रमाको दुवै ध्रुवमा हिउँको मात्रा पहिलेको अनुमानभन्दा बढी रहेको पत्ता लगाएको छ । इसरोका अनुसार चन्द्रमाको उत्तरी ध्रुवमा दक्षिण ध्रुवको तुलनामा दोब्बर बरफ छ । सतहबाट बरफ बाहिर निकाल्न सकेमा चन्द्रमामा पुग्ने मानिसहरू लामो समयसम्म त्यहाँ रहन सक्ने भन्दै इसरोले यसबाट विश्वका धेरै अन्तरिक्ष एजेन्सीहरू लाभान्वित हुने बताएको छ ।
Banner
आज – २१ बैशाख २०८१ शुक्रवार को राशिफल
मेष
मेष (चु, चे, चो, ला, लि, लु, ले, लो, अ) परिणाममुखी जिम्मेवारी वहन गर्ने समय आएको छ । मठमन्दिरको भ्रमणले काम सम्पन्न गर्न थप ऊर्जा प्रदान गर्नेछ । परोपकारी कार्यमा संलग्न भइनेछ ।
मिथुन
मिथुन (का, कि, कु, घ, ङ, छ, के, को, हा) धार्मिक, सामाजिक महत्त्वको क्षेत्रको भ्रमण हुनसक्छ । दूरदराजमा रहेका आफन्तजनसँग सम्बन्ध कायम हुनेछ । रोकिएका काम पुनः सुरु हुन सक्छ ।
सिंह
सिंह (मा, मि, मु, मे, मो, टा, टि, टु, टे) आजको दिन हाँसखेल र मनोरञ्जनपूर्ण समय हो । शेयर बजारबाट लाभ हुनेछ । परोपकारजन्य कार्यमा लगाव बढ्ने र धन सञ्चयको अवसर प्राप्त हुनेछ ।
तुला
तुला (रा, रि, रु, रे, रो, ता, ति, तु, ते) आज नाताकुटुम्बको आगमन हुने एवं परिवारमा नयाँ सदस्य थपिन पनि सक्ने सम्भावना छ । आफूसँग भएको क्षमता प्रदर्शन गर्ने अवसर पनि जुट्ला ।
धनु
धनु (ये, यो, भा, भि, भु, धा, फा, ढा, भे) भने कसै सैलाई परदेशी घर फर्कने र घरपरिवारमा र रमाइलो वातावरण छाउनेछ । परोपकारका क्षेत्रमा लगानीको समय छ । हर्ष र प्रसन्नता छाउनेछ ।
कुम्भ
कुम्भ (गु, गे, गो, सा, सि, सु, से, सो, दा) आज भाग्यले साथ दिनेछ । काम देखाएर अरूको मन जित्न सकिनेछ । परोपकार तथा सामाजिक सहयोग आदिमा पनि भूमिका निर्वाह गर्न पाइनेछ ।
बृष
वृष (इ, उ, ए, ओ, वा, वि, वु, वे, वो) आज आफन्त, सहयोगी र मित्रवर्गको सहयोगले महत्त्वपूर्ण कार्य सम्पन्न हुनसक्छ । गोपनीय ढङ्गले गरिएको क्रियाकलापमा सफलता पाउनुहुनेछ ।
कर्कट
कर्कट (हि, हु, हे, हो, डा, डि, डु, डे, डो) आजको दिन सहयोग गर्ने भन्दा आश्वासन बाँड्नेहरू धेरै भेटिनेछन् । आफन्तहरूको सहयोगले कामहरू अगाडि बढ्नेछन् । पुनर्मिलनको योग पनि छ ।
कन्या
कन्या (टो, पा, पि, पु, ष, ण, ठ, पे, पो) वाणीमा कुशलता आउने दिन परेको छ । करियरको क्षेत्रमा मन मिल्ने साथीको सुझावले महत्त्वपूर्ण भूमिका निर्वाह गर्नेछ । यात्रा गर्ने अवसर पनि जुट्नेछ ।
बृश्चिक
वृश्चिक (तो, ना, नि, नु, ने, नो, या, यि, यु) घरायसी वातावरणमा केही असामान्यता देखिन सक्छ । परिवारभित्रका झिनामसिना काममा धेरै समय खर्चनु पर्नेछ । आम्दानीमा पनि कमी आउनेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज बोलीवचन एवं प्रवचन भाषण आदिमा प्रशंसा मिल्नेछ । परोपकारी कार्यमा संलग्न भइनेछ । रचनात्मक कार्यमा जुट्दा फाइदा हुने समय पनि छ ।
मीन
मीन (दि, दु, थ, झ, ञ, दे, दो, चा, चि) आज इज्जत प्रतिष्ठामा दाग लाग्न सक्छ ख्याल गर्नुहोला । आफन्तसँग खिन्नता बढ्नसक्छ । सामाजिक काममा व्यस्त हुने समय पनि रहेको छ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login