शिक्षा / स्वास्थ्य
सामुदायिक विद्यालय नभएको वडा नम्बर १२ मा सुकुना माविको बिस्तारित कक्षा, कक्षा ५ सम्म पढाइ हुने
विराटचोकः सामुदायिक विद्यालयमा विद्यार्थीको सङ्ख्या न्यून भइरहेको अवस्थामा सुकुना माध्यमिक विद्यालयको बिस्तारित कक्षा सञ्चालन हुने भएको छ । यससँगै सामुदायिक विद्यालय नभएको सुन्दरहरैंचाको वडा नम्बर १२ मा सामुदायिक विद्यालय बन्ने पक्का भएको छ ।
अन्य वडामा सामुदायिक विद्यालय भए पनि यो वडामा सामुदायिक विद्यालय थिएन । सुकुना माध्यमिक विद्यालयको जग्गामा नगरपालिका र वडा कार्यालयको बजेटबाट बन्ने भवनको शुक्रबार नगरप्रमुख शिवप्रसाद ढकाल र उपप्रमुख धनमाया तामाङले संयुक्त रुपमा शिलान्यास गरे ।
शिलान्यास कार्यक्रममा बोल्दै सुकुना माध्यमिक विद्यालयका प्रधानाध्यापक लक्ष्मीकुमार श्रेष्ठले सामुदायिक विद्यालय समाजकोे सम्पत्ति भएकाले यसलाई प्रभावकारी र गुणस्तरीय बनाउन सुकुनाको विस्तारित शाखाको रुपमा निर्माण गरी आधारभूत तहसम्मको पढाइ सञ्चालन गरिने बताए ।
सुकुना क्याम्पस व्यवस्थापन समितिका अध्यक्ष केशवप्रसाद अधिकारीले निर्माणकार्य समयमै सम्पन्न गरी नगरको नमूना विद्यालयको रुपमा विकास गरी आवासीय विद्यालय बनाउनुपर्नेमा जोड दिए ।
वडा नम्बर १० का अध्यक्ष राजेन्द्रबहादुर थापाले विद्यालय निर्माण गर्दा इतिहासका धरोहरलाई सम्झनुपर्ने बताउँदै विद्यालय सञ्चालनसँगै आधारभूत कक्षाका विद्यार्थीलाई राजमार्ग उत्तर जानुपर्ने बाध्यता हट्ने बताए ।
वडा नम्बर १२ का अध्यक्ष रोशनप्रसाद ढकालले वडामा सामुदायिक विद्यालय नभएको अवस्थामा आफूले नगरपालिकामा जोडदार कुरा उठाएर विद्यालयको निर्माणका लागि यो अवस्थासम्म ल्याएको बताए ।
६ कोठाको २ तले भवन निर्माणका लागि १ करोड ४ लाख लागत इस्टिमेट भएकोमा चालु आर्थिक वर्षमा ३० लाख विनियोजन भई कार्य शुरु भएको उनले बताए । १ वर्षमा निर्माण सम्पन्न हुुने गरी काम गरिने उनले जानकारी दिए ।
कार्यक्रममा उपप्रमुख तामाङले आम नागरिक सचेत बनाउने विद्यालयको यो वडामा खाँचो भएको अवस्थामा निर्माण कार्य शुरु हुनु सुखद भएको बताइन् ।
नगरप्रमुख ढकालले ७ वटा विद्यालय मर्ज भइसकेको नगरमा यो विद्यालय सञ्चालन भएपछि वडामा आधारभूत विद्यालयको आवश्यकताको माग पूरा हुने बताए । सुन्दरहरैंचाको सुकुना, साजीलाल, शिक्षा निकेतन जस्ता सामुदायिक विद्यालयमा विद्यार्थी र अभिभावकको आकर्षण बढिरहेको उनले बताए ।
आगामी आर्थिक वर्षमा वडा नम्बर १२ मा संकलन हुने राजस्वको आधा रकम सोही विद्यालय निर्माणमा लगानी गर्ने उद्घोष नगरप्रमुख ढकालले गरेका छन् । विद्यालयलाई डिठ्ठा स्वर्गीय रत्नबहादुर खड्काले जग्गा दान गरेका थिए । उनले दान दिएको १० कठ्ठा जग्गामा विद्यालयको भवन बन्न लागेको हो ।
Facebook Comment
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
मोरङको सुन्दरहरैंचास्थित गछिया बजार खेल मैदानमा बिहीबार भएको अन्तिम क्वार्टरफाइनल खेलमा राष्ट्रिय जागृति क्लबले झापाको दमक फुटबल एकेडेमीलाई २–० ले पराजित गर्दै प्रथम गछिया गोल्डकप अन्तर्राष्ट्रिय आमन्त्रण फुटबल प्रतियोगिताको सेमिफाइनलमा प्रवेश गरेको छ।
जागृतिका लागि प्रवेश बस्नेतले खेलको ११औँ मिनेटमा गोल गर्दै अग्रता दिलाए। त्यसपछि ३९औँ मिनेटमा योगेन्द्र कार्कीले दोस्रो गोल जोडेर टिमको जित सुनिश्चित गरे।
विजयी टिमका योगेन्द्र कार्की ‘प्लेयर अफ द म्याच’ घोषित भए र उनले नगद ५ हजार १ सय रुपियाँ प्राप्त गरे।
बिहीबारको खेलसँगै प्रतियोगिताको सेमिफाइनल समीकरण पूरा भएको छ। पहिलो सेमिफाइनल शुक्रबार सिराहाको सहलेस फुटबल क्लब र गाईघाट युनाइटेडबीच हुने छ।
दोस्रो संस्करणको नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। पहिलो खेल ११:४५ बजे पोखरा एभेन्जर्स र काठमाण्डु गोर्खाज र अपराह्न ४ बजे सुदूरपश्चिम रोयल्स र चितवन राइनोजबीच हुँदैछ। दुवै खेल त्रिभुवन विश्वविद्यालय अन्तर्राष्ट्रिय क्रिकेट रङ्गशालामा हुनेछन्। पोखराका कप्तान कुशल भुर्तेल हुन् भने काठमाण्डुका कप्तान करण केसी हुन्। पोखराको नेतृत्व कुशल मल्लले गरेका छन् भने सुदूरपश्चिमको कप्तानीमा दीपेन्द्रसिंह ऐरी छन्। आजको खेलमा दुई कुशलसँग करण र दीपेन्द्रले प्रतिस्पर्धा गर्ने देखिन्छ। पाँच खेलबाट चार अङ्क मात्र जोडेको पोखरालाई प्लेअफको सम्भावना जीवित राख्न जित्नै पर्ने दबाब छ। काठमाडौँले भने छ खेलबाट आठ अङ्क जोडेको छ। प्लेअफमा पुगिसकेको सुदूरपश्चिम र प्लेअफको बाटोमा रहेको चितवन आमनेसामने हुनेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login