कोशी प्रदेश
चानुवामा गाउँभर हाइ भोल्टेज प्रवाह हुँदा करेन्ट लागेर कम्तीमा १५ जना घाइते, १ जनाको मृत्यु (नामसहित)
विराटचोकः करेन्ट लागेर धनकुटाको महालक्ष्मी ४ चानुवामा १ जनाको मृत्यु भएको छ भने कम्तीमा १५ जना घाइते भएका छन् । उनीहरुमध्ये ४ जनाको स्वास्थ्य अवस्था गम्भीर रहेको नगरप्रमुख पर्शुराम नेपालले बताए । घाइते भएका सबैलाई उपचारका लागि बीपी कोइराला स्वास्थ्य विज्ञान प्रतिष्ठान धरान पठाइएको छ ।
नगरप्रमुख नेपालका अनुसार चानुवाको बाघखोर भन्ने स्थानमा रहेको ट्रान्सफरमरमा आगो लागेपछि हाइ भोल्टेज प्रवाह भएको थियो । हावाहुरीले गरेको क्षतिका कारण बिहीबार बेलुकादेखि चानुवामा बिजुली अवरुद्ध थियो । बिहीबार गएको बिजुली आज बिहान साढे ९ बजे आएको थियो । तर केही समयमा नै फेरि बिजुली गएपछि साढे १० बजे दोेस्रो पटक बिजुली आएको थियो । चानुवाको नेवार गाउँ, झिलिमिले, जिमी गाउँ, गैरीगाउँलगायतका बासिन्दालाई करेन्ट लागेको हो ।
साढे १० बजे बिजुली आउँदा हाइ भोल्टेजका कारण घटना भएको स्थानीयलाई उद्धृत गर्दै नगरप्रमुख नेपालले बताए । विद्युत प्रधिकरणले भने घटनाको कारण बताइ नसकेको उनले जानकारी दिए ।
वडाध्यक्ष यज्ञबहादुर चापागाई (भरत) का अनुसार २ दिनदेखि विद्युत अवरुद्ध भएपछि आएको बिजुली पनि तुरुन्तै गएर फेरि आएपछि स्थानीयले विद्युतीय उपकरण चार्ज गर्ने क्रममा करेन्ट लागेको थियो । घाइतेमध्ये अधिकांशलाई मोबाइल चार्ज गर्ने क्रममा करेन्ट लागेको थियो ।
वडाध्यक्ष चापागाईका अनुसार केही टिभीलगायतका अन्य विद्युतीय उपकरण चलाउने क्रममा र केही भने हाइ भोल्टेज आएको थाहा पाएर मेन स्वीच अफ गर्ने क्रममा घाइते भएका थिए । हालसम्म १५ जना घाइते सम्पर्कमा आए पनि धेरै वडावासीको मोबाइल स्वीच अफ भएकाले घाइतेको संख्या बढ्न सक्ने स्थानीयको अनुमान रहेको उनले बताए ।
करेन्ट लागेर ५५ वर्षीय चन्द्र कार्कीको मृत्यु भएको छ । मोबाइल चार्ज गर्ने क्रममा उनलाई करेन्ट लागेर मृत्यु भएको हो ।
त्यस्तै, घाइतेमध्ये ५५ वर्षीया बमकुमारी श्रेष्ठ, ६१ वर्षीय पदमबहादुर श्रेष्ठ, ९ वर्षीया सावित्रा निरौला र ६ वर्षीय लाजिहाङ जिमीलाई उपचारको लागि धरान पठाइएको छ ।
४२ वर्षीया लीलादेवी भण्डारी, २० वर्षीया रमा रोक्का, ४५ वर्षीय यज्ञबहादुर श्रेष्ठ, उनकी छोरी १६ वर्षीया नेत्रा श्रेष्ठ र झिलिमिलेका २३ वर्षीय तारा कटुवाल पनि करेन्ट लागेर घाइते भएका छन् ।
६० वर्षीया मोतीमाया जिमी, १७ वर्षीया सुजा जिमी, १३ वर्षीय सुरेन जिमी, १८ वर्षीया सम्झना लिम्बू, २१ वर्षीया सुषमा शिवा र ४३ वर्षीय उमेश शिवा करेन्ट लागेर घाइते भएका छन् ।
घाइतेमध्ये १० जनालाई धरान पठाइएको र अरुको स्थानीय स्वास्थ्य चौकीमा उपचार भइरहेको बताइएको छ ।
करेन्ट लागेर धनकुटाको महालक्ष्मी ४ चानुवामा कम्तीमा ५ जना घाइते, २ जनाको अवस्था चिन्ताजनक
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login