राजनीति
नेकपा सुन्दरहरैंचाको कार्यकर्ता भेला तथा प्रशिक्षण सम्पन्न
विराटचोकः नेपाल कम्युनिस्ट पार्टी (एमाले) सुन्दरहरैंचा नगर कमिटीले शनिबार कार्यकर्ता भेला तथा प्रशिक्षण कार्यक्रमको आयोजना सम्पन्न गरेको छ ।
नेकपा एमालेका पोलिटब्युरो सदस्य तथा पूर्व सामान्य प्रशासन मन्त्री लालबाबु पण्डितको प्रमुख आतिथ्यतामा कार्यक्रम भएको हो । एमाले नगर अध्यक्ष मातृका ढकालको अध्यक्षतामा आयोजित प्रशिक्षण कार्यक्रममा एमालेका प्रदेश कमिटी सचिव विनोद ढकाल, प्रदेश सरकारका उद्योग, पर्यटन, वन तथा वातावरण राज्यमन्त्री राजकुमार ओझा, प्रदेश कमिटी सदस्य लक्ष्मी फुयाँल, जिल्ला नेताहरु अजम्बर राई, धना तामाङ, केदार गुरागाई, इशान राई, ज्ञानेन्द्र ओझा, बिसनलाल चौधरी, खेम न्यौपाने लगायतको उपस्थिति रहेको थियो ।
कार्यक्रममा बोल्दै प्रमुख अतिथि पण्डितले नेताभन्दा पार्टी माथि हुने भएकाले पार्टीको नीति, सिद्धान्त र निर्देशनलाई सबै नेताले मान्नुपर्ने वताए । माक्र्सवाद सिद्धान्त एउटै भए पनि देश र समाजअनुसार फरक भएको उद्घृत गर्दै उनले नेपाल र चीनबीच तुलना गरे ।
उनले नेपालको संविधानले समाजवादमा पुग्ने लक्ष्य निर्धारण गरिसकेको बताए । राजनीति पेशा नभएकाले सबै नेता कार्यकर्ता श्रमसँग जोडिएर सेवाको रुपमा लाग्नुपर्ने धारणा उनले व्यक्त गरे । उनले अबका दिनमा आफ्नो जिम्मेवारी हस्तान्तरण गर्दै अघि बढ्नुपर्ने र पालुवा फेरिए झैं नयाँ नेता तथा कार्यकर्ता उत्पादन गर्नेतर्फ जोड दिनुपर्ने धारणा राखेका थिए ।
Facebook Comment
Banner
चर्चित गजलकार एवम् गीतकार प्रकट पङ्गेनीको निधन
चर्चित गजलकार एवम् गीतकार प्रकट पङ्गेनीको निधन
पोखराका चर्चित गजलकार एवम् गीतकार प्रकट पङ्गेनी ‘शिव’ को ७० वर्षको उमेरमा निधन भएको छ । स्वास्थ्यमा समस्या देखिएपछि उहाँलाई सोमवार अस्पताल भर्ना गरिएको र मणिपालमा भेन्टिलेटरमा राखेर उपचार भइरहेको थियो ।
Banner
कुम्भ मेलाबाट इटहरी आउँदै गर्दा मोटरसाइकल दुर्घटनामा एक युवकको मृत्यु
सुनसरीको चतरामा जारी कुम्भ मेलामा दर्शन गरेर फर्किदैँ गर्दा मोटरसाइकल दुर्घटना हुँदा एक युवकको मृत्यु भएको छ ।
मृत्यु हुनेमा भोजपुरको षडानन्द नगरपालिका १ नेपालडाँडा घर भएका २२ वर्षीय सुजन गौतम रहेका छन् ।
सोमबार राति प्रदेश १–०२–०४२ प ५०४९ नम्बरको मोटरसाइकल तीव्र गतिका कारण अनियन्त्रित भएर दुर्घटना भएको थियो । प्रहरीका अनुसार बराहक्षेत्र नगरपालिका ५ जमटोकीस्थित बिजुलीको पोलमा ठोक्किएर दुर्घटना भएको थियो ।
श्रोत : टाकुरा निउज
Banner
मिसाइलको चर्को अभाव भएकाले रुससँगको लडाईं कमजोर बन्दै गएको युक्रेनी राष्ट्रपति जेलेनेस्कीको गुनासो
युक्रेनले रुससँगको युद्धमा मिसाइलको चर्को अभाव भएको बताएको छ । गएको महिना कयौँ रुसी हमला विफल बनाएको र रुसमाथि जवाफी आक्रमण गरेको युक्रेनले यो महिनाको शुरुदेखि मिसाइल र हवाई रक्षा प्रणालीको अभाव भएको जनाएको हो ।
मिसाइलको अभाव हुँदा रुसले राजधानी किभ वरपरका सबैजसो पावर प्लान्ट ध्वस्त बनाइरहेको युक्रेनका राष्ट्रपति भोलोदिमिर जेलेन्स्कीले बताएको समाचार संस्था रोयटर्सले जनाएको छ । गएको महिना रुसले १८ सय मेगावाट क्षमताको थर्मल प्लान्ट ध्वस्त बनाइदिएपछि युक्रेनमा उर्जा सङ्कट पनि बढेको छ । सरकारले नागरिकलाई विद्युत बचत गर्न आग्रह गरेको छ ।
जेलेनेस्कीले यो महिनाको शुरुदेखि नै मिसाइल र गोलाबारुदको अभाव रहेको भन्दै अमेरिका र पश्चिमा देशसँग सहयोग माग्नुभएको थियो । तर माग अनुसारका मिसाइल नपाएपछि अहिले युक्रेन कमजोर अवस्थामा पुगेको छ ।
अब यदि रुसले आफ्नो तीव्र गति र लामो दूरीको बमबारी अभियान जारी राख्यो भने अवस्था झनै जटिल बन्ने युक्रेनी राष्ट्रपति जेलेनेस्कीले बताउनुभएको छ । अहिले युक्रेनका पश्चिमी मित्र राष्ट्रहरू युक्रेनमा थप हवाई रक्षा पठाउन अनिच्छुक देखिएका छन् ।
रुसले युक्रेनमाथि विजय प्राप्त गरेमा समग्र युरोप नै खतरामा पर्ने भन्दै युक्रेनले अत्याधुनिक मिसाइल र रक्षा प्रणालीको माग गरिरहेको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login