विराटचोकः मोरङको केराबारी गाउँपालिका वडा नंं.३ स्थित जनप्रतिनीधिकै घरमा श्रीमानको कुटपिट्बाट पिडित भएकी छन् ।

श्रीमान भरत श्रेष्ठले शरिरको सम्बेदनशिल अंग सहित शरिरका विभिन्न भागमा निलडाम र मरणासन्न हुनेगरी विना कारण कुटपिट गरेका हुन् । यसरी दैनिक जसो कुटपीट गर्दा समेत  वडा अध्यक्ष आफना ससुराले कुनै प्रतिक्रिया नदिएको भन्दै पिडित वुहारी नरमाया निरौला श्रेष्ठले न्यायको लागि आफनो आवाज उठाई दिन संञ्चारकर्मी महिला अधिकारकर्मीहरुलाई पत्रकार सम्मेलन गरी आग्रह गरेकी छिन् ।

२०६२ सालमा एकै गाउँमा श्रेष्ठ युवक संग प्रेम विवाह गरेकि थिइन् । बैवाहिक सम्बन्ध पश्चात १५ वर्षका एक छोरा र ९ वर्षकी एक छोरीका साथ केराबारी ३ मा स्थाई बसोबाँस गर्दै आएका श्रीमान भरतले आफूलाई दर्जनौं पटक कुटपिट गरेको भन्दै उनले बुधबार इलाका प्रहरी कार्यालय बेलबारीमा घरेलु हिंसा सम्बन्धि उजुरी दिएकी छिन् ।

घट्ना अनुसार श्रीमान श्रेष्ठले कयौं पटक कुटपिट गर्दापनि आफनो माइती तथा घरपरिवारको इज्जवत प्रतिष्ठाका लागि सहेर बसेको तर वैशाख १ गतेको घट्नाले आफु मृत्युको मूखबाट फर्किएपछि कुटपिट र हिंसा सहेर बस्न नसक्ने भन्दै श्रीमान विरुद्ध उजुरी दर्ता गरेकी छिन् ।

पटक पटक इलाका प्रहरी कार्यालय केराबारीमा कुटपिट सम्बन्धि छलफल र मिलापत्र गरीएको भएपनि मदिरा सेवन गरी आउँने अनि मरणासन्न हुने गरी कुटपिट गर्ने कार्य नरोकिएपछि आफु वर्षैदेखि पिडित बन्नु परेको नरमाया निरौला (श्रेष्ठ) ले बताइन् ।  आफूले प्रेम विवाह गरेकै कारण सासु ससुराले राम्रो नजरले नहेरेको र माइती पक्षमा कसैलाई खवर नगरी सहेर बसेको उनले वताइन् । विवाह गरेकै वर्षबाट यसरी वारम्बार पिटीदैअाएकाे उनी बताउछीन्

उनका ससुरा भक्त श्रेष्ठ वडा नं.३ का वडाध्यक्ष हुन् । तर पटक पटक छोराले कुटपिट गर्दापनि आज सम्म एक शव्द कुनैप्रतिक्रिया दिएका छन् । के कसो छ ? समेत सोधीखोजी नगरेको भन्दै स्थानीयले समेत चिन्ता व्यक्त गरेका छन् ।

घट्नाअनुसार ट्याक्टर चालक रहेका श्रीमानले वैशाख १ गतेका दिन विना कारण मरणासन्न हुने गरी कुटपिट गरे कुटपिट पछि उपचारका लागि लान्छु भन्दै भाई संग मध्यरात घोपा क्याम्प हिडेका श्रीमान् खाजा खान्छु भनेर अस्पताल बाटै फरार भएको पिडित महिलाले बताइन् । उपचार गराउन अस्पताल हिडेका श्रीमान नै फरार भएपछि उपचार गराउन नपाई अस्पतालबाट मध्यरात घर फर्किएको उनले बताइन् ।

यता घट्नाको सम्बन्धमा ओरेक नेपालकी प्रतिनीधि निर्मला लिम्बूले भनिन्, कुटपिटवाट अति सम्बेदनशिल अंगहरुको बाह्य तथा भित्री भागमा पनि चोटपटक र नील डाम देखिएको बताएकी छिन् । उनले न्याय पाउनुपर्छ, लिम्बूले बताइन् ।