खेलकुद
शून्यका विरुद्ध ३ गोल गर्दै आयोजक सुन्दरहरैंचा सेमीफाइनलमा प्रवेश
विराटचोकः सुुन्दरहरैंचाको शुक्रबारे खेल मैदानमा जारी प्रथम सुन्दरहरैंचा मेयर कप फुटबल प्रतियोगिता अन्तर्गत शुक्रबार भएको खेलमा सुन्दरहरैंचा नगरपालिकाले रंगेली नगरपालिकालाई शून्यका विरुद्ध ३ गोल गरी सेमीफाइनलमा प्रवेश गरेको छ ।
खेलको १६ औं मिनेटमा सुन्दरहरैंचा नगरपालिकाको टिमका क्याप्टेन कोमल खवासले गोल गरी आफ्नो टिमको लागि खाता खोलेका थिए ।
त्यस्तै, खेलको ६२ औं मिनेटमा जर्सी नम्बरका १० का खेलाडी वीरेन्द्र लिम्बूले गोल गरेका थिए ।
खेलको ७४ औ मिनेटमा सुन्दरहरैंचाका प्रशान्त राईले थप १ गोल गरी शून्यका विरुद्ध ३ गोल गरी फराकिलो गोल अन्तरले आयोजक सुन्दरहरैंचा सेमीफाइनलमा प्रवेश गरेको हो ।
आजको खेलमा रंगेलीका विरुद्ध सुन्दरहरैंचा आक्रामक रुपमा प्रस्तुत भएको थियो । यद्यपि खेलमा रंगेलीले गोल गर्ने केही अवसर गुमाएको थियो ।
प्रतियोगितामा आयोजक सुुन्दरहरैंचाले विराटनगर महानगरपालिकालाई पराजित गरेको थियो ।
सुन्दरहरैंचाले खेलको ५ औँ, ९ औं, १० औं, १३ औँ, ३३ औँ, ३४ औं, ४७ औँ, ४८ औ, ५० औँ, ५१ औँ, ५२ औ, ५६ औ, ५८ औँ र ६६ औँ मिनेटमा गरेका प्रहारले जाली चुम्न सकेनन् ।
खेलको ४४ औँ मिनेटमा जर्सी नम्बर १० का खेलाडी वीरेन्द्र लिम्बूले गरेको फ्रि किक गोलमा परिणत हुन सकेको थिएन ।
रंगेली नगरपालिकाले खेलको ३७ औ, ४३ औ, ४९ औ, ५९ औँ, मिनेटमा गरेका प्रहारले पनि गोलको दिशा लिन सकेनन् ।
खेलको म्यान अफ द म्याच सुन्दरहरैंचाका टिम क्याप्टेन कोमल खवास घोषित हुँदै नगद २ हजार रुपैयाँ पाए ।
बैशाख ८ गते भएको खेलमा आयोजक सुन्दरहरैंचा नगरपालिकाले विराटनगर महानगरपालिकालाई शूून्यका विरुद्ध २ गोल गरेको थियो । रंगेली नगरपालिका भने बाइ पाएर सिधै सुन्दरहरैंचासँग खेल्न लागेको हो । अब बैशाख १२ गते सुन्दरहरैंचा नगरपालिकाले उर्लाबारी नगरपालिकासँग सेमीफानल चरणको खेल खेल्नेछ ।
भोलिको खेल पथरी र लेटाङ नगरपालिकाबीच हुने आयोजकले जनाएको छ ।
प्रतियोगितामा मोरङका ८ वटा नगरपालिका र एउटा महानगरपालिकाले सहभागिता जनाएका छन् । तीमध्ये लेटाङ, सुनवर्षी, रतुवामाई र विराटनगर प्रतियोगिताबाट बाहिरिइसकेका छन् ।
प्रतियोगिताको फाइनल खेल बैशाख १४ गते सम्पन्न हुनेछ । फाइनलमा विजयी हुनेले ट्रफीका साथमा नगद ३ लाख र उपविजेताले ट्रफीका साथमा नगद १ लाख ५० हजार रुपैयाँ पाउनेछ ।
पूर्व वडा सचिव सम्मानित
कार्यक्रममा वडा नम्बर १२ का पूर्व सचिव अनिल पोखरेललाई सम्मान गरिएको थियो । वडा कार्यालयमा कार्यरत रहँदा सेवाग्राही वडावासीको काममा सहयोग पुर्याएको भन्दै उत्तरोत्तर प्रगतिको कामना गर्दै उनलाई सम्मान गरिएको मेयरकप फुटबल प्रतियोगिताको व्यवस्थापक शुक्रबारे युवा क्लबले जनाएको छ ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login