Connect with us
Advertisement
Advertisement

साताका सात समाचार र तस्बिर (बैशाख ५ गतेदेखि ११ गतेसम्म)

Published

on

विराटचोकः निष्पक्ष खबरले नयाँ वर्षसँगै साताका सात समाचार र तस्बिर स्तम्भ शुरु गरेको छ । यस स्तम्भमा निष्पक्ष खबरमा हरेक दिन प्रकाशित तस्बिरमध्ये उत्कृष्ट १ तस्बिर र सो तस्बिरसँग सम्बन्धित समाचारको अंश साताका सात समाचार र तस्बिरको रुपमा छनोट गरी साताको अन्तिम दिन  पुनः प्रकाशन गरिने छ ।
यी हुन् यस साताका सात समाचार र तस्बिर

उपाधि जितेकोमा खुशी (बैशाख ५)
बेलबारी– ११ स्थित खेल मैदानमा भएको मोरङ जिल्लास्तरीय १२ औं राष्ट्रपति रनिङ शिल्ड प्रतियोगिताको उपाधी सुन्दरहरैँचा नगरपालिकाले जितेपछिको खुशी ।

प्रतियोगितामा सुन्दरहरैँचा नगरपालिकाले १५ स्वर्ण, १३ रजत र २१ कास्य पदक प्राप्त गर्दै उपाधी जितेको थियो ।

विराटनगर महानगरपालिका १४ स्वर्ण, १५ रजत र १२ कास्य पदकका साथ दोस्रो र बेलबारी नगरपालिका ७ स्वर्ण, ५ रजत र १५ कास्यका साथ तेस्रो भएका थिए । तस्बिर सौजन्यः विवेक मिश्र

मेयर कपमा झाँकी (बैशाख ६)
सुन्दरहरैंचा १२ स्थित शुक्रबारे खेल मैदानमा प्रथम सुन्दरहरैंचा मेयर कप फुटबल प्रंतियोगिता सञ्चालन भइरहेको छ ।

मोरङका ८ वटा नगरपालिका र एउटा महानगरपालिकाबीच भइरहेको सो प्रतियोगितामा आज शनिबारदेखि सेमीफाइनल चरणका खेल शुरु भएका छन् । सो प्रतियोगिताको उद्घाटन खेलमा बैशाख ६ गते झाँकी प्रस्तुत गरिँदै । तस्बिरः कृष्णचन्द्र सुवेदी ।

स्नातक तहमा निःशुल्क भर्नाको जानकारी दिँदै (बैशाख ७)
मोरङको बेलबारी नगरपालिकाले बेलबारी बहुमुखी क्याम्पसले स्नातक तहका सबै संकायमा पहिलो वर्षमा भर्ना हुने विद्यार्थीको भर्ना शुल्क तिरिदिने भएको छ ।

सो अभियानमार्फत् कम्तीमा २ सय विद्यार्थीले भर्ना गर्ने अनुमान गरिएको क्याम्पसले जनाएको छ ।

निःशुल्क भर्नाको बारेमा पत्रकार सम्मेलनमार्फत् जानकारी दिँदै मेयर ज्ञानेन्द्र सुवेदी । तस्बिरः खेमचन्द्र अधिकारी ।

 

जनप्रतिनिधिकै घरमा महिला हिंसा (बैशाख ८)
केराबारी गाउँपालिकाको वडा नम्बर ३ की नरमाया निरौला (श्रेष्ठ) आफूमाथि हिंसा भएको भन्दै सञ्चारकर्मी र महिला अधिकारकर्मीसामु आइन् ।

अन्तरजातीय विवाह गरेकी उनलाई पति भरत श्रेष्ठले बारम्बार मरणासन्न हुने गरी पिट्दा पनि आफ्ना ससुरा केराबारी गाउँपालिका वडा नम्बर ३ का अध्यक्ष भक्त श्रेष्ठले छोराकै पक्ष लिने गरेकाले आफूमाथि पतिले बढी अत्याचार गरेको उनले बताइन् ।

बुधबार उनले इलाका प्रहरी कार्यालय बेलबारीमा घरेलु हिंसासम्बन्धी उजुरी दिएकी छिन् । तस्बिरः कृष्णचन्द्र सुवेदी ।

विपन्न परिवारका सुत्केरीलाई वडा कार्यालयद्वारा पौष्टिक आहार प्रदान (बैशाख ९)
सुन्दरहरैंचा नगरपालिकाको वडा नम्बर ३ ले विपन्न परिवारका सुत्केरीलाई लक्षित गरी पौष्टिक आहार तथा आमा र शिशु दुवैलाई कपडा वितरण गर्ने अभियान शुरु गरेको छ ।

वडाध्यक्ष जीवन ढुंगानाका अनुसार वडाले ज्येष्ठ नागरिक सम्मान, गर्भवती पौष्टिक आहार, स्वास्थ्य बीमा कार्यक्रमसहित सुत्केरी महिलाका लागि पौष्टिक आहारका साथै सुत्केरी र शिशुका लागि न्यानो झोला सेट वितरणजस्ता कार्यक्रम गरिरहेको हो । वडा स्वास्थ्य कार्यालयको समन्वयमा यो कार्यक्रम अघि सारिएको वडा कार्यालयले जनाएको छ । तस्बिरः सप्तकोशी अनलाइन ।

कीर्ते नागरिकता बनाई जग्गा नामसारी गर्ने १० जना पक्राउ (बैशाख १० गते)
झापाको बिर्तामोडका स्वर्गीय टुंगबहादुर बस्नेतको नाममा रहेको जग्गा ठगी गर्ने उद्देश्यले नक्कली टुंगबहादुर बस्नेत खडा गरी उनको नाममा रहेको जग्गा ठगी गर्ने गिरोहका १० जनालाई पक्राउ प्रहरीले सार्वजनिक गरेको छ ।

पक्राउ पर्नेमा झापाको बाह्रदशी– ३ का ३९ वर्षीय मंगल सिंह राजवंशी, बाह्रदशी– ५ का ५० वर्षीय लीलाधर राजवंशी, भद्रपुर– ७ का ५२ वर्षीय नवीन कोइराला, गौरीगञ्ज १ का ३७ वर्षीय बलराम बिश्वकर्मा, शिवसताक्षी ८ का ४२ वर्षीय भुपदेव कटुवाल रहेका छन् ।

त्यस्तै, अर्जुनधारा ५ का ५३ वर्षीय लेखनाथ खनाल, बिर्तामोड ४ का ३४ वर्षीय गोविन्द वान्तवा, बिर्तामोड– १० का ७१ वर्षीय देवीप्रसाद पाण्डे, बिर्तामोड– ४ की ३३ वर्षीया रञ्जु राई र मोरङको उर्लाबारी ४ का ४८ वर्षीय राजन विश्वकर्मा रहेका छन् । तस्बिरः प्रदेश प्रहरी कार्यालय, विराटनगर ।

पुनर्निर्मित धरहराको उद्घाटन (बैशाख ११ गते)
प्रधानमन्त्री केपी शर्मा ओलीले आन बैशाख ११ गते पुनर्निर्मित धरहराको उद्घाटन गरेका छन् । सुन्धारामा बिहान आयोजित एक कार्यक्रमका बीच प्रधानमन्त्री ओलीले धरहराको उद्घाटन गरेका हुन् ।

शिलालेख अनावरणपछि लिफ्टबाट २० औं तलामा रहेको बालकोनीमा पुगेर प्रधानमन्त्री ओलीले पुष्पवृष्टि गरेका थिए । २०७२ सालको भूकम्पमा भत्किएको धरहरा राष्ट्रिय पुनर्निर्माण प्राधिकरणले पुनर्निर्माण गरेको हो । धरहरा पुनर्निर्माणको शिलान्यास प्रधानमन्त्री ओलीले २०७५ पुस १२ गते गरेका थिए ।

२२ तले सो धरहरा बाहिरबाट हेर्दा पुरानै डिजाइनको ११ तलेजस्तो देखिए पनि भित्री संरचना भने २२ तले र सुविधासम्पन्न रहेको छ । तस्बिरः सामाजिक सञ्जाल ।

 

 

 

 

 

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

Banner

सुन्दरहरैंचामा होम आइसोलेसनमा बसेकासहित मोरङमा आज ११ संक्रमितको मृत्यु

Published

on

विराटचोकः आज मोरङमा ११ जना कोरोना संक्रमितको मृत्यु भएको छ । होम आइसोलेसनमा ३ जना र अस्पतालमा ८ जना संक्रमितको मृत्यु भएको हो । नोबेल मेडिकल कलेजमा ४, विराट मेडिकल कलेजमा २ जना तथा कोशी अस्पताल र न्युरो अस्पतालमा एक–एक जनाको मृत्यु भएको हो ।

सुन्दरहरैंचा– १२ का ७९ वर्षीय कोरोना संक्रमित पुरुषको आज दिउँसो १२ बजे मृत्यु भएको हो । बैशाख २७ गते पीसीआर परीक्षण गराउँदा कोरोना संक्रमण पुष्टि भएका उनी होम आइसोलेसनमा रहेका थिए ।

त्यस्तै, मोरङको जहदा गाउँपालिका–७ का ६० वर्षीय पुरुषको पनि होम आइसोलेसनमै मृत्यु भएको छ । उनको आज दिउँसो मृत्यु भएको हो ।

उता, विराटनगर –१३ का ५८ वर्षीय पुरुषको पनि होम आइसोलेसनमा मृत्यु भएको छ । उनलाई वैशाख १६ गते कोरोना संक्रमण पुष्टि भएको थियो ।

विराट मेडिकल कलेजमा विराटनगर–९ का ५२ वर्षीय पुरुषको आज बिहान १० बजे मृत्यु भएको छ । उनी बैशाख १३ गते अस्पताल भर्ना भएका थिए ।

सिरहाको लहान–१ का ८० वर्षीय वृद्ध पुरुषको पनि विराट मेडिकल कलेजमै मृत्यु भएको छ । उनी मंगलबार उपचारका लागि अस्पताल भर्ना भएका थिए ।

विराटनगर महानगरपालिका–६ का ३९ वर्षीय पुरुषको बुधबार दिउँसो न्युरो अस्पतालमा मृत्यु भएको छ ।

नोेबेल शिक्षण अस्पतालमा चार जनाको मृत्यु भएको छ । सुनसरीको इनरुवा–१ का ७५ वर्षीय पुरुषको बिहान ३ बजे मृत्यु भएको थियो । सप्तरीकी ५५ वर्षीया महिलाको बिहान ७ बजे र विराटनगर – ९ की ८० वर्षीया महिलाको बिहान ८ बजे मृत्यु भएको थियो ।

नोबेलमै विराटनगर –१० का ४६ वर्षीय पुरुषको पनि मृत्यृ भएको छ । बैशाख २६ गते उनी अस्पताल भर्ना भएका थिए । उनको बिहान ८ बजे मृत्यु भएको थियो ।

उता, कोशी अस्पतालमा विराटनगर–१२ का ८० वर्षीय पुरुषको संक्रमणका कारण ज्यान गएको छ ।

Continue Reading

Banner

सुन्दरहरैंचामा भोलिदेखि निषेधाज्ञा कडा बनाइँदै, औषधी पसलबाहेक सबै व्यवसाय बन्द

Published

on

विराटचोकः कोरोना संक्रमणको दर बढ्दै गएको भन्दै सुन्दरहरैंचा नगरपालिकाले भोलि बैशाख ३० गतेदेखि निषेधाज्ञालाई थप कडा बनाउँदै लाने भएको छ । औषधी पसलबाहेकका सबै व्यवसाय बन्द गर्न नगरपालिकाले अनुरोध गरेको छ ।

नगर प्रमुख शिवप्रसाद ढकालको अध्यक्षतामा नगरपालिका, उद्योग वाणिज्य संघ र स्थानीय प्रहरी प्रशासनको उपस्थितिमा आज बसेको बैठकले सो निर्णय गरेको हो ।

प्रमुख प्रशासकीय अधिकृत डा. कृष्णबहादुर घिमिरेद्वारा जारी सूचनामा जनाइएअनुसार भोलिदेखि औषधी पसल तथा स्वास्थ्य संस्था र क्लिनिकबाहेक सबै प्रकारका व्यवसाय अर्काे सूचना  जारी नभएसम्म सञ्चालन गर्न पाइने छैन । बन्दको अवज्ञा गरी घरबाहिर निस्कने र औषधी पसलबाहेक अन्य व्यवसाय खोल्नेलाई प्रहरीले कडा कारवाही गर्ने सूचनामा जनाइएको छ ।

Continue Reading

Banner

महामारीको समयमा रगतको अभाव कम गराउन सुन्दरदुलारी उद्योग वाणिज्य संघको आयोजनामा रक्तदान

Published

on

विराटचोकः कोरोना महामारीको समयमा रगत संकलन कम हुँदा अस्पतालहरुमा रगतको अभाव हुन थालेपछि सुन्दरदुलारी उद्योग वाणिज्य संघले आज गछियामा रक्तदान कार्यक्रमको आयोजना गरेको छ ।

नेपाल रेडक्रस सोसाइटी सुनसरीको प्राविधिक सहयोगमा भएको कार्यक्रममा ३१ पिन्ट रगत संकलन भएको संघका अध्यक्ष किशोर कार्कीले जानकारी दिए ।

सुन्दरहरैंचामा संक्रमितको संख्या बढ्दै गएको अहिलेको अवस्थामा ब्लड बैंकमा पनि रगतको अभाव हुन थालेपछि कार्यक्रम आयोजना गरिएको बताइएको छ ।

स्वास्थ्य सुरक्षाका सबै मापदण्ड अपनाएर गरिएको स्वास्थ्यकर्मीको समन्वयमा गरिएको कार्यक्रममा उपस्थित रक्तदातालाई कार्यक्रमका प्रमुख अतिथि वडा नम्बर ७ का अध्यक्ष चैतन्यप्रसाद सिटौलाले प्रशंसा पत्र वितरण गरेका थिए ।

https://www.facebook.com/NispakshyaKhabarDotCom/videos/482176216165521

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक