कोशी प्रदेश
गौरादहमा राष्ट्रिय खाद्य बैंकले शुरु गर्याे बृहत कृषि परियोजना
गौरादहः राष्ट्रिय खाद्य बैंकले झापाको गौरादहमा सञ्चालन हुने बृहत् कृषि परियोजनाको शुभारम्भ बैशाख १० गते गरेको छ । कृषिको क्षेत्रमा मात्रै काम गर्ने गरी स्थापित बैंकले देशका सबै जिल्लामा कृषि परियोजना शुरु गर्ने बताएको छ ।
गौरादह नगरपालिकाको वडा नम्बर ७ पुरानो ग्वालडुब्बास्थित ठकठकेमा बैंकले ३५ बिघा जग्गा १० वर्षको लागि लिजमा लिएर परियोजनाको काम अघि बढाएको हो । परियोजनाको बारेमा जानकारी दिँदै बैंकका कार्यकारी अध्यक्ष शंकरनाथ उप्रेतीले बैंकको यो दोस्रंो परियोजना भएको बताए । पाइलट प्रोजेक्टका रुपमा सञ्चालन हुने योजनाअन्तर्गत बर्दियाको गुलरियामा पहिलो परियोजनाको रुपमा ५ हजार बिघामा खेती शुरु गरिएको उनले बताए ।
‘रैथाने बालीको संरक्षण गर्नुका साथै जहाँ जुन जातको बाली बढी फल्छ सोही जातको बाली लगाउने हाम्रो योजना हो’, परियोजनाको बारेमा जानकारी दिँदै उनले भने, ‘बासमती धानलाई शुरुमा प्राथमिकता दिने हाम्रो योजना छ ।’ उत्पादन, भण्डारण र बिक्री सबैको जिम्मा बैंकले नै लिने र १० वर्षपछिको तथ्याङ्कमा सबैभन्दा धेरैलाई रोजगारी दिन सक्ने बैंकको रुपमा यो बैंकलाई चिनाइने उनले बताए ।
‘शुरुमा देशलाई खाद्यान्नमा आत्मनिर्भर बनाउँदै १० वर्षपछि खाद्यान्न निर्यात गर्ने लक्ष्य हाम्रो छ,’ उनले भने, ‘स्थानीय, प्रदेश र संघीय सरकारसँग मिलेर हामी काम अघि बढाउँछौँ ।’ सरकारी नीतिमा कृषिलाई प्राथमिकता दिने भनिए पनि व्यवहारमा त्यस्तो नदेखिएकोमा दुःख लागेको उनको भनाइ थियो ।
कार्यक्रमका प्रमुख अतिथि गौरादह नगरपालिकाका मेयर रोहितकुमार साहले प्राविधिक ज्ञानको कमी एवम् गुणस्तरीइ मल र बीउको अभावमा कृषिमा उत्पादकत्व बढाउन नसकिएको बताए । प्रकृतिक प्रकोपले पनि किसानलाई नै बढी समस्यामा पार्ने जनाउँदै राजस्व र रोजगारी वृद्धि गर्न बैंक सफल होस् भन्ने कामना व्यक्त गरे । गौरादहमा धान, मकै र माछा उत्पादनको राम्रो सम्भावना रहेको उनको भनाइ थियो । किसानले प्रोजेक्ट तयार पारेर अनुदान लिने तर काम नगर्ने, कृषि सहकारीले किसानका समस्या नबुझ्ने गर्नाले कृषि क्षेत्रको विकास हुन नसकेको बताउँदै उनले नगरपालिकाले कृषि क्षेत्रलाई प्राथमिकतामा राखेर काम गर्ने प्रतिबद्धता जनाए ।
विशिष्ट अतिथि गौरादह नगरपालिकाकी उपमेयर गीतादेवी भेटवालले राज्यले कृषिमा देशलाई आत्मनिर्भर बनाउन लिएको नीतिलाई खाद्य बैंकको कार्यक्रमले सहयोग पुग्ने बताइन् । किसानलाई रोजगारीको वातावरण बन्ने देखेपछि आफूलाई यो कार्यक्रम राम्रो लागेको उनले सुनाइन् । गौरादहले पनि कृषिलाई प्रांथमिकतामा राखेकाले बैंकको उद्देश्य पूरा गराउन नगरपालिकाको नीति सहयोगी हुने बताइन् ।
कार्यक्रममा वडा नम्बर २ का अध्यक्ष हेमन्त कार्कीले शुभकामना मन्तव्य व्यक्त गर्दै कृषि माफियाले अनुदानको रकम दुरुपयोग गर्ने गरेकोमा त्यसलाई रोक्न बैंक सफल होस् भन्ने कामना गरेका थिए । कम भूमि भएको देश थाइल्याण्डले खाद्यान्न निर्यात गरिरहँदा बढी कृषियोग्य भूमि भएको नेपालले भने खाद्यान्न आयात गर्नुपर्ने लज्जास्पद अवस्था रहेको उनले बताए ।
कार्यक्रमका सभापति वडा नम्बर २ निवासी डिल्ली सेंढाईँले किसानले पाउने अनुदानमा लोभीपापीले आँखा गाडेको बताए । रासायनिक मलले माटो बिगारेको बताउँदै पहिले आफूले यही क्षेत्रमा १ बिघामा १ सय १५ मन गहुँ र १ सय मनसम्म धान फलाएको सुनाए । धान, मकै र गहुँको उत्पादन धेरै हुने उनको भनाइ थियो ।
कार्यक्रममा माटो तथा वनस्पतिविज्ञ प्रा. डा. चन्द्रप्रसाद पोखरेल, धानबाली विज्ञ भोलामान बस्नेत, बैंकका सञ्चालक ईश्वर लुइँटेललगायत सहभागी थिए ।
Facebook Comment
Banner
इन्टर मिलानले जित्यो इटालियन सिरी ए को उपाधि
इन्टर मिलानले यस सिजनको इटालियन सिरी ए को उपाधि जितेको छ । गएराती सम्पन्न खेलमा एसी मिलानलाई २-१ गोल अन्तरले पराजित गर्दै इन्टर मिलानले यस सिजनको सिरी ए को उपाधि ५ खेल अघि नै जितेको हो ।
इन्टर मिलानको जितमा फ्रान्सिस्को असेरबी र मार्कस थुरामले एक एक गोल गरेका थिए । त्यस्तै एसी मिलानका लागि फिकायो टोमोरीले एक गोल गरेका थिए । यस खेलमा एसी मिलानका २ र इन्टर मिलानका एक खेलाडीले खेलको ९० मिनेटपछि रातो कार्ड पाएका थिए ।
Banner
आज – ११ बैशाख २०८१ मंगलवार को राशिफल
मेष
मेष (चु, चे, चो, ला, लि, लु, ले, लो, अ) आज लाभदायक यात्रा र वैदेशिक कार्य अघि बढ्नेछ । धर्म, कर्म तथा समाजसेवामा मन लाग्नेछ । उपकार गरेर अरुको मन जित्न सकिनेछ ।
मिथुन
मिथुन (का, कि, कु, घ, ङ, छ, के, को, हा) आज स्वास्थ्यमा समस्या आउँदा शरीर भारी र मन अस्थिर रहन सक्छ । मनमा चञ्चलता बढ्नेछ, तर साँझमा शुभ समाचार सुन्नमा आउला ।
सिंह
सिंह (मा, मि, मु, मे, मो, टा, टि, टु, टे) विद्या र बुद्धिको विकास हुनेछ । मङ्गल कार्यको योग छ । पार्टी पिकनिक तथा सेमिनारमा सहभागी भइएला । रोजगारको अवसर पनि मिल्नेछ ।
तुला
तुला (रा, रि, रु, रे, रो, ता, ति, तु, ते) अनावश्यक ठाउँमा धन खर्च हुनेछ । निर्णय कार्यान्वयन हुन सक्दैनन् । मनमा दुबिधा उत्पन्न हुनेछ । बुद्धिले काम नगर्न सक्छ, सचेत रहनु होला ।
धनु
धनु (ये, यो, भा, भि, भु, धा, फा, ढा, भे) आज शुभकार्यको चर्चा चल्नेछ । नयाँ काम वा रोजगार पाइन सक्छ । सामाजिक कार्यमा सफलता मिल्नेछ । जोशजाँगर र हिम्मत पनि बढ्ला ।
कुम्भ
कुम्भ (गु, गे, गो, सा, सि, सु, से, सो, दा) व्यर्थको यात्रामा जान बाध्य भइएला । मन खिन्न हुने स्थिति आउनेछ । नजिक व्यक्तिबाट धोका पाइन सक्छ । पेट सम्बन्धी समस्या आउनसक्छ ।
बृष
वृष (इ, उ, ए, ओ, वा, वि, वु, वे, वो) आज अचल सम्पत्ति हात पर्न सक्छ । धार्मिक कार्यमा रुचि बढ्नेछ । वित्तिय संस्थाबाट सहयोग पाइनेछ । प्रेम र मित्रताको बन्धन कसिने बेला छ ।
कर्कट
कर्कट (हि, हु, हे, हो, डा, डि, डु, डे, डो) रोजगारको अवसर मिल्नेछ । महिला वर्गबाट विशेष सहयोग मिल्नेछ । वित्तिय संस्थाबाट सहयोग पाइनेछ । अरुलाई प्रभावित पारेर काम बन्नेछ ।
कन्या
कन्या (टो, पा, पि, पु, ष, ण, ठ, पे, पो) आज शुभकार्यको चर्चा चल्नेछ । आफन्तसँग भेटघाट रहनेछ । सफल यात्रा र उपहार पाइने सम्भावना छ । मनमा शान्ति पनि पनि छाउला ।
बृश्चिक
वृश्चिक (तो, ना, नि, नु, ने, नो, या, यि, यु) मङ्गल कार्यको योग छ । चिताएको कामले तीव्रता लिनेछ । व्यापार, व्यवसायबाट फाइदा लिन सकिनेछ । महिला मित्रबाट विशेष सहयोग मिल्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) मानसिक चिन्ता बढेपनि कार्यक्षेत्रमा प्रगति हुनेछ । अरुलाई प्रभावित पारेर काम बन्नेछ । कला र गलाको प्रभाव बढ्नेछ । धन पनि हात लाग्न सक्छ ।
मीन
मीन (दि, दु, थ, झ, ञ, दे, दो, चा, चि) बुद्धिको उपयोग गर्दा जटिल ठानिएको कामसमेत सम्पादन हुन सक्नेछ । आयआर्जनका क्षेत्रमा सुधार आउनेछ । बौद्धिकताको विकास हुनेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
आइफोन निर्माण गर्ने कम्पनी एप्पलले आगामी ३ वर्षमा भारतमा ५ लाख मानिसलाई रोजगारी दिने भएको छ ।
आइफोन निर्माण गर्ने कम्पनी एप्पलले आगामी ३ वर्षमा भारतमा ५ लाख मानिसलाई रोजगारी दिने भएको छ । यी कार्यहरू विक्रेता र कम्पोनेन्ट आपूर्तिकर्ताहरू मार्फत उत्पन्न हुनेछन् ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login