शेयर
लगातार तेस्रो दिन नेप्सेले गर्याे रेकर्ड ब्रेक, कारोबार रकममा पनि रेकर्ड ब्रेक, ५ वटा रेकर्ड तोडिए
विराटचोकः लगातार तेस्रो दिन नेप्सेले अलटाइम हाइ रेकर्ड ब्रेक गर्दै गएको छ । बैशाख २ गते बनेको अलटाइम हाइ रेकर्डलाई १ महिनापछि जेठ २ गते नेप्सेले ब्रेक गरेको थियो । शेयर बजार मापक नेप्से परिसूचकले २ गतेको रेकर्ड हिजो ३ गते र ३ गतेको रेकर्ड आज ४ गते ब्रेक गरेको हो ।
५ वटा बने रेकर्ड
आज शेयर बजारमा ५ वटा रेकर्ड कायम भएका छन् । नेप्से परिसूचक, सेन्सेटिभ परिसूचक, कारोबार रकम, बजार पूँजीकरण र शेयर किनबेच भएको संख्याले नयाँ रेकर्ड कायम गरेको हो । नेप्से सूचकले हिजोको रेकर्ड ब्रक गरेको हो भने कारोबार रकमले माघ २६ गतेको रेकर्ड ब्रेक गरेको हो । माघ २६ गते १० अर्ब ६२ करोडको शेयर किनबेच भएको थियो । आज ११ अर्ब ३५ करोड ९३ लाख ६० हजार ९१ रुपैयाँको शेयर किनबेच भएको छ ।
सेन्सेटिभ परिसूचक पनि हिजोको भन्दा ४ दशमलव ६४ अंक अर्थात् शून्य दशमलव ९४ प्रतिशतले बढेर ४ सय ९७ दशमलव २२ अंकमा अडिएको छ । आज २ करोड ३१ लाख ३१ हजार ६ सय १५ कित्ता शेयर किनबेच भएर अर्काे पनि रेकर्ड कायम भएको हो ।
बजार बढेसँगै समग्र बजार पूँजीकरण पनि बढेर ३८ खर्ब ७६ अर्ब ९३ करोड ११ लाख ८ हजार ७ सय ७९ रुपैयाँ कायम भएको छ ।
४३ कम्पनीको शेयरमूल्य १० प्रतिशत बढ्यो
बढेको बजारमा आज ४३ वटा कम्पनीको शेयरमूल्य १० प्रतिशतका दरले बढेको छ । मूल्य बढ्नेमा अधिकांश जलविद्युत कम्पनी छन् भने होटल समूहका कम्पनीको शेयरमूल्य पनि १० प्रतिशतले बढेको छ । सोल्टी होटल, ओरियन्टल होटल, विशाल बजार कम्पनी, नेशनल हाइड्रोपावर, बेस्ट फाइनान्स, मिथिला लघुवित्त, समता लघुवित्तलगायतका कम्पनीको शेयरमूल्य १० प्रतिशतले बढेको छ ।
बढ्दो बजारमा २१ वटा कम्पनीको शेयरमूल्य भने घटेको छ । नेपाल टेलिकम, माथिल्लो तामाकोशी, शिखर इन्स्योरेन्सलगायतको शेयरमूल्य घटेको छ ।
२ सय १५ वटा कम्पनीको १ लाख १५ हजार ९ सय ६१ कित्ता शेयर किनबेच भएको बजारमा प्रशोधन तथा उत्पादनमूलक समूहबाहेक बाँकी सबै समूहको सूचकमा हरियाली छाएको छ । सबैभन्दा धेरै होटल समूह ६ दशमलव १५ प्रतिशतले बढेको छ । फाइनान्स समूह ५ दशमलव ८६ प्रतिशतले बढेको छ । जलविद्युत र विकास बैंक समूह पनि ३ प्रतिशतभन्दा धेरै बढेको छ ।
कारोबार रकम नेपाल पुनर्बीमा कम्पनीले अग्रता लिएको छ । सो कम्पनीको ६७ करोड ९२ लाख ९९ हजार ७ सय ५५ रुपैयाँको शेयर किनबेच भएको छ । नेशनल लाइफ इन्स्योरेन्स, अरुण काबेली हाइड्रोपावर, आईएमई जनलरल इन्स्योरेन्स र नागरिक लगानी कोषको उच्च कारोबार भएको छ ।
Facebook Comment
गोठगाउँः पूर्वाञ्चल विश्वविद्यालयको केन्द्रीय कार्यालय गोठगाउँमा कुनै पनि बहानामा बन्द हुन नदिन सुन्दरहरैंचाका राजनीतिक दलहरू सहमत भएका छन् । विश्वविद्यालयलाई बन्द निषेधित क्षेत्र घोषणा गर्ने प्रतिबद्धता जनाउँदै आज सर्वदलीय प्रतिबद्धतासहितको १० बुँदे सुझाव तथा ज्ञापनपत्र विश्वविद्यालयका उपकुलपति प्रा.डा. बिजुकुमार थपलियालाई बुझाइएको छ ।
विश्वविद्यालयका उपकुलपति प्रा.डा. बिजुकुमार थपलियालाई ज्ञापनपत्र बुझाउँदै एम.बि.बि.एस. कार्यक्रम सञ्चालनको तयारी, गोठगाउँ परिसरको प्रभावकारी प्रयोग, ८०५ विघा विश्वविद्यालयको भोगाधिकार प्राप्त जमिनको समुचित विकास लगायतका सुझावहरू राखिएको छ ।
ज्ञापनपत्रमा उल्लेख गरिएका प्रमुख बुँदाहरूमा विश्वविद्यालयको आफ्नै मेडिकल कलेज स्थापनासँगै एम.बि.बि.एस. कार्यक्रम शुरु गर्नका लागि स्पष्ट कार्ययोजना माग गरिएको छ । साथै विश्वविद्यालय परिसरको शैक्षिक, प्राज्ञिक र भौतिक संरचनालाई दीर्घकालीन दृष्टिकोणमा प्रयोग गर्न, केन्द्रीय कार्यालयहरू स्थायी रूपमा गोठगाउँमा स्थानान्तरण गर्न र संरचनाहरूको मर्मत तथा सौन्दर्यीकरण गर्न माग गरिएको छ ।
स्थानीय स्तरमा शैक्षिक वातावरण प्रवद्र्धन गर्न र विश्वविद्यालयलाई राष्ट्रिय तथा अन्तर्राष्ट्रिय स्तरमा प्रतिस्पर्धी बनाउन पूर्वाधार विकासका साथै शान्ति क्षेत्र घोषणा समेत गर्न आग्रह गरिएको छ ।
सर्वदलीय ज्ञापनपत्रमा नेपाली कांग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, नेकपा समाजवादी, राष्ट्रिय जनमुक्ति पार्टी, जसपा लगायत दलका प्रतिनिधिहरूको हस्ताक्षर रहेको छ । कार्यक्रमको संयोजन नेपाली कांग्रेस सुन्दरहरैँचाका सभापति भक्तिप्रसाद सिटौलाले गर्नुभएको थियो । कार्यक्रमको सञ्चालन नेपाली कांग्रेस सुन्दरहरैंचाका सचिव होमनाथ पोखरेलले गर्नुभएको थियो ।
ज्ञापनपत्र बुझाएपछि स्वतन्त्र नागरिक समाजका साथै विभिन्न दलका प्रतिनिधिले आफ्नो भनाइ राख्नुभएको थियो ।
ज्ञापनपत्र बुझ्दै उपकुलपति प्रा. डा. बिजुकुमार थपलियाले आफूले हालसम्म गरेका र आगामी दिनमा गर्ने कार्यको बारेमा जानकारी गराउनुका साथै ज्ञापनपत्रमा समेटिएका बुँदा कार्यान्वयन गर्न विश्वविद्यालय तयार रहेको बताउनुभएको थियो ।
ऊर्जा राज्यमन्त्री पूर्णबहादुर तामाङ (कान्छाराम) बर्खास्तीमा परेका छन् । उनलाई प्रधानमन्त्री केपी शर्मा ओलीले बुधबार पदबाट बर्खास्त गरेका हुन् ।
स्रोतका अनुसार गृहमन्त्री रमेश लेखकले तामाङलाई बर्खास्तमा परेको टेलिफोनमार्फत् जानकारी गराएका छन्
शिक्षामन्त्रीमा रघुजी पन्त नियुक्त हुने भएका छन् । उनलाई प्रधानमन्त्री केपी शर्मा ओलीले नियुक्त गर्ने तयारी गरेको स्रोतले जानकारी दियो ।
गत ८ वैशाखमा विद्या भट्टराईले मन्त्री पदबाट राजीनामा दिएकी थिइन् । लगत्तै रिक्त पदमा एमालेले पन्तलाई मन्त्री बनाउने भएको हो ।
प्रधानमन्त्री निकट स्रोतका अनुसार उनको शपथ भोलि गराउने तयारी छ ।
-
अर्थ5 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद5 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login