स्थानीय तह
नेकपा माओवादी केन्द्र सुन्दरहरैंचाले नगरपालिकालाई बुझायो ध्यानाकर्षणपत्र
विराटचोकः नेपाल कम्युनिष्ट पार्टी (माओवादी केन्द्र) ले कोरोना नियन्त्रण, संक्रमितको स्वास्थ्योपचार तथा कालोबजारी नियन्त्रणका लागि सुन्दरहरैंचा नगरपालिकालाई ध्यानाकर्षणपत्र बुझाएको छ ।
माओवादी केन्द्रले नगरमा नगरप्रमुखको नेतृत्वमा र वडामा वडाध्यक्षको नेतृत्वमा अधिकारसम्पन्न सर्वपक्षीय कोभिड नियन्त्रण संयन्त्र निर्माण गरी सोही संयन्त्रमार्फत् काम गर्न अनुरोध गरेको छ ।
विपन्न परिवारको सदस्य बिरामी परेमा अस्पताल लानुपर्दा निःशुल्क एम्बुलेन्सको व्यवस्था गर्न तथा त्यस्ता परिवारको खाद्य संकट व्यवस्थापन गर्न पनि ध्यानाकर्षण गराइएको छ ।
भौगोलिक अवस्थालाई मध्यनजर गर्दै कम्तीमा १० बेड भएका ४ वटा उपचार केन्द्र नगरका ४ स्थानमा निर्माण गर्न र किसानलाई आवश्यक पर्ने मल, बीउ तथा विषादी उपलब्ध गराउन तथा उत्पादित वस्तुको बिक्रीको सहजता मिलाउन पनि ध्यानाकर्षणपत्रमा अनुरोध गरिएको छ ।
पार्टी कमिटी रोग प्रतिरोधका लागि स्वयम्सेवक बनेर स्वयम्सेवक कमिटीको रुपमा रुपान्तरित भई जस्तोसुकै कठिनाइ मोल्न पनि तयार भएको जनाउँदै विभिन्न योजनामा विनियोजित बजेट रकमान्तर गरेर भए पनि कोरोनाको नियन्त्रणका लागि खर्च गर्न माओवादी केन्द्रले आह्वान गरेको छ ।
राजनीतिक उद्देश्यबाट प्रेरित नभई महामारीको व्यवस्थापनमा जुट्न खबरदारी गरेको सो पार्टीले हालसम्म नगरपालिकाले महामारीको रोकथामको लागि हालसम्म गरेका कामहरु सह्रानीय भएको उल्लेख गरेको छ ।
ज्ञापनपत्र बुझ्दै नगरप्रमुख शिवप्रसाद ढकालले ध्यानाकर्षणपत्रमा उल्लेख भएका कतिपय काम भइरहेका र कतिपय कामको लागि प्रक्रिया भइरहेको उल्लेख गरे ।
‘संक्रमितको घरमै पुगेर उपचार गर्नेदेखि अस्पताल लानुपर्ने भएमा निःशुल्क एम्बुलेन्सको व्यवस्था पनि गर्दै आएका छौँ,’ मेयर ढकालले भने, ‘संक्रमित व्यक्ति विपन्न हो र उसको आम्दानीको स्रोत छैन भनेर वडा कार्यालयले सिफारिश गरेमा त्यस्तो परिवारलाई राहत पनि दिने गरेका छौँ ।’
संक्रमितलाई साँझमा र राती बढी समस्या पर्ने गरेकाले सो समयमा र्यापिड रेस्पोन्स टिमका स्वास्थ्यकर्मी बढी खटिने गरेको पनि मेयर ढकालले जानकारी दिए ।
नेकपा माओवादी केन्द्रका नगर तथा जिल्लाका पदाधिकारीको उपस्थितिमा नगर अध्यक्ष दुस्यान्त भट्टराईले मेयर ढकाललाई ध्यानाकर्षणपत्र बुझाएका थिए ।
Facebook Comment
Banner
जेलेन्स्कीको हत्या गर्ने योजना बनाएको आरोपमा दुई सुरक्षा अधिकारी पक्राउ
युक्रेनी राष्ट्रपति भोलोडिमिर जेलेन्स्कीको हत्या गर्ने योजना बनाएको आरोपमा दुई युक्रेनी सुरक्षा अधिकारीलाई पक्राउ गरिएको छ ।
युक्रेनको राज्य सुरक्षा सेवा (एसबीयू) ले सुरक्षा इकाईका दुई कर्णेललाई हिरासतमा लिइएको छ र रुसलाई गोप्य जानकारी चुहाएको आरोप लगाइएको जनाएको छ ।
एसबीयूले रूसको राज्य सुरक्षा सेवा सँग सम्बन्धित एजेन्टहरूको नेटवर्कको पर्दाफास भएको बताउँदै उनीहरूले जेलेन्स्कीको हत्या गर्ने योजना बनाएको र ति योजना असफल बनाएको बताएको छ ।
एसबीयूले उनीहरुले एसबियुका प्रमुख र युक्रेनको रक्षा गुप्तचर प्रमुखसहित अन्य वरिष्ठ युक्रेनी अधिकारीहरूलाई पनि निशाना बनाएको बताएको छ ।
Banner
च्याम्पियन्स लिग : पीएसजीलाई हराउँदै डर्टमन्ड फाइनलमा
यूईएफए च्याम्पियन्स लिग फुटबलमा फ्रान्सेली क्लब पेरिस सेन्ट जर्मेइन (पीएसजी) लाई हराउदै जर्मन क्लब बोरुसिया डर्टमन्ड फाइनलमा पुगेको छ । पीएसजीको घरेलु मैदान पार्क डेस प्रिन्सेसमा गएराति भएको सेमिफाइनलको दोस्रो लेगको खेलमा डर्टमन्डले पीएसजीलाई १–० ले हराएको हो । उसका म्याट्स हुमेल्सले खेलको ५० औँ मिनेटमा गोल गरे ।
यसअघि भएको पहिलो लेगमा घरेलु टोली डर्टमन्डले १–० को अग्रता लिएको थियो । समग्रमा २–० को जितसहित डर्टमण्ड च्याम्पियन्स लिगको फाइनलमा पुगेको हो । अर्काे सेमिफाइनलको दोस्रो लेगमा रियल मड्रिड र बार्यन म्युनिख खेल्दैछन् । च्याम्पियन्स लिगको फाइनल खेल आउँदो जुन २ तारिखमा हुनेछ ।
Banner
आज – २५ बैशाख २०८१ मंगलवार को राशिफल
मेष
मेष (चु, चे, चो, ला, लि, लु, ले, लो, अ) राजनैतिक कार्यमा सफलता मिल्नेछ । विपरीत वर्ग प्रति आकर्षण बढ्नेछ । घरमा अतिथिको आगमन हुनेछ, तर स्वास्थ्यको ख्याल गर्नु पर्नेछ ।
मिथुन
मिथुन (का, कि, कु, घ, ङ, छ, के, को, हा) आज शुभ कार्यमा सरिक भइनेछ । चिताएको कामले तीव्रता लिनेछ । कलासाहित्यमा रुचि बढ्नेछ । वैदेशिक कार्य पनि अघि बढ्नेछ ।
सिंह
सिंह (मा, मि, मु, मे, मो, टा, टि, टु, टे) समाजसेवामा मन लाग्नेछ । ठीक समयमा सही निर्णय लिन सकिनेछ । महत्वपूर्ण कामको थालनी हुनेछ । कुनै कुराले मनमा शान्ति छाउनेछ ।
तुला
तुला (रा, रि, रु, रे, रो, ता, ति, तु, ते) आज रमाइलो यात्राको सम्भावना छ । रोकिएको धन हात पर्ला । नयाँ ज्ञान सिक्ने मौका मिल्नेछ । स्वादिष्ट भोजनको आनन्द समेत पाइएला ।
धनु
धनु (ये, यो, भा, भि, भु, धा, फा, ढा, भे) आज महिला वर्गबाट विशेष साथ र सहयोग मिल्नेछ । अरुलाई प्रभावित पारेर काम बन्नेछ । सामाजिक क्षेत्रबाट पनि राम्रो सहयोग पाइनेछ ।
कुम्भ
कुम्भ (गु, गे, गो, सा, सि, सु, से, सो, दा) आज छोटो दुरीको लाभदायक यात्रा रहला । एकपछि अर्को अवसर आउनाले मन प्रसन्न रहनेछ । मनोरञ्जनको क्षेत्रमा सफलता मिल्नेछ ।
बृष
वृष (इ, उ, ए, ओ, वा, वि, वु, वे, वो) आज आफूलाई कमजोर भएको अनुभूति हुनेछ । मन खिन्न हुने स्थिति आउनेछ । शरीर भारी र मन अस्थिर रहने संकेत पनि देखिन्छ ।
कर्कट
कर्कट (हि, हु, हे, हो, डा, डि, डु, डे, डो) चलाखीपूर्ण बोलीले सिद्ध हुनेछ । साथीभाइसँग समय बित्नेछ । व्यवसायको सन्दर्भमा आदर्श व्यक्तित्व सँगको सहकार्यले नयाँ अनुभव मिल्नेछ ।
कन्या
कन्या (टो, पा, पि, पु, ष, ण, ठ, पे, पो) आज स्वास्थ्यमा समस्या आउनसक्छ । सहकर्मीबाट विरोध आउला । गरेका काममा ढिलासुस्ती हुनेछ । महत्वपूर्ण कार्यमा व्यवधान आइपर्ला ।
बृश्चिक
वृश्चिक (तो, ना, नि, नु, ने, नो, या, यि, यु) आज पारिवारिक जमघटमा मन रमाउनेछ । मन पर्ने वस्त्र, अलंकार आदि उपहार पाइने योग छ । धर्मकर्म तथा समाजसेवामा मन लाग्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) अधिकार प्राप्तिका लागि संघर्ष गर्नु पर्ला । दुष्ट व्यक्तिको सङ्गतिले आत्मघाती काम गर्न पुगिएला सचेत रहनुहोला । अल्छीपना पनि बढ्नेछ ।
मीन
मीन (दि, दु, थ, झ, ञ, दे, दो, चा, चि) श्रमको उचित मूल्याङ्कन हुनेछ । बिनाप्रतिस्पर्धा फाइदा हुने योग छ । जोशजाँगर र उमंग बढ्ला । आर्थिक कारोबारमा सफलता पाइएला । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login