शेयर
नेप्सेमा पुनः कीर्तिमान कायम हुँदा कारोबार रकम र बजार पूँजीकरणमा पनि कीर्तिमान
विराटचोकः आज शेयर बजारका विभिन्न विधामा नयाँ कीर्तिमान कायम भएका छन् । आज नेप्से परिसूचक ५०.१४ अंक अर्थात् १.७६ प्रतिशतले बढेर २९०६.९१ को बिन्दुमा अडिएको छ । यसअघि जेठ २० गते नेप्से हासम्मको सर्वाधिक सर्वाधिक उचाइ २८५६.७७ को बिन्दुमा पुगेको थियो । बिहीबारको सो रेकर्ड आज तोडिएको हो । सेन्सेटिभ इन्डेक्स पनि ७.८८ अंक बढेर ५२०.९९ मा पुगेको छ ।
आज कारोबार रकमले पनि कीर्तिमान कायम गरेको छ । आज १७ अर्ब २७ करोड १७ लाख रुपैयाँ बढीको कारोबार भएको छ । यसअघि गत जेठ १६ गते १७ अर्ब २ करोड ८४ लाख रुपैयाँ बढीको कारोबार भएको थियो । सो रेकर्ड आज तोडिएको हो ।
आज बजार पूँजीकरण पनि ४० खर्ब ३३ अर्ब ७९ करोड ४४ लाख ५२ हजार १ सय ५७ रुपैयाँ कायम भएको छ । गत बिहीबार नै समग्र बजार पूँजीकरण नेपालको कुल गार्हस्थ उत्पादन (जीडीपी) भन्दा माथि पुगेको छ । पछिल्लो तथ्यांकअनुसार नेपालको कुल गार्हस्थ उत्पादन ३९ खर्ब ४३ अर्ब ७० करोड रुपैयाँ रहेको छ ।
आज नेप्से उपसमूहमा रहेका १३ वटामध्ये ७ वटा समूहमा हरियाली छाएको छ भने ६ वटामा रातो पोतिएको छ । लगानी समूह सबैभन्दा धेरै ३.९९ प्रतिशत बढ्दै बैैंकिङ समूह ३.६६ र अन्य समूह ३.०३ प्रतिशतले बढेका छन् । विकास बैंक समूह २.३८, सामुहिक लगानी कोष १ दशमलव ६०, वित्त समूह १.४३ र लघुवित्त समूह ०.०८ प्रतिशतले बढेका छन् ।
जलविद्युत समूह सबैभन्दा धेरै १.६३ प्रतिशतले घट्दा उत्पादनमूलक समूह १.१४ र व्यापार समूह १.०२ प्रतिशतले घटेका छन् । जीवन बीमा, निर्जीवन बीमा र होटल तथा पर्यटन समूहमा ०.६८ प्रतिशतभन्दा बढीको गिरावट आएको छ ।
आज २ सय १८ कम्पनीका ३ करोड ७४ लाख ५५ हजार १ सय ८९ कित्ता शेयर १ लाख ७१ हजार ६० पटक किनबेच भएका छन् । आज पनि नेपाल पुनर्बीमा कम्पनीको सर्वाधिक १ अर्ब २१ करोड १४ लाख ५६ हजार ९ सय ४६ रुपैयाँको शेयर किनबेच भएको छ । नेपाल इन्फ्रास्ट्रक्चर बैंक, लुम्बिनी विकास बैंक, कुमारी बैंक, मेगा बैंक, नेपाल बंगलादेश बैंक, प्रभु बैंक, नेपाल बैंक, ग्लोबल आईएमई बैंक र सेञ्चुरी कमर्सियल बैंक उच्च कारोबार गर्ने कम्पनीमा परेका छन् ।
बढेको बजारमा महिला लघुवित्त, गुडविल फाइनान्स, लुम्बिनी विकास बैंक र रिडी हाइड्रोपावरको शेयरमूल्य १० प्रतिशतले बढेको छ । राधी विद्युत कम्पनीका शेयरधनीहरुले साढे ८ प्रतिशतले घाटा बेहोरेका छन् । उच्च मूल्य घट्ने अन्य कम्पनीमा दिव्यश्वरी हाइड्रोपावर, नारायणी विकास बैंक, आँखुखोला जलविद्युत र युनियन हाइड्रोपावर परेका छन् ।
Facebook Comment
नेपाली कांग्रेको दोस्रो विशेष महाधिवेशनबाट सभापति बनेका गगन थापाले फागुन २१ को निर्वाचनका लागि धमाधम टिकट बाँड्न थालेका छन् ।
निर्वाचन आयोगबाट सभापतिको मान्यता पाएसँगै थापाले मंगलबार मनोनयन हुने भएपछि सोमबारदेखि धमाधम उम्मेदवार छानिरहेका छन् ।पहिलो चरणमा हिमाली र उच्च पहाडी जिल्लाका १७ निर्वाचन क्षेत्रका उम्मेदवारहरूलाई टिकट बाँडिसकेका छन् ।
यसअघि समानुपातिक र राष्ट्रियसभाको टिकटमा तत्कालीन सभापति शेरबहादुर देउवाले हस्ताक्षर गरेका थिए । प्रतिनिधिसभाको प्रत्यक्षतर्फ भने गगन आफैंले हस्ताक्षर गरे टिकट दिइरहेका छन् ।कांग्रेसका उम्मेदवार मिलाउन सोमबार राति देउवा र शेखर कोइराला समूहका नेतासँग उनले छलफल गरेका थिए । त्रिपक्षीय छलफलपछि गगनले टिकट बाँड्न थालेका हुन् । थापाले सोमबार नै राति धेरै स्थानको टिकट दिइसक्ने तयारी गरेका छन् ।
पार्टीको आधिकारिकता गुमाएको समूहलाई पनि गगनले समेटेर टिकट दिने तयारी गरेका छन् ।
१. कालिकोट – हर्ष बम
२. डोल्पा – कर्ण बहादुर बुढा
३. ताप्लेजुङ – गजेन्द्र तुम्येहाङ
४. तेह्रथुम – सन्तोष सुब्बा
५. दैलेख–१ – दिक्पाल शाही
६. दैलेख–२ – बासना थापा
७. धनकुटा – दिनेश राई
८. रूकुमपूर्व – कुसुम थापा मगर
९. पाँचथर – नरेन्द्र केरूङ
१०. प्युठान – डा. गोविन्दराज पोखरेल
११. बाजुरा – जनक गिरी
१२. बैतडी – चतुरबहादुर चन्द
१३. मुगु – खड्ग बहादुर बुढा
१४. रोल्पा – डा. सुधन कुमार ओली
१५. सल्यान – केशब बहादुर विष्ट
१६. जुम्ला – दीप बहादुर शाही
१७. हुम्ला – जयपति रोकाया
१८. भोजपुर- बालकृष्ण थापा
१९. अछाम-१, भरतबहादुर स्वाँर
२०. अछाम-२- पुष्पबहादुर शाह
सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेल राजीनामा दिने भएका छन् ।
खरेलका प्रेस सल्लाहकार सीबी अधिकारीका अनुसार उनले अहिले ५ः३० बजे मन्त्रालयमा पत्रकार सम्मेलन गर्दै राजीनामा दिन लागेका हुन् ।
उनी राष्ट्रिय स्वतन्त्र पार्टी (रास्वपा) प्रवेश गर्ने तयारी छ । उनीनिकटका अनुसार खरेल ललितपुर– २ बाट चुनावमा भाग लिँदै छन् ।
तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।
झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।
नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login