स्थानीय तह
यी हुन् सुन्दरहरैंचा नगरपालिकाको आठौँ नगरसभाबाट स्वीकृत मुख्य योजना तथा कार्यक्रमहरु
विराटचोकः रातमा पनि झिलिमिली शहर, सुन्दरहरैँचाबासीको रहर’ नगर प्रमुख उज्यालो कार्यक्रम” अन्तर्गत नेपाल विद्युत प्राधिकरणसँग समन्वय गरी नगरका सबै वडामा सडक बत्ती जडान गरिने,
यस नगरपालिका क्षेत्रभित्र रही पत्रकारिता गर्ने पत्रकार तथा सञ्चारकर्मीहरुको ५ लाख रुपैयाँको दुर्घटना बीमा तथा अक्षयकोष निर्माण गर्ने,
सुन्दरहरैँचा नगरपालिका वडा नं. ५ मा निर्माणाधीन सुविधासम्पन्न इलेक्ट्रिक शवदाह स्थल र पार्क निर्माण गरिने, सुन्दरहरैँचा नगरपालिकाको
वडा नं. १, ११ र १२ को उपयुक्त स्थानमा समेत सुविधासम्पन्न शवदाह स्थल निर्माण गरिने,
गछियामा नगरको गौरवको योजनाको रुपमा कोल्ड स्टोर निर्माण गरिने,
वडा नं. ५ मा अवस्थित नयाँ वृन्दावन गौशाला धार्मिक पर्यटकीय क्षेत्रलाई नेपालकै नमूना धार्मिक पर्यटकीय क्षेत्रको रुपमा विकास गर्नका लागि
विश्वकै अग्लो गाईको मूर्ति निर्माण कार्यलाई निरन्तरता दिइने,
घरै बसी कमाइन्छ नोट, करेसाबारीमा रोपौँ कागती र खोर्सानीेको बोट नारालाई अघि सारी करेसाबारीमा तरकारी उत्पादन गर्न लगाइने,
कृषि पेशाको सम्मान, कृषकलाई अनुदानै अनुदान (पावर टिलर, मिक्क एनलाईजर, चिलिमे भ्याट मेसिन, काउ म्याट वितरण गरिने,
उप–प्रमुख आत्मनिर्भर कार्यक्रमअन्तर्गत कृषि पेशालाई सामाजिक प्रतिष्ठासहित आत्मनिर्भर पेशाको रुपमा स्थापित गर्दै उपयुक्त खेती गर्ने क्षेत्र पहिचानका लागि निःशुल्क माटो परीक्षणका लागि आ.ब. २०७८\०७९ देखि माटो परीक्षण प्रयोगशालाको स्थापना र सञ्चालन गरिने,
“हाम्रो भविष्यको पहिचान र आधार, बालबालिकाको अधिकारसहितको समग्र विकास” नारालाई आत्मसात गरी बालबालिकाको क्षेत्रमा विभिन्न कार्यक्रम सञ्चालन गर्ने,
विपन्न, सीमान्तकृत वर्गका नगरवासीलाई स्वास्थ्य बीमा गर्न प्रेरित गर्ने, स्वास्थ्य बीमाको लागि २ हजार ५ सय रुपैयाँ नगरपालिकाले योगदान गर्ने,
मेयरकप फुटबल प्रतियोगिता र उपमेयर कप भलिबल प्रतियोगिता सञ्चालन गर्ने,
सुकुनामा एमफिल कार्यक्रम सञ्चालन गरिने,
नगरपालिकाको सम्पूर्ण कर प्रशासनलाई ईपेमेण्ट प्रणालीमा लगिने,
सलकपुरमा नगरपालिकाको सुविधा सम्पन्न भवन निर्माण गरिने,
महिलाको रोगसँग उप(प्रमुख कार्यक्रम अन्तर्गत महिलाहरुको पाठेघरको मुखको क्यान्सर, आङ खस्ने र फिस्टुलाको समस्या बढ्दो रुपमा देखिएकाले सो सम्बन्धी विशेषज्ञसहितको निःशुल्क स्वास्थ्य शिविर सञ्चालन गरिने,
बुधबारेमा कृषि प्रयोजनका लागि नगर विकास कोष सँग सहकार्य गरी बहु–उपयोगी कृषि भवनको शिलान्यास तथा निर्माण गरिने,
विद्यार्थीसँग नगर(प्रमुख कार्यक्रम अन्तर्गत सामुदायिक विद्यालयबाट एसईई पास गरेका विद्यार्थीहरुलाई सामुदायिक र सुकुना बहुमुखी क्याम्पसमा कक्षा ११ को निःशुल्क भर्ना नगरपालिकाले गराउने,
सामाजिक सुरक्षा भत्तामा ९० वर्षभन्दा माथिका ज्येष्ठ नागरिकहरुलाई नगरपालिकाले थप रु १००० घरघरमा गएर दिने,
फरक क्षमता भएका व्यक्तिहरुसँग उप–प्रमुख कार्यक्रम सञ्चालन गरिने,
सुन्दरहरैँचा नगरपालिका वडा नम्बर १० मा अवस्थित ईन्द्रपुर खेल मैदानमा अन्तर्राष्ट्रियस्तरको फुटबल खेल मैदान निर्माण गरिने,
सुन्दरहरैँचा–१ मा अवस्थित प्राथमिक स्वास्थ्य चौकी हरैँचामा कोभिड अस्पताल सञ्चालन गरिने,
यसै आर्थिक वर्षमा ७ करोडको लगानीमा हसिना सिमसारमा पूर्वाधार निर्माण गरिने,
बाघझोडा सिमसार पर्यटकीय क्षेत्रमा नगर गौरवको योजना सञ्चालन गरिने,
नगरका भौगोलिक, आर्थिक, शैक्षिकजस्ता सबै पक्षहरुलाई समेटिने गरी डिजिटल प्रोफाइल निर्माण गर्ने,
७० वर्षमाथिका ज्येष्ठ नागरिकहरुलाई निःशुल्क एम्बुलेन्स सेवा उपलब्ध गराउने,
जग्गा प्लानिङ गर्दा नगरपालिकासँग अनिवार्य अनुमति लिनुपर्ने व्यवस्था गरिने,
सीमान्तकृत÷दलितका ५ जना छोरी जो प्राविधिक शिक्षा पढ्न इच्छुक रहन्छन् त्यस्ता छोरीहरुलाई नगरपालिकाले निःशुल्क रुपमा प्राविधिक शिक्षा पठनपाठन गराउने,
एक कृषक एक अनुदानको कार्यक्रम सञ्चालन गरिने,
पाँच पशु एक अनुदानको नीति अघि सारिने,
बालबालिकालाई संस्कार र सभ्यताको शिक्षा दिइने,
पूर्वाञ्चल विश्वविद्यालयलाई एम्बुलेन्स खरिद गरेर दिइने,
सुकुना मावि, साजीलाल मावि र सुकुना बहुुमुखी क्याम्पसलाई एक एक वटा बस खरीद गरी हस्तान्तरण गरिने,
प्राविधिक शिक्षा पठनपाठन गर्ने विद्यार्थीहरुका लागि मदन भण्डारी स्मृति प्रतिष्ठानमा रिभवलिङ फण्डको व्यवस्था गरिने,
नगरपालिका क्षेत्रभित्र रहेका सम्पूर्ण भजन कीर्तन समूहहरुलाई निःशुल्क रुपमा वाद्यवादन सामग्री प्रदान गरिने,
शहरी शासकीय पूर्वाधार कार्यक्रमअन्तर्गत रु ७२ करोड रुपैयाँअन्तर्गत नगरका मुख्य ठूला योजनामा लगानी गर्ने,
सुन्दरहरैँचा नगरपालिका स्थायी ठेगाना भई कर्मथलो काठमाडौँ बनाई काठमाडौंमा नै बस्ने नगरवासीहरुलाई समेटी सुन्दरहरैँचा–काठमाडौं समाजसँग विभिन्न राय, सुझाव तथा सल्लाह लिने,
बालविकासका सहजकर्ताहरुलाई नेपाल सरकारले तोकेको न्यूनतम पारिश्रमिक नगरपालिकाको तर्फबाट उपलब्ध गराउने,
इन्द्रपुर स्वास्थ्य चौकीमा ट्रमा सेन्टर निर्माण गर्ने,
वडा कार्यालय भवन नभएका वडाहरुमा जग्गा प्राप्ति गरी वडा कार्यालय भवन निर्माण गर्ने,
विराटचोकमा रहेको करदाता सेवा कार्यालयलाई आन्तरिक राजस्व कार्यालयको रुपमा स्तरोन्नति गर्नका लागि सम्बन्धित निकायसँग माग गर्ने,
सुन्दरहरैंचामा इलाका प्रशासन कार्यालय स्थापनाका लागि सम्बन्धित निकायसँग माग गर्ने,
नगरपालिका तथा वडाको नागरिकस्तरबाट परीक्षण गर्न नगरस्तरीय तथा वडास्तरीय सार्वजनिक सुनुवाइ गर्ने,
नगरको डिजिटल प्रोफाइल निर्माण गरिने ।
सुन्दरहरैंचाको बजेट २ अर्ब १५ करोड १२ लाख ७ हजार १ सय, वडा नम्बर ७ र १० सम्मानित
मोरङको सुन्दरहरैँचा नगरपालिका–८, सलकपुरमा स्थापना गरिएको शिल्पी नाट्य केन्द्र शनिबारदेखि औपचारिक रूपमा सञ्चालनमा आएको छ। नयाँ नाटक ‘छुटेका सपना’ को पहिलो मञ्चनसँगै स्थानीय स्तरमै रंगमञ्चको नयाँ गन्तव्य थपिएको हो। नगरप्रमुख केदारप्रसाद गुरागाईं र नाटकका परिकल्पनाकार तथा निर्देशक युवराज घिमिरेले संयुक्त रूपमा मसाल बालेर नाट्य केन्द्रको उद्घाटन गर्नुभएको थियो।
शिल्पी नाट्य केन्द्रले निर्माण गरेको यो स्थानलाई आगामी दिनमा भुल्के एम्फी थिएटरका रूपमा विस्तार गर्दै कला र संस्कृतिको केन्द्र बनाउने योजना अघि सारिएको छ। उद्घाटनकै दिन मञ्चन गरिएको नाटक हेर्न दर्शकको उल्लेख्य सहभागिता देखिएको थियो, जसले सलकपुरमा रंगमञ्चप्रतिको बढ्दो आकर्षणलाई स्पष्ट पारेको छ।
नाटक ‘छुटेका सपना’ ले समाजमा व्याप्त राजनीतिक, सामाजिक तथा प्रशासनिक विकृतिलाई व्यङ्ग्यको माध्यमबाट प्रस्तुत गरेको छ। भ्रष्टाचार, ढिलासुस्ती, बेथिति र गरिबीका कारण किसानले भोग्नुपरेका दुःख–पीडालाई कलाकारहरूले सशक्त अभिनयमार्फत जीवन्त बनाएका छन्।
नाटकमा संगीता उराँव, सुशिला लुहार, सम्पदा थुलुङ राई, इच्छा सिंह, कञ्चन दास, पवित्रा खड्का, अनुप तिमिल्सिना, ज्याक डी.सी. बराल, गोविन्द ओली, सुमित भण्डारी, धनराज सुनार, रविन परियार, झकेन बी.सी. र उत्सव काकीं लगायत कलाकारहरूको अभिनय रहेको छ।
कार्यक्रममा कवि कुमार नगरकोटीले कविता वाचन गर्दै सांस्कृतिक माहोल थप जीवन्त बनाउनु भएको थियो। निर्देशक घिमिरेले शिल्पी नाट्य केन्द्रलाई आफ्नो दीर्घकालीन सपनाको सुरुआतका रूपमा व्याख्या गर्दै आफू जन्मेको स्थानलाई नै पहिचानयुक्त नाट्य गन्तव्य बनाउने लक्ष्य रहेको बताउनुभयो। आम मानिस एउटै ठाउँमा बसेर कला अनुभूति गर्न सकून् भन्ने सोचका साथ एम्फी थिएटर निर्माण गरिएको उहाँको भनाइ छ।
नाट्य केन्द्रलाई नाफामुखी भन्दा पनि सामाजिक चेतना अभिवृद्धि गर्ने अभियानका रूपमा अघि बढाइने स्पष्ट पार्दै घिमिरेले प्रत्येक दुई–दुई महिनामा नयाँ कार्यक्रम ल्याइने योजना रहेको जानकारी दिनुभयो। स्थानीय कला, संस्कृति र सिर्जनालाई मञ्च दिने उद्देश्यसहित सलकपुरबाट सुरु भएको यो प्रयासले पूर्वी नेपालमा रंगमञ्चको नयाँ सम्भावना खोल्ने अपेक्षा गरिएको छ।
अहिले पश्चिमी वायुको आंशिक प्रभाव रहेको जल तथा मौसम पूर्वानुमान महाशाखाले जनाएको छ । कोशी र मधेश प्रदेशका केही ठाउँमा हुस्सु लागेको छ भने कोशी प्रदेशलगायत देशका पहाडी तथा हिमाली भू–भागमा आंशिक बादल लागेको छ ।
महाशाखाका अनुसार आज दिउँसो कोशी र गण्डकी प्रदेशका उच्च पहाडी तथा हिमाली भागका एक/दुई ठाउँमा हल्का वर्षा र हिमपातको सम्भावना छ भने तराई भेगमा हुस्सु लाग्ने छ । काठमाण्डौ पनि हल्का कुहिरो लागे पनि हिजोजस्तो बाक्लो छैन ।
कोशी, बागमती र गण्डकी प्रदेशका उच्च पहाडी तथा हिमाली भागमा आंशिक बादल लाग्नेछ भने बाँकी भू–भागमा मुख्यतया मौसम सफा रहने छ ।
हिमपात र वर्षाका कारण दैनिक जनजीवन, पर्यटन, स्वास्थ्य तथा हवाई तथा सडक यातायातमा प्रभाव पर्ने भएकाले सम्बन्धित सबैलाई आवश्यक सतर्कता अपनाउन महाशाखाले अनुरोध गरेको छ ।
विभिन्न कार्यक्रमको आयोजना गरी आज देशभर शहीद दिवस मनाइँदैछ। देश र जनताको हितका लागि आफ्नो जीवन बलिदान गर्ने सहिदको स्मरण गर्दै यो दिवस मनाउने गरिएको छ।
नेपालमा प्रजातन्त्र स्थापनार्थ आफ्नो जीवन त्याग गर्ने चार सहिद धर्मभक्त माथेमा, दशरथचन्द्र ठाकुर, गङ्गालाल श्रेष्ठ र शुक्रराज शास्त्री तथा अन्य सहिदको सम्झनामा यो दिवस मनाउने गरिन्छ।
राणा शासनविरुद्ध आवाज उठाएको भन्दै उहाँहरुलाई तत्कालीन सरकारले मृत्युदण्ड दिएको थियो। तिनै सहिदहरुको बलिदान र त्यसबाट प्राप्त प्रेरणाले जहानियाँ राणा शासनको अन्त्य भएको थियो भने नेपालमा प्रजातन्त्रको स्थापना भएको थियो।
प्रत्येक वर्ष माघ १६ गते मनाइने सहिद दिवस प्रजातन्त्र स्थापना एवं पुनःस्थापना तथा विभिन्न कालखण्डका स्वतन्त्रताका लागि जीवन आहुति दिने सहिदको सम्झनामा विविध कार्यक्रमको आयोजना गरिँदैछ।
स्वतन्त्रताको माग गर्दा १९९७ सालमा सहिद शुक्रराज शास्त्रीलाई माघ १० गते काठमाडौँको टेकुस्थित पचलीमा, माघ १३ गते धर्मभक्त माथेमालाई सिफलमा र गङ्गालाल श्रेष्ठ एवं दशरथ चन्दलाई माघ १५ गते शोभाभगवतीमा राणा शासकले मृत्युदण्ड दिइएको थियो।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: बेलबारी नगरपालिकाको बजेट १ अर्ब ३५ करोड ७० लाख - निष्पक्षखबर