विराटनगरः विराटनगर महानगरपालिकाले आगामी आर्थिक वर्ष २०७८–७९ का लागि ४ अर्ब १० करोड ३ लाख ३८ हजार रुपैयाँको बजेट प्रस्तुत गरेको छ । सो बजेटमध्ये चालुतर्फ ४६ करोड ७० लाख ५२ हजार ९ सय २५ र पूँजीगततर्फ ३ अर्ब ५८ करोड ३२ लाख ८५ हजार खर्च हुने अनुमान प्रस्तुत गरिएको छ । चालुतर्फ ११ प्रतिशत र र पूँजीगततर्फ ८९ प्रतिशत बजेट प्रस्तुत गरेको महानगरले वित्तीय व्यवस्थातर्फ ५ करोड रुपैयाँ खर्च हुने अनुमान गरेको छ ।
त्यस्तै, महानगरपालिकाले वीरेन्द्र सभागृह मर्मतका लागि १९ करोड बजेट विनियोजन गरेको छ । आगामी आर्थिक वर्षमा सभागृह रिनोभेट गर्नका लागि महानगरपालिकाले १९ करोड बजेट विनियोजन गरेको हो । बिहीबार महानगरपालिका उपप्रमुख इन्दिरा कार्कीले आगामी आर्थिक वर्ष २०७८–७९ को बजेटमा सभागृहका लागि १९ करोड बजेट विनियोजन भएको बताइन् ।
महानगरपालिकाले फोहोर व्यवस्थापनका लागि जग्गा खरिद गर्नका लागि पनि बजेट विनियोजन गरेको छ । ल्यान्डफिल्ड साइटका लागि महानगरपालिकाले १० करोड बजेट विनियोजन गरेको छ ।
विराट राजाको दरबारको विकासका लागि ५ करोड, विराटनगर–१९ मा अन्तर्राष्ट्रियस्तरको सभाहल निर्माणका लागि जग्गा खरिद गर्न ५ करोड बजेट विनियोजन गरेको छ । विराटनगरको हिमालय रोडको ब्युटिफिकेशनका लागि बजेट विनियोजन गरेको महानगरपालिकाले महानगर आवास योजनाका लागि ९० लाख रुपैयाँ विनियोजन गरेको छ । फोहोर पानी प्रशोधन केन्द्रका लागि २ करोड, ४ वटा आकाशे पुल निर्माणका लागि २ करोड ४५ लाख प्रधानमन्त्री पार्क निर्माणका लागि ५ करोड बजेट विनियोजन गरेको छ । सन्ध्याकालीन आरती निर्माणका लागि २ करोड र अन्य नगरस्तरीय योजनाहरूका लागि ४० करोड रुपैयाँ बजेट विनियोजन गरिएको कार्कीले बताइन् ।
शिक्षातर्फ ५५ करोड ७७ लाख, युवा तथा खेलकुदका लागि १ करोड ६१ लाख, स्वास्थ्य सेवातर्फ १८ करोड १ लाख २८ हजार, विपद व्यवस्थापनका लागि ३ करोड विनियोजन गरेको महानगरपालिकाले क्रमागत योजना भुक्तानीका लागि २५ करोड ३५ लाख रुपैयाँ बजेट विनियोजन गरेको छ ।
सुन्दरहरैंचाको बजेट २ अर्ब १५ करोड १२ लाख ७ हजार १ सय, वडा नम्बर ७ र १० सम्मानित
बेलबारी नगरपालिकाको बजेट १ अर्ब ३५ करोड ७० लाख
Pingback: लेटाङको बजेट ९० करोड ८६ लाख २७ हजार - निष्पक्षखबर