राजनीति
मन्त्रालयबाट बिदा हुँदै गर्दा आन्तरिक मामिला तथा कानुन मन्त्री कार्कीले यसरी दिए बिदाइ वक्तव्य
विराटनगरः अनायासै भीम आचार्यलाई मुख्यमन्त्री बनाइएपछि प्रदेश १ को मन्त्रिमण्डल नयाँ बन्ने भएको छ । योसँगै मन्त्रीहरु बाहिरिन तयार भएर बसेका छन् । यसै क्रममा सरकारका प्रवक्त तथा आन्तरिक मामिला तथा कानुन मन्त्री हिकमत कार्कीले बिदाइ मन्तव्य दिएका छन् । यस्तो छ उनले दिएको बिदाइ मन्तव्यः
२०७४ साल मङ्सिर २८ गतेका दिन भएको प्रदेशसभा निर्वाचनमा झापा जिल्ला निर्वाचन क्षेत्र नम्वर (५) बाट नेकपा एमालेको प्रतिनिधित्व गर्दै निर्वाचत भएर २०७४ माघ १६ गते प्रदेश नम्बर १ को अस्थायी राजधानी विराटनगरमा प्रदेशसभा सदस्यको शपथ मैले लिएको थिएँ । प्रदेशसभाको बहुमतप्राप्त दलको नेताका रुपमा माननीय शेराधन राई नेतृत्वको प्रदेश नम्बर १ सरकारमा २०७४ फागुन ३ गते बिहीबार आन्तरिक मामिला तथा कानुन मन्त्री एवम् सरकारको प्रवक्ताका रुपमा आजसम्म १ हजार २ सय ८४ दिन जिम्मेवारीमा रहेर बिदा भएको छु ।
यस कार्यकालमा दुईपटक कार्यवाहक मुख्यमन्त्री तथा करिब तीन महिना सामाजिक विकास मन्त्रालयको समेत जिम्मेवारी सम्हाल्ने अवसर प्राप्त भयो । प्राप्त जिम्मेवारीहरु पूरा गर्न सहयोग गर्नुहुने माननीय प्रदेश प्रमुखज्युहरु, माननीय मुख्यमन्त्रीज्यु, माननीय मन्त्रीज्युहरु, माननीय सभामुखज्यु, माननीय उपसभामुखज्यु, माननीय मुख्य न्यायाधिवक्ता, प्रदेश योजना आयोग, प्रदेश लोकसेवा आयोग, प्रदेशसभा सचिवालय, प्रदेश सरकारका राष्ट्रसेवक कर्मचारीहरु, प्रदेशस्थित सुरक्षा निकायका प्रमुखहरु, प्रमुख जिल्ला अधिकारीहरु, राजनीतिक दलका नेता कार्यकर्ताहरु, समाजिक संघसंस्था, उद्योगी, व्यापारी एवम् नागरिक समाजका अगुवाहरु, सञ्चारकर्मीहरु, प्रमुख प्रतिपक्षीलगायत विपक्षी दल र सम्पूर्ण प्रदेशवासी दिदीबहिनी तथा दाजुभाईहरुमा हार्दिक कृतज्ञता ब्यक्त गर्न चाहन्छु ।
प्रदेश सरकार कार्य विभाजन नियमावली २०७४ बमोजिम प्राप्त विभिन्न क्षेत्रगत जिम्मेवारीहरु प्रदेश शान्ति सुरक्षा, कानून तर्जुमा, सञ्चार क्षेत्र र विपद् जोखिम न्यूनीकरणसम्बन्धी कार्यहरु मन्त्रालयबाट भएका छन् । प्राप्त जिम्मेवारीलाई कार्यक्षेत्रमा कुशलतापूर्वक कार्यान्वयन गर्दै सदैव प्रदेशवासीको हितमा काम गरेको छु ।
१. प्रदेशको शान्ति सुरक्षालाई चुस्त दुरुस्त राख्न एवम् सुरक्षा निकायहरुको क्षमता विकास एवम् संरचनात्मक सुधारका लागि प्रदेश प्रहरी मुख्यालयसहित ४९ वटा प्रहरी चौकी निर्माण, पाँचथरमा महिला प्रहरी ब्यारेक, १४ वटै जिल्लामा महिला प्रहरी चेन्जिङ रुम निर्माण, सीमा सुरक्षालाई मजबुत बनाउने उद्देश्यका साथ १३ वटा बोर्डर आउट पोष्ट निर्माण, १४ वटै जिल्लामा प्रविधिमैत्री सुरक्षा योजना अन्तर्गत सिसिटिभी क्यामेरा जडान्, जिल्ला प्रशासन कार्यालयसँग प्रत्यक्ष संवाद गर्न भिडियो कन्फरेन्स रुम निर्माण एवम् सञ्चालन, सुरक्षा निकायहरुलाई १५ वटा पिक अप भ्यान, करिब ४ सय ५० वटा दुई पांग्रे सवारी साधन (मोटर साईकल) वितरण गरिएको छ ।
२. विपद् ब्यवस्थापनसम्बन्धी कानूनी व्यवस्था गर्दै एकीकृत शान्ति सुरक्षा, विपद् तथा स्वास्थ्य सेवालाई प्रबद्र्धन गर्ने उदेश्यका साथ १–१ थान पिक अप भ्यान र दमकलसहितको मुख्यमन्त्री अत्यावश्यक सेवा केन्द्र प्रदेशका १४ वटै जिल्लामा सञ्चलनमा ल्याइएको छ । प्रदेश आपतकालीन कार्यसञ्चालन केन्द्र स्थापना र सञ्चालन, विपद् जोखिम न्यूनीकरणका लागि डिडिआर पोर्टल निर्माण, विपद् खोज, उद्धार र जोखिम न्यूनीकरणमा प्रयोग हुने विभिन्न सामग्री खरिद र भण्डारण, विपदबाट ज्यान गुमाएका र घरबारविहीन भएका परिवारलाई राहत वितरण, प्रदेश गोदाम घर, झापा, उदयपुर र धनकुटा जिल्लामा गोदाम घर निर्माण र सञ्चालन गर्ने जस्ता कार्यहरु सम्पन्न गरिएको छ ।
३. पत्रकारिता क्षेत्रको समस्या पहिचानका लागि आम सञ्चार अध्ययन कार्यदल गठन गरी प्राप्त प्रतिवेदनका आधारमा पत्रकारहरुको क्षमता विकास, सञ्चार माध्यमहरुलाई सबलीकरण गर्ने उद्देश्यका साथ प्रादेशिक सञ्चार प्रतिष्ठानको गठन तथा सञ्चालन, आव २०७५–७६ बाट राष्ट्रिय पत्रकारिता दिवसको अवसर पारी प्रादेशिक पत्रकारिता पुरस्कार वितरण गर्ने कार्यको थालनी, प्रदेश पत्रकार महासंघ तथा जिल्ला शाखाहरुको भौतिक संरचना निर्माण तथा संस्थागत क्षमता विकास गर्न सहयोग, पत्रकार सुरक्षा कोषको स्थापना तथा सञ्चालन, एफएम रेडियो सञ्चालन तथा व्यवस्थापन सम्बन्धी कानुनी व्यवस्था गरी दर्ता नवीकरण गर्ने कार्य प्रदेशबाटै गर्ने कार्यको थालनीलगायत सञ्चार क्षेत्रसँग सम्बन्धित कार्यहरु भएका छन् ।
४. ‘आजका किशोर किशोरी देशका कर्णधार, यिनीहरुको सक्षमता नै समुन्नतिको आधार’ भन्ने मूल नाराका साथ प्रदेशको सामाजिक तथा सामाजिक पक्षहरुलाई सुदृढ गर्दै किशोरावस्थामा प्रवेश गरेका कक्षा ९–१२ सम्म अध्ययन गर्ने १३–१९ वर्षका करिब २००० विद्यालयका २ लाख विद्यार्थीहरुलाई सक्षम, सबल, सुसंस्कृत, नैतिक, सभ्य, लागूऔषध दुव्र्यसनबाट मुक्त, समतामूलक समाज निर्माण गर्न सहयोग गर्ने उद्देश्यका साथ १६९३ विद्यालयहरुमा सगरमाथा टिन्स क्लब गठन गरी म अघि बढ्छु कार्यक्रम सञ्चालन गरिएको छ ।
५. विश्वव्यापी महामारीका रुपमा रहेको कोभिड १९ कोरोना भाइरसको रोकथाम, नियन्त्रण र उपचारका लागि नीतिगत व्यवस्था गरी भारतलगायत तेस्रो मुलुकबाट आउने नेपालीहरुका लागि क्वारेन्टिन ब्यवस्थापन, होल्डिङ सेन्टरको ब्यवस्थापन, बन्दाबन्दी कार्यान्वयन, सीमा सुरक्षा र कोभिड नियन्त्रणका लागि सुरक्षाकर्मी एवम् जिल्ला प्रशासन कार्यालयलाई परिचालनसम्बन्धी कार्यहरु भएका छन् ।
६. प्रदेश सरकार सञ्चालनका लागि आवश्यक ५७ ऐन (संसोधनसहित), नियमावली, कार्यविधि तथा गठन आदेशहरु तर्जुमा गरिएको र करिब ३५ सय राजपत्र छपाई गरिएको छ । कानुन निर्माण र सुरक्षा व्यवस्थालाई प्रभावकारी बनाउन ७ वटै प्रदेशका आन्तरिक मामिला तथा कानुनमन्त्रीहरु, मुख्य न्यायाधिवक्ताहरुको सहभागितामा अन्तरप्रदेश अनुभव आदानप्रदान तथा सुरक्षा गोष्ठी सम्पन्न, प्रदेश सुरक्षा गोष्ठीहरु, प्रदेश सरकारले मनाउने राष्ट्रिय तथा प्रादेशिक दिवसहरुको व्यवस्थापन, स्थानीय तहहरुको कानुन तर्जुमा तथा न्यायिक समितिहरुको क्षमता विकासका लागि तालिम, न्यायमा पहुँचलगायतका कार्यक्रमहरु, प्रत्येक वर्षका सार्वजनिक बिदाहरुको निर्धारण गर्ने कार्यहरु सम्पादन गरिएका छन् ।
प्रदेश सरकारको मन्त्रीको हैसियतमा मुख्यमन्त्री तथा मन्त्रीको पारिश्रमिक तथा सुविधा सम्बन्धी ऐन २०७५ अनुसार आजसम्म कुल ३९ लाख ९३ हजार ६ सय ४० रुपैयाँमा करकट्टी बापत रु.३ लाख ८४ हजार ८ सय २० कटाएर जम्मा रु.३६ लाख ८ हजार ८ सय २० खुद भुक्तानी लिएको छु । यस अवधिमा ऐन बमोजिम भ्रमण भत्ताबापत प्राप्त हुने कुनै पनि रकम (यातायात बाहेक) नलिएको जानकारी गराउँदै प्रयोग गर्दै आएको सवारी साधन, ल्यापटपलगायत जिन्सी सामग्री मन्त्रालयमा हस्तान्तरण गरिसकेको छु । सार्वजानिक पद धारण गर्दा बुझाउनुपर्ने सम्पत्ति विवरण प्रत्येक आवमा आवधिक गरी मुख्यमन्त्री तथा मन्त्रिपरिषद्को कार्यालयमा बुझाएको छु ।
यस समय अवधिभर माननीय मन्त्रीज्यूको सचिवालयमा रहेर भूमिका निर्वाह गर्न सबैबाट प्राप्त सल्लाह, सहयोग र साथ हाम्रा लागि प्रेरणाका स्रोत बनेका छन् । कार्य सम्पादनका दौरान कोही गल्ती, कमी कमजोरी भएका भए सम्पूर्णमा क्षमायाचना गर्दै आगामी दिनमा पनि प्रदेशवासीको सेवामा निरन्तर सहभागी हुने विश्वास व्यक्त गर्दछु । आज प्रदेश १ सरकारको जिम्मेवारी प्राप्त गर्नुहुने माननीय मुख्यमन्त्री भीमप्रसाद आचार्यज्यूलाई हार्दिक बधाई तथा सफल कार्यकालको शुभकामना व्यक्त गर्दछु ।
Facebook Comment
प्रतिनिधिसभा सदस्य चुनावमा इलाम–२ बाट नेपाल कम्युनिष्ट पार्टी (एमाले) का उम्मेदवार सुहाङ नेम्बाङ विजयी हुनुभएको छ ।
मुख्य निर्वाचन अधिकृतको कार्यालयले सार्वजनिक गरेको अन्तिम मतपरिणामअनुसार एमाले उम्मेदवार नेम्बाङले नेपाली कांग्रेसका उम्मेदवार भेषराज आचार्यलाई ७ हजार ७ सय ७६ मतको फराकिलो अन्तरले पराजित गर्नुभएको हो । नेम्बाङ २२ हजार ४ सय २६ मतका साथ निर्वाचित हुनुभएको मुख्य निर्वाचन अधिकृत रोशन गजुरेलले जानकारी दिनुभयो । उहाँका निकटतम प्रतिष्पर्धी कांग्रेसका आचार्यले १४ हजार ६ सय ५० मत प्राप्त गर्नुभयो ।
यस्तै श्रम संस्कृति पार्टीका सुदिप राईले १४ हजार ४ सय मत, राष्ट्रिय स्वतन्त्र पार्टीका गोकुलबहादुर राईले ७ हजार ८ सय १४ मत तथा नेपाली कम्युनिस्ट पार्टीका ओमबहादुर गुरुङले १ हजार १ सय ७२ मत प्राप्त गर्नुभयो ।
प्रतिनिधिसभा सदस्यमा नेम्बाङको यो दोस्रो विजय हो । यसअघि २०८१ वैशाख १५ गते भएको उपनिर्वाचनमा नेम्बाङले यही क्षेत्रबाट कांग्रेसकै उम्मेदवार डम्बरबहादुर खड्कालाई ५ हजार ८ सय २० मतान्तरले पराजित गर्नुभएको थियो । नेम्बाङले २७ हजार ७ सय ७२ मत प्राप्त गरी निर्वाचित हुँदा खड्काले २१ हजार ९ सय ४२ मत प्राप्त गर्नुभएको थियो ।
आचार्यको भने यो दोस्रो पराजय हो । यसअघि २०७० सालको संविधान सभा निर्वाचनमा आचार्य सुहाङकै बुबा सुवासचन्द्र नेम्बाङसँग २ हजार १ सय २ मतले पराजित हुनुभएको थियो ।
यही फागुन २१ गते भएको निर्वाचनमा यो क्षेत्रमा कुल १ लाख १९ हजार ४ सय ८९ मतदातामध्ये ६७ हजार ६ सय ६४ मत खसेको थियो । यहाँ ३ हजार ८ सय ८३ मत बदर भएको छ । यहाँ विभिन्न १३ राजनीतिक दल र एक स्वतन्त्रसमेत गरी जम्मा १४ उम्मेदवार चुनावी प्रतिष्पर्धामा हुनुहुन्थ्यो ।
प्रतिनिधिसभा सदस्य चुनावमा चितवन क्षेत्र नम्बर ३ मा राष्ट्रिय स्वतन्त्र पार्टी (रास्वपा) की साेविता गाैतम ३८ हजार ६६२ मतान्तरले विजयी हुनुभएकाे छ । निर्वाचन आयाेगका अनुसार गाैतमले ५९ हजार २७७ मत प्राप्त गर्नुभएकाे छ । उहाँका प्रतिस्पर्धी नेपाली कम्युनिस्ट पार्टी (नेकपा) की रेनु दाहालले २० हजार ६१५ मत प्राप्त गर्नुभएकाे छ ।
साेविता गाैतम प्रतिनिधिसभा चुनाव इतिहासमा सबैभन्दा मत ल्याएर विजयी हुनुभएकाे हाे । यसअघि २०७४ सालको चुनावमा झापा क्षेत्र नम्बर ५ बाट नेकपा एमालेका अध्यक्ष केपी शर्मा ओलीले ५७ हजार १३९ मत ल्याएर विजयी हुनुभएकाे थियाे ।
प्रतिनिधिसभा चुनावको प्रत्यक्षतर्फ १६५ मध्ये १६१ क्षेत्रमा मतगणना भइरहेको छ । यसमध्ये ३४ वटा निर्वाचन क्षेत्रको अन्तिम नतिजा सार्वजनिक भएको छ । निर्वाचन आयोगको पछिल्लो विवरण अनुसार राष्ट्रिय स्वतन्त्र पार्टी (रास्वपा) २५ क्षेत्रमा विजयी भएको छ । नेपाली कांग्रेसले ५, नेपाली कम्युनिष्ट पार्टी (नेकपा)ले २ र एमालेले १ तथा स्वतन्त्र उम्मेदवारले १ क्षेत्रमा जित हासिल गरेका छन् । मतगणना भैरहेका ठाउँमा रास्वपाकै उम्मेदवाहरु अगाडि छन् । रास्वपा ९३, कांग्रेस १०, एमाले १०, नेकपा ११, श्रम संस्कृति पार्टी ५ र राप्रपा १ क्षेत्रमा अगाडि छन् ।
रास्वपा
१. बुद्धिप्रसाद पन्त – पर्सा १ बाट २७ हजार २७४ मत ल्याएर विजयी हुँदा एमालेका प्रदिप यादवले १३ हजार ३० मत ल्याउनुभयो ।
२. सागर भुसाल – पर्वतबाट २६ हजार ५६१ मत ल्याएर विजयी हुनुभएको छ । कांग्रेसका अर्जुनप्रसाद जोशीको १५ हजार ९५४ र एमालेका पदम गिरीको १५ हजार ७५ मत आएको छ ।
३. अरबिन्द साह – बारा ३ बाट ४० हजार ६९७ मत ल्याएर विजयी हुँदा कांग्रेसका फरमुल्लाह मंसुरले १० हजार ५२ मत ल्याउनुभयो र
४. रवि लामिछाने – चितवन क्षेत्र नम्बर २ बाट तेस्रोपटक विजयी हुनुभएको छ । लामिछानेले ५४ हजार ४०२ मत ल्याएर विजयी हुनुभएको हो । उहाँका निकटतम् प्रतिष्पर्धी नेपाली कांग्रेसकी मिना खरेलले १४ हजार ५६४ र एमालेका अस्मिन घिमिरेले ६ हजार ९९२ मत ल्याउनुभयो ।
५. रुकेश रन्जित – भक्तपुर १ बाट ३३ हजार ४३६ मत ल्याएर विजयी हुँदा नेपाल मजदुर किसान पार्टीका प्रेम सुवालले २८ हजार १४७ मत ल्याउनुभयो ।
६. सुनिल केसी – काठमाण्डौ २ बाट ३४ हजार २३८ मत ल्याएर विजयी हुनुभएको छ । उहाँका प्रतिष्पर्धी कांग्रेसका कविर शर्माले ८ हजार ८७४ मत ल्याउनुभयो ।
७. प्रमोद कुमार महतो – महोत्तरी १ बाट ३४ हजार ६३६ मत ल्याएर विजयी हुनुभएको छ । उहाँका निकटतम प्रतिष्पर्धी नेकपाका गिरिराजमणि पोखरेलले १२ हजार ६२४ मत ल्याउनुभयो ।
८. धनञ्जय रेग्मी – स्याङ्जा १ बाट २९ हजार ७१ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका भरतराज ढकालले १८ हजार ८५७ मत ल्याउनुभयो ।
९. सुरेशकुमार चौधरी – बाँके १ बाट ५२ हजार ७९२ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका नारायणप्रसाद गौडेलले १५ हजार ३०१ मत ल्याउनुभयो ।
१०. खगेन्द्र सुनार – बाँके ३ बाट २९ हजार ५५१ मत ल्याएर विजयी हुनुभएको छ । उहाँका निकटमत प्रतिष्पर्धी एमालेका सुमन मल्लले १९ हजार ६१५ मत ल्याउनुभयो ।
११. कन्हैया बनिया– रुपन्देही ४ बाट २८ हजार ६६ मत ल्याएर विजयी हुनुभएको छ । प्रतिष्पर्धी एमालेका प्रमोदकुमार यादवको २० हजार २६२ मत आएको छ ।
१२. रुविना आचार्य– मोरङ ६ मा विजयी हुँदा कांग्रेसका डा. शेखर कोइराला पराजित हुनुभएको छ । आचार्यले ५५ हजार ५१३ मत ल्याउँदा कोइरालाले १२ हजार ८५० मतमात्रै ल्याउनुभएको छ ।
१३. डीपी अर्याल– काठमाण्डौ ९ मा ३५ हजार ९३ मत ल्याएर विजयी हुनुभएको छ । कांग्रेसकी नानुमाया बास्तोलाले ५ हजार ४६० मत ल्याउनुभयो ।
१४. मनिष झा– धनुषा ३ मा विजयी हुँदा कांग्रेसका विमलेन्द्र निधि पराजित हुनुभएको छ । झाले ४३ हजार १४२ र निधिले १५ हजार ९९२ मत ल्याउनुभयो ।
१५. सन्तोष राजवंशी– मोरङ ४ मा विजयी हुँदा कांग्रेसका गुरुराज घिमिरे पराजित हुनुभयो । राजवंशीले ४० हजार ८३३ मत ल्याउँदा घिमिरेले १२ हजार ८१८ मत ल्याउनुभयो ।
१६. बिना गुरुङ – कास्की ३ मा विजयी हुँदा कांग्रेसका मनोज गुरुङ पराजित हुनभयो । बिनाले ३७ हजार ७५० मत ल्याउँदा मनोजले १२ हजार ७८० मत ल्याउनुभयो ।
१७. प्रदीप बिष्ट – काठमाण्डौ १०मा विजयी हुँदा कांग्रेसका हिमाल कार्की पराजित हुनुभएको छ । बिष्टले ३७ हजार ४६९ र कार्कीले ८ हजार १०० मत ल्याउनुभयो ।
१८. उत्तम प्रसाद पौडेल – कास्की २ मा विजयी हुँदा एमालेका रश्मि आचार्य पराजित हुनुभयो । पौडेलले ३१ हजार ९११ र आचार्यले ७ हजार ४९३ मत ल्याउनुभयो ।
१९. सस्मित पोखरेल – काठमाण्डौ ५ मा विजयी हुँदा कांग्रेसका प्रदीप पौडेल र एमालेका ईश्वर पोखरेल पराजित हुनुभयो । पोखरेलले ३० हजार ७३७ मत ल्याउँदा पौडेलले ९ हजार १५९ र पोखरेलले ४ हजार ७०१ मतल्याउनुभयो ।
२०. पुकार बम – काठमाण्डौ ४ मा विजयी हुँदा कांग्रेसका सचिन तिमल्सिेना र एमालेका राजन भट्टराई पराजित हुनुभयो । पुकारले २९ हजार २४२, सचिनले ८ हजार ८२४ र भट्टराईले ५ हजार ७३३ मत ल्याउनुभयो ।
२१. गणेश पराजुली – काठमाण्डौ ७ मा २७ हजार ८०५ मत ल्याएर विजयी हुनुभएको छ ।
२२. राजुनाथ पाण्डे– काठमाडौ ३ मा विजयी हुँदा उज्यालो नेपाल पार्टीका अध्यक्ष कुलमान घिसिङ पराजित हुनुभयो । रास्वपाका पाण्डेले १८ हजार ७५७ मत र घिसिङले ११ हजार १७१ मत ल्याउनुभयो ।
२३. विराजभक्त श्रेष्ठ– काठमाण्डौ ८ बाट विजयी हुनुभएको छ । उहाँले २४ हजार ५९२ र उहाँका निकटतम प्रतिस्पर्धी नेपाली कम्युनिष्ट पार्टी (नेकपा) का सुमन सायमीले ३ हजार २१७ मत ल्याउनुभयो ।
२४. शिशिर खनाल– काठमाण्डौ ६ बाट विजयी हुनुभएको छ । खनालले २७ हजार ७१९ र उहाँका निकटतम प्रतिस्पर्धी नेपाली कांग्रेसका कृष्ण बानियाँ क्षेत्रीले ६ हजार ६४७ मत पाउनुभयो ।
२५. रञ्जु न्यौपाने (दर्शना)– काठमाण्डौ १ बाट १५ हजार ४ सय ५५ मतसहित विजयी हुनुभयो । उहाँका प्रतिस्पर्धी नेपाली कांग्रेसका प्रबल थापाले ६ हजार ३६४ मत प्राप्त गर्नुभयो ।
कांग्रेस
१. तेह्रथुमबाट कांग्रेसका सन्तोष सुब्बा ११ हजार ५६१ मत ल्याएर विजयी हुनुभएको छ । उहाँका निकटतम प्रतिष्पर्धी एमालेका भानुभक्त ढकालले १० हजार ६८२ मत ल्याउनुभयो ।
२. दैलेख १ मा बासना थापा १२ हजार ३७२ मत ल्याएर विजयी हुनुभएको छ । निकटम प्रतिष्पर्धी एमालेका रविन्द्रराज शर्माले ११ हजार ७९६ मत ल्याउनुभयो ।
३. रसुवा १ मा मोहन आचार्य १० हजार ६५६ मत ल्याएर विजयी हुनुभएको छ । निकटम प्रतिष्पर्धी रास्वपाका बसन्त भट्टले ५ हजार ५७१ मतल्याउनुभयो ।
४. मुस्ताङबाट योगेश गौचन थकाली ३ हजार ३०७ मत ल्याएर विजयी हुनुभएको छ । प्रतिस्पर्धी एमालेका ईन्द्रधार विष्टले एक हजार ८०३ मत प्राप्त गर्नुभयो ।
५. मनाङबाट टेकबहादुर गुरुङ २ हजार ४१५ मतसहित विजयी हुँदा उहाँका प्रतिस्पर्धी नेकपाकी यशोदा गुरुङ (सुवेदी)ले ४५४ मत ल्याउनुभयो ।
नेकपा
१. कालिकोटबाट महेन्द्रबहादुर शाहीले ११ हजार ३३८ मत ल्याएर विजयी हुनुभएको छ । प्रतिष्पर्धी एमालेका नगीन्द्र शाहीले १० हजार ३५२ मत ल्याउनुभयो ।
२. रुकुमपूर्वबाट नेपाली कम्युनिष्ट पार्टी (नेकपा)का संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ विजयी हुनुभएको छ । उहाँले १० हजार २४० र एमालेका लीलामणि गौतमले ३ हजार ४६२ मत प्राप्त गर्नुभयो ।
एमाले
१. बाँके २ बाट मोहम्मद इस्तियाक राईले २४ हजार ६४७ मत ल्याएर विजयी हुनुभएको छ । प्रतिष्पर्धी रास्वपाका विवेककुमार श्रेष्ठले १८ हजार ६७९ मत ल्याउनुभयो ।
स्वतन्त्र
१. म्याग्दीबाट स्वतन्त्र उम्मेदवार महावीर पुन निर्वाचित हुनुभएको छ । उहाँले २२ हजार ८५० मत ल्याएर विजयी हुँदा एमालेका हरिकृष्ण श्रेष्ठले ७ हजार ९१९ मत ल्याउनुभयो ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login