स्थानीय तह
कांग्रेस नेता सुनिल शर्माको वडामा सर्वसम्मत नेतृत्व चयन
बेलबारीः नेपाली कांग्रेसको १४ औं महाधिवेशनको लागि देशभर अहिले वडा अधिवेशन भइरहेको छ । क्रियाशील सदस्यताको विवाद समाधान नभएका कारण प्रदेश १ को मोरङबाहेक बाँकी सबै जिल्लामा वडा अधिवेशन भइरहेको छ ।
यसैबीच, क्रियाशील सदस्यताको अन्तिम नामावली नआउँदै मोरङको बेलबारी नगरपालिका वडा नम्बर ४ ले भने सर्वसम्मत नेतृत्व चयन गरेको छ । वडामा सोमबार भएको भेलाले इन्द्रकुमार राईको सभापतित्वमा २७ सदस्यीय वडा समिति निर्माण गर्ने सर्वसम्मत निर्णय भएको हो । सो निर्णय अनुसार वडा उपसभापतिमा शेरबहादुर थापा र पूर्ण राई, सचिवमा मोहन पौडेल र नारायण मिश्र तथा सहसचिवमा दुईनकुमार थापामगर र प्रदीप खवास छानिएका छन् । वडा नम्बर ४ कांग्रेसका नेता सुनिलकुमार शर्माको वडा भएकाले सो वडालाई विशेष महत्वका साथ हेरिन्छ ।
सो वडामा क्षेत्रीय प्रतिनिधि चयन पनि सर्वसम्मतमै गर्ने निर्णय भएको छ । क्षेत्रीय प्रतिनिधिहरुमा खुलातर्फ डम्बर बस्नेत, राजेन्द्र अधिकारी, रामहरि कोइराला, शम्भु भट्टराई र दिनेश सुवेदी चयन भएका छन् । आदिवासी जनजातितर्फ चन्द्र लिम्बू (लुङगा), रामकाजी राई, जीवन राई तथा महिला प्रतिनिधिमा इन्दिरा कार्की, सरिता बस्नेत, सीता गुरुङ लगायत चयन भएका छन् ।
सो वडामा सर्वसम्मत नेतृत्वको लागि भदौ १७ गते भएको भेलाले रामहरि कोइराला संयोजक र राजेन्द्र अधिकारी सहसंयोजक रहेको कार्यदल बनाइएको थियो ।
धरानको वडा नम्बर १२ मा आज वडा अधिवेशन हुँदै, यी हुन् वडामा विजयी हुनेहरु
Facebook Comment
Banner
बालबालिकालाई आज र भोलि भिटामिन ‘ए’ र जुकाको औषधी खुवाइँदै
सरकारले ६ महिनादेखि ५ वर्ष मुनिका बालबालिकालाई आज र भोलि देशैभर भिटामिन ‘ए’ क्याप्सुल खुवाउँदै छ ।
स्वास्थ्य तथा जनसंख्या मन्त्रालयले सो उमेर समूहका बालबालिकालाई रोगहरूबाट जोगाउन भिटामिन ‘ए’ क्याप्सुल खुवाउनुका साथै नियमित खोप लगाउन छुटेकाहरूलाई नजिकैको स्वास्थ्य केन्द्रमा गएर खोप लगाउन आग्रह गरेको छ । मन्त्रालयका अनुसार भिटामिन ‘ए’ क्याप्सुल ६ महिनादेखि ५९ महिनासम्मका बालबालिका तथा जुकाको औषधि एक देखि पाँच वर्षसम्मका बालबालिकालाई खुवाइने छ ।
भिटामिन ‘ए’ करिब ३२ लाख बालबालिका र जुकाको औषधि करिब २९ लाख बालबालिकालाई खुवाइने मन्त्रालयले जनाएको छ । सरकारले बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरणका लागि २०५० सालदेखि भिटामिन ‘ए’ क्याप्सुल र २०५६ सालदेखि जुकाको औषधि नियमित रुपमा खुवाउन थालेको हो ।
राष्ट्रिय भिटामिन ‘ए’ कार्यक्रमका लागि ५२ हजार महिला स्वास्थ्य स्वयंसेविका र १० हजार स्वास्थ्यकर्मी खटिने मन्त्रालयले जनाएको छ । सरकारले प्रत्येक वर्ष बालबालिकालाई वैशाख र कात्तिक महिनामा भिटामिन ‘ए’ र जुकाको औषधि निःशुल्क रुपमा खुवाउँदै आएको छ ।
Banner
आज विदेशी मुद्राको विनिमय दर कति ?
नेपाल राष्ट्र बैंकले बिहीबारका लागि विदेशी मुद्राको विनिमय दर निर्धारण गरेको छ ।
Banner
साविक विजेता सिटीलाई हराउँदै रियल पुग्यो सेमिफाइनलमा
साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login