Connect with us
Advertisement
Advertisement

नोबेल अस्पतालमा उपत्यकाबाहिर पहिलो पटक मिर्गौलाको सफल प्रत्यारोपण

Published

on

विराटनगरः नोबेल मेडिकल कलेज विराटनगरमा उपत्यका बाहिर पहिलोपटक मिर्गौलाको सफल प्रत्यारोपण भएको छ ।

सुनसरीको धरान निवासी ३४ वर्षीय टेकनाथ भुर्तेलको मिर्गौला प्रत्यारोपण सफल भएको अस्पतालले जनाएको छ । अस्पतालका अनुसार शनिबार डाक्टर शैलेन्द्र श्रेष्ठ नेतृत्वको चिकित्सक टिमले मिर्गौला प्रत्यारोपण गरेको हो ।

उनी गत डेढ वर्षदेखि डायलोसिस गराउँदै आएका थिए । यो प्रत्यारोपणलाई नोबेलले उपत्यका बाहिरको पहिलो घटना भनी दाबी गरेको छ । अस्पतालका जनसम्पर्क अधिकृत नारायण दाहालका अनुसार भुर्तेलको स्वास्थ्य अवस्था सामान्य छ ।

Banner

संविधान दिवसको अवसर पारेर लायन्स क्लब अफ इन्द्रपुरद्धारा रक्तदान

Published

on

विराटचोकः लायन्स क्लब अफ इन्द्रपुरले रक्तदान कार्यक्रम सम्पन्न गरेको छ । संविधान दिवसको अवसर पारेर लायन्स क्लब अफ इन्द्रपुर वर्ष २०२१÷०२२ लाई सफल र सार्थक बनाउँदै क्लबको मिसन, भिजन प्राप्तीका लागि समाजमा विभिन्न सेवामूलक कार्यक्रम गर्ने लायन्स क्लबले आइतबार सुन्दरहरैँचा स्थित शुक्रबारे चौकमा कार्यक्रम सम्पन्न गरेको हो ।
रक्तदान नै जीवन दान हो भन्ने उदेश्यले आयोजित रक्तदान कार्यक्रममा ४३ पिन्ट रगत संकलन भएको आयोजकले जनाएको छ ।
कोरोना भाइसरको महामारीका कारण स्वास्थ्य संस्थाहरुमा रगतको अभाव भइरहेको कुरालाई समेत मध्यनजर गर्दै रक्तदान कार्यक्रमको आयोजना गरिएको जनाएको छ । धरान रेडक्रसको प्राविधिक सहयोग रहेको रक्तदान कार्यक्रममा सहयोगी संस्थाको रुपमा शुक्रबारे युवा क्लब रहेको थियो ।

Continue Reading

Banner

राष्ट्रपतिद्वारा संविधान दिवसको अवसरमा विभूषण, मानपदवी र अलङ्कार प्रदान गर्ने, पूर्व प्रधानमन्त्री स्व. कृष्णप्रसाद भट्टराईसहित ९०३ जनाले पाउने

Published

on

विराटचोकः संविधान दिवसको अवसर पारी सरकारले ९ सय ३ जनालाई विभिन्न मानपदवी, अलंकार र विभूषणबाट सम्मान गर्ने भएको छ ।

सबैभन्दा ठूलो विभूषण नेपाल रत्न पूर्वप्रधानमन्त्री एवम् नेपाली कांग्रेसका संस्थापक नेता कृष्णप्रसाद भट्टराईलाई दिने निर्णय सरकारले गरेको छ ।

उनले २०४७ सालको संविधान जारी गर्नुको साथै २०४८ सालको आमनिर्वाचन गराएका थिए । नेपालको लोकतान्त्रिक आन्दोलनमा विशिष्ट योगदान पुर्याएका भट्टराई नेपाली राजनीतिमा सन्त नेताका रूपमा परिचित छन् ।

त्यस्तै, दोस्रो ठूलो राष्ट्र गौरव विभूषण मन्त्रिपरिषदका पूर्वअध्यक्ष सुवर्णशमसेर र पूर्वप्रधानमन्त्री झलनाथ खनाललाई दिने निर्णय भएको छ ।

तेस्रो ठूलो महाउज्जवल राष्ट्रद्वीप प्रथम श्रेणीको विभूषण प्रधान न्यायाधीश चोलेन्द्र शमसेर जबराका साथै राजनीतिज्ञ मोहनचन्द्र अधिकारी, तुलसीलाल अमात्य, मंगलादेवी सिंह, दुर्गानन्द झा र गायक नारायण गोपाललाई दिने निर्णय भएको छ ।

सुप्रसिद्ध प्रबल जनसेवा श्री विभूषण प्रदीप नेपाल, पोष्टबहादुर बोगटी, मार्शलजुलुम शाक्य र पीएल सिंहलाई दिइने भएको छ ।

उज्जवल कीर्तिमय राष्ट्रद्वीप न्यायाधीश विश्वम्भरप्रसाद श्रेष्ठलाई दिने निर्णय भएको छ ।

प्रसिद्ध प्रबल जनसेवाश्री ३९ जनालाई प्रदान गरिने भएको छ । जसमा न्यायाधीशत्रय अनिलकुमार सिन्हा, सपना मल्ल र तेजबहादुर केसी छन् । त्यस्तै, महालेखा परीक्षक टङ्कमणि शर्मा, महान्यायाधिवक्ता खम्मबहादुर खाती, धर्मगुरु आत्मानन्दन लिङ्देन, राजनीतिज्ञ स्व. चक्रप्रसाद बास्तोलाले पनि सो पदक पाउने भएका छन् ।

त्यसैगरी, स्व. द्वारिकादेवी ठकुरानी, स्व. सिद्धराज ओझा, स्व. भीमदत्त पन्त, स्व. योगेन्द्रमान शेरचन, स्व. दिवानसिंह राई, तेजबहादुर अमात्य, अरविन्दकुमार ठाकुर, स्व. भूविक्रम नेम्वाङ, स्व. क्या. यज्ञबहादुर थापा, स्व. थीरबम मल्ल, स्व. सरोज कोइराला, स्व. टेकबहादुर चोख्याल, स्व. शिवराज पन्त, स्व. एनडी प्रकाश चटौत, स्व. दुर्गादत्त जोशी, मुख्यसचिव शङ्करदास वैरागी, प्रधानसेनापति प्रभुराम शर्मा, वरिष्ठ अधिवक्ता कृष्णप्रसाद भण्डारीलाई सो पदक प्रदान गरिने भएको छ ।

सुप्रबल जनसेवाश्री तृतीय श्रेणी १६१ जनालाई, कीर्तिमय राष्ट्रदीप चतुर्थ श्रेणी ८ जनालाई, प्रवल जनसेवाश्री चतुर्थ श्रेणी ३१९ जनालाई र जनसेवाश्री पञ्चम श्रेणी १९० जनालाई प्रदान गरिने राष्ट्रपतिको कार्यालयले जनाएको छ ।

यसैगरी, राष्ट्र यशोवद्र्धक अलङ्कार चार जनालाई, नेपाल सेवा प्रवीण दुई जनालाई, समाजसेवा रत्न २१ जनालाई, नेपाल प्रताप सुभूषण ३४ जनालाई, अतिपौरख भास्कर ७ जनालाई, नेपाल प्रताप आभूषण २४ जनालाई, महापौरख भास्कर ३ जनालाई र नेपाल प्रताप भूषण १६ जनालाई प्रदान गरिने भएको छ ।

राष्ट्रसेवा पदक प्रथम श्रेणी ३ जनालाई, सुकीर्ति पदक १० जनालाई, सगरमाथा पदक ७ जनालाई, वीरता पदक ७ जनालाई, विकास रत्न पदक १ जनालाई र प्राकृतिक प्रकोप पीडितोद्धार पदक ९ जनालाई प्रदान गरिने भएको छ ।

विभूषण, अलङ्कार र पदक पाउनेहरूको नाम आजको गोरखापत्रमा प्रकाशित सूचनामा उल्लेख छ ।

राष्ट्रपति विद्यादेवी भण्डारीले शीतल निवासमा आयोजित विशेष समारोहमा विभूषण प्रदान गर्ने कार्यक्रम छ ।

Continue Reading

Banner

सुनसरी ब्याडमिन्टन संघमा नयाँ नेतृत्व

Published

on

धरानः प्रतीक श्रेष्ठ सुनसरी जिल्ला ब्याडमिन्टन संघको छैटौँ जिल्ला अधिवेशनबाट अध्यक्षमा चुनिएका छन् । अध्यक्ष श्रेष्ठ विगत २५ वर्षदेखि ब्याडमिन्टन खेलमा सक्रिय छन् ।

अधिवेशनले उपाध्यक्षमा मणिराज गुरुङ, सुरेश नेयोङ र रामकाजी माबुहाङलाई चयन गरेको छ । सचिवमा सुरेश कार्की, सहसचिवमा राजकुमार कर्माचार्य र कोषाध्यक्षमा सुरेन्द्र मादेन चयन भएका छन् । सदस्यहरुमा यङ्ला शेर्पा लामा र रबिन साउदेन चयन भएका छन् ।

१९ सदस्यीय कार्यसमितिका बाँकी १० सदस्यहरु भने कार्यसमितिले बैठक बसेर मनोनित गर्ने अध्यक्ष श्रेष्ठले बताए ।

 

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक