विराटनगरः पूर्वका विभिन्न स्थानमा हिजो भएका सवारी दुर्घटनामा ४ जनाको मृत्यु भएको छ भने ५ जना घाइते भएका छन् ।

हिजो दिउँसो पौने ११ बजे मोरङको बुढीगंगा गाउँपालिका वडा नम्बर ३ कोशी राजमार्गमा बा ११ च १५७१ नम्बरको कार दुर्घटना भएको थियो । अनियन्त्रित भई सडकको छेउमा रहेको बिजुलीको पोलमा ठोक्किदा कार चालक मोरङको बेलबारी– १ का ३८ वर्षीय बाबुराम कार्की, कारमा सवार ४३ वर्षीया गीता लिम्बू, ३० वर्षीया चन्द्रकला राई र ५५ वर्षीया कानी धिमाल घाइते भएका थिए । घाइतेमध्ये हिजो दिउँसो साढे १२ बजे चन्द्रकला राईको विराट मेडिकल कलेज गंगा चोकमा उपचारको क्रममा मृत्यु भएको छ । अन्य घाइतेको सोही अस्पतालमा उपचार भइरहेको छ ।

त्यसैगरी, हिजो बेलुका साढे ८ बजे झापाको मेचीनगर नगरपालिका वडा नम्बर १२ कालीझोडास्थित पूर्व–पश्चिम राजमार्गमा सवारी दुर्घटनामा १ जनाको ज्यान गएको छ ।

को २० प ४ नम्बरको मोटरसाइकले सोही दिशातर्फ जाँदै गरेको मे. १ त ७०६३ नम्बरको ट्याक्टरलाई पछाडिबाट ठक्कर दिएको थियो । सो दुर्घटनामा मोटरसाइकल पछाडि सवार मेचीनगर १३ का ३० वर्षीय युवराज लिम्बूको उपचारको लागि बीएण्ड सी अस्पताल बिर्तामोड पु¥याउनासाथ मृत्यु भएको थियो । मोटरसाइकल चालक झापाको कन्काई नगरपालिका वडा नम्बर ६ दुर्गापुरका ४३ वर्षीय दिलकुमार कार्कीको सोही अस्पतालमा नै उपचार भइरहेको छ । ट्याक्टर र ट्याक्टर चालक झापाको मेचीनगर– २ का २६ वर्षीय सुवास नेम्वाङ प्रहरीको नियन्त्रणमा रहेका छन् ।

यसैगरी हिजो राती साढे १० बजे झापाकै बुद्धशान्ति गाउँपालिका वडा नम्बर ३ मा रहेको सात नम्बर चोकाा मे. १० प ६०७ नम्बरको स्कुटर र विपरीत दिशाबाट आउँदै गरेको प्र.१–०१–००१ ज ३५५५ नम्बरको पिकअप एक आपसमा ठक्कर खाई दुर्घट्ना भएको थियो । सो दुर्घटनामा गम्भीर घाइते भएका स्कुटर चालक मेचीनगर – १३ का ३२ वर्षीय पर्शुराम लिम्बूको बी एण्ड सी अस्पताल बिर्तामोड पु¥याउनासाथ मृत्यु भएको थियो । सोही स्कुटरमा सवार मेचीनगर–१३ की ३० वर्षीया मनिषा लिम्बूको सोही अस्पतालमा उपचार भइरहेको छ । पिकअप र चालक इलामको सूर्योदय नगरपालिका वडा नम्बर १० का २७ वर्षीय विवेक प्रधान प्रहरीको नियन्त्रणमा रहेका छन् ।

त्यसैगरी हिजो राती १२ बजे मोरङको विराटगर महानगरपालिका वडा नम्बर १२ कोशी प्रोजेक्टस्थित भित्री सडक खण्डमा भएको दुर्घटनामा १ जनाको ज्यान गएको छ । को २१ प ५६१२ नम्बरको स्कुटर अनियन्त्रित भई दुर्घटना हुँदा गम्भीर घाइते भएका स्कुटर चालक विराटनगर महानगरपालिका वडा नम्बर १ का ४२ वर्षीय रञ्जितकुमार शर्माको कोशी अस्पताल विराटनगरमा उपचारको क्रममा राती १ बजे मृत्यु भएको छ ।

सबै दुर्घटनाको सम्बन्धमा सम्बन्धित प्रहरी कार्यालयहरुले थप अनुसन्धान तथा कानुनी प्रक्रिया गरिरहेको बताएका छन् ।