पर्यटन
पर्यटकीय क्षेत्रको खानी रहेको केराबारी गाउँपालिका
विराटचोकः मोरङको सबैभन्दा ठूलो गाउँपालिका केराबारीको क्षेत्रफल २ सय १९ दशमलव ८३ वर्ग किमी क्षेत्रफलमा रहेको छ । १० वटा वडा मध्ये ५ वटा पहाडी क्षेत्रमा पर्ने हुनाले अन्य वडाको तुलनामा ती वडामा बढी मात्रामा पर्यटकीय क्षेत्र रहेका छन् । तीमध्ये केही पर्यटकीय क्षेत्र यसप्रकार रहेका छन् ।
जेफालेः गाउँपालिकाको मुख्य पर्यटकीय क्षेत्रको रुपमा जेफाले रहेको छ । वडा नम्बर २ अर्थात् साविक सिंहदेवी गाविसको वडा नं. ५ को बिहीबारे बजारमा जेफाले भ्यु–टावर रहेको छ । यहाँसम्म पुग्ने २ वटा बाटा रहेका छन् । एउटा बाटो मोरङको सुन्दरहरंैंचाको खोर्साने हुँदै केराबारी बजारबाट जान्छ । ३० किलोमिटर उत्तर लागेपछि जेफाले पुगिन्छ । त्यस्तै, अर्काे बाटो कोशी राजमार्गबाट धरान– भेडेटार, डाँडाबजार, राजारानी, हुँदै पुगिन्छ । हावेचौर भनिने बिहीबारे बजारबाट झण्डै १ हजार पक्की सिँढी चढेर जेफाले पुगिन्छ ।
धनकुटा र मोरङको सिमानामा रहेको बाह्रैमास शीतल हुने यस ठाउँमा हाल पर्यटकहरूका लागि होमस्टेको व्यवस्थापन गरिएको छ । तीन तले सो भ्युटावरबाट सूर्योदयको दृश्य देख्न सकिन्छ । यहाँ स्थानीय मगर समुदायको सांस्कृतिक हुर्रा नाच पनि हेर्न पाइन्छ । नजिकै पाथीभरा देवीको मन्दिर रहेको छ । मोरङको पहिलो चिया बगान पनि यहीँ रहेको छ ।
तोप थुम्की डाँडाः वडा नं.४ अर्थात् साविक याङ्सिला गाविस वडा नं.५ मा रहेको चिउरी भञ्ज्याङबाट १ किलोमिटर पश्चिम–उत्तरमा रहेको अग्लो पहाडको थुम्कीलाई तोपथुम्की डाँडा भनिन्छ । चिउरी भञ्ज्याङबाट उकालो लागेपछि तोप थुम्कीडाँडा पुग्न ग्रामीण कच्ची सडकबाट आधा घण्टाको पैदल यात्रा गर्नुपर्छ । पहिले धरानको विजयपुर डाँडासम्म त्यहाँबाट तोपको गोला बर्साउने भएकाले यसलाई तोपथुम्की भनिएको हो । यहाँबाट चारकोशे झाडी र सप्तकोशी नदी पश्चिम आसपासका बस्तीहरूको दृश्यावलोकन गर्न सकिन्छ ।
कुहिरोले ढाकिरहने ध्वजेडाँडा
केराबारी गाउँपालिका वडा नं. १ अर्थात् साबिक पाटी गाविसमा रहेको ध्वजेडाँडा धनकुटाको चौबिसे गाउँपालिका र मोरङको केराबारी गाउँपालिकाको सिमानामा रहेको छ । धनकुटाको डाँडाबजारको भगिश्वर स्मृति पार्कदेखि दक्षिण हुँदै आधा घण्टाको उकालो पैदल यात्रापछि यहाँ पुग्न सकिन्छ । सूर्योदयको दृश्यावलोकनका लागि पनि ध्वजे डाँडा प्रसिद्ध छ ।
चिसो हावापानी पाइने ओख्रे भ्युटावरः केराबारी गाउँपालिका वडा नं.४ मा रहेको यो भ्यूटावर अर्को दोस्रो गन्तव्य हो । ध्वजेडाँडा र जेफाले भ्युटावरसँग मिल्दोजुल्दो देखिए पनि यहाँ बढी चिसो हावा चल्छ । इहाँबाट हिमालदेखि तराईसम्मको दृश्य अवलोकन गर्न सकिन्छ ।
सिद्धथुम्की डाँडाः साविक याङ्शिला गाविसको वडा नंं.४ स्थित चनौटेमा रहेको यो डाँडामा सिद्धदेवी बाबाकोे पूजाआजा गर्ने गरेका कारण अहिले पनि स्थानीय याम्फू राईहरूले पूजाआजा गर्दै आएका छन् । यहाँबाट केराबारीको पूर्वोत्तर भाग तथा तराईका घना जङ्गल खोला–खोल्सी, नदी आदिको आकर्षक दृश्य देख्न सकिन्छ । नजिकै सातकन्या गुफा पनि रहेको छ ।
सातकन्या गुफा र झाँक्री गुफाः वडा नं. ४ मा रहेको सातकन्या गुफा याङ्शिलाको चनौटे भन्ने ठाउँ हुँदै झण्डै आधा घण्टाको ओरालो पैदल यात्रापछि पुगिन्छ । परापूर्वकालदेखि सातकन्या देवीको वासस्थान रहेको त्यो गुफामा प्राचीन ढुङ्गा तथा चुनको माटाले बनेको कलाकृतिका कारण अत्यन्तै रोमाञ्चक दृश्यहरू देख्न सकिन्छ । सातकन्या गुफाको ५० मिटरअगाडि झाँक्री गुफा रहेको छ ।
शिव पार्वती गुफाः वडा नं. १ पाटीमा रहेको शिवपार्वती गुफालाई ऐतिहासिक गुफाको रूपमा लिइन्छ । भक्तजनहरू राजमार्गदेखि पैदल हिँडेर आउने गरेका छन् । विभिन्न चाडपर्वमा मेला लाग्ने यस गुफामा पुगेर दर्शन गरे चिताएको पूरा हुने धार्मिक विश्वास पाइन्छ ।
तामा झरनाः चिउरी भञ्ज्याङ पुगेपछि टाकुरे बस्तीको ओरालो पैदल यात्रापछि पुगिने थाकने खोलाको उकालो डाँडासँगै कालीखोलाको शिरमा पुगेपछि भेटिने झरनालाई तामा झरना भनिन्छ । यो झरना झण्डै ५० मिटर उचाइबाट झरेको छ । तामाको जस्तो रङ भएको सिलौटे ढुङ्गाबाट बग्ने भएकाले यसलाई तामा झरना भनेको स्थानीय बताउँछन् ।
Facebook Comment
प्रतिनिधिसभा चुनावको प्रत्यक्षतर्फ १६५ मध्ये १६१ क्षेत्रमा मतगणना भइरहेको छ । यसमध्ये ३४ वटा निर्वाचन क्षेत्रको अन्तिम नतिजा सार्वजनिक भएको छ । निर्वाचन आयोगको पछिल्लो विवरण अनुसार राष्ट्रिय स्वतन्त्र पार्टी (रास्वपा) २५ क्षेत्रमा विजयी भएको छ । नेपाली कांग्रेसले ५, नेपाली कम्युनिष्ट पार्टी (नेकपा)ले २ र एमालेले १ तथा स्वतन्त्र उम्मेदवारले १ क्षेत्रमा जित हासिल गरेका छन् । मतगणना भैरहेका ठाउँमा रास्वपाकै उम्मेदवाहरु अगाडि छन् । रास्वपा ९३, कांग्रेस १०, एमाले १०, नेकपा ११, श्रम संस्कृति पार्टी ५ र राप्रपा १ क्षेत्रमा अगाडि छन् ।
रास्वपा
१. बुद्धिप्रसाद पन्त – पर्सा १ बाट २७ हजार २७४ मत ल्याएर विजयी हुँदा एमालेका प्रदिप यादवले १३ हजार ३० मत ल्याउनुभयो ।
२. सागर भुसाल – पर्वतबाट २६ हजार ५६१ मत ल्याएर विजयी हुनुभएको छ । कांग्रेसका अर्जुनप्रसाद जोशीको १५ हजार ९५४ र एमालेका पदम गिरीको १५ हजार ७५ मत आएको छ ।
३. अरबिन्द साह – बारा ३ बाट ४० हजार ६९७ मत ल्याएर विजयी हुँदा कांग्रेसका फरमुल्लाह मंसुरले १० हजार ५२ मत ल्याउनुभयो र
४. रवि लामिछाने – चितवन क्षेत्र नम्बर २ बाट तेस्रोपटक विजयी हुनुभएको छ । लामिछानेले ५४ हजार ४०२ मत ल्याएर विजयी हुनुभएको हो । उहाँका निकटतम् प्रतिष्पर्धी नेपाली कांग्रेसकी मिना खरेलले १४ हजार ५६४ र एमालेका अस्मिन घिमिरेले ६ हजार ९९२ मत ल्याउनुभयो ।
५. रुकेश रन्जित – भक्तपुर १ बाट ३३ हजार ४३६ मत ल्याएर विजयी हुँदा नेपाल मजदुर किसान पार्टीका प्रेम सुवालले २८ हजार १४७ मत ल्याउनुभयो ।
६. सुनिल केसी – काठमाण्डौ २ बाट ३४ हजार २३८ मत ल्याएर विजयी हुनुभएको छ । उहाँका प्रतिष्पर्धी कांग्रेसका कविर शर्माले ८ हजार ८७४ मत ल्याउनुभयो ।
७. प्रमोद कुमार महतो – महोत्तरी १ बाट ३४ हजार ६३६ मत ल्याएर विजयी हुनुभएको छ । उहाँका निकटतम प्रतिष्पर्धी नेकपाका गिरिराजमणि पोखरेलले १२ हजार ६२४ मत ल्याउनुभयो ।
८. धनञ्जय रेग्मी – स्याङ्जा १ बाट २९ हजार ७१ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका भरतराज ढकालले १८ हजार ८५७ मत ल्याउनुभयो ।
९. सुरेशकुमार चौधरी – बाँके १ बाट ५२ हजार ७९२ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका नारायणप्रसाद गौडेलले १५ हजार ३०१ मत ल्याउनुभयो ।
१०. खगेन्द्र सुनार – बाँके ३ बाट २९ हजार ५५१ मत ल्याएर विजयी हुनुभएको छ । उहाँका निकटमत प्रतिष्पर्धी एमालेका सुमन मल्लले १९ हजार ६१५ मत ल्याउनुभयो ।
११. कन्हैया बनिया– रुपन्देही ४ बाट २८ हजार ६६ मत ल्याएर विजयी हुनुभएको छ । प्रतिष्पर्धी एमालेका प्रमोदकुमार यादवको २० हजार २६२ मत आएको छ ।
१२. रुविना आचार्य– मोरङ ६ मा विजयी हुँदा कांग्रेसका डा. शेखर कोइराला पराजित हुनुभएको छ । आचार्यले ५५ हजार ५१३ मत ल्याउँदा कोइरालाले १२ हजार ८५० मतमात्रै ल्याउनुभएको छ ।
१३. डीपी अर्याल– काठमाण्डौ ९ मा ३५ हजार ९३ मत ल्याएर विजयी हुनुभएको छ । कांग्रेसकी नानुमाया बास्तोलाले ५ हजार ४६० मत ल्याउनुभयो ।
१४. मनिष झा– धनुषा ३ मा विजयी हुँदा कांग्रेसका विमलेन्द्र निधि पराजित हुनुभएको छ । झाले ४३ हजार १४२ र निधिले १५ हजार ९९२ मत ल्याउनुभयो ।
१५. सन्तोष राजवंशी– मोरङ ४ मा विजयी हुँदा कांग्रेसका गुरुराज घिमिरे पराजित हुनुभयो । राजवंशीले ४० हजार ८३३ मत ल्याउँदा घिमिरेले १२ हजार ८१८ मत ल्याउनुभयो ।
१६. बिना गुरुङ – कास्की ३ मा विजयी हुँदा कांग्रेसका मनोज गुरुङ पराजित हुनभयो । बिनाले ३७ हजार ७५० मत ल्याउँदा मनोजले १२ हजार ७८० मत ल्याउनुभयो ।
१७. प्रदीप बिष्ट – काठमाण्डौ १०मा विजयी हुँदा कांग्रेसका हिमाल कार्की पराजित हुनुभएको छ । बिष्टले ३७ हजार ४६९ र कार्कीले ८ हजार १०० मत ल्याउनुभयो ।
१८. उत्तम प्रसाद पौडेल – कास्की २ मा विजयी हुँदा एमालेका रश्मि आचार्य पराजित हुनुभयो । पौडेलले ३१ हजार ९११ र आचार्यले ७ हजार ४९३ मत ल्याउनुभयो ।
१९. सस्मित पोखरेल – काठमाण्डौ ५ मा विजयी हुँदा कांग्रेसका प्रदीप पौडेल र एमालेका ईश्वर पोखरेल पराजित हुनुभयो । पोखरेलले ३० हजार ७३७ मत ल्याउँदा पौडेलले ९ हजार १५९ र पोखरेलले ४ हजार ७०१ मतल्याउनुभयो ।
२०. पुकार बम – काठमाण्डौ ४ मा विजयी हुँदा कांग्रेसका सचिन तिमल्सिेना र एमालेका राजन भट्टराई पराजित हुनुभयो । पुकारले २९ हजार २४२, सचिनले ८ हजार ८२४ र भट्टराईले ५ हजार ७३३ मत ल्याउनुभयो ।
२१. गणेश पराजुली – काठमाण्डौ ७ मा २७ हजार ८०५ मत ल्याएर विजयी हुनुभएको छ ।
२२. राजुनाथ पाण्डे– काठमाडौ ३ मा विजयी हुँदा उज्यालो नेपाल पार्टीका अध्यक्ष कुलमान घिसिङ पराजित हुनुभयो । रास्वपाका पाण्डेले १८ हजार ७५७ मत र घिसिङले ११ हजार १७१ मत ल्याउनुभयो ।
२३. विराजभक्त श्रेष्ठ– काठमाण्डौ ८ बाट विजयी हुनुभएको छ । उहाँले २४ हजार ५९२ र उहाँका निकटतम प्रतिस्पर्धी नेपाली कम्युनिष्ट पार्टी (नेकपा) का सुमन सायमीले ३ हजार २१७ मत ल्याउनुभयो ।
२४. शिशिर खनाल– काठमाण्डौ ६ बाट विजयी हुनुभएको छ । खनालले २७ हजार ७१९ र उहाँका निकटतम प्रतिस्पर्धी नेपाली कांग्रेसका कृष्ण बानियाँ क्षेत्रीले ६ हजार ६४७ मत पाउनुभयो ।
२५. रञ्जु न्यौपाने (दर्शना)– काठमाण्डौ १ बाट १५ हजार ४ सय ५५ मतसहित विजयी हुनुभयो । उहाँका प्रतिस्पर्धी नेपाली कांग्रेसका प्रबल थापाले ६ हजार ३६४ मत प्राप्त गर्नुभयो ।
कांग्रेस
१. तेह्रथुमबाट कांग्रेसका सन्तोष सुब्बा ११ हजार ५६१ मत ल्याएर विजयी हुनुभएको छ । उहाँका निकटतम प्रतिष्पर्धी एमालेका भानुभक्त ढकालले १० हजार ६८२ मत ल्याउनुभयो ।
२. दैलेख १ मा बासना थापा १२ हजार ३७२ मत ल्याएर विजयी हुनुभएको छ । निकटम प्रतिष्पर्धी एमालेका रविन्द्रराज शर्माले ११ हजार ७९६ मत ल्याउनुभयो ।
३. रसुवा १ मा मोहन आचार्य १० हजार ६५६ मत ल्याएर विजयी हुनुभएको छ । निकटम प्रतिष्पर्धी रास्वपाका बसन्त भट्टले ५ हजार ५७१ मतल्याउनुभयो ।
४. मुस्ताङबाट योगेश गौचन थकाली ३ हजार ३०७ मत ल्याएर विजयी हुनुभएको छ । प्रतिस्पर्धी एमालेका ईन्द्रधार विष्टले एक हजार ८०३ मत प्राप्त गर्नुभयो ।
५. मनाङबाट टेकबहादुर गुरुङ २ हजार ४१५ मतसहित विजयी हुँदा उहाँका प्रतिस्पर्धी नेकपाकी यशोदा गुरुङ (सुवेदी)ले ४५४ मत ल्याउनुभयो ।
नेकपा
१. कालिकोटबाट महेन्द्रबहादुर शाहीले ११ हजार ३३८ मत ल्याएर विजयी हुनुभएको छ । प्रतिष्पर्धी एमालेका नगीन्द्र शाहीले १० हजार ३५२ मत ल्याउनुभयो ।
२. रुकुमपूर्वबाट नेपाली कम्युनिष्ट पार्टी (नेकपा)का संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ विजयी हुनुभएको छ । उहाँले १० हजार २४० र एमालेका लीलामणि गौतमले ३ हजार ४६२ मत प्राप्त गर्नुभयो ।
एमाले
१. बाँके २ बाट मोहम्मद इस्तियाक राईले २४ हजार ६४७ मत ल्याएर विजयी हुनुभएको छ । प्रतिष्पर्धी रास्वपाका विवेककुमार श्रेष्ठले १८ हजार ६७९ मत ल्याउनुभयो ।
स्वतन्त्र
१. म्याग्दीबाट स्वतन्त्र उम्मेदवार महावीर पुन निर्वाचित हुनुभएको छ । उहाँले २२ हजार ८५० मत ल्याएर विजयी हुँदा एमालेका हरिकृष्ण श्रेष्ठले ७ हजार ९१९ मत ल्याउनुभयो ।
मोरङ क्षेत्र नम्बर ६ मा राष्ट्रिय स्वतन्त्र पार्टी (रास्वपा) की उम्मेदवार रुबिना आचार्य विजयी भएकी छिन् ।
उनी ५५ हजार ५१३ मतसहित विजयी भएकी हुन् । उनका निकटतम प्रतिस्पर्धी डा. शेखर कोइरालाले १२ हजार ८५० मत प्राप्त गरेका छन् ।
काठमाडौं क्षेत्र नम्बर ८ मा राष्ट्रिय स्वतन्त्र पार्टीका उम्मेदवार विराजभक्त श्रेष्ठले भारी मतान्तरसहित सुरुवाती अग्रता लिएका छन् ।
बिहीबार भएको मतदानपछि जारी मतगणनामा उनले १७२४ मत प्राप्त गरेका छन् ।
त्यस्तै, कांग्रेस उम्मेदवार सपनाराज भण्डारीले २०७, नेपाली कम्युनिस्ट पार्टीका सुमन सायमीले १५४ र नेकपा एमालेका राजेश शाक्यले ११५ मत प्राप्त गरेका छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login