शेयर
दोहोरो अंकले बढेको बजारमा ३ अर्बभन्दा कम रुपैयाँको कारोबार
विराटचोकः लगातार घटिरहेको शेयर बजार मंगलबार कारोबार रकम भने न्यून रहेको छ । मंगलबार ४१.८४ अंकले बढेर नेप्से परिसूचक २६१२.६५ को बिन्दुमा अडिएको छ । कारोबार रकम भने २ अर्ब ९९ करोड ६८ लाख १९ हजार ६ सय ८३ रुपैयाँको भएको छ ।
बजारमा अब प्यानिक सेल रोकिएको र यतिबेला बेचेको शेयरको पैसा दशैंअघि नपाइने हुनाले पनि कम शेयर बिक्री भएको अनुमान गरिएको छ ।
मंगलबार नेप्सेमा सूचीकृत व्यापार समूह १ दशमलव ८४ प्रतिशतले घटेको छ । बाँकी सबै समूहको सूचक बढेको छ । वित्त समूह सर्वाधिक ४.१६ प्रतिशतले उकालो लागेको छ । विकास बैंक समूह ३.१२ प्रतिशत, लघुवित्त समूह २.७५ प्रतिशत, निर्जीवन बीमा समूह २.३४ प्रतिशत, जलविद्युत समूह २.२९ प्रतिशत, जीवन बीमा समूह २.१५ प्रतिशत, बैंकिङ समूह १.०२ प्रतिशत, होटल तथा पर्यटन समूह १.२२ प्रतिशत, उत्पादन तथा प्रशोधन समूह १.७५ प्रतिशत, अन्य समूहमा ०.६४ प्रतिशत, सामुहिक लगानी कोष ०.८८ प्रतिशत र लगानी समूहमा १.०७ प्रतिशतले बढेको छ ।
नेप्सेमा सूचीकृतमध्ये २ सय २३ कम्पनीका ५८ लाख ४२ हजार १ सय ३५ कित्ता शेयर किनबेच भएको छ । शिखर इन्स्योरेन्सको संस्थापक शेयरको सर्वाधिक १३ करोड ६६ लाख ५० हजार रुपैयाँको कारोबार भएको छ । मेरो माइक्रोफाइनान्स, हिमालयन डिस्टिलरी, सिटिजन्स बैंक, रिडी हाइड्रोपावर, नबिल बैंक उच्च कारोबार गर्ने कम्पनीमा परेका छन् ।
मल्टिपर्पाेज फाइनान्स, समता घरेलु लघुवित्त, हिमालयन पावर पटर्नर, मैलुङ खोला जलविद्युत, सिभिल लघुवित्त, छ्याङ्दी हाइड्रोपावर र जनउत्थान सामुदायिक लघुवित्तको शेयरमूल्य १० प्रतिशतले बढेको छ ।
मंगलबार नै बोनस घोषणा भएको एनआईसी एशिया लघुवित्तका सेयरधनीहरुले १० प्रतिशतले सम्पत्ति गुमाएका छन् । मंगलबार नै बोनस घोषणा भएको रिलायन्स लाइफ इन्स्योरेन्सको शेयरमूल्य पनि ३ दशमलव ३२ प्रतिशतले घटेको छ । माउन्टेन हाइड्रो, साल्ट ट्रेडिङ कर्पाेरेशन र रिडी हाइड्रोपावर उच्च मूल्य घट्ने कम्पनीमा परेका छन् ।
बजार बढेसँगै समग्र बजार पूँजीकरण ३६ खर्ब ५७ अर्ब कायम भएको छ ।
Facebook Comment
नेपाली कांग्रेको दोस्रो विशेष महाधिवेशनबाट सभापति बनेका गगन थापाले फागुन २१ को निर्वाचनका लागि धमाधम टिकट बाँड्न थालेका छन् ।
निर्वाचन आयोगबाट सभापतिको मान्यता पाएसँगै थापाले मंगलबार मनोनयन हुने भएपछि सोमबारदेखि धमाधम उम्मेदवार छानिरहेका छन् ।पहिलो चरणमा हिमाली र उच्च पहाडी जिल्लाका १७ निर्वाचन क्षेत्रका उम्मेदवारहरूलाई टिकट बाँडिसकेका छन् ।
यसअघि समानुपातिक र राष्ट्रियसभाको टिकटमा तत्कालीन सभापति शेरबहादुर देउवाले हस्ताक्षर गरेका थिए । प्रतिनिधिसभाको प्रत्यक्षतर्फ भने गगन आफैंले हस्ताक्षर गरे टिकट दिइरहेका छन् ।कांग्रेसका उम्मेदवार मिलाउन सोमबार राति देउवा र शेखर कोइराला समूहका नेतासँग उनले छलफल गरेका थिए । त्रिपक्षीय छलफलपछि गगनले टिकट बाँड्न थालेका हुन् । थापाले सोमबार नै राति धेरै स्थानको टिकट दिइसक्ने तयारी गरेका छन् ।
पार्टीको आधिकारिकता गुमाएको समूहलाई पनि गगनले समेटेर टिकट दिने तयारी गरेका छन् ।
१. कालिकोट – हर्ष बम
२. डोल्पा – कर्ण बहादुर बुढा
३. ताप्लेजुङ – गजेन्द्र तुम्येहाङ
४. तेह्रथुम – सन्तोष सुब्बा
५. दैलेख–१ – दिक्पाल शाही
६. दैलेख–२ – बासना थापा
७. धनकुटा – दिनेश राई
८. रूकुमपूर्व – कुसुम थापा मगर
९. पाँचथर – नरेन्द्र केरूङ
१०. प्युठान – डा. गोविन्दराज पोखरेल
११. बाजुरा – जनक गिरी
१२. बैतडी – चतुरबहादुर चन्द
१३. मुगु – खड्ग बहादुर बुढा
१४. रोल्पा – डा. सुधन कुमार ओली
१५. सल्यान – केशब बहादुर विष्ट
१६. जुम्ला – दीप बहादुर शाही
१७. हुम्ला – जयपति रोकाया
१८. भोजपुर- बालकृष्ण थापा
१९. अछाम-१, भरतबहादुर स्वाँर
२०. अछाम-२- पुष्पबहादुर शाह
सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेल राजीनामा दिने भएका छन् ।
खरेलका प्रेस सल्लाहकार सीबी अधिकारीका अनुसार उनले अहिले ५ः३० बजे मन्त्रालयमा पत्रकार सम्मेलन गर्दै राजीनामा दिन लागेका हुन् ।
उनी राष्ट्रिय स्वतन्त्र पार्टी (रास्वपा) प्रवेश गर्ने तयारी छ । उनीनिकटका अनुसार खरेल ललितपुर– २ बाट चुनावमा भाग लिँदै छन् ।
तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।
झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।
नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login