Connect with us
Advertisement
Advertisement

सुन्दरहरैंचा मेयर कप फुटसल प्रतियोगिताको च्याम्पियन वडा नम्बर १०

Published

on

विराटचोकः सुन्दरहरैंचा मेयर कप फुटसल प्रतियोगितामा वडा नम्बर १० विजयी भएको छ । मंगलबार भएको फाइनल खेलमा वडा नम्बर ११ लाई ० का विरुद्ध ३ ले गर्दै वडा नम्बर १० ले जीत हासिल गरेको हो । प्रतियोगिताको विजयी टिमले ३५ हजार रुपैयाँ र उपविजेता वडा नम्बर ११ ले २० हजार रुपैयाँ पाएका छन् । त्यस्तै, तेस्रो हुने वडा नम्बर लाई ५ हजार रुपैयाँका साथमा ट्रफी र प्रमाणपत्र कार्यक्रमका प्रमुख अतिथि नगरप्रमुख शिवप्रसाद ढकालले प्रदान गरेका थिए ।

प्रतियोगिताको समापन कार्यक्रममा बोल्दै प्रमुख अतिथि नगरप्रमुख ढकालले मोफसलमा पनि फुटसल सञ्चालन हुनु युवा खेलाडी र खेलप्रेमीहरुका लागि गौरवको विषय भएको बताए ।

नगरले खेल क्षेत्रमा विभिन्न कार्यक्रमसँगै बजेटको व्यवस्था गरेको र खेलकुद क्षेत्रमा सहयोग गर्ने उनको भनाइ थियो ।

यसैगरी प्रदेश १ खेलकुद विकास बोर्डका सदस्य सन्तोष बान्तवाले खेलकुदका क्षेत्रबाट यस ठाउँको विकास र युवा खेलाडी उत्पादनमा फुटसल प्रतियोगिताले सहयोग पुग्ने बताए ।

कार्यक्रममा सुन्दरहरैंचा नगरपालिकाका प्रमुख प्रशासकीय अधिकृत डा. कृष्णबहादुर घिमिरे, वडा नम्बर १२ का वडाध्यक्ष रोशनप्रसाद ढकाल, इन्द्रपुर जेसीजका अध्यक्ष कृष्णप्रसाद ओझा, नेपाली काङग्रेसका नेता ललितबहादुर श्रेष्ठ लगायतको उपस्थिति रहेको थियो ।

प्लानेट रिक्रिएसन सेन्टरको आयोजनामा आइतबार वडास्तरीय फुटसल प्रतियोगिता शुरु भएको थियो । मेयर कप फुटसल प्रतियोगिताको दोस्रो संस्करणको रुपमा रहेको सो प्रतियोगिताको मुख्य प्रबद्र्धकमा सुन्दरहरैंचा नगरपालिका रहेको थियो । सुन्दरहरैंचाका १२ वटा वडालाई ४ समूहमा विभाजन गरेर लिग कम नक आउटको आधारमा खेल खेलाइएको थियो ।

यसैबीच, मंगलबार नै सुन्दरहरैंचा नगरपालिका र सुन्दरहरैंचा उद्योग वाणिज्य संघबीच भएको मैत्रीपूर्ण फुटसल प्रतियोगिता नगरपालिकाले जितेको थियो । वाणिज्य संघलाई २ का विरुद्ध ६ गोल नगरपालिकाले गरेको थियो ।

Continue Reading

Facebook Comment

Click to comment

You must be logged in to post a comment Login

Leave a Reply

Banner

विपिनको ‘महाजात्रा’ ले पहिलो दिनमै कमायो एक करोडभन्दा बढी

Published

on

शुक्रवारबाट प्रदर्शनमा आएको फिल्म ‘महाजात्रा’ ले देशभर बम्पर ओपनिङ गरेको छ । फिल्मले पहिलो दिन एक करोड २३ लाख ग्रस कलेक्सन गरेको फिल्मका निर्देशक प्रदीप भट्टराईले जानकारी दिए ।

‘जात्रा’ र ‘जात्रै जात्रा’ पछि षट्कोण आर्ट्सले निर्माण गरेको यस्तो तेस्रो फिल्म हो । प्रदर्शनको पहिलो दिन नेपालका अधिका‍ंश शो हाउसफुल भएका छन् भने विदेशमा पनि सोही अवस्था छ । अष्ट्रेलियाको सिड्नी, होवर्ट लगायतका केही सहरमा ‘सोल्ड आउट’ भएको छ ।

Continue Reading

Banner

आज पहाडी जिल्लामा हर्षाेल्लासका साथ हाेली पर्व मनाइँदै

Published

on

Continue Reading

Banner

आज – ११ चैत्र २०८० आइतवार को राशिफल

Published

on

मेष

मेष (चु, चे, चो, ला, लि, लु, ले, लो, अ) आज साथी भाइसँग समय बित्नेछ । कुनै कुराले मनमा शान्ति छाउनेछ । बिनाप्रतिस्पर्धा फाइदा हुनेछ । पुनर्मिलनको योग पनि रहेको छ ।

मिथुन

मिथुन (का, कि, कु, घ, ङ, छ, के, को, हा) आज विशिष्ट व्यक्तिको साथ पाइनेछ । राजनैतिक कार्यमा सफलता मिल्नेछ । जोशजाँगर र हिम्मत बढ्नेछ । शेयर बजारको कारोबार हुनेछ ।

सिंह

सिंह (मा, मि, मु, मे, मो, टा, टि, टु, टे) आँटेको र ताकेको कार्य पुरा होला । आर्जनका क्षेत्रमा सुधार आउनेछ । धार्मिक कार्यमा रुचि बढ्नेछ । नजिकको मित्रसँग भेटघाट हुनेछ ।

तुला

तुला (रा, रि, रु, रे, रो, ता, ति, तु, ते) आज शैक्षिक क्षेत्रमा सफलता मिल्नेछ । पार्टी तथा सेमिनारमा सहभागी भइएला । आदर्श व्यक्तित्व सँगको सहकार्यले नयाँ अनुभव मिल्नेछ ।

धनु

धनु (ये, यो, भा, भि, भु, धा, फा, ढा, भे) आज न्यायिक कार्यमा सफलता मिल्नेछ । जोशजाँगर र हिम्मत बढ्नेछ । नयाँ कार्य वा रोजगार पाइनेछ । मित्रबाट विशेष सहयोग मिल्नेछ ।

कुम्भ

कुम्भ (गु, गे, गो, सा, सि, सु, से, सो, दा) आज मान प्रतिष्ठामा वृद्धि हुनेछ । भाग्यले विभिन्न अवसर जुराउनेछ । अनुहारमा कान्ति र मनमा शान्ति छाउनेछ । नयाँ कामको थालनी होला ।

बृष

वृष (इ, उ, ए, ओ, वा, वि, वु, वे, वो) आज आफन्त व्यक्तिसँग विवाद पर्ने सम्भावना छ । गर्न खोजेका काममा बिघ्नबाधा धेरै देखा पर्नेछन्, हरेक कार्यमा सतर्क हुनु नै उपयुक्त होला ।

कर्कट

कर्कट (हि, हु, हे, हो, डा, डि, डु, डे, डो) आज रोकिएका अधुरा कामहरू पुरा हुनेछन् । बोलीको प्रभाव बढ्नेछ । बिनाप्रतिस्पर्धा फाइदा हुने योग छ । पढाइ लेखाइमा प्रगति पनि हुनेछ ।

कन्या

कन्या (टो, पा, पि, पु, ष, ण, ठ, पे, पो) निर्णायक क्षमतामा कमी आउनेछ । स्वास्थ्य सम्बन्धी चिन्ता बढ्नेछ । चुनौतीको सामना गरी गलत निर्णय लिन पुगिएला, सचेत रहनुहोला ।

बृश्चिक

वृश्चिक (तो, ना, नि, नु, ने, नो, या, यि, यु) आज प्रतीक्षा गरिएको काम पूरा हुनेछ । दैनिक कार्यमा प्रगति हुनेछ । नयाँ ज्ञान सिक्ने मौका मिल्नेछ । शुभ समाचार पनि सुन्न पाइएला ।

मकर

मकर (भो,जा,जि,जु,जे,जो,ख,खि,खु,खे,खो,गा,गि) आज शरीर भारी र मन अस्थिर रहने संकेत देखिन्छ । नयाँ योजना कार्यान्वयनमा ल्याउन मुस्किल पर्ला । घरायसी विवाद समेत बढ्ला ।

मीन

मीन (दि, दु, थ, झ, ञ, दे, दो, चा, चि) आज सांस्कृतिक कार्यमा सरिक भइने छ । बन्धुबान्धवबाट सहयोग मिल्नेछ । मनमा हर्ष, उमङ्ग र उत्साह छाउने र जोशजाँगर बढ्नेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक