Connect with us
Advertisement
Advertisement

सुन्दरहरैंचाका जनप्रतिनिधिले यसरी आक्रोश पोखे पूर्वाञ्चल विश्वविद्यालयका पदाधिकारीसमक्ष

Published

on

विराटचोकः पूर्वाञ्चल विश्वविद्यालयलाई आज नेपाल स्कुल अफ अन्ट्रप्रनरसीपले १० थान अक्सिजन कन्सन्ट्रेटर प्रदान गर्न आयोजना गरेको कार्यक्रममा बोल्ने क्रममा जनप्रतिनिधिले विश्वविद्यालयका प्रतिनिधिसमक्ष आक्रोश पोखेका छन् ।

कार्यक्रमलाई सम्बोधन गर्ने क्रममा सुन्दरहरैंचाका प्रमुख शिवप्रसाद ढकाल र प्रदेश सांसद लोकप्रसाद संग्रौलाले विश्वविद्यालयका पदाधिकारीसमक्ष आक्रोश पोखेका हुन् । जनप्रतिनिधिले सहयोग गर्दागर्दै पनि विश्वविद्यालयका पदाधिकारीले गम्भीरतापूर्वक काम नगर्दा विश्वविद्यालयको अवस्था खराब हुँदै गएको जनप्रतिनिधिको भनाइ थियो ।

‘लामो रस्साकस्सीपछि विश्वविद्यालयमा पदाधिकारी नियुक्त हुनुभयो’ नगरप्रमुख ढकालले भने, ‘अब विश्वविद्यालय लम्किने मात्रै होइन चम्किन्छ भन्ने थियो । तर त्यस्तो भएन ।’ विश्वविद्यालयका पदाधिकारीले नै खासै चासो नदिएको उनले आरोप लगाए । कोरोनाको महामारीको पहिलो लहरमा विश्वविद्यालयले क्वारेन्टाइन निर्माणको लागि स्थान उपलब्ध गराएर सहयोग गरे पनि दोस्रो लहरमा अपेक्षाकृत सहयोग नपाइएको उनले बताए ।

‘विश्वविद्यालयमा कोभिड अस्पताल सञ्चालन गर्नुपर्छ भनेर बारम्बार म धाएँ । तर कतैबाट सहयोग नपाएपछि म आफैँ ‘ग्वाँ’ भएँ’, उनले अगाडि थपे, ‘कोभिड संक्रमितको उपचार पनि होस् र सहज क्वारेन्टाइन व्यवस्थापनमा जस्तो सहज उपचारमा पनि विश्वविद्यालयको नाम आओस् भन्ने नगरपालिकाको चाहना थियो । तर पदाधिकारीको असहयोगकै कारण बाध्य भएर हरैंचा अस्पताललाई स्तरोन्नति गरेर कोभिड अस्पताल व्यवस्थापन गर्नुपर्याे । यो संस्था स्वास्थ्य विज्ञ उत्पादन गर्ने कारखाना हो, तर कारखानामै विज्ञको हाहाकार किन हुन पुग्यो भन्ने मैले बुझ्न सकिनँ ।’

उपकुलपतिले शीघ्र निर्णय लिन सक्नुपर्ने नगर प्रमुख ढकालले बताए । अहिले विश्वविद्यालय आउने बाटो कालोपत्रे भएपछि बिरामी आउन धेरै सहज भएको बताउँदै नगरपालिकाले गर्ने सहयोग गर्न सधैँ तयार भएको उनले बताए । नगरपालिका आफैँ लागेर कोरोना संक्रमित नगरवासीको घरघरमा पुगेर औषधी वितरण गरेको, मध्यरातमा पनि अक्सिजनका सिलिण्डर संक्रमितका घरमा पुर्याएको बताउँदै यत्रो भौतिक संरचना हुँदा पनि विश्वविद्यालयमा आफूले सोचेअनुसार स्वास्थ्य सेवा दिने वातावरण बनाउन नसकेको उनको भनाइ थियो ।

प्रदेश सांसद लोकप्रसाद संग्रौलाले पनि विश्वविद्यालयले गति लिन नसक्नुमा पदाधिकारी मुख्य दोषी भएको बताए । पूर्वाञ्चल विश्वविद्यालय शिक्षण अस्पताल भनिए पनि अस्पताल जस्तो नभएको उनले बताए ।

‘यहाँ पिलोसम्म काटिँदैन’ संग्रौलाले भने, ‘अनि कसरी हो यो शिक्षण अस्पताल ?’ घरनजिक अस्पताल भए पनि उपचारको लागि अन्यत्र जानुपर्दा मन दुख्ने गरेको उनले सुनाए ।

कार्यक्रमलाई सम्बोधन गर्दै उपकुलपति प्रा. डा यादवराज कोइरालाले विश्वविद्यालय स्थापना हुँदा नै जनस्तरबाट सहयोग जुटाएर चलाइने भनिएको हुनाले सरकारले सहयोग गर्न नसकेको बताए । विश्वविद्यालयको प्रस्तावनामा रहेको जनस्तरबाट सञ्चालित भन्ने वाक्यांश नहटाएसम्म सरकारबाट सहयोग पाउने गाह्रो हुने कोइरालाको भनाइ थियो ।

उद्यमशीलताको तालीम दिने अन्ट्रनसीपले कोभिडको समयमा धेरै जना अक्सिजनको अभावमा छटपटिएको पाएपछि सहयोगी खोजेर सहयोग गरिएको दातासँग समन्वय गरेर स्वास्थ्य सामग्री ल्याएको नेपाल स्कुल अफ अन्ट्रप्रनरसीपका प्रणय समशेर राणाले बताए । यसै क्रममा सामाजिक सञ्जालमा रञ्जन ओझा तथा अस्पताल निर्देशक डा. विपेश आचार्यसँग समन्वय भइरहेको समयमा डा. आचार्य काठमाडौं पुगेर स्वास्थ्य सामग्री अति नै आवश्यक भएको बताएपछि हामीले १० थान स्वास्थ्य सामग्री दिने निर्णय गरेको राणाले जानकारी दिए ।

पूर्वाञ्चल विश्वविद्यालयलाई १० वटा अक्सिजन कन्सन्ट्रेटर हस्तान्तरण

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

Banner

विदेशी मुद्राको विनिमय दर स्थिर

Published

on

विराटचोकः आज अधिकांश विदेशी मुद्राको विनिमय दर स्थिर रहेको छ ।

नेपाल राष्ट्र बैंकका अनुसार यस्तो छ आज मंसीर  १९  गतेका लागि निर्धारण भएको विदेशी मुद्राको विनिमय दरः

Continue Reading

Banner

बिभिन्न कार्ययाेजना पारित गर्दै लायन्स क्लव ३२५ ए वान डिष्ट्रिकको क्याविनेट मिटिङ सम्पन्न

Published

on

विराटचाेक: लायन्स क्लव ३२५ ए वान डिष्ट्रिकको दोश्रो क्याविनेट मिटिङ आज मोरङको सुन्दरहरैंचामा सम्पन्न भएको छ ।  लायन्स क्लव ३२५ ए वान डिष्ट्रिक गभर्नर लायन रेवतबहादुर कार्कीको अध्यक्षतामा भएको कार्यक्रममा प्रदेश १ का मुख्यमन्त्री राजेन्द्र राईको प्रमुख आतिथ्यता रहेको थियो । कार्यक्रममा प्रदेश १ का सामाजिक विकास मन्त्री जयराम यादव, सुन्दरहरैंचा नगरपालिकाका प्रमुख शिवप्रसाद ढकाल, उपप्रमुख धनमाया तामाङ, लायन्सका पाष्ट इन्टरनेशनल डाइरेक्टर सञ्जय खेतान, जीएपी एरिया लिडर खगेन्द्र सिटौला लगायतका लायन्सका उच्चपदस्थ व्यक्तित्वहरुको आतिथ्यता रहेको थियो ।

कार्यक्रमलाई सम्बोधन गर्दै प्रदेश १ का मुख्यमन्त्री राजेन्द्र राईले लायन्स निश्वार्थभावले विशुद्ध समाजसेवामा समर्पित रहेको भन्दै लयान्ससँग सहकार्य गरेर अघि बढ्न प्रदेश सरकार तत्पर रहेको उल्लेख गरे ।  यस्तै सामााजिक विकास मन्त्री जयराम यादवले आफुपनि लायन्ससँग जोडिएको व्यक्ति भएकाले समाजसेवाको क्षेत्रमा लायन्ससँग हातमालो गर्दै अघि बढ्ने प्रतिवद्धता जनाए

नगर प्रमुख शिवप्रसाद ढकालले  लायन्सका हरेक गतिविधिमा नगरपालिकाको तर्फबाट सँधै साथ र सहयोग रहने भन्दै विभिन्न विपतका सायमा लायन्सले खेलेको भूमिकाको प्रशंशा गरेका थिए । उपप्रमुख धनमाया तामाङले व्यक्तित्व विकासमा लायन्स जेसीज जस्ता सस्थाले युवालाई अगाडि बढाउन सहयाेग गरेकाे बताइन् ।

उद्घाटन सत्रपछि सञ्चालन भएको डिस्ट्रिकको क्याविनेट मिटिङले विभिन्नि सामाजिक कामका योजना अघि बढाउने निर्णय गरेको छ । विराटनगरस्थित मानव सेवा आश्रमको भवन, दमकस्थित आम्दा अस्पतालमा आकस्मिक भवन, विराटनगरमा बहिरा स्कुलमा भवन लगायतका १५ वटा विकासका योजना अघि बढाउने निर्णय भएको विराटनगर एरिया चिफ चन्द्रमणि गुरागाईंले जानकारी दिए ।

मिटिङमा लायन्स क्लव ३२५ ए वान डिष्ट्रिकमा पर्ने विभिन्न क्लवहरुबाट १४ सय बढीको सहभागिता रहेको कार्यक्रम संयोजक तथा जोन चेयर पर्सन मनिता दंगालले बताइन्  ।

Continue Reading

Banner

कांग्रेस प्रदेश १ अधिवेशनः २० जनाको उम्मेद्वारी

Published

on

विराटनगरः १४ औँ महाधिवेशनअन्तर्गत हुन लागेको नेपाली कांग्रेसको प्रदेश अधिविेशनअन्तर्गत प्रदेश १ को सभापतिमा गुरुराज घिमिरे र उद्धव थापा चुनावी मैदानमा उत्रिएका छन् ।

झापाका थापा संस्थापनपक्षका हुन् भने र मोरङका घिमिरे संस्थापन इतर पक्षका हुन् । घिमिरे नेपाल विद्यार्थी संघका पूर्व सभापति हुन् । थापा सिटौला निकट कार्यकर्ता हुन् ।

त्यस्तै, २ जना निर्वाचित हुने उपसभापतिमा गोविन्द ढुंगाना, टंक राई, विश्वनाथ रिजाल र रमेशजंग रायमाझीले उम्मेद्वारी दिएका छन् ।

२ जना महामन्त्रीका लागि दिपेन श्रेष्ठ, भुपेन्द्र राई, उमेश थापा र पदम सुन्दर पालुङ्वा उम्मेद्वार हुने भएका छन् ।

सहमहामन्त्रीमा प्रमिला गच्छदार, मानबहादुर लिम्बू, अन्जना ताम्ली, रोहित साह, शुभचन्द्र राई, सीता कार्की, वीरकाजी राई, विनोदकुमार बस्नेत, खड्गबहादुर फागो र इन्दिरा थापाले उम्मेद्वारी दिएका छन् ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक