अर्थ
सुरक्षा सामाजिक उद्यमी महिला सहकारीले गर्याे ५ हजार लिटरभन्दा बढी दूध बेच्ने शेयर सदस्यलाई सम्मान
विराटचोकः महिलाद्वारा सञ्चालित सुरक्षा सामाजिक महिला सहकारी संस्थाले ५ हजार लिटरभन्दा बढी दूध विक्री गर्ने ५ जना शेयर सदस्यलाई सम्मान गरेको छ ।
जसअनुसार उमा चौहान १० हजार २ सय ५१ लिटर दूध बेचेर सम्मानित भएकी छिन् । रुकमिना लुइँटेलले गत आर्थिक वर्षमा ८ हजार १ सय लिटर दूध बेचेकी थिइन् । त्यस्तै, ६ हजार ६ सय ७५ लिटर दूध विक्री गर्ने चन्द्रकला पौडेल, ५ हजार ४ सय १९ लिटर दूध बिक्री गर्ने उर्मिला दाहाल र ५ हजार ३ सय ५८ लिटर दूध बिक्री गर्ने इन्दिरा फुयाल सम्मानित भएका हुन् । उनीहरुलाई प्रमाणपत्र तथा दूध बोक्ने क्यान (ट्यामी) प्रदान गरिएको थियो ।
त्यस्तै, संस्थाका पूर्व सचिव कृष्ण भुजेल, पूर्व ऋण उपसमितिका संयोजक शिवप्रसाद सुवेदी र धितो मूल्यांकन उपसमितिका बद्री पेश्कार र दुर्गाप्रसाद भट्टराईलाई पनि सम्मान गरिएको थियो । बढी शेयर रकम हुने, बढी बचत हुने, बढी ऐच्छिक बचत गर्ने, धेरै बाल बचत गर्ने, धेरै गृहिणी बचत गर्ने शेयर सदस्यलाई सम्मान गरिएको थियो ।
आज भएको ११ औँ वार्षिक साधारण सभामा प्रस्तुत प्रतिवेदनअनुसार गत आर्थिक वर्षमा संस्थाले ४ लाख ५ हजार रुपैयाँ नाफा आर्जन गरेको छ । संस्थाको वार्षिक प्रतिवेदनमा उल्लेख भए अनुसार संस्थाले गत वर्ष ७१ लाख ६१ हजार आम्दानी गरेको थियो भने ६७ लाख ५५ हजार रुपैयाँ खर्च गरेको थियो ।
कार्यक्रमलाई प्रमुख अतिथिको आसनबाट सम्बोधन गर्दै सहकारी समन्वय समिति सुन्दरहरैंचाका उपाध्यक्ष खगेन्द्र अधिकारीले सहकारी संस्थालाई सक्षम बनाउन समन्वय समिति सदैव क्रियाशील रहने बताए । भाखा नाघेको ऋण असुलीमा हरेक सहकारीले ध्यान दिनुपर्ने उनको भनाइ थियो । संस्थाले खरीद गरेका र वित्तीय अनुदानमा पाएका साधनको अधिकतम उपयोगमा जोड दिन उनले सुझाव दिए ।
विशेष अतिथि सुन्दरहरैंचा नगरपालिकाको पशुपंक्षी शाखाका प्रमुख जीवन चापागाईँले गैर सरकारी संस्थको अनुकूलमा सहकारी होइन, सहकारीको अनुकूलमा गैर सरकारी संस्थाले कार्यक्रम ल्याउने वातावरण बनाउनुपर्ने बताए ।
वडा नम्बर ६ का अध्यक्ष जीवन राईले महिलाहरुले चलाएका सहकारी सक्षम छन् भन्ने कुरा सहकारीले प्रमाणित गरेको बताए । समुदायलाई महिलाहरुले हाँक्नुपर्छ भन्ने भावनाका साथ संस्थालाई अघि बढाउनुपर्ने उनको सुझाव थियो ।
संस्थाकी अध्यक्ष दुर्गादेवी भट्टराईको अध्यक्षतामा भएको कार्यक्रमको सञ्चालन संस्थाकी सचिव भगवती पराजुलीले गरेकी थिइन् । उपाध्यक्ष कमला दाहाल घिमिरेले स्वागत मन्तव्य राखेको कार्यक्रममा कोषाध्यक्ष तुलसा घिमिरेले आर्थिक प्रतिवेदन प्रस्तुत गरेकी थिइन् ।
लेखा तथा सुपरीवेक्षक समिति संयोजक गोमा कटुवाल देउजाले लेखा समितिको प्रतिवेदन प्रस्तुत गरेकी थिइन् ।
Facebook Comment
Banner
भ्रष्टाचार र आगोले सकियो देश नत जनता भ्रष्टाचारका विरुद्ध एक हुन्छ्न नत सरकार प्रशासन गृहमन्त्री जंगलमा लागेको आगो निभाउने प्रयास गर्छ ।
भ्रष्टाचार र आगोले सकियो देश नत जनता भ्रष्टाचारका विरुद्ध एक हुन्छ्न नत सरकार प्रशासन गृहमन्त्री जंगलमा लागेको आगो निभाउने प्रयास गर्छ ।
Banner
सुन्दरहरैचा ४ बासबारी पानिट्याङ्की टोलले आफ्नो टोललाई नमुना टोल बनाउनका लागि विभिन्न कार्यक्रमको आयोजना गर्दै
मोरङ
सुन्दरहरैचा ४ बासबारी पानिट्याङ्की टोलले आफ्नो टोललाई नमुना टोल बनाउनका लागि विभिन्न कार्यक्रमको आयोजना गर्दै आईरहेको सोहि कार्यक्रम अनुसार आज टोलमा सरसफाइ कार्यक्रमको आयोजना गरिएको थियोे उक्त कार्यक्रममा वडा नं ४ का वडा अध्यक्ष कैलाश बस्नेत को उपस्थिति रहेको थियो । साथै स्थानिय बुद्धिजीवी समाजसेवी र स्थानीय बासिन्दाहरुको उपस्थितिमा टोल सरसफाइ कार्यक्रम गरिएको छ। टोललाई नमुना टोल बनाएर अगाडि बढाउनका लागि नवनिर्वाचित टोल विकास संस्थाकि अध्यक्ष भिमा राई कार्की ज्यूले महत्त्वपूर्ण भुमिका खेल्नुभएको छ। उहाँ भन्नुहुन्छ “स्वास्थ्य रहनु हामी सबैको कर्तव्य हो टोललाई समृद्ध बनाई यस टोलका बालबालिका देखि वृद्ध सम्म कुनै पनि फोहोरजन्य वस्तुको प्रदुषणबाट गुज्रिएर बस्न नपरोस् भनेर हामीले प्रत्येक महिना टोलका हरेक बाटो नहरहरुमा सरसफाइ कार्यक्रम सुरु गर्न थालेको कुरा जानकारी दिनुभएको छ।”
साथै अन्य धेरै कार्यक्रमहरुलाई अगाडि बढाउदै आईरहेको कुरा पनि उहाँले बताउनुभयो ।
Banner
टी–२० विश्वकप क्रिकेट खेल्ने नेपाली टोलीको बिदाइ
टी–२० विश्वकप खेल्ने नेपाली टोलीको बिदाइ गरिएको छ । अमेरिका र वेस्ट इन्डिजमा आउँदो जुनमा हुने टी–२० विश्वकपका लागि नेपाली राष्ट्रिय टोली दुई चरणमा भोलि फ्लोरिडा जाने तालिका छ । नेपाल क्रिकेट सङ्घ (क्यान) ले हिजो एक कार्यक्रमकाबीच टोलीको बिदाइ गरेको हो ।
बिदाइ कार्यक्रममा उपप्रधान तथा गृहमन्त्री रवि लामिछाने, युवा तथा खेलकुदमन्त्री विराजभक्त श्रेष्ठ, क्यानका अध्यक्ष चतुरबहादुर चन्दलगायतको उपस्थिति रहेको थियो । नेपाली टोलीमा कप्तान रोहितकुमार पौडेलसहित आसिफ शेख, अनिलकुमार साह, कुशल भुर्तेल, कुशल मल्ल, दीपेन्द्रसिंह ऐरी, ललित राजवंशी, करण केसी, गुल्सन झा, सोमपाल कामी, प्रतिश जीसी, सन्दीप जोरा, अविनाश बोहरा, सागर ढकाल र कमलसिंह ऐरी रहेका छन् ।
टी–२० विश्वकपमा नेपाल समूह ‘डी’ मा छ । यो समूहमा दक्षिण अफ्रिका, श्रीलङ्का, बङ्गलादेश र नेदरल्यान्ड्स रहेका छन् । वेस्ट इन्डिज भने विश्वकपको समूह ‘सी’ मा छ । नेपाल र वेस्ट इन्डिज ‘ए’ टोलीबीचको पाचौँ तथा अन्तिम टी–२० क्रिकेट आज हुँदैछ ।
वेस्ट इन्डिज ‘ए’ ले यसअघि नै श्रृङ्खला ३–१ ले जितिसकेको छ । आजको अन्तिम खेलपछि नेपाली टोली भोलि फ्लोरिडा जानेछ । नेपालले आईसीसी टी–२० विश्वकपको तयारी स्वरूप वेस्ट इन्डिज ‘ए’ सँग पाँच खेलको श्रृङ्खला खेलेको हो ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login