Connect with us
Advertisement

नझरेका फूलहरू पलेटीँ साँझमा वरिष्ठ कलाकारको क्रेज, उपत्यका पछि विराटचोक मोह 

Published

on

विराटचोक,मोरङ प्राय: कलाकारहरू देश तथा विदेशका स्टेजहरूमा जान भ्याइनभ्याई हुन्छन् । उनीहरुको कला र गलाले दर्शक स्रोतालाई खुशीयाली दिलाउने माध्यम स्टेज बन्ने गर्दछ । तर कुनै त्यस्ता स्टेज छन् जहाँ वरिष्ठ कलाकार नियमित आउने र जाने क्रम बाक्लो हुने गरेको छ। दर्शकको माया र स्थानीयको भब्य स्वागतले कलाकारको मन लोभ्याउने मोरङको सुन्दरहरैंचामा रहेको नझरेका फूलहरू कला केन्द्रले जुटाउँदै आएको छ । विभिन्न प्रायोजक संघ संस्था तथा व्यक्तिगत सहयोग र नझरेका फूलहरूका प्रस्तोता केपी घिमिरेको आफ्नै लागतका भरमा नझरेका फूलहरू २७ औँ श्रृङखलामा आइपुगेको छ । यस पटक वरिष्ठ गायिका तथा सङ्गीतकार ज्ञानु राणा आउने भएकी छिन् । आगामी पौष १७ गते शनिवार सुन्दरहरैँचा उद्योग वाणिज्य सङ्घको सभाहलमा कार्यक्रमको आयोजना गरिने कार्यक्रम प्रस्तोता केपी घिमिरेले जानकारी दिए ।
किन बाक्लीए कलाकार :
नेपाली गीत सङ्गीतको क्षेत्रमा ख्याती कमाएका सर्जकलाई जीवित रहँदानै सम्मान गर्नुपर्छ र कला,भाषा र संस्कृतिको जर्गेना गर्दै लैजानुपर्छ भन्ने उद्देश्यका साथ नझरेका फूलहरूले कलाकारलाई सम्मान गर्दै आएको छ । विशेष गरी काठमाण्डौँ बाहिर कमै निस्कने कलाकारलाई पनि यस कार्यक्रममा उपस्थित गराउन सक्नु प्रस्तोता केपी घिमिरेको रुचि ,सक्रियता र लगावले नै हो।कलाकारलाई सम्मानभावले सुसोभित गर्न पाउनु र उहाँहरुको दरिलो र अविस्मरणीय उपस्थीति हुनु यस क्षेत्रकै गौरवमात्रै होइन, उपत्यका पछि कलाकारको मोह विराटचोक हुने गरेकोसमेत पाइएको छ।
कार्यक्रममा राष्ट्रका गरिमा,निधि र पहिचानका रूपमा रहेका सर्जकलाई सम्मान र प्रस्तुतिका निम्ति आमन्त्रण गरेर घिमिरेले यस क्षेत्रको संवर्द्धन र संरक्षणमा अतुलनीय योगदान पुर्याएका छन् ।
२७ औं संस्करणसम्म आइपुग्दाका कलाकार:
नेपाली भाषा,साहित्य, कला, सङ्गीत र संस्कृतिका क्षेत्रमा नझरेका फूलहरूले विगत लामो समयदेखि राष्ट्रका ख्यातिप्राप्त स्रष्टालाई सम्मान गर्दै आएको छ । वरिष्ठ गायिका मीरा राणा, वरिष्ठ गायक लाक्पा शेर्पा, रामकृष्ण ढकाल, कर्ण दास, यम बराल, राजु सिंह, हेमन्त शर्मा, कुबेर नेपाली, सत्यकला राई, रेखा शाह, तृष्णा गुरुङ, गणेश रसिक, राज सिग्देल, शिशिर योगी, तुलसी पराजुली, लेखु विवश, प्राश्ना शाक्य, दीप श्रेष्ठ, सुरेश गन्धर्व ,सीताराम ताजपुरिया, कृष्णभक्त राई, दुर्गा पराजुली, मनु मञ्जिल, एलपी जोशी, छवि वैरागी घिमिरे, सृष्टि हिङ्माङ, अमृतप्रसाद आचार्य, मीनकुमार नवोदित श्रेष्ठ, हेमन यात्री,श्रीकृष्ण लुइँटेल, मेदिनीप्रसाद बराल,मोहनप्रसाद काफ्ले,रेखा सुवेदी, रमेश कार्की,भीम बस्नेत, जेबि थुलुङ,तारा पराजुली, रेखा सुवेदी, बादलदेवी चाम्लिङ,तीला लेकाली,अजर सङ्गमलगायत तीन दर्जनभन्दा बढी स्रष्टालाई पलेँटी शृङ्खलामा समावेश गरी सम्मान गरिसकेको आयोजकले जनाएको छ ।
को हुन् ज्ञानु राणा? :
सुप्रसिद्ध साहित्यकार एवम् गायक जनकवि केशरी स्व. धर्मराज थापाकी छोरी हुन् ज्ञानु राणा । उनको जन्म वि.सं. २००६ साल कात्तिक ३ गते भएको थियोे।राणाले १५ बर्षकै उमेरदेखि गीत गाउन थालेकी हुन् । उनी इन्द्रराज्यलक्ष्मी पुरस्कार, छिन्नलता पुरस्कार, राष्ट्रिय प्रतिभा पुरस्कार, संगीत महाविद्यालय प्रथम पुरस्कारलगायत दर्जनौं पुरस्कार तथा सम्मानले सम्मानित भइसकेकी छिन् ।
स्वरसम्राट नारायणगोपालसँग ज्ञानु राणाले युगल गाएको ‘सिरिमा सिरी नि कान्छा’ अत्यन्त लोकप्रिय गीत हो । त्यस्तै ‘मान्छेको माया यहाँ खोलाको पानीजस्तो’ आधुनिक गीत पनि उत्तिकै लोकप्रिय गीत हो । चालीसको दशकमा ज्ञानु राणाले गायक तथा सङ्गीतकार गोपाल योन्जनसँग गाएको ‘च्याङबा है च्यांङबा सुन सुन है च्यांङबा’ पनि रेडियो नेपालमा बज्न थालेदेखि आजसम्म पनि लोकप्रियता उत्तिकै छ ।
पलेँटी साँझ कार्यक्रममा गायिका राणालाई गायक दुर्गा पराजुलीले युगल गीतमा साथ दिने आयोजकले बताएको छ। गायिका पम्फा चाहारको समेत केही प्रस्तुति रहने बताइएको छ।गायिका चाहार युवा पुस्ताकी लोकप्रिय गायिकासमेत हुन् ।
कार्यक्रमको व्यवस्थापनमा लामिछाने थापा कुल प्रतिष्ठान नेपाल सुन्दरहरैँचा मोरङ, लामिछाने क्षत्री समाज नेपाल क्षेत्रीय समिति पूर्व क्षेत्र र लामिछाने क्षत्री कुल पूजा समिति सुन्दरहरैँचा मोरङ, लामिछाने थापा क्षत्री समाज नेपाल जिल्ला कार्यसमिति झापा रहेको छ भने सह–आयोजकमा एकता युवा क्लब र सुन्दरहरैँचा कला साहित्य विकास समिति रहेको छ। अफिसियल मिडिया निष्पक्ष खबर.कम र सुन्दरहरैँचा पत्रकार समूह रहेको छ।
कार्यक्रम बेलुकी ७ बजेदेखि सुरु हुने र प्रवेश नि:शुल्क गरिएको नझरेका फूलहरू कला केन्द्रका अध्यक्ष केपी घिमिरेले बताउनुभयो ।

Continue Reading

Facebook Comment

Click to comment

You must be logged in to post a comment Login

Leave a Reply

Banner

आगमी वर्षलाई प्रदेश सरकारले कोशी पर्यटन वर्षका रूपमा मनाउने, आज घोषणा हुँदै

Published

on

कोशी प्रदेश सरकारले आउँदो वर्ष २०८२ लाई कोशी पर्यटन वर्षको रूपमा मनाउने घोषणा गर्न लागेको छ । आउँदो वर्ष कोशी प्रदेशमा १० लाख पर्यटक भित्र्याउने र २ हजार नयाँ रोजगारी सिर्जना गर्ने लक्ष्यसहित पर्यटन वर्ष घोषणा गर्न लागिएको हो ।

तेह्रथुम, संखुवासभा र ताप्लेजुङको संगमस्थल तीनजुरे मिल्के जलजले क्षेत्रमा आज कोशी पर्यटन २०८२ उद्घाटन हुन लागेको छ ।

प्रधानमन्त्री केपी शर्मा ओलीले पर्यटन वर्षको उद्घाटन गर्ने कार्यक्रम थियो । तर, अन्तिम समयमा प्रधानमन्त्री ओलीको समय नमिल्ने भन्दै उद्घाटनमा सहभागी नहुने बताइएको छ । उनको सट्टामा उपप्रधानमन्त्री प्रकाशमान सिंह उद्घाटनमा सहभागी हुनेछन् ।

कोशी प्रदेशको प्रमुख आयस्रोत पर्यटन भएकोले पर्यटन वर्ष मनाउन लागिएको मुख्यमन्त्री हिक्मतकुमार कार्कीले बताए । प्रदेशको आर्थिक समृद्धिको बलियो आधार पर्यटन भएको र त्यसमा पनि धार्मिक पर्यटन प्रमुख रहेको मुख्यमन्त्री कार्कीको भनाइ छ ।

शिलापत्रसँग कुरा गर्दै कार्कीले धार्मिक पर्यटनलाई जोड दिएर भारत, भुटानका पर्यटकलाई कोशी प्रदेशका भित्र्याउने बताए ।

पर्यटन वर्षका लागि ५ सयभन्दा बढी व्यक्तिहरूको प्रतिनिधित्वमा मुख्यमन्त्री कार्कीको नेतृत्वमा मूल आयोजक समिति गठन गरिएको छ । वन, पर्यटन तथा वातावरणमन्त्री सदानन्द मण्डलको नेतृत्वमा निर्देशक समिति बनेको छ ।

कोशी प्रदेशमा खुम्बु क्षेत्र, कञ्चनसंगा, मकालु, कोशी टप्पु, हलेसी, पाथिभरा, बराहक्षेत्रजस्ता चर्चित पर्यटकीय क्षेत्र रहेका छन् ।

Continue Reading

Banner

लगातार बढ्दै अमेरिकी डलर र युरोको भाउ

Published

on

अमेरिकी डलर र युरोपियन युरोको भाउ लगातार बढेको छ ।

नेपाल राष्ट्र बैंकले आजका निर्धारण गरेको विनिमय दर अनुसार अमेरिकी डलर एकको खरिददर १३७ रुपैयाँ ७३ पैसा र बिक्रीदर १३८ रुपैयाँ ३३ पैसा कायम भएको छ ।   यो मंगलबारको भन्दा धेरै हो । मंगलबार एकको खरिदर १३७ रुपैयाँ ०४ पैसा र बिक्रीदर १३७ रुपैयाँ ६४ पैसा कायम भएको छ । सोमबारको तुलनामा मंगलबार पनि भाउ बढेको थियो ।

आज  युरोपियन युरोको भाउ पनि बढेको छ । आज एकको खरिददर १५० रुपैयाँ ६२ पैसा र बिक्रीदर १५१ रुपैयाँ २८ पैसा कायम भएको छ । मंगलबार युरोपियन युरो एकको खरिदर १४९ रुपैयाँ ९८ पैसा र बिक्रीदर १५० रुपैयाँ ६४ पैसा कायम भएको थियो । यो पनि सोमबारको तुलनामा मंगलबार पनि बढेको थियो ।

यस्तै, आज युके पाउन्ड स्ट्रलिङ एकको खरिददर १७५ रुपैयाँ ८७ पैसा र बिक्रीदर १७६ रुपैयाँ ६३ पैसा, स्वीस फ्रयांक एकको खरिददर १६१ रुपैयाँ ०३ पैसा र बिक्रीदर १६१ रुपैयाँ ७३ पैसा कायम गरिएको छ ।

अष्ट्रेलियन डलर एकको खरिददर ८३ रुपैयाँ २० पैसा र बिक्रीदर ८३ रुपैयाँ ५६ पैसा, क्यानेडियन डलर एकको खरिददर ९७ रुपैयाँ ०६ पैसा र बिक्रीदर ९७ रुपैयाँ ४९ पैसा, सिङ्गापुर डलर एकको खरिददर १०१ रुपैयाँ ९९ पैसा र बिक्रीदर १०२ रुपैयाँ ४३ पैसा निर्धारण गरिएको छ ।

जापानी येन १० को खरिददर नौ रुपैयाँ ३८ पैसा र बिक्रीदर नौ रुपैयाँ ४२ पैसा, चिनियाँ युआन एकको खरिददर १८ रुपैयाँ ७७ पैसा र बिक्रीदर १८ रुपैयाँ ८५ पैसा, साउदी अरेबियन रियाल एकको खरिददर ३६ रुपैयाँ ६९ पैसा र बिक्रीदर ३६ रुपैयाँ ८५ पैसा, कतारी रियाल एकको खरिददर ३७ रुपैयाँ ७८ पैसा र बिक्रीदर ३७ रुपैयाँ ९५ पैसा कायम भएको छ ।

केन्द्रीय बैंकका अनुसार थाई भाट एकको खरिददर तीन रुपैयाँ ९६ पैसा र बिक्रीदर तीन रुपैयाँ ९८ पैसा, युएई दिराम एकको खरिददर ३७ रुपैयाँ ५० पैसा र बिक्रीदर ३७ रुपैयाँ ६६ पैसा, मलेसियन रिङ्गेट एकको खरिददर ३० रुपैयाँ ६७ पैसा र बिक्रीदर ३० रुपैयाँ ८० पैसा निर्धारण गरिएको छ ।

साउथ कोरियन वन एक सयको खरिददर नौ रुपैयाँ ३० पैसा र बिक्रीदर नौ रुपैयाँ ३४ पैसा, स्वीडिस क्रोनर एकको खरिददर १३ रुपैयाँ ७२ पैसा र बिक्रीदर १३ रुपैयाँ ७८ पैसा र डेनिस क्रोनर एकको खरिददर २० रुपैयाँ १८ पैसा र बिक्रीदर २० रुपैयाँ २७ पैसा तोकिएको छ ।

राष्ट्र बैङ्कले हङकङ डलर एकको खरिददर १७ रुपैयाँ ७३ पैसा र बिक्रीदर १७ रुपैयाँ ८० पैसा, कुवेती दिनार एकको खरिददर ४४७ रुपैयाँ १९ पैसा र बिक्रीदर ४४९ रुपैयाँ १४ पैसा, बहराइन दिनार एकको खरिददर ३६५ रुपैयाँ ३८ पैसा र बिक्रीदर ३६६ रुपैयाँ ९७ पैसा, ओमनी रियाल एकको खरिददर ३५७ रुयैयाँ ७६ पैसा र बिक्रीदर ३५९ रुपैयाँ ३२ पैसा रहेको छ । भारतीय रुपैयाँ एक सयको खरिददर १६० रुपैयाँ र बिक्रीदर १६० रुपैयाँ १५ पैसा तोकेको छ ।

राष्ट्र बैंकले यो विनिमयदरलाई आवश्यकतानुसार जुनसुकै समयमा पनि संशोधन गर्न सकिने जनाएको छ । वाणिज्य बैंकले तोक्ने विनिमयदर भने फरक हुनसक्ने र अद्यावधिक विनिमयदर केन्द्रीय बैंकको ‘वेबसाइट’मा उपलब्ध हुने जनाइएको छ ।

Continue Reading

Banner

नाइट क्लबको बिहान छत खस्दा कम्तीमा ६६ जनाको मृत्यु

Published

on

डोमिनिकन रिपब्लिकको राजधानी सान्तो डोमिंगोस्थित जेट सेट नाइट क्लबको बिहान छत खस्दा कम्तीमा ६६ जनाको मृत्यु भएका छन्। १५० भन्दा बढी घाइते भएका छन्।

प्रसिद्ध डोमिनिकन मेरेंग गायक रुबी पेरेज स्टेजमा प्रदर्शन गरिरहेका वेला अचानक अँध्यारो भएको र क्लबको छत खस्न थालेको सञ्चारमाध्यमले जनाएको छ। घटना हुँदा क्लबमा करिब एक हजार मानिस रहेको बताइएको छ।

आपतकालीन अपरेसन केन्द्र (सीओई) का निर्देशक जोआन मैनुअल मन्डेजले घटनामा ६६ जनाको मृत्यु भएको पुष्टि गरे। धेरै मानिस भग्नावशेषमा पुरिएकाले  मृतकको संख्या बढ्ने अनुमान गरिएको छ। मेन्डेजले भत्केको छतमुनि पुरिएका धेरैजसो अझै जीवित रहेकोमा आशावादी रहेको बताए।

घटनामा प्रान्तीय गभर्नर र पूर्व मेजर ५१ वर्षीय लिग बेसबल पिचर अक्टाभियो डोटेल पनि थिए। भग्नावशेषबाट निकालिएपछि अस्पताल लैजाँदै गर्दा बाटोमा उनको मृत्यु भयो।

स्थानीय मिडियाले घटनास्थलमा निर्माण क्रेन प्रयोग गरिरहेको र उद्धारकर्मी जीवित व्यक्तिहरूलाई खोज्ने कार्यमा केन्द्रित भएको उल्लेख गरेका छन्।

राष्ट्रपति लुइस अबिनाडेरले उद्धार कार्यलाई प्राथमिकता दिन घटनास्थलको अनुगमन गरेका छन्। उनले सरकार उद्धार कार्यको निरन्तर अनुगमन गरिरहेको र सबै राहत एजेन्सीले घाइतेको मद्दतमा जुटेको बताए।

Continue Reading
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

nispakshyakhabar@gmail.com
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक