पर्यटन
भेडेटार फुड फेस्टिबल शुरु, सञ्चार माध्यममार्फत् भेडेटारको पर्यटन प्रवद्र्धन गर्ने पत्रकार पुरस्कृत
भेडेटारः धनकुटाको भेडेटारमा नवौं फुड फेस्टिबल शुरु भएको छ । हरेक वर्ष अंग्रेजी नयाँ वर्षको अवसर पारेर गरिने फुड फेस्टिबल ३ दिनसम्म चल्ने गर्छ ।
फेस्टिबलको प्रदेश नम्बर १ का भौतिक पूर्वाधारमन्त्री हिमाल कार्कीले गरेका छन् । उद्घाटन कार्यक्रमलाई सम्बोधन गर्दै मन्त्री कार्कीले भेडेटारलाई पर्यटकीय हब बनाइने र प्रदेशका हरेक पर्यटकीय स्थानको प्रवद्र्धनमा प्रदेश सरकारले हरेक तरहले सहयोग गर्ने बताए ।
अतिथिको आसनबाट सम्बोधन गर्दै पर्यटन बोर्डका सदस्य कृष्ण साहले पर्यटनको प्रवद्र्धनमा पर्यटन बोर्ड लागिरहने र पूर्वका पर्यटन व्यवसायीको हितमा विभिन्न कामहरु भइरहने बताए ।
होटल व्यवसायी संघ प्रदेश नम्बर १ का सचिव वासुदेव बरालले कोरोनाका कारण पर्यटन व्यवसाय थिलथिलो भएको बताउँदै पर्यटन व्यवसाय उकास्न मेला र महोत्सवको आयोजना गरेर प्रचार गर्नुपर्ने बताए । संघको प्रदेश कार्यसमितिले माघ महिनामा इस्ट टुरिजम मार्टको आयोजना गर्ने बताए ।
साँगुरीगढी गाउँपालिकाका अध्यक्ष कुमारजंग याख्खाले भेडेटार आसपासका पर्यटकीय स्थलको प्रचार गर्नुका साथै धनकुटा नगरपालिका, धरान उपमहानगरपालिका, चौबिसे गाउँपालिकालगायत अन्य स्थानीय तहसँग सहकार्य गरेर पर्यटन प्रवद्र्धनका थप कार्यक्रम गरिने उल्लेख गरे ।
नेकपा एकीकृत समाजवादी साँगुरीगढी गाउँपालिका अध्यक्ष लीलाराज लावतीले यात्री होइन पर्यटक आउने क्षेत्रको रुपमा भेडेटारको विकास गर्नुपर्ने बताए । भेडेटारको पर्यटन क्षेत्रमा गाउँपालिकाले नाममात्रैको बजेट छुट्याउने गरेको उनले आरोप लगाए । गाउँपालिकाले सोचेजस्तो सहयोग नगर्नाले भेडेटारको विकास सोेचेजसरी हुन नसकेको उनको भनाइ थियो ।
सञ्चार क्षेत्रको माध्यमबाट भेडेटारको विकासमा उल्लेखनीय सहयोग गरेको भन्दै महोत्सवको अवसरमा २ जना सञ्चारकर्मीलाई पुरस्कृत गरिएको थियो । सुनसरीकी सञ्चारकर्मी मनिता चाम्लिङ र धनकुटाका सञ्चारकर्मी खगेन्द्र घिमिरेलाई प्रमुख अतिथि कार्कीले पुरस्कृत गरेका थिए ।
महोत्सवको उद्घाटनको समयमा हेलिकोप्टरबाट पुष्पवृष्टि गरिएको थियो ।
कार्यक्रममा विभिन्न जातीय झाँकी पनि प्रस्तुत गरिएको थियो । त्यस्तै, साकेला नाच, केलाङ नाच, गेलाङ नाच प्रदर्शन गरिएको थियो ।
भोलि विभिन्न सांगीतिक कायर्कक्रम दिनभर सञ्चालन हुने आयोजकले जनाएको छ ।
अहिले साँझ गरिमा डान्स सेन्टर, प्याराडाइज ब्यान्डलगायतका विभिन्न सांगीतिक समूहले सांगीतिक प्रस्तुति दिइरहेका छन् ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login