कोशी प्रदेश
प्रदेश १ मा जम्बो मन्त्रिपरिषद् गठन
विराटनगरः प्रदेश १ का मुख्यमन्त्री राजेन्द्र राईले मन्त्रिपरिषद् बिस्तार गरेका छन् । मुख्यमन्त्री राजेन्द्र राईले नियुक्तिको ३ महिनापछि ८ जना मन्त्री थप गर्दै मन्त्रिपरिषद् सदस्य सङ्ख्या १४ जना पुर्याएका हुन् ।
पाँच दलीय गठबन्धन सरकारमा नेपाली काङ्ग्रेसबाट पाँच, नेकपा एकीकृत समाजवादीबाट चार, माओवादी केन्द्रबाट तीन र जनता समाजवादी पार्टीबाट एक जना मन्त्री थपिएका हुन् । सङ्घीय लोकतान्त्रिक राष्ट्रिय मञ्चबाट एक जना राज्यमन्त्री थपिएका छन् ।
बिस्तारित मन्त्रिमण्डलमा काङ्ग्रेसबाट ओमप्रकाश सरावगी, प्रकाशप्रताप हाङगाम र शेखरचन्द्र थापा, नेकपा एकीकृत समाजवादीबाट खिनु लङ्वा लिम्बू, राजन राई र उपेन्द्र घिमिरे मन्त्री बनेका छन् । माओवादी केन्द्रबाट झलकसिंह दर्लामी मगर र रामकुमार राई मन्त्री बनेका छन् ।
सामाजिक विकास मन्त्री राजन राई खोटाङ १ को ‘क’ बाट निर्वाचित सांसद हुन् । नेकपा एमाले निकट अखिल हुँदै राजनीति शुरु गरेका उनी साहित्यकार पनि हुन् ।
खिनु लङ्वा लिम्बू सत्तारूढ गठबन्धनभित्र निर्वाचित एकमात्र महिला सांसद हुन् । उनी इलाम क्षेत्र नम्बर १ को ‘क’ बाट निर्वाचित भएकी थिइन् ।
मोरङको क्षेत्र नम्बर १ को ‘ख’ बाट निर्वाचित उपेन्द्र घिमिरे २०४८ सालमा तत्कालीन जाँते गाविसको अध्यक्ष निर्वाचित भएका थिए । २०५४ सालमा पनि उनी गाविस अध्यक्ष बनेका थिए ।
ताप्लेजुङबाट नेपाली कांग्रेसबाट समानुपातिक सांसद बनेका प्रतापप्रकाश हाङगाम ५ पटक प्रधानपञ्च भएका व्यक्ति हुन् । २१ वर्षको हुँदा प्रधानपञ्च बनेका उनी जिल्ला विकास समितिको सदस्य हुँदै उपसभापति पनि बनेका थिए ।
मन्त्री शेखरचन्द्र थापा पूर्वशिक्षक हुन् । नेपाली काङ्ग्रेसको समानुपातिक सांसद उनी तत्कालीन क्षेत्रीय सभापति हुँदै एक कार्यकाल जिल्लाको सहसचिव पनि बनेका थिए । कांग्रेस नेता स्व. गिरिजाप्रसाद कोइरालाको स्वकीय सचिवको रूपमा पनि उनले काम गरेका थिए ।
२ पटक भद्रपुरको प्रधानपञ्च भएका ओमप्रकाश सराबगी उद्योगी हुन् । झापामा प्लाइउड, राइस मिल र चिया उद्योग सञ्चालन गर्ने उनी २०४६ सालको आन्दोलनपछि नेपाली काङ्ग्रेसमा लागेका थिए ।
झलकसिंह मगरले अखिल क्रान्तिकारी हुँदै राजनीति शुरु गरेका थिए । जनयुद्धको सुरुआतदेखि नै माओवादीसँग जोडिएका उनी जनमुक्ति सेनाको कम्पनी कमिसार पनि भएका थिए । उनी २०७४ सालको निर्वाचनमा झापाको क्षेत्र नम्बर ४ को १ बाट प्रदेशसभा सदस्यमा निर्वाचित भएका हुन् ।
रामकुमार राई जनयुद्ध लडेका नेता हुन् । माओवादी केन्द्र खोटाङको इञ्चार्ज भइ काम गरेका राई खोटाङ १ को ‘ख’ बाट निर्वाचित सांसद हुन् ।
यी हुन् मन्त्री र उनीहरुले पाएको मन्त्रालय
राजेन्द्र राई – मुख्यमन्त्री तथा मन्त्रिपरिषद्को कार्यालय
ईन्द्रबहादुर आङ्बो – आर्थिक मामिला तथा योजना मन्त्रालय
हिमाल कार्की – सडक पूर्वाधार तथा शहरी विकास मन्त्रालय
केदार कार्की – आन्तरिक मामिला तथा कानुन मन्त्रालय
जयराम यादव – स्वास्थ्य मन्त्रालय
रामकुमार राई – खानेपानी सिँचाइ तथा उर्जा मन्त्रालय
राजन राई – सामाजिक विकास मन्त्रालय
खिनु लङ्वा लिम्बू – पर्यटन तथा संस्कृति मन्त्रालय
झलकबहादुर मगर – कृषि मन्त्रालय
शेखरचन्द्र थापा – वन वातावरण तथा भू–संरक्षण मन्त्रालय
ओमप्रकाश सरावगी – भूमि व्यवस्था सहकारी तथा गरिबी निवारण मन्त्रालय
प्रतापप्रकाश हाङ्गाम – उद्योग श्रम तथा रोजगार मन्त्रालय
उपेन्द्रप्रसाद घिमिरे – यातायात व्यवस्था तथा सञ्चार मन्त्रालय
विष्णु तुम्बाहाम्फे – सामाजिक विकास मन्त्रालय
Facebook Comment
Banner
लिभरपुलसँग हारेपछि टोटनहम अझ कमजोर
इंग्लिस प्रिमियर लिगमा टोटनहमको खराव लय आइतबार पनि कायम रह्यो र एनफिल्डमा भएको खेलमा लिभरपुलको हातबाट ४–२ ले पराजित रह्यो । यो हारले टोटनहमको शीर्ष चारको सम्भावना अझ कमजोर बनेको छ ।
टोटनहम ६० अंकसहित पाँचौं स्थामा छ र यो चौथोमा रहेको एस्टन भिल्लासँग सात अंकको दूरी हो । भिल्ला यसअघि ब्राइटनसँग १–० ले पराजित रहेको थियो । तर टोटनहमले त्यसको फाइदा लिन सकेन ।
लिभरपुल भने ७८ अंकसहित तेस्रो स्थानमा रह्यो । आइतबारकै अर्को खेलमा चेल्सीले वेस्ट ह्यामलाई ५–० ले हरायो र ५४ अंकमा सातौं स्थानमा उक्लिन सफल रह्यो ।
Banner
भोजपुरमा ७ वर्षीया बालिकालाई जबरजस्ती करणी
भोजपुरमा ७ वर्षीया बालिकालाई जबरजस्ती करणी गरेको आरोपमा प्रहरीले एक जनालाई पक्राउ गरेको छ ।
भोजपुरको षडानन्द नगरपालिका १ खोवाचा बस्ने ३० वर्षीय अमृत मंग्रातीलाई शनिबार बिहान प्रहरीले पक्राउ गरेको हो । मंग्रातीले ती बालिकालाई वैशाख ११ गते दिउँसो सोही ठाउँस्थित झाडीमा लगेर ललाई फकाई जबरजस्ती करणी गरेको भन्ने उजुरीको आधारमा प्रहरी चौकी कुदाकाउलेबाट खटिएको प्रहरीले उनलाई पक्राउ गरेको हो । घटना सम्बन्धमा थप अनुसन्धान भइरहेको प्रहरीले जनाएको छ ।
Banner
आज – २४ बैशाख २०८१ सोमवार को राशिफल
मेष
मेष (चु, चे, चो, ला, लि, लु, ले, लो, अ) समय व्यवस्थापन गर्न गारो होला र कार्य सम्पादनमा समस्या आउला । जिद्दीपनाले गर्दा काम बिग्रने डर छ । दबाब र तनाव बढेको महसुस हुनेछ ।
मिथुन
मिथुन (का, कि, कु, घ, ङ, छ, के, को, हा) लाभदायक यात्राको सम्भावनालाई नकार्न सकिँदैन । मित्रताको बन्धन कसिनुका साथै सुखमा रमाउने समय छ । नोकरी गर्नेले मानसम्मान पाउनेछन् ।
सिंह
सिंह (मा, मि, मु, मे, मो, टा, टि, टु, टे) आज मान्यजनको सुझाव अप्रिय लाग्नेछ । महत्त्वपूर्ण कार्यमा व्यवधान आइपर्ला । नजिक व्यक्तिबाट धोका पाइनसक्छ, सचेत रहनुहोला ।
तुला
तुला (रा, रि, रु, रे, रो, ता, ति, तु, ते) आज चिताएको कामले तीव्रता लिनेछ । सामाजिक क्षेत्र र नोकरीबाट मानसम्मान मिल्न सक्छ । परिश्रम अनुसार उपलब्धि पनि राम्रै पाइनेछ ।
धनु
धनु (ये, यो, भा, भि, भु, धा, फा, ढा, भे) आज मनमा दोधारको अवस्था सिर्जना हुनसक्छ । विचार पुर्याएर निर्णय लिनु राम्रो होला, तर मेहनेत अनुसार आर्थिक लाभ भने मिल्नेछ ।
कुम्भ
कुम्भ (गु, गे, गो, सा, सि, सु, से, सो, दा) आज नयाँ उद्योग वा रचनात्मक काममा जुट्ने समय छ । परिश्रमअनुसार उपलब्धि पनि राम्रै पाइएला । रोकिएका काम पुनः सुरु हुन सक्छन् ।
बृष
वृष (इ, उ, ए, ओ, वा, वि, वु, वे, वो) आज लामो समयदेखि रोकिएका अधुरा कामहरू पुरा हुनेछन् । हर्ष र प्रसन्नताका बीचमा समय व्यतीत हुनेछ । स्वास्थ्य पनि सबल नै रहनेछ ।
कर्कट
कर्कट (हि, हु, हे, हो, डा, डि, डु, डे, डो) आज रमणीय र सुखद् यात्राको योग छ । धर्म र आस्था बढ्नेछ । जीवनसाथीको सल्लाहमा गरिएको कार्यबाट अधिक सफलता मिल्नेछ ।
कन्या
कन्या (टो, पा, पि, पु, ष, ण, ठ, पे, पो) आज शुभकार्यको चर्चा चल्नेछ । परिवारजनको साथले नयाँ आशा पलाउनेछ । बन्दव्यापारका क्षेत्रमा उन्नति प्रगतिको वातावरण बन्नेछ ।
बृश्चिक
वृश्चिक (तो, ना, नि, नु, ने, नो, या, यि, यु) आज धार्मिक र सांस्कृतिक सभासमारोहमा सरिक हुने सम्भावना छ । जग्गा जमिनको कारोबारबाट राम्रो फाइदा हुनेछ । धन हात पनि पर्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज तर्क, विवाद र प्रतिस्पर्धामा राम्रो सफलता मिल्नेछ । न्यायिक कार्यमा सफलता मिल्नेछ । जटिल ठानिएको कामसमेत सम्पादन हुनसक्छ ।
मीन
मीन (दि, दु, थ, झ, ञ, दे, दो, चा, चि) आज एकपछि अर्को अवसर आउनाले मन प्रसन्न रहनेछ । रमाइलो यात्रा गर्ने अवसर प्राप्त हुनेछ । आफ्नो हातबाट शुभ कार्य गर्न पनि पाइनेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login