विराटचोकः विश्वप्रसिद्ध गायिका लता मङ्गेस्करको सम्झनामा श्रद्धाञ्जली साँझ सम्पन्न भएको छ । जादुमय आवाज र गायकीबाट विश्व चर्चित बनेकी लताप्रति नझरेका फूलहरू कला केन्द्र मोरङले शनिबार श्रद्धाञ्जली साँझ आयोजना गरेको हो ।
सुन्दरहरैंचा– १० स्थित प्लानेट लाउन्जमा भएको कार्यक्रममा लोकप्रिय गायक रामकृष्ण ढकाल, गायिका पम्फा चाहार र भूमा अधिकारीले मङ्गेस्करको सम्झनामा गीतहरू गाएका थिए । मङ्गेस्करको सातौँ दिनको पुन्य तिथिको दिन पारेर उनको तस्बीरमा माल्यार्पण गर्दै शुरु भएको कार्यक्रममा प्रमुख अतिथि प्रदेश संसद लोकप्रसाद संगौलाले गायिका मङ्गेस्करको गायकीको चर्चा गरेका थिए ।
यस्तै गायक ढकालले उनीसँग गाएको गीत ‘पूmल भन्छ फुलिरहूँ…’ गीतको तयारी देखि भारतसम्म पुगेर गाउँदाको सम्झना ताजै रहेको र त्यो दिनले आफूलाई भावुक बनाएको बताए । नेपाली गीत गाउन तयारी रहेको र सधैँ प्रयास मात्र गर्छु भन्ने महान गायिकासँग आफूले सँगै गाउन पाउँदाको क्षणहरु ढकालले प्रस्तुत गरेका थिए । गायिकाद्वय अधिकारी र चाहरले लताका हिन्दी गीतहरु गाएका थिए ।
कोरोना संक्रमण र निमोनिया भएपछि उपचारका क्रममा मुम्बईको ब्रीच क्याण्डी अस्पतालमा गायिका मङ्गेस्करको निधन भएको थियो ।
मङ्गेस्करको जन्म २८ सेप्टेम्बर, १९२९ मा भएको थियो । सन् १९४२ मा गाउन शुरु गरेकी उनले एक हजार भन्दा बढी बलिउडका चलचित्रहरूका ३६ भाषाका गीतमा स्वर दिएकी छिन् । उनले गाएका नेपाली गीतहरु ‘बाँचुन्जेलीलाई…, आकाशमा तिरमिरे…, जुन माटोमा… आदि रहेका छन् ।
कार्यक्रमको सभापतित्व सुुुन्दरहरैंचा कला साहित्य विकास समितिका अध्यक्ष छवि वैरागी घिमिरेले गरेका थिए भने कार्यक्रमको सञ्चालन नझरेका फूूलहरु कला केन्द्रका अध्यक्ष केपी घिमिरेले गरेका थिए ।
You must be logged in to post a comment Login