खेलकुद
३१ र ३५ मिनेटमा १० किमी दौडेर जुम्लाका बुढा र एपीएफकी भण्डारी धरान रनमा विजयी
धरानः १० औँ धरान रन नेवा च्यारिटी १० किमीको खुल्ला पुरुषतर्फ जुम्लाका दुर्गाबहादुर बुढा र महिलातर्फ एपिएफका खेलाडी पुष्पा भण्डारी विजयी भएका छन् ।
प्रतियोतिामा खुला पुरुषतर्फ जुम्लाका दुर्गाबहादुर बुढाले १० किमी दुरी ३१ मिनेट ३ सेकेन्डमा दौड पूरा गरी विजयी भएका हुन् । सोही समूहमा जुम्लाकै अनीश थापाले ३१ मिनेट ४ सेकेन्डमा दुरी पार गरी दोस्रो भएका छन् । उनीहरू दुवै जना भारतीय सेनामा कार्यरत रहेका छन् । सोही समूहबाट काठमाडौका मुकेश पालले ३१ मिनेट २० सेकेन्डमा १० किमी दुरी पार गरी तेस्रो भएका छन् । उनीहरूले क्रमशः ६० हजार, ५० हजार र ३० हजार नगद सहित प्रमाणपत्र ट्रफी र मेडल प्राप्त गरेका छन् ।
यसैगरी, महिलातर्फको खुलातर्फ एपिएफकी खेलाडी पुष्पा भण्डारीले ३५ मिनेट २६ सेकेन्डमा १० किमी दुरी पार गरी विजयी भएकी छिन् । यसै गरी एपिएफ काठमाण्डौकै फुलमति रानाले ३८ मिनेट ४० सेकेन्डमा दुरी पार गरी दोस्रो र काठमाण्डौकी हान्ह कारलले ४१ मिनेट १४ सेकण्डमा दुरी पार गरी तेस्रो भएकी छिन् । उनीहरूले पनि नगद ६० हजार, ५० हजार, ३० हजार र प्रमाणपत्र, ट्रफी र मेडल प्राप्त गरेका छन् ।
यस्तै, १६ वर्ष उमेर समूह मुनिका प्रशान्त तामाङले ३६ मिनेट १० सेकेन्डमा १० किमी दुरी पार गरी पहिलो, रोदन राईले ३६ मिनेट ५० सेकेन्डमा दुरी पार गरी दोस्रो र सरोज सिंहले ४० मिनेट ५८ सेकेन्डमा दुरी पूरा गरी तेस्रो भएका छन् ।
सोही समूहको महिलातर्फ पेमा तामाङले ५२ मिनेट ५९ सेकेन्डमा दुरी पूरा गरी पहिलो, कुसुम राईले ५९ मिनेट ९ सेकेन्डमा दुरी पूरा गरी दोस्रो र जस्मिता राईले १ घण्टा १ मिनेट ४५ सेकेन्डमा दुरी पूरा गरी तेस्रो भएका छन् । उनीहरू सबैले पहिलो हुनेले ७ हजार, दोस्रोले ५ हजार र तेस्रोले ३ हजार नगद र प्रमाणपत्र, ट्रफी र मेडल प्राप्त गरेका छन् ।
भेट्रान पुरुषतर्फ काठमाडौंका धर्म महर्जन पहिलो, निमेष क्षेत्री दोस्रो र मङ्गल तामाङ तेस्रो भएका छन् ।सोही समूहको महिलातर्फ भारतको कालिम्पोङकी सरस्वती राई पहिलो, दार्जिलिङकी तेन्जिङ लामा भुटिया दोस्रो र धरान १६ की शर्मिला राई तेस्रो भएका छन् । उनीहरूले क्रमशः ७ हजार, ५ हजार र ३ हजार नगद र प्रमाणपत्र, ट्रफी र मेडल प्राप्त गरे ।
सुपर भेटेरियनतर्फ इन्द्रबहादुर लिम्बू पहिलो र दार्जिलिङका पवनदास प्रधान दोस्रो भएका छन् ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login