शिक्षा / स्वास्थ्य
पुस्तक तथा स्टेशनरी व्यवसायी महासंघद्वारा आयोजित हस्तलेखनमा लाइटिङ ग्लोबल एकेडेमी र निबन्ध लेखनमा बाल प्रतिभा उत्कृष्ट
विराटचोकः नेपाल पुस्तक तथा स्टेशनरी व्यवसायी महासंघ मोरङ २ नम्बर एकाइद्वारा आयोजित हस्तलेखन तथा निबन्धलेखन प्रतियोगिता सम्पन्न भएको छ । गत शनिबार भएको निबन्ध लेखन प्रतियोगिताको नतिजा आज सार्वजनिक गरिएको हो । त्यस्तै आजै भएको हस्तलेखन प्रतियोगिताको नतिजा पनि आजै सार्वजनिक गरी पुरस्कृत गरिएको हो ।
५ कक्षासम्मका विद्यार्थीका लागि भएको प्रतियोगितामा लाइटिङ ग्लोबल एकेडेमी सुन्दरहरैंचा–६की शिक्षा भट्टराई पहिलो भएकी हुन् । ज्ञानज्योति इङ्लिस बोर्डिङ स्कुल सुन्दरहरैंचा– ७ की सञ्जना भुर्तेल दोस्रो भइन् । बालसदन एकेडेमी सुन्दरहरैंचा–९ की दिव्या केसी तेस्रो तथा स्कलर्स होम एकेडेमी सुन्दरहरैंचा–९ की ममता कार्कीले सान्त्वना स्थान हात पारे । प्रतियोगिताको निर्णायकमा अमृतप्रसाद आचार्य, प्रेमप्रसाद भट्टराई र दीपकप्रसाद न्यौपाने रहेका थिए ।
प्रतियोगिताका विजयी विद्यार्थीलाई प्रमाणपत्र तथा नगद पुरस्कार प्रदान गरिएको थियो । हस्तलेखन प्रतियोगितामा सहभागी ३ दर्जन विद्यार्थीमध्ये पुरस्कृत हुने चारै जना छात्रा रहेका छन् । हस्तलेखन प्रतियोगिता नेपाली भाषामा गराइएको थियो । प्रतियोगिताको निर्णायकमा अनिस कार्की र तुलसी दास रहेका थिए ।
६ कक्षादेखि १० कक्षासम्मका विद्यार्थीबीच भएको निबन्धलेखन प्रतियोगितामा बाल प्रतिभा सेकेण्डरी स्कुल सुन्दरहरैंचा–१० की रिया मास्के पहिलो भइन् । शिक्षा निकेतन माध्यमिक विद्यालय सुन्दरहरैंचा–८ की सन्ध्या पौडेल दोस्रो र ब्राइट फ्युचर सेकेण्डरी स्कुल सुन्दरहरैंचा–८ का प्रह्लाद न्यौपाने तेस्रो भए । उनीहरुले पनि नगद पुरस्कार र प्रमाणपत्र पाए । निबन्ध लेखन प्रतियोगितामा १७ जना विद्यार्थी सहभागी थिए ।
पुरस्कार वितरण कार्यक्रमलाई सम्बोधन गर्दै सुन्दरहरैंचा नगरपालिकाका प्रमुख शिवप्रसाद ढकालले प्रविधिले हस्तलेखनलाई ओझेलमा पारे पनि यस्ता प्रतियोगिताले हस्तलेखनलाई सहयोग पुग्ने बताए । कोभिड महामारीपछि सुन्दरहरैंचाको शिक्षा क्षेत्रमा सुधारका कार्यक्रम उल्लेख्य मात्रामा भएको बताउँदै नगरप्रमुख ढकालले सामुदायिक र संस्थागत विद्यालयलाई सँगसँगै लैजान नगरपालिका प्रयासरत भएको बताए । नगरको प्रयासलाई विद्यालय, पुस्तक प्रकाशन गृह, पुस्तक व्यवसायी, शिक्षक, अभिभावक सबैको सहयोग रहेको उनले जनाए ।
१२ कक्षासम्मको शिक्षाको व्यवस्थापन गर्ने जिम्मा दिने नीति सकारात्मक रहेको बताउँदै सुन्दरहरैंचामा स्थानीय पाठ्यक्रम लागू गर्न नगरपालिकाले काम गरिरहेको बताए । स्थानीय तहको शिक्षाको अवस्था जनप्रतिनिधिले मात्रै बुझ्ने उनको भनाइ थियो । शिक्षामा सुधार ल्याउन अझै केही चिन्तन र सोचको खाँचो रहेको उनले औँल्याए । यस वर्ष ७ वटा सामुदायिक विद्यालयमा स्मार्ट कक्षा सञ्चालन हुने पनि उनले जानकारी दिए ।
कार्यक्रममा बोल्दै महासंघका प्रदेश अध्यक्ष रञ्जन शर्माले विद्यालय र पुस्तक व्यवसायीबीच समन्वय गर्न यस्ता कार्यक्रम सहयोग हुने बताए । निबन्ध लेखनमा अपेक्षाकृत सहभागिता हुन नसके पनि उल्लेख्य सहभागिता रहेको उनको भनाइ थियो ।
महासंघका केन्द्रीय उपाध्यक्ष सञ्जीव सत्यालले आयोजक संस्थाको उत्कृष्ट कार्यको प्रशंसा गरे ।
प्याब्सन मोरङका सहसचिव मनोज रेग्मीले पुस्तक व्यवसायी, प्रकाशन गृह, शिक्षक, विद्यार्थी सबैलाई जोड्न महासंघको यो कार्यक्रम सफल भएको धारणा राखे । सुन्दरहरैंचाका विद्यालय र नगरप्रमुखबीच बारम्बार हुने छलफल र सहकार्यले नगरमा शिक्षा क्षेत्रको विकासमा टेवा पुगेको उनको भनाइ थियो ।
निबन्ध लेखन प्रतियोगिताका निर्णायक अमृतप्रसाद आचार्यले निबन्धलेखन प्रतियोगिताको व्यवस्थापन उत्कृष्ट भएको बताए । निबन्ध लेखिएको कागजमा प्रतियोगीको नाम र विद्यालय चिनाउने कुनै संकेत नराखी कोण नम्बर दिएर पठाइएको हुनाले प्रतियोगितामा विजयी हुने विद्यार्थीको नाम मूल्याङ्कनर्तालाई नै थाहा नहुने गरी गरिएको व्यवस्थापनको उनले खुलेर प्रशंसा गरे ।
कार्यक्रम गर्नुको औचित्य महासंघका मोरङ अध्यक्ष दिवाकर भट्टराईले गरेका थिए । महासंघको २ नम्बर एकाइ अध्यक्ष चुडामणि घिमिरेको अध्यक्षतामा भएको कार्यक्रमको सञ्चालन महासंघका जिल्ला सचिव दुर्गाप्रसाद घिमिरेले गरेका थिए ।
कार्यक्रममा कोसेली प्रकाशन, प्रसिद्ध पब्लिकेसन, आठराई पब्लिकेसनलगायतका विभिन्न प्रकाशन गृहका प्रतिनिधि पनि उपस्थित थिए ।
https://www.facebook.com/NispakshyaKhabarDotCom/photos/pcb.688919262552557/688917565886060
पुस्तक तथा स्टेशनरी व्यवसायी महासंघको आयोजनामा निबन्ध लेखन प्रतियोगिता सम्पन्न
Facebook Comment
प्रतिनिधिसभा सदस्य चुनावमा चितवन क्षेत्र नम्बर ३ मा राष्ट्रिय स्वतन्त्र पार्टी (रास्वपा) की साेविता गाैतम ३८ हजार ६६२ मतान्तरले विजयी हुनुभएकाे छ । निर्वाचन आयाेगका अनुसार गाैतमले ५९ हजार २७७ मत प्राप्त गर्नुभएकाे छ । उहाँका प्रतिस्पर्धी नेपाली कम्युनिस्ट पार्टी (नेकपा) की रेनु दाहालले २० हजार ६१५ मत प्राप्त गर्नुभएकाे छ ।
साेविता गाैतम प्रतिनिधिसभा चुनाव इतिहासमा सबैभन्दा मत ल्याएर विजयी हुनुभएकाे हाे । यसअघि २०७४ सालको चुनावमा झापा क्षेत्र नम्बर ५ बाट नेकपा एमालेका अध्यक्ष केपी शर्मा ओलीले ५७ हजार १३९ मत ल्याएर विजयी हुनुभएकाे थियाे ।
प्रतिनिधिसभा चुनावको प्रत्यक्षतर्फ १६५ मध्ये १६१ क्षेत्रमा मतगणना भइरहेको छ । यसमध्ये ३४ वटा निर्वाचन क्षेत्रको अन्तिम नतिजा सार्वजनिक भएको छ । निर्वाचन आयोगको पछिल्लो विवरण अनुसार राष्ट्रिय स्वतन्त्र पार्टी (रास्वपा) २५ क्षेत्रमा विजयी भएको छ । नेपाली कांग्रेसले ५, नेपाली कम्युनिष्ट पार्टी (नेकपा)ले २ र एमालेले १ तथा स्वतन्त्र उम्मेदवारले १ क्षेत्रमा जित हासिल गरेका छन् । मतगणना भैरहेका ठाउँमा रास्वपाकै उम्मेदवाहरु अगाडि छन् । रास्वपा ९३, कांग्रेस १०, एमाले १०, नेकपा ११, श्रम संस्कृति पार्टी ५ र राप्रपा १ क्षेत्रमा अगाडि छन् ।
रास्वपा
१. बुद्धिप्रसाद पन्त – पर्सा १ बाट २७ हजार २७४ मत ल्याएर विजयी हुँदा एमालेका प्रदिप यादवले १३ हजार ३० मत ल्याउनुभयो ।
२. सागर भुसाल – पर्वतबाट २६ हजार ५६१ मत ल्याएर विजयी हुनुभएको छ । कांग्रेसका अर्जुनप्रसाद जोशीको १५ हजार ९५४ र एमालेका पदम गिरीको १५ हजार ७५ मत आएको छ ।
३. अरबिन्द साह – बारा ३ बाट ४० हजार ६९७ मत ल्याएर विजयी हुँदा कांग्रेसका फरमुल्लाह मंसुरले १० हजार ५२ मत ल्याउनुभयो र
४. रवि लामिछाने – चितवन क्षेत्र नम्बर २ बाट तेस्रोपटक विजयी हुनुभएको छ । लामिछानेले ५४ हजार ४०२ मत ल्याएर विजयी हुनुभएको हो । उहाँका निकटतम् प्रतिष्पर्धी नेपाली कांग्रेसकी मिना खरेलले १४ हजार ५६४ र एमालेका अस्मिन घिमिरेले ६ हजार ९९२ मत ल्याउनुभयो ।
५. रुकेश रन्जित – भक्तपुर १ बाट ३३ हजार ४३६ मत ल्याएर विजयी हुँदा नेपाल मजदुर किसान पार्टीका प्रेम सुवालले २८ हजार १४७ मत ल्याउनुभयो ।
६. सुनिल केसी – काठमाण्डौ २ बाट ३४ हजार २३८ मत ल्याएर विजयी हुनुभएको छ । उहाँका प्रतिष्पर्धी कांग्रेसका कविर शर्माले ८ हजार ८७४ मत ल्याउनुभयो ।
७. प्रमोद कुमार महतो – महोत्तरी १ बाट ३४ हजार ६३६ मत ल्याएर विजयी हुनुभएको छ । उहाँका निकटतम प्रतिष्पर्धी नेकपाका गिरिराजमणि पोखरेलले १२ हजार ६२४ मत ल्याउनुभयो ।
८. धनञ्जय रेग्मी – स्याङ्जा १ बाट २९ हजार ७१ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका भरतराज ढकालले १८ हजार ८५७ मत ल्याउनुभयो ।
९. सुरेशकुमार चौधरी – बाँके १ बाट ५२ हजार ७९२ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका नारायणप्रसाद गौडेलले १५ हजार ३०१ मत ल्याउनुभयो ।
१०. खगेन्द्र सुनार – बाँके ३ बाट २९ हजार ५५१ मत ल्याएर विजयी हुनुभएको छ । उहाँका निकटमत प्रतिष्पर्धी एमालेका सुमन मल्लले १९ हजार ६१५ मत ल्याउनुभयो ।
११. कन्हैया बनिया– रुपन्देही ४ बाट २८ हजार ६६ मत ल्याएर विजयी हुनुभएको छ । प्रतिष्पर्धी एमालेका प्रमोदकुमार यादवको २० हजार २६२ मत आएको छ ।
१२. रुविना आचार्य– मोरङ ६ मा विजयी हुँदा कांग्रेसका डा. शेखर कोइराला पराजित हुनुभएको छ । आचार्यले ५५ हजार ५१३ मत ल्याउँदा कोइरालाले १२ हजार ८५० मतमात्रै ल्याउनुभएको छ ।
१३. डीपी अर्याल– काठमाण्डौ ९ मा ३५ हजार ९३ मत ल्याएर विजयी हुनुभएको छ । कांग्रेसकी नानुमाया बास्तोलाले ५ हजार ४६० मत ल्याउनुभयो ।
१४. मनिष झा– धनुषा ३ मा विजयी हुँदा कांग्रेसका विमलेन्द्र निधि पराजित हुनुभएको छ । झाले ४३ हजार १४२ र निधिले १५ हजार ९९२ मत ल्याउनुभयो ।
१५. सन्तोष राजवंशी– मोरङ ४ मा विजयी हुँदा कांग्रेसका गुरुराज घिमिरे पराजित हुनुभयो । राजवंशीले ४० हजार ८३३ मत ल्याउँदा घिमिरेले १२ हजार ८१८ मत ल्याउनुभयो ।
१६. बिना गुरुङ – कास्की ३ मा विजयी हुँदा कांग्रेसका मनोज गुरुङ पराजित हुनभयो । बिनाले ३७ हजार ७५० मत ल्याउँदा मनोजले १२ हजार ७८० मत ल्याउनुभयो ।
१७. प्रदीप बिष्ट – काठमाण्डौ १०मा विजयी हुँदा कांग्रेसका हिमाल कार्की पराजित हुनुभएको छ । बिष्टले ३७ हजार ४६९ र कार्कीले ८ हजार १०० मत ल्याउनुभयो ।
१८. उत्तम प्रसाद पौडेल – कास्की २ मा विजयी हुँदा एमालेका रश्मि आचार्य पराजित हुनुभयो । पौडेलले ३१ हजार ९११ र आचार्यले ७ हजार ४९३ मत ल्याउनुभयो ।
१९. सस्मित पोखरेल – काठमाण्डौ ५ मा विजयी हुँदा कांग्रेसका प्रदीप पौडेल र एमालेका ईश्वर पोखरेल पराजित हुनुभयो । पोखरेलले ३० हजार ७३७ मत ल्याउँदा पौडेलले ९ हजार १५९ र पोखरेलले ४ हजार ७०१ मतल्याउनुभयो ।
२०. पुकार बम – काठमाण्डौ ४ मा विजयी हुँदा कांग्रेसका सचिन तिमल्सिेना र एमालेका राजन भट्टराई पराजित हुनुभयो । पुकारले २९ हजार २४२, सचिनले ८ हजार ८२४ र भट्टराईले ५ हजार ७३३ मत ल्याउनुभयो ।
२१. गणेश पराजुली – काठमाण्डौ ७ मा २७ हजार ८०५ मत ल्याएर विजयी हुनुभएको छ ।
२२. राजुनाथ पाण्डे– काठमाडौ ३ मा विजयी हुँदा उज्यालो नेपाल पार्टीका अध्यक्ष कुलमान घिसिङ पराजित हुनुभयो । रास्वपाका पाण्डेले १८ हजार ७५७ मत र घिसिङले ११ हजार १७१ मत ल्याउनुभयो ।
२३. विराजभक्त श्रेष्ठ– काठमाण्डौ ८ बाट विजयी हुनुभएको छ । उहाँले २४ हजार ५९२ र उहाँका निकटतम प्रतिस्पर्धी नेपाली कम्युनिष्ट पार्टी (नेकपा) का सुमन सायमीले ३ हजार २१७ मत ल्याउनुभयो ।
२४. शिशिर खनाल– काठमाण्डौ ६ बाट विजयी हुनुभएको छ । खनालले २७ हजार ७१९ र उहाँका निकटतम प्रतिस्पर्धी नेपाली कांग्रेसका कृष्ण बानियाँ क्षेत्रीले ६ हजार ६४७ मत पाउनुभयो ।
२५. रञ्जु न्यौपाने (दर्शना)– काठमाण्डौ १ बाट १५ हजार ४ सय ५५ मतसहित विजयी हुनुभयो । उहाँका प्रतिस्पर्धी नेपाली कांग्रेसका प्रबल थापाले ६ हजार ३६४ मत प्राप्त गर्नुभयो ।
कांग्रेस
१. तेह्रथुमबाट कांग्रेसका सन्तोष सुब्बा ११ हजार ५६१ मत ल्याएर विजयी हुनुभएको छ । उहाँका निकटतम प्रतिष्पर्धी एमालेका भानुभक्त ढकालले १० हजार ६८२ मत ल्याउनुभयो ।
२. दैलेख १ मा बासना थापा १२ हजार ३७२ मत ल्याएर विजयी हुनुभएको छ । निकटम प्रतिष्पर्धी एमालेका रविन्द्रराज शर्माले ११ हजार ७९६ मत ल्याउनुभयो ।
३. रसुवा १ मा मोहन आचार्य १० हजार ६५६ मत ल्याएर विजयी हुनुभएको छ । निकटम प्रतिष्पर्धी रास्वपाका बसन्त भट्टले ५ हजार ५७१ मतल्याउनुभयो ।
४. मुस्ताङबाट योगेश गौचन थकाली ३ हजार ३०७ मत ल्याएर विजयी हुनुभएको छ । प्रतिस्पर्धी एमालेका ईन्द्रधार विष्टले एक हजार ८०३ मत प्राप्त गर्नुभयो ।
५. मनाङबाट टेकबहादुर गुरुङ २ हजार ४१५ मतसहित विजयी हुँदा उहाँका प्रतिस्पर्धी नेकपाकी यशोदा गुरुङ (सुवेदी)ले ४५४ मत ल्याउनुभयो ।
नेकपा
१. कालिकोटबाट महेन्द्रबहादुर शाहीले ११ हजार ३३८ मत ल्याएर विजयी हुनुभएको छ । प्रतिष्पर्धी एमालेका नगीन्द्र शाहीले १० हजार ३५२ मत ल्याउनुभयो ।
२. रुकुमपूर्वबाट नेपाली कम्युनिष्ट पार्टी (नेकपा)का संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ विजयी हुनुभएको छ । उहाँले १० हजार २४० र एमालेका लीलामणि गौतमले ३ हजार ४६२ मत प्राप्त गर्नुभयो ।
एमाले
१. बाँके २ बाट मोहम्मद इस्तियाक राईले २४ हजार ६४७ मत ल्याएर विजयी हुनुभएको छ । प्रतिष्पर्धी रास्वपाका विवेककुमार श्रेष्ठले १८ हजार ६७९ मत ल्याउनुभयो ।
स्वतन्त्र
१. म्याग्दीबाट स्वतन्त्र उम्मेदवार महावीर पुन निर्वाचित हुनुभएको छ । उहाँले २२ हजार ८५० मत ल्याएर विजयी हुँदा एमालेका हरिकृष्ण श्रेष्ठले ७ हजार ९१९ मत ल्याउनुभयो ।
मोरङ क्षेत्र नम्बर ६ मा राष्ट्रिय स्वतन्त्र पार्टी (रास्वपा) की उम्मेदवार रुबिना आचार्य विजयी भएकी छिन् ।
उनी ५५ हजार ५१३ मतसहित विजयी भएकी हुन् । उनका निकटतम प्रतिस्पर्धी डा. शेखर कोइरालाले १२ हजार ८५० मत प्राप्त गरेका छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login