कोशी प्रदेश
सुन्दरहरैंचामा बन्यो विश्वमै ज्योतिषीको पहिलो प्रशासकीय भवन, नवग्रह अध्ययन केन्द्रको रुपमा विकास गरिने
विराटचोकः नेपाल ज्योतिष परिषद्को प्रदेश कार्यालय भवन उद्घाटन गरिएको छ । सुुन्दरहरैंचाको वडा नम्बर ५ मा रहेको भवनको सुन्दरहरैंचा नगरपालिकाका मेयर शिवप्रसाद ढकाल र परिषद्का संस्थापक केन्द्रीय अध्यक्ष डा. लोकराज पौडेलले संयुुक्त रुपमा उद्घाटन गरे । सो भवन विश्वकै ज्योतिषीहरुको पहिलो कार्यालयीय भवन भएको बताइएको छ ।
कार्यक्रममा स्वागत मन्तव्य राख्दै परिषद्का प्रदेश उपाध्यक्ष बाबुराम निरौलाले नवनिर्मित भवनसँगै रहेको जग्गामा थप भवन बनाइने बताए । ४ तले सो भवन नवग्रह अध्ययन केन्द्रको रुपमा विकास गर्ने गरी गृहकार्य शुरु गरिएको बताए । असारभित्रै सो भवनको लागि डीपीआर निर्माण गरेर काम शुरु गर्ने तयारी परिषद्को प्रदेश कार्यसमितिले गरेको उनले जानकारी दिए ।
भवन उद्घाटन कार्यक्रममा बोल्दै प्रमुख अतिथि मेयर ढकालले आफ्नो कार्यकालमा सामुदायिक स्तरका ३० वटा भवन बनेको बताए । सुन्दरहरैंचाले धार्मिक, आध्यात्मिक आस्थाका कार्यक्रम र योजनाका लागि बजेट विनियोजन गर्न कुनै कञ्जुस्याइँ नगरेको बताए । भवन निर्माणका लागि १० लाख रुपैयाँ नगरपालिकाले विनियोजन गरेको उनले सुनाए । आफू तीन तिहाइ अल्पमतमा हुँदा पनि कार्यपालिकाका सबैको चित्त बुझाएर काम गरेको बताउँदै कसैले ‘नोट अफ डिसेन्ट’ लेख्नुपर्ने गरी कुनै निर्णय नगरिएको जनाए ।
परिषद्का संस्थापक अध्यक्ष डा. पौडेलले ज्योतिष परिषद्को पहिलो भवन मोरङ जिल्लामा बनेको बताउँदै भवन निर्माणको लागि जागरुक बनेको प्रदेश समितिलाई धन्यवाद दिए । परिषद्ले २०६३ सालमा सम्मेलन गर्न तत्कालीन सरकारबाट लिएपछि सुन्दरहरैंचाले परिषद्को लागि ठूलो रकम विनियोजन गरेको बताए ।
अब ज्योतिषीले पनि वडामा दर्ता भएर पान नम्बर लिएर कर तिर्ने बानी बसाल्नुपर्ने बताए । ज्योतिषीले कर नतिरेको आरोप लाग्ने गरेको जनाउँदै अब लाइसेन्स लिएर दर्ता भएर आधिकारिक रुपमा ज्योतिष पेशा अपनाउनुपर्ने गरी काम अघि बढाइरहेको उनले बताए । विश्व ज्योतिष महासंघको भवन नेपालमै बनाउने गरी काम भइरहेको उनको भनाइ थियो ।
कार्यक्रममा परिषद्का झापा अध्यक्ष चन्द्रमणि मगर, भोजपुर उपाध्यक्ष रमेश सुवेदी, धनकुटा अध्यक्ष हरि भण्डारी, मोरङ अध्यक्ष राजेन्द्र ढकाल, सुनसरी अध्यक्ष दधिराम बाराकोटी, केन्द्रीय सह महासचिव सीताराम सोम लुुइँटेल, केन्द्रीय सहसचिव प्रेमसागर घिमिरे, केन्द्रीय सदस्य कमल दाहाललगायतले आफ्नो भनाइ राखेका थिए ।
परिषदका प्रदेश अध्यक्ष विश्वप्रकाश लामिछानेको सभापतित्वमा भएको कार्यक्रममा वडा नम्बर ५ का अध्यक्ष राम रिजाल, सुन्दरहरैंचा नगरपालिकाका लेखा प्रमुख शेखर ढकाललगायत उपस्थित थिए । कार्यक्रमको सञ्चालन केन्द्रीय प्रचार सचिव घनश्याम चापागाईँले गरेका थिए ।
https://www.facebook.com/NispakshyaKhabarDotCom/photos/pcb.708059140638569/708058203971996/
Facebook Comment
Banner
स्ट्रेन्थ जिम एण्ड फिटनेस सेन्टर विराटचोकको तेस्रो वार्षिकोत्सवका अवसरमा खुल्ला रक्तदान कार्यक्रम सम्पन्न भएको छ ।
स्ट्रेन्थ जिम एण्ड फिटनेस सेन्टर विराटचोकको तेस्रो वार्षिकोत्सवका अवसरमा खुल्ला रक्तदान कार्यक्रम सम्पन्न भएको छ । शुक्रबार जिमहलको प्राङ्गण विराटचोकमा वृहत् खुल्ला रक्तदान कार्यक्रम भएको हाे ।
सञ्चालन : केपी घिमिरे
सभापति : दीपक गुरुङ (स्ट्रेन्थ जिम एण्ड फिटनेस सेन्टरका सञ्चालक)
प्रमुख अतिथि : राष्ट्रिय तथा अन्तर्राष्ट्रिय खेलाडी ललित धिमाल
विशिष्ट अतिथि : समाजसेवी ललितबहादुर श्रेष्ठ
विशिष्ट अतिथि : साहित्यकार पुरन राई
विशिष्ट अतिथिहरू क्रमशः नेपाल बडी बिल्डिङ सङ्घका निर्णायक कबिरभगत श्रेष्ठ, अन्तर्राष्ट्रिय रेफ्री कुन्ती गुरुङ,
राष्ट्रिय तथा अन्तर्राष्ट्रिय खेलाडीहरू: मनोज सुवेदी, रिक्की थापामगर, गोविन्द बिशङ्खे,विशाल पौडेल
अतिथिहरू क्रमश: सुन्दरहरैँचा उद्योग वाणिज्य सङ्घ अध्यक्ष नारायण कार्की, सुन्दरहरैँचा कला साहित्य विकास समिति अध्यक्ष छवि वैरागी घिमिरे, युवा अग्रज समाजसेवी रञ्जन ओझा, मिराजजंग थापा,खगेन्द्र रिजाल, बलु विष्ट, पत्रकार खेमचन्द्र अधिकारी (शिखरबास अनलाइन), कृष्णचन्द्र सुवेदी ( पूर्वी अनलाइन) लगायत खेल र फिटनेस क्षेत्रका करिब ३ दर्जन बढी अतिथिको सहभागिता रहेको थियो।
स्वागत मन्तव्य : जिम सञ्चालक कृष्ण दाहाल।
कार्यक्रममा ६० जना भन्दा बढीले रक्तदान गरेका थिए।
विराटचोक ,मोरङ
Banner
अफताब आलमसहित चारजनालाई जन्मकैद सजाय
अफताब आलमसहित चारजनालाई जन्मकैद सजाय
कांग्रेसका पूर्वसांसद मोहम्मद अफताब आलमसमेत चारजनालाई जन्मकैदको सजाय सुनाइएको छ। जिल्ला अदालत रौतहटले लापरबाहीपूर्वक काम गरी ज्यान मारेको तथा विस्फोटक पदार्थ बमसमेतको प्रयोग गरी ज्यान लिएको अभियोगमा सजाय तोकिएको हो।
रौतहट जिल्ला अदालतका न्यायाधीश मातृकाप्रसाद आचार्यले यस्तो फैसला गरेका हुन्। अदालतका स्रेस्तेदार उद्धव ढोडारीले आलमका साथै महताव आलम, शेष सेराज र बद्री सहनीलाई जन्मकैदको सजाय सुनाइएको जानकारी दिए।
Banner
आज – १४ बैशाख २०८१ शुक्रवार को राशिफल
मेष
मेष (चु, चे, चो, ला, लि, लु, ले, लो, अ) आज तपाईंको सामान हराउन सक्छ । सहयोग गर्नेहरूले झुक्याउन सक्छन्, सावधान रहनुहोला । आफूलाई कमजोर भएको अनुभूति हुनेछ ।
मिथुन
मिथुन (का, कि, कु, घ, ङ, छ, के, को, हा) मठमन्दिरको भ्रमणले काम सम्पन्न गर्न थप ऊर्जा प्रदान गर्नेछ । परिश्रमअनुसार उपलब्धि पनि राम्रै पाइनेछ । चिताएको कामले तीव्रता लिनेछ ।
सिंह
सिंह (मा, मि, मु, मे, मो, टा, टि, टु, टे) आज शुभकार्य तथा सामाजिक क्षेत्रमा धन खर्च हुनसक्छ । दबाब र तनाव बढेको महसुस हुनेछ । यात्रामा सावधानी अपनाउनु पनि पर्नेछ ।
तुला
तुला (रा, रि, रु, रे, रो, ता, ति, तु, ते) आज कुनै कुराले मनमा शान्ति छाउनेछ । शुभकार्यको चर्चा चल्नेछ । बन्दव्यापार र पेसाव्यवसायका क्षेत्रमा उन्नति प्रगतिको वातावरण बन्नेछ ।
धनु
धनु (ये, यो, भा, भि, भु, धा, फा, ढा, भे) आज अनावश्यक वादविवाद बढ्न सक्छ । पारिवारिक जीवन सामान्य रहनेछ । विद्यार्थीले पढाईमा अलिक बढी ध्यान दिनुपर्ने समय छ ।
कुम्भ
कुम्भ (गु, गे, गो, सा, सि, सु, से, सो, दा) एकपछि अर्को अवसर आउनाले मन प्रसन्न रहनेछ । नोकरी गर्नेले मानसम्मान पाउने छन् । लाभदायक यात्राको सम्भावनालाई नकार्न सकिँदैन ।
बृष
वृष (इ, उ, ए, ओ, वा, वि, वु, वे, वो) रमाइलो यात्रा गर्ने अवसर प्राप्त हुनेछ । परिवारजनको साथले नयाँ आशा पलाउनेछ । मित्रताको बन्धन कसिनुका साथै दाम्पत्य सुख मिल्नेछ ।
कर्कट
कर्कट (हि, हु, हे, हो, डा, डि, डु, डे, डो) आज अधिकार प्राप्तिका लागि गरिएको प्रतिस्पर्धामा विजयी भइने छ । बुद्धिको उपयोग गर्नाले जटिल ठानिएको कामसमेत सम्पादन हुन सक्छ ।
कन्या
कन्या (टो, पा, पि, पु, ष, ण, ठ, पे, पो) आज रमाइलो यात्राको सम्भावना छ र त्यसबाट दीर्घकालिक फाइदा पुग्नेछ । लामो समयदेखि रोकिएका अधुरा कामहरू पनि पुरा हुनेछन् ।
बृश्चिक
वृश्चिक (तो, ना, नि, नु, ने, नो, या, यि, यु) तर्क र विवादमा राम्रो सफलता मिल्नेछ । धार्मिक र सांस्कृतिक सभासमारोहमा सरिक हुने सम्भावना छ । जटिल ठानिएको काम सम्पादन होला ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज लामो समयदेखि रोकिएको कामको गाँठो फुक्नेछ । जग्गाजमिनको कारोबारबाट राम्रो फाइदा हुनेछ । न्यायिक कार्यमा सफलता मिल्नेछ ।
मीन
मीन (दि, दु, थ, झ, ञ, दे, दो, चा, चि) आजको दिन मनोरञ्जनपूर्ण समय रहला । सामाजिक क्षेत्र र नोकरीबाट मानसम्मान मिल्नेछ । अध्यापनको क्षेत्रमा प्रगतिको खबर सुन्न पाउनु हुनेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login