स्थानीय तह
गठबन्धनको प्रक्रिया जारी नै छः कांग्रेस, माओवादी संयुक्त गठबन्धन सुन्दरहरैंचा
विराटचोकः स्थानीय तहको आसन्न निर्वाचनमा सत्तारुढ दलबीच गठबन्धन हुने भनिए पनि नेपाली कांग्रेस र नेकपा माओवादी केन्द्रबीच मात्रै गठबन्धन भएको छ । उम्मेद्वारी फिर्ता गर्ने दिनसम्म पनि गठबन्धनका पक्षधरबीच कुरा नमिल्दा कुनै पनि उम्मेद्वारले आफ्नो मनोनयन फिर्ता गरेनन् ।
गठबन्धनको विषयमा प्रष्ट धारणा नआएको भन्दै आज नेपाली कांग्रेसको सचिवालयमा नेपाली कांग्रेस र नेकपा माओवादी केन्द्रले पत्रकार सम्मेलन गरी गठबन्धन औचित्य प्रकाश पारेको छ ।
पार्टीको केन्द्रीय नीतिअनुसार नै सुन्दरहरैंचामा पनि गठबन्धन गरिएको नेकपा माओवादी केन्द्रका नेता गोपी अछामीले बताए । वडा तहमा अझै गठबन्धनको पक्षमा सत्तारुढ सबै दल रहेका हुनाले एकीकृत समाजवादीलगायतका दलसँग गठबन्धन हुन सक्ने उनको भनाइ थियो ।
कार्यक्रमलाई सम्बोधन गर्दै नेपाली कांग्रेसका जिल्ला सचिव ललित श्रेष्ठले पार्टीको केन्द्रीय समितिको निर्देशन तथा प्रदेश, जिल्ला र नगर समितिको निर्णयअनुसार गठबन्धन गरिएको बताए । आवश्यकताका आधारमा गठबन्धन हुने प्रष्ट्याउँदै आवश्यक परे अझै पनि गठबन्धन गर्न सकिने बताए ।
केपी शर्मा ओली संविधानको मर्म विपरीत चलेकाले गठबन्धन गर्नुपरेको नेपाली कांग्रेसका नेता रमेशजंग रायमाझीले बताए । प्रधानमन्त्री भएपछि कसैको कुरा नसुन्ने प्रवृत्ति ओलीमा देखिएकाले त्यसको विरोधमा गठबन्धन गरिएको र पछिसम्म यो गठबन्धन कायमै रहने उनले औँल्याए । एमालेका उम्मेद्वारलाई जित्नै नदिने निर्णय भएको हुनाले एमालेले कुनै वडा जित्ने सम्भावना देखिएमा गठबन्धनको जुन दलको पकड बढी हुन्छ सो दलका उम्मेद्वारलाई सघाउने नीति रहेको उनले प्रष्ट्याए ।
उपमेयर पदमा नेपाली कांग्रेसले ईशवरवती माझीलाई उपमेयरको टिकट दिएको भए पनि गठबन्धन हुने भएमा टिकट फिर्ता लिने भन्ने शर्तमा टिकट दिइएकाले गठबन्धन हुने भएपछि उम्मेद्वारी नपरेको उनले जानकारी दिए । राष्ट्रियता र संघीयता जोगाउन अर्काे चुनावसम्म नै गठबन्धन हुन सक्ने बताउँदै एकीकृत समाजवादीसँग पनि अझै गठबन्धन हुन सक्नेमा उनले जोड दिए ।
नेपाली कांग्रेसका नेता तथा प्रदेश सांसद लोकप्रसाद संग्रौलाले भोलिदेखि नै संयुक्त रुपमा घरदैलो कार्यक्रम हुने बताए ।
नेकपा माओवादी केन्द्रका नगर अध्यक्ष दुष्यन्त भट्टराईले सञ्चालन गरेको कार्यक्रममा नेपाली कांग्रेसका नेता सुनिल शर्माको पनि उपस्थिति थियो । गठबन्धनबाट मेयर र उपमेयर पदका उम्मेद्वार उपस्थित भए पनि उनीहरुले आफ्नो भनाइ राखेनन् ।
कार्यक्रममा नेपाली कांग्रेस र नेकपा माओवादी केन्द्रबाट विभिन्न पदका उम्मेद्वार तथा नेता कार्यकर्ताको उल्लेख्य उपस्थिति थियो ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login