स्थानीय तह
सुन्दरहरैंचा कांग्रेसले सार्वजनिक गर्याे घोषणापत्र
विराटचोकः यही बैशाख ३० गते हुने स्थानीय तह निर्वाचनका लागि नेपाली कांग्रेस सुन्दरहरैंचाले घोषणापत्र सार्वजनिक गरेको छ । पार्टीको प्रचारप्रसार सचिवालयमा आज नेपाली कांग्रेसको तर्फबाट मेयर पदका उम्मेद्वार शिवप्रसाद ढकाल, प्रदेश उपसभापति तथा राष्ट्रिय सभाका सांसद रमेशजङ्ग रायमाझी, जिल्ला समिति सचिव ललित श्रेष्ठ, महासमिति सदस्य तथा प्रदेश सांसद लोकप्रसाद सङ्ग्रौलालगायतले घोषणापत्र सार्वजनिक गरेका हुन् ।
घोषणापत्रमा विभिन्न ९ शीर्षकमा कांग्रेसले आफ्नो सङ्कल्प प्रस्तुत गरेको छ । शिक्षा खेलकुद र बालबालिका, स्वास्थ्य, कृषि उद्यम र रोजगारी, पर्यटन प्रवद्र्धन, वातवारण, सरसफाइ तथा विपद् व्यवस्थापन, सुशासन तथा सेवा प्रवाह तथा प्रविधि, भौतिक पूर्वाधार, कला, साहित्य, पत्रकारिता र मानव संशाधन विकास र सशक्तिकरण शीर्षकमा कांग्रेसले घोषणापत्रका बुँदा समेटेको हो ।
घोषणापत्रमा १९ बिघा ७ कठ्ठा क्षेत्रफलमा नेपालकै सबैभन्दा ठूलो अन्तर्राष्ट्रि स्तरको बहुउद्देश्यीय रङ्गशाला निर्माण गरिने तथा हरैँचा, पचाम, बाघझोडा, लाटीझोडा, सुकुना तथा नगरभित्रका अन्य खेलमैदानलाई स्तरोन्नति गरी रङ्गशालाको अवधारणाको रुपमा लगिने उल्लेख गरिएको छ ।
सुन्दरहरैंचा नगर अस्पताललाई ५० बेडमा स्तरोन्नति गरी सबै रोगको विशेषज्ञ सेवा सञ्चालनका साथै बीमा उपचार सहज बनाइने र अपरेशन थिएटर, सर्पदंश र पोष्टमार्टमको समेत व्यवस्था मिलाइने उल्लेख छ । भिडियो कलमार्फत् डाक्टरसँग परामर्श लिनका लागि मेरो डाक्टर एप्स निर्माण गर्ने तथा एक वडा एक डाक्टर, एक टोल एक नर्स उत्पादन गर्न छात्रवृत्ति उपलब्ध गराइने उल्लेख छ । ७० वर्षमाथिका ज्येष्ठ नागरिकलाई निःशुल्क एम्बुलेन्स सेवा प्रदान गर्नुका साथै प्रति वर्ष १० हजार नगरवासीलाई निःशुल्क स्वास्थ्य बीमा सेवा उपलब्ध गराइने उल्लेख छ ।
नगरको लगानी कृषकको ल्याण्ड, केरा खेती सुन्दरहरैंचाको ब्राण्ड भन्ने नाराका साथ वडा नम्बर ६ र ७ लाई नगदे बाली तथा वडा नम्बर २ र ८ लाई तरकारी पकेट क्षेत्र बनाइने घोषणापत्रमा समेटिएको छ ।
बाघझोडादेखि फोकल्याण्ड टापुसम्मको जङ्गली क्षेत्रलाई जङ्गल सफारीको रुपमा विकास गरी फोकल्याण्ड टापुमा होम स्टे सञ्चालन गरिने उल्लेख छ ।
घोषणापत्र सार्वजनिक कार्यक्रमलाई नेपाली कांग्रेस सुन्दरहरैँचाका सभापति भक्तिप्रसाद सिटौला, जिल्ला सचिव ललित श्रेष्ठ, राष्ट्रिय सभाका सांसद रमेशजङ्ग रायमाझी, प्रदेश सांसद लोकप्रसाद सङ्ग्रौला, पूर्व जिल्ला कोषाध्यक्ष गोपाल थापा लगायतले सम्बोधन गरेका थिए । कार्यक्रमको सञ्चालन नगर सचिव होम पोखरेलले गरेका थिए ।
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login