स्थानीय तह
सुन्दरहरैंचाको मेयरमा स्वतन्त्र उम्मेद्वारी दिएका डा. प्रकाश भट्टराईले यस्ता सुझाव दिए भावी मेयरलाई
विराटचोकः विश्वका नामी विश्वविद्यालयमा द्वन्द्व व्यवस्थापन विषयमा अध्ययन गरेका डा. प्रकाश भट्टराई सुन्दरहरैंचाको मेयर पदमा उम्मेद्वार रहेका थिए । धरान उपमहानगरपालिकामा स्वतन्त्र उम्मेद्वार विजयको नजिक हुँदा सुन्दरहरैंचामा भने डा. भट्टराईलगायतका उम्मेद्वारले अपेक्षाकृत मत ल्याउन सकेनन् ।
सुन्दरहरैंचा नगरपालिकाको अन्तिम मत परिणाम आउन लागेको समयमा आज बिहान सामाजिक सञ्जालमा स्टाटस लेख्दै डा. भट्टराईले सुन्दरहरैंचाका भावी मेयरलाई जननिर्वाचित प्रतिनिधिको सम्पत्ति विवरण सार्वजनिक गर्नुपर्नेलगायतका विभिन्न १० सुझाव दिएका छन् ।
यस्ता छन् डा. भट्टराईले दिएका १० सुझावः
१ सम्पूर्ण जननिर्वाचित प्रतिनिधिहरुको सम्पत्ति बिवरण तथा हाल आबद्ध रहेका पेशा तथा ब्यबसायहरुको बारेमा सार्बजनिक गर्नुपर्ने। आफ्नो पेशा व्यवसायलाई फाइदा पुर्याउने गरी कुनै पनि नीतिगत निर्णय गरिने छैन भनी सार्बजनिक रुपमा प्रतिबद्धता जनाउनु पर्ने।
२ नगरपालिकाको हालको आर्थिक, प्रशासनिक तथा अन्य अबस्थाको बारेमा ३० दिन भित्र स्वेतपत्र जारी गर्नुपर्ने र त्यो संगसंगै आगामी दिनमा सुधार गर्नुपर्ने मुख्य क्षेत्रहरुको बारेमा आफ्नो प्रतिबद्धता सहित पारदर्शी ढंगले नागरिक माझ प्रस्तुत गर्ने।
३ दलगत स्वार्थबाट माथि उठेर समग्र नगरबासीको हितका लागि स्थानीय सरकारको सफल र प्रभावकारी रुपमा संचालन गर्छु भन्ने ब्यबहारिक प्रतिबद्धता जनाउनु पर्ने। सुन्दरहरैचा स्थानीय सरकार लाई जनताको सरकार तथा सेवक सरकारको रुपमा सबै स्थानीयबासीहरुले अनुभूत हुनेगरी संचालन र ब्यबस्थापन गर्ने।
४ सुन्दरहरैचा नगरपालिका भित्र उपलब्ध प्रशासनिक ( वडा तथा मुख्य कार्यालयहरु बाट प्रदान गरिने सेवा) तथा विकासमुखी (स्वास्थ, शिक्षा, कृषि, रोजगारी, एबं पूर्वाधार केन्द्रित) सेवा प्रबाहलाई हरेक नागरिकको सहज पहुचमा पुग्ने बातावरणको सिर्जना गर्ने। सेवा लिनको लागि कुनै दलको मान्छे या बिचौलियाको सहयोग लिनैपर्ने प्रवृतिको अन्त्य गर्नुपर्ने।
५ उपभोक्ता समितिको पारदर्शी ढंगले गठन गर्न, यसको खर्च प्रक्रियालाई पारदर्शी ढंगबाट संचालन गर्न, तथा नगरपालिका कार्यालयले उपभोक्ता समितिको बिल फर्स्यौट गर्दा पाउने सास्तीको अन्त्य गर्न कानुनी तथा नीतिगत सुधारका लागि पहल गर्न प्रतिबद्धता जनाउनु पर्ने।
६ सुन्दरहरैचाबासी युवा, महिला, जेस्ठ नागरिक, अपाङ्गता भएका व्यक्तिहरु, तथा सामाजिक तथा आर्थिक रुपमा पछाडी पारिएका दलित तथा अल्पसंख्यक समुदायहरुको अधिकतम हितमा प्रयोग गर्नका लागि सार्बजनिक प्रतिबद्धता गर्नु पर्ने।स्थानीय नागरिकको प्रत्यक्ष र अर्थपूर्ण सहभागितामा नीति तथा योजना निर्माण गर्न तथा हरेक विकास निर्माणका कार्यहरु सोही बमोजिम संचालन गर्ने बातावरण तयार पार्न प्रतिबद्धता जनाउनु पर्ने।
७ स्थानीय र राष्ट्रिय रुपमा ख्यातिप्राप्त बिषयगत बिज्ञहरुको प्रत्यक्ष सुझाब सल्लाहमा सुन्दरहरैचा स्थानीय सरकारलाई संचालन गर्न प्रतिबद्धता जनाउनु पर्ने।
८ तथ्यांक र अनुसन्धानमा आधारित नीति तथा योजना निर्माण प्रक्रियालाई ब्यबहारत लागु गर्न र त्यसको प्रतिफल नगरबासी लाई प्रदान गर्न प्रतिबद्धता गर्नु पर्ने। सामाजिक, आर्थिक, तथा पूर्वाधार विकासलाई समान किसिमले लिदै यी तिनै क्षेत्रहरुमा समानुपातिक ढंगले बजेट बाडफाड गरी हरेक क्षेत्रमा ५ बर्ष भित्र नगरबासीले अनुभूत गर्ने गरी अब्बल नतिजा हासिल गर्नका लागि प्रतिबद्धता गर्नुपर्ने।
९ सुन्दरहरैचा स्थानीय सरकारको शासन प्रणालीलाई ब्यबहारिक रुपमा नै जवाफदेही, पारदर्शी र सुशासन युक्त बनाउने कार्यको लागि प्रतिबद्धता जनाउनु पर्ने।
१० हिंसा तथा अपराधहरुको न्यूनीकरण, बातावरण मैत्री बिकास पूर्वाधारको निर्माण, निशुल्क र गुणस्तरीय शिक्षा र स्वास्थ सेवाको सुनिस्चितता, दिगो आर्थिक बिकासका गतिविधिहरु, तथा हरेक नागरिकहरुलाई सामाजिक सुरक्षाको प्रत्याभूति मार्फत सुन्दर हरैचालाई हरेक दृस्टीकोण बाट बस्नयोग्य र गर्बगर्न लायक नगरको रुपमा ५ बर्ष भित्र विकास गर्न प्रतिबद्धता ब्यक्त गर्नुपर्ने।
Facebook Comment
Banner
चन्द्रमामा ५ देखि ८ गुणा बढी पानी रहेको पाइयो
चन्द्रमामा सोचेभन्दा धेरै पानी रहेको पाइएकाे छ । भारतीय अन्तरिक्ष अनुसन्धान संस्था (इसरो) ले गरेको अध्ययनअनुसार चन्द्रमामा पाँचदेखि आठ गुणा बढी पानी रहेको पाइएको हो । अध्ययनले चन्द्रमाको सतहमुनि धेरै बरफ रहेको र यसलाई आवश्यकताअनुसार निकाल्न सकिने देखाएको भारतीय सञ्चारमाध्यम टाइम्स अफ इन्डियाले जनाएको छ ।
अनुसन्धान संस्था इसरोको स्पेस एप्लिकेशन सेन्टर, आईआईटी कानपुर, युनिभर्सिटी अफ सदर्न क्यालिफोर्निया, जेट प्रोपल्सन ल्याबोरेटरी र आईआईटी–आईएसएम धनबादका वैज्ञानिकहरूले संयुक्त रूपमा यो अध्ययन गरेका खबरमा उल्लेख छ ।
अध्ययनले चन्द्रमाको दुवै ध्रुवमा हिउँको मात्रा पहिलेको अनुमानभन्दा बढी रहेको पत्ता लगाएको छ । इसरोका अनुसार चन्द्रमाको उत्तरी ध्रुवमा दक्षिण ध्रुवको तुलनामा दोब्बर बरफ छ । सतहबाट बरफ बाहिर निकाल्न सकेमा चन्द्रमामा पुग्ने मानिसहरू लामो समयसम्म त्यहाँ रहन सक्ने भन्दै इसरोले यसबाट विश्वका धेरै अन्तरिक्ष एजेन्सीहरू लाभान्वित हुने बताएको छ ।
Banner
आज – २१ बैशाख २०८१ शुक्रवार को राशिफल
मेष
मेष (चु, चे, चो, ला, लि, लु, ले, लो, अ) परिणाममुखी जिम्मेवारी वहन गर्ने समय आएको छ । मठमन्दिरको भ्रमणले काम सम्पन्न गर्न थप ऊर्जा प्रदान गर्नेछ । परोपकारी कार्यमा संलग्न भइनेछ ।
मिथुन
मिथुन (का, कि, कु, घ, ङ, छ, के, को, हा) धार्मिक, सामाजिक महत्त्वको क्षेत्रको भ्रमण हुनसक्छ । दूरदराजमा रहेका आफन्तजनसँग सम्बन्ध कायम हुनेछ । रोकिएका काम पुनः सुरु हुन सक्छ ।
सिंह
सिंह (मा, मि, मु, मे, मो, टा, टि, टु, टे) आजको दिन हाँसखेल र मनोरञ्जनपूर्ण समय हो । शेयर बजारबाट लाभ हुनेछ । परोपकारजन्य कार्यमा लगाव बढ्ने र धन सञ्चयको अवसर प्राप्त हुनेछ ।
तुला
तुला (रा, रि, रु, रे, रो, ता, ति, तु, ते) आज नाताकुटुम्बको आगमन हुने एवं परिवारमा नयाँ सदस्य थपिन पनि सक्ने सम्भावना छ । आफूसँग भएको क्षमता प्रदर्शन गर्ने अवसर पनि जुट्ला ।
धनु
धनु (ये, यो, भा, भि, भु, धा, फा, ढा, भे) भने कसै सैलाई परदेशी घर फर्कने र घरपरिवारमा र रमाइलो वातावरण छाउनेछ । परोपकारका क्षेत्रमा लगानीको समय छ । हर्ष र प्रसन्नता छाउनेछ ।
कुम्भ
कुम्भ (गु, गे, गो, सा, सि, सु, से, सो, दा) आज भाग्यले साथ दिनेछ । काम देखाएर अरूको मन जित्न सकिनेछ । परोपकार तथा सामाजिक सहयोग आदिमा पनि भूमिका निर्वाह गर्न पाइनेछ ।
बृष
वृष (इ, उ, ए, ओ, वा, वि, वु, वे, वो) आज आफन्त, सहयोगी र मित्रवर्गको सहयोगले महत्त्वपूर्ण कार्य सम्पन्न हुनसक्छ । गोपनीय ढङ्गले गरिएको क्रियाकलापमा सफलता पाउनुहुनेछ ।
कर्कट
कर्कट (हि, हु, हे, हो, डा, डि, डु, डे, डो) आजको दिन सहयोग गर्ने भन्दा आश्वासन बाँड्नेहरू धेरै भेटिनेछन् । आफन्तहरूको सहयोगले कामहरू अगाडि बढ्नेछन् । पुनर्मिलनको योग पनि छ ।
कन्या
कन्या (टो, पा, पि, पु, ष, ण, ठ, पे, पो) वाणीमा कुशलता आउने दिन परेको छ । करियरको क्षेत्रमा मन मिल्ने साथीको सुझावले महत्त्वपूर्ण भूमिका निर्वाह गर्नेछ । यात्रा गर्ने अवसर पनि जुट्नेछ ।
बृश्चिक
वृश्चिक (तो, ना, नि, नु, ने, नो, या, यि, यु) घरायसी वातावरणमा केही असामान्यता देखिन सक्छ । परिवारभित्रका झिनामसिना काममा धेरै समय खर्चनु पर्नेछ । आम्दानीमा पनि कमी आउनेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) आज बोलीवचन एवं प्रवचन भाषण आदिमा प्रशंसा मिल्नेछ । परोपकारी कार्यमा संलग्न भइनेछ । रचनात्मक कार्यमा जुट्दा फाइदा हुने समय पनि छ ।
मीन
मीन (दि, दु, थ, झ, ञ, दे, दो, चा, चि) आज इज्जत प्रतिष्ठामा दाग लाग्न सक्छ ख्याल गर्नुहोला । आफन्तसँग खिन्नता बढ्नसक्छ । सामाजिक काममा व्यस्त हुने समय पनि रहेको छ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login