विराटचोकः जेठ १५ गते संघीय सरकारले ल्याएको आगामी आर्थिक वर्षको बजेटमा प्रदेश सरकारको लागि १ खर्ब २९ अर्ब ४६ करोड ६ लाख रुपैयाँ अनुदान दिइने उल्लेख छ ।

संघीय सरकारले सात वटै प्रदेश सरकार र स्थानीय तहहरुलाई समानीकरण, विशेष, सशर्त र समपूरक अनुदान गरी ४ शीर्षकमा बजेट छुट्याएको छ ।

सबैभन्दा धेरै बजेट बागमती प्रदेशमा र सबैभन्दा कम गण्डकी प्रदेशमा विनियोजन भएको छ । बागमती प्रदेशमा २० अर्ब ३२ करोड ६६ लाख रकम विनियोजन भएको छ । जसमध्ये ८ अर्ब ४० करोड ४६ लाख समानीकरण अनुदान, १० अर्ब ९ करोड २० लाख सशर्त अनुदान र ७९ करोड विशेष अनुदान तथा १ अर्ब ४ करोड समपूरक अनुदान रहेको छ ।

गण्डकी प्रदेशले १६ अर्ब ५४ करोड ३२ लाख रुपैयाँ पाएको छ, जसमा ७ अर्ब ९२ करोड ७९ लाख रुपैयाँ समानीकरण अनुदान, सशर्त अनुदानतर्फ ६ अर्ब ९१ करोड ८३ लाख रुपैयाँ, ८६ करोड विशेष अनुदान र ८३ करोड ३० लाख रुपैयाँ समपूरक अनुदान रहेको छ ।

प्रदेश एकमा १९ अर्ब ९ करोड ९१ लाख रुपैयाँ वित्तीय हस्तान्तरण भएको छ । जसमा ९ अर्ब ८२ लाख समानीकरण, ८ अर्ब ६९ करोड ५९ लाख सशर्त अनुदान, ४७ करोड ५० लाख विशेष अनुदान र ९२ लाख समपूरक अनुदान शीर्षकमा विनियोजन भएको हो ।

मधेश प्रदेशमा १९ अर्ब १५ करोड ९ लाख रुपैयाँ हस्तान्तरण हुने भएको छ । जसमा ७ अर्ब ८१ करोड ५८ लाख समानीकरणतर्फ, १० अर्ब ६ करोड ५१ लाख सशर्त अनुदान तर्फ, ४९ करोड विशेष अनुदानतर्फ र समपूरक अनुदान ७८ करोड रुपैयाँ छुट्याइएको छ ।

लुम्बिनी प्रदेशमा १८ अर्ब ४७ करोड ६४ लाख रुपैयाँ विनियोजन भएको छ । जसमध्ये समानीकरण अनुदान ८ अर्ब ५४ करोड १७ लाख रुपैयाँ रहेको छ । सशर्त अनुदान ८ अर्ब ७१ करोड २२ लाख रुपैयाँ, ३८ करोड ३५ लाख रुपैयाँ विशेष अनुदान र समपुरकमा ७३ करोड ९० लाख रुपैयाँ विनियोजन भएको छ ।

कर्णालीमा १८ अर्ब ३० करोड ६१ लाख रुपैयाँ विनियोजन हुँदा समानीकरण अनुदान १० अर्ब ७२ करोड ६४ लाख रुपैयाँ रहेको छ । विशेष अनुदान ५ अर्ब ६९ करोड ६७ लाख रुपैयाँ, सशर्त अनुदान ६६ करोड ८० लाख र समपूरक तर्फ १ अर्ब २१ करोड ५० लाख रुपैयाँ छुट्याइएको छ ।

सुदुर पश्चिम प्रदेशमा १७ अर्ब ५५ करोड ८३ लाख रुपैयाँ वित्तीय हस्तान्तरण गरेको छ । जसमा समानीकरण अनुदान तर्फ ९ अर्ब ७५ करोड रुपैयाँ रहेको छ । सशर्त अनुदान तर्फ ६ अर्ब ९८ करोड ८० लाख रुपैयाँ, विशेष अनुदान ९७ करोड ७८ लाख र समपूरकमा ७६ करोड ५० लाख रुपैयाँ विनियोजन गरिएको छ ।

यस्तो छ संघले स्थानीय तहमा पठाएको बजेट

आउँदो आर्थिक वर्षका लागि १७ खर्ब ९३ अर्ब ८३ करोड रुपैयाँको बजेट (पूर्ण पाठ)