काठमाडौः होटल व्यवसायीहरुको छाता संस्था हानले वातावरणमैत्री निर्णय गरेको छ । सन् २०२५ जनवरी १ अर्थात् २०८१ पुस १७ देखि लागू हुने गरी प्लास्टिक प्रयोग निषेध गर्ने हानले निर्णय गरेको हो ।

हानले हालै गरेको घोषणा अनुसार ‘सिंगल युज’ प्लास्टिकको प्रयोग सन् २०२५ जनवरी १ भित्र निषेध गरिने भएको छ । पानीका बोतल, प्लेटदेखि ड्रिङ्क स्टिररसम्म सबै निषेध गरिने भएको हो । हानका तीन हजार सदस्य रहेका सबै होटलहरुमा प्लास्टिक निषेध हुने अध्यक्ष सिर्जना राणाले बताएकी छिन् ।

एशियाली विकास बैंकको एक अध्ययनका अनुसार नेपालको कुल फोहोरको १२ प्रतिशत हिस्सा प्लास्टिकको रहेको छ ।

एक सामान्य प्लास्टिक माटोमा सडिन न्यूनतम ५ सय वर्ष लाग्ने भएकोले प्लास्टिक पृथ्वीलाई घातक भएको भनी विज्ञहरुले सचेत गराउँदै आएका छन् ।

आज विश्व वातावरण दिवस