Connect with us
Advertisement
Advertisement

नेपाल कम्प्युटर सेन्टर सुन्दरहरैंचाको आयोजनामा हुने विभिन्न प्रतियोगितात्मक कार्यक्रमको उद्घाटन

Published

on

विराटचोकः सुन्दरहरैंचा–७ गोठगाउँमा रहेको नेपाल कम्प्युटर सेन्टर (एनसीसी) ले आगामी ३ महिनासम्म विभिन्न प्रतियोगितात्मक कार्यक्रम गर्ने भएको छ । कम्प्युटर सेन्टरका प्रशिक्षार्थीबीच हुने प्रतियोगिता शनिबारदेखि शुरु भएको छ ।

ज्ञानज्योति इङ्लिस स्कुल सुन्दरहरैंचा–७ गोठगाउँको सभाहलमा भएको उद्घाटन कार्यक्रम सोही विद्यालयका प्रिन्सिपल देवी सिटौलाको प्रमुख आतिथ्यतामा सम्पन्न भएको हो ।

कार्यक्रममा बोल्दै प्रमुख अतिथि सिटौलाले एसईई दिएर कम्प्युटर सिक्दै गरेका विद्यार्थीहरुलाई आगामी शैक्षिक मार्ग, सिक्नुपर्ने सीप, संस्कार र प्रविधिको बारेमा उत्प्रेरणात्मक भनाइ राखेका थिए । कम्प्युटर सेन्टरलाई आगामी दिनमा साथ र सहयोगको प्रतिबद्घता समेत व्यक्त गरेका थिए ।

सीबी कलेजका सञ्चालक सदस्य एवम् कार्यक्रमका विशेष अतिथि बास्तोलाले कम्प्युटर सेन्टरले विभिन्न कार्यहरुमा साथ र सहयोग गरिरहेको बताए । एसईई पास भएर माथिल्लो कक्षामा पढ्ने विद्यार्थीहरु कम्प्युटर सेन्टरले आयोजना गर्ने विभिन्न प्रतियोगितामा विजयी हुने विद्यार्थीलाई  सीबी कलेजमा अध्ययनको लागि ५० प्रतिशतसम्म छात्रवृत्ति  दिइने समेत उनले घोषणा गरे ।

त्यसैगरी, अतिथिहरुमा सीबी कलेजका शिक्षकहरु खगेन्द्र घिमिरे र रोशन कार्की रहेका थिए ।

कार्यक्रममा स्वागत मन्तव्य ज्ञानज्योति स्कुलका शैक्षिक संयोजक जयन्द्र भट्टराईले राखेका थिए । कार्यक्रमको सञ्चालन माधव घिमिरेले गरेका थिए । कम्प्युटर सेन्टरका प्रमुख शम्भु राईको सभापतिपत्वमा कार्यक्रम सम्पन्न भएको थियो ।

सभापति राईले आगामी दिनमा विद्यार्थीहरुसँग रहेका प्रतिभाहरुलाई प्रष्फुटन गर्ने कार्यक्रमहरु सञ्चालन गर्नुका साथै विद्यार्थीहरुलाई छात्रवृत्तिसहित पुरस्कारको व्यवस्था रहने जानकारी दिएका थिए ।

कम्प्युटर सेन्टरले आगामी दिनमा बेस्ट टाइपिस्ट, बेस्ट मेल रनर, बेस्ट फिमेल रनर, क्वीज कम्पिटिसन, मिस एनसीसी, मिस्टर एनसीसी, एनसीसी टिकटक स्टारलगायतका प्रतियोगिता हुने राईले जानकारी दिए । प्रशिक्षार्थीलाई कलेज भ्रमणमा लानुको साथै पर्यटकीय क्षेत्रको भ्रमणमा पनि लगिने उनले जानकारी दिए ।

सो औपचारिक कार्यक्रमपछि सीबी कलेजका कम्प्युटर शिक्षक रोशन कार्कीले करीब २ घण्टा विशेष कम्प्युटर कक्षा सञ्चालन गरी विद्यार्थीहरुलाई कम्प्युटरको उपयोगिताको बारेमा जानकारी गराएका थिए ।

 

 

Continue Reading

Facebook Comment

Click to comment

You must be logged in to post a comment Login

Leave a Reply

Banner

विपिनको ‘महाजात्रा’ ले पहिलो दिनमै कमायो एक करोडभन्दा बढी

Published

on

शुक्रवारबाट प्रदर्शनमा आएको फिल्म ‘महाजात्रा’ ले देशभर बम्पर ओपनिङ गरेको छ । फिल्मले पहिलो दिन एक करोड २३ लाख ग्रस कलेक्सन गरेको फिल्मका निर्देशक प्रदीप भट्टराईले जानकारी दिए ।

‘जात्रा’ र ‘जात्रै जात्रा’ पछि षट्कोण आर्ट्सले निर्माण गरेको यस्तो तेस्रो फिल्म हो । प्रदर्शनको पहिलो दिन नेपालका अधिका‍ंश शो हाउसफुल भएका छन् भने विदेशमा पनि सोही अवस्था छ । अष्ट्रेलियाको सिड्नी, होवर्ट लगायतका केही सहरमा ‘सोल्ड आउट’ भएको छ ।

Continue Reading

Banner

आज पहाडी जिल्लामा हर्षाेल्लासका साथ हाेली पर्व मनाइँदै

Published

on

Continue Reading

Banner

आज – ११ चैत्र २०८० आइतवार को राशिफल

Published

on

मेष

मेष (चु, चे, चो, ला, लि, लु, ले, लो, अ) आज साथी भाइसँग समय बित्नेछ । कुनै कुराले मनमा शान्ति छाउनेछ । बिनाप्रतिस्पर्धा फाइदा हुनेछ । पुनर्मिलनको योग पनि रहेको छ ।

मिथुन

मिथुन (का, कि, कु, घ, ङ, छ, के, को, हा) आज विशिष्ट व्यक्तिको साथ पाइनेछ । राजनैतिक कार्यमा सफलता मिल्नेछ । जोशजाँगर र हिम्मत बढ्नेछ । शेयर बजारको कारोबार हुनेछ ।

सिंह

सिंह (मा, मि, मु, मे, मो, टा, टि, टु, टे) आँटेको र ताकेको कार्य पुरा होला । आर्जनका क्षेत्रमा सुधार आउनेछ । धार्मिक कार्यमा रुचि बढ्नेछ । नजिकको मित्रसँग भेटघाट हुनेछ ।

तुला

तुला (रा, रि, रु, रे, रो, ता, ति, तु, ते) आज शैक्षिक क्षेत्रमा सफलता मिल्नेछ । पार्टी तथा सेमिनारमा सहभागी भइएला । आदर्श व्यक्तित्व सँगको सहकार्यले नयाँ अनुभव मिल्नेछ ।

धनु

धनु (ये, यो, भा, भि, भु, धा, फा, ढा, भे) आज न्यायिक कार्यमा सफलता मिल्नेछ । जोशजाँगर र हिम्मत बढ्नेछ । नयाँ कार्य वा रोजगार पाइनेछ । मित्रबाट विशेष सहयोग मिल्नेछ ।

कुम्भ

कुम्भ (गु, गे, गो, सा, सि, सु, से, सो, दा) आज मान प्रतिष्ठामा वृद्धि हुनेछ । भाग्यले विभिन्न अवसर जुराउनेछ । अनुहारमा कान्ति र मनमा शान्ति छाउनेछ । नयाँ कामको थालनी होला ।

बृष

वृष (इ, उ, ए, ओ, वा, वि, वु, वे, वो) आज आफन्त व्यक्तिसँग विवाद पर्ने सम्भावना छ । गर्न खोजेका काममा बिघ्नबाधा धेरै देखा पर्नेछन्, हरेक कार्यमा सतर्क हुनु नै उपयुक्त होला ।

कर्कट

कर्कट (हि, हु, हे, हो, डा, डि, डु, डे, डो) आज रोकिएका अधुरा कामहरू पुरा हुनेछन् । बोलीको प्रभाव बढ्नेछ । बिनाप्रतिस्पर्धा फाइदा हुने योग छ । पढाइ लेखाइमा प्रगति पनि हुनेछ ।

कन्या

कन्या (टो, पा, पि, पु, ष, ण, ठ, पे, पो) निर्णायक क्षमतामा कमी आउनेछ । स्वास्थ्य सम्बन्धी चिन्ता बढ्नेछ । चुनौतीको सामना गरी गलत निर्णय लिन पुगिएला, सचेत रहनुहोला ।

बृश्चिक

वृश्चिक (तो, ना, नि, नु, ने, नो, या, यि, यु) आज प्रतीक्षा गरिएको काम पूरा हुनेछ । दैनिक कार्यमा प्रगति हुनेछ । नयाँ ज्ञान सिक्ने मौका मिल्नेछ । शुभ समाचार पनि सुन्न पाइएला ।

मकर

मकर (भो,जा,जि,जु,जे,जो,ख,खि,खु,खे,खो,गा,गि) आज शरीर भारी र मन अस्थिर रहने संकेत देखिन्छ । नयाँ योजना कार्यान्वयनमा ल्याउन मुस्किल पर्ला । घरायसी विवाद समेत बढ्ला ।

मीन

मीन (दि, दु, थ, झ, ञ, दे, दो, चा, चि) आज सांस्कृतिक कार्यमा सरिक भइने छ । बन्धुबान्धवबाट सहयोग मिल्नेछ । मनमा हर्ष, उमङ्ग र उत्साह छाउने र जोशजाँगर बढ्नेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक