Connect with us
Advertisement
Advertisement

वाणिज्य बैंकको शेयरभाउ २०० रुपैयाँभन्दा तल, लगातार सातौँ दिन घट्यो शेयर बजार

Published

on

विराटचोकः आज लगातार सातौँ दिन शेयर बजारमा गिरावट आएको छ । आजको गिरावटसँगै एउटा वाणिज्य बैंकको शेयर मूल्य २ सय रुपैयाँभन्दा पनि तल आएको छ । अन्य केही वाणिज्य बैंकको शेयर मूल्य २ सय रुपैयाँभन्दा थोरै माथि छ ।

सेन्चुरी कमर्सियल बैंकको शेयरभाउ बैंकहरुमा सबैभन्दा सस्तो भएर २ सय रुपैयाँभन्दा पनि तल झरेको हो । सो बैंकको शेयरमूल्य आज १९६ रुपैयाँ ९० पैसामा बन्द भएको छ । इन्ट्रा डे कारोबार (अर्थात् आज दिनभरीको कारोबार) मा सो कम्पनीको शेयर मूल्य १९५ रुपैयाँ २० पैसासम्म झरेको थियो । आज सो कम्पनीको शेयर मूल्य २ सय २ रुपैयाँसम्मको उच्च मूल्यमा कारोबार भएको थियो । हिजो कम्पनीको शेयरमूल्य २ सय रुपैयाँ रहेको थियो ।

उता, सिभिल बैंकको शेयरमूल्य आज ४ रुपैयाँ २० पैसा घटेर २ सय रुपैयाँमा आएको छ । आज सो कम्पनीको शेयरमूल्य २ सय ३ रुपैयाँ ५० पैसासम्म पुगेको थियो । तथापि बजार बन्द हुने समयमा २ सय रुपैयाँमा कारोबार भएको थियो । सो कारोबार नै आजको न्यून बिन्दु रहेको छ ।

त्यस्तै, कुमारी बैंकको शेयर मूल्यमा प्रति कित्ता २ रुपैयाँ ५० पैसा गिरावट आई २ सय १ रुपैयाँ ५० पैसा कायम भएको छ । एनसीसी बैंकको शेयरमूल्य आज प्रति कित्ता ७ रुपैयाँ झरेर २ सय ३ रुपैयाँमा बन्द भएको छ । सिटिजन्स बैंकको शेयर मूल्य प्रति कित्ता २१७ रुपैयाँ रहेको छ ।

बैकहरुमा सबैभन्दा बढी मूल्य नबिल बैंकको रहेको छ । सो बैंकको शेयरमूल्य ८३१ रुपैयाँ ५० पैसा रहेको छ । एनआईसी एशिया बैंकको शेयर मूल्य ७०८ रुपैयाँ ९० पैसा रहेको छ । एभरेस्ट बैंकको शेयरमूल्य ४५१ रुपैयाँ र स्ट्याण्डर्ड चार्टर्ड बैंकको शेयरमूल्य प्रति कित्ता ४०१ रुपैयाँ रहेको छ ।

आज शेयर बजार मापक नेप्से परिसूचक ४५ दशमलव ५९ अंक घटेर २०२० दशमलव २३ अंकमा बन्द भएको छ । कारोबारमा आएका सबै समूहको सूचकमा रातो पोतिएको छ । बैंक, विकास बैंक, फाइनान्स, उत्पादन तथा प्रशोधन समूहलगायतका समूहको सूचक बढी घटेको छ ।

बजार घटे पनि उपकार लघुवित्त र बलेफी हाइड्रोपावरको शेयरभाउ सबैभन्दा धेरै १० प्रतिशतले बढेको छ । हिमालयन बैंकको शेयरभाउ सबैभन्दा धेरै १० प्रतिशतले घटेको छ ।

Continue Reading

Facebook Comment

Click to comment

You must be logged in to post a comment Login

Leave a Reply

Banner

विपिनको ‘महाजात्रा’ ले पहिलो दिनमै कमायो एक करोडभन्दा बढी

Published

on

शुक्रवारबाट प्रदर्शनमा आएको फिल्म ‘महाजात्रा’ ले देशभर बम्पर ओपनिङ गरेको छ । फिल्मले पहिलो दिन एक करोड २३ लाख ग्रस कलेक्सन गरेको फिल्मका निर्देशक प्रदीप भट्टराईले जानकारी दिए ।

‘जात्रा’ र ‘जात्रै जात्रा’ पछि षट्कोण आर्ट्सले निर्माण गरेको यस्तो तेस्रो फिल्म हो । प्रदर्शनको पहिलो दिन नेपालका अधिका‍ंश शो हाउसफुल भएका छन् भने विदेशमा पनि सोही अवस्था छ । अष्ट्रेलियाको सिड्नी, होवर्ट लगायतका केही सहरमा ‘सोल्ड आउट’ भएको छ ।

Continue Reading

Banner

आज पहाडी जिल्लामा हर्षाेल्लासका साथ हाेली पर्व मनाइँदै

Published

on

Continue Reading

Banner

आज – ११ चैत्र २०८० आइतवार को राशिफल

Published

on

मेष

मेष (चु, चे, चो, ला, लि, लु, ले, लो, अ) आज साथी भाइसँग समय बित्नेछ । कुनै कुराले मनमा शान्ति छाउनेछ । बिनाप्रतिस्पर्धा फाइदा हुनेछ । पुनर्मिलनको योग पनि रहेको छ ।

मिथुन

मिथुन (का, कि, कु, घ, ङ, छ, के, को, हा) आज विशिष्ट व्यक्तिको साथ पाइनेछ । राजनैतिक कार्यमा सफलता मिल्नेछ । जोशजाँगर र हिम्मत बढ्नेछ । शेयर बजारको कारोबार हुनेछ ।

सिंह

सिंह (मा, मि, मु, मे, मो, टा, टि, टु, टे) आँटेको र ताकेको कार्य पुरा होला । आर्जनका क्षेत्रमा सुधार आउनेछ । धार्मिक कार्यमा रुचि बढ्नेछ । नजिकको मित्रसँग भेटघाट हुनेछ ।

तुला

तुला (रा, रि, रु, रे, रो, ता, ति, तु, ते) आज शैक्षिक क्षेत्रमा सफलता मिल्नेछ । पार्टी तथा सेमिनारमा सहभागी भइएला । आदर्श व्यक्तित्व सँगको सहकार्यले नयाँ अनुभव मिल्नेछ ।

धनु

धनु (ये, यो, भा, भि, भु, धा, फा, ढा, भे) आज न्यायिक कार्यमा सफलता मिल्नेछ । जोशजाँगर र हिम्मत बढ्नेछ । नयाँ कार्य वा रोजगार पाइनेछ । मित्रबाट विशेष सहयोग मिल्नेछ ।

कुम्भ

कुम्भ (गु, गे, गो, सा, सि, सु, से, सो, दा) आज मान प्रतिष्ठामा वृद्धि हुनेछ । भाग्यले विभिन्न अवसर जुराउनेछ । अनुहारमा कान्ति र मनमा शान्ति छाउनेछ । नयाँ कामको थालनी होला ।

बृष

वृष (इ, उ, ए, ओ, वा, वि, वु, वे, वो) आज आफन्त व्यक्तिसँग विवाद पर्ने सम्भावना छ । गर्न खोजेका काममा बिघ्नबाधा धेरै देखा पर्नेछन्, हरेक कार्यमा सतर्क हुनु नै उपयुक्त होला ।

कर्कट

कर्कट (हि, हु, हे, हो, डा, डि, डु, डे, डो) आज रोकिएका अधुरा कामहरू पुरा हुनेछन् । बोलीको प्रभाव बढ्नेछ । बिनाप्रतिस्पर्धा फाइदा हुने योग छ । पढाइ लेखाइमा प्रगति पनि हुनेछ ।

कन्या

कन्या (टो, पा, पि, पु, ष, ण, ठ, पे, पो) निर्णायक क्षमतामा कमी आउनेछ । स्वास्थ्य सम्बन्धी चिन्ता बढ्नेछ । चुनौतीको सामना गरी गलत निर्णय लिन पुगिएला, सचेत रहनुहोला ।

बृश्चिक

वृश्चिक (तो, ना, नि, नु, ने, नो, या, यि, यु) आज प्रतीक्षा गरिएको काम पूरा हुनेछ । दैनिक कार्यमा प्रगति हुनेछ । नयाँ ज्ञान सिक्ने मौका मिल्नेछ । शुभ समाचार पनि सुन्न पाइएला ।

मकर

मकर (भो,जा,जि,जु,जे,जो,ख,खि,खु,खे,खो,गा,गि) आज शरीर भारी र मन अस्थिर रहने संकेत देखिन्छ । नयाँ योजना कार्यान्वयनमा ल्याउन मुस्किल पर्ला । घरायसी विवाद समेत बढ्ला ।

मीन

मीन (दि, दु, थ, झ, ञ, दे, दो, चा, चि) आज सांस्कृतिक कार्यमा सरिक भइने छ । बन्धुबान्धवबाट सहयोग मिल्नेछ । मनमा हर्ष, उमङ्ग र उत्साह छाउने र जोशजाँगर बढ्नेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक