स्थानीय तह
विपद् व्यवस्थापनमा खटिन जनप्रतिनिधिलाई सुन्दरहरैंचा नगरप्रमुखको आग्रह
विराटचोकः अविरल वर्षाले गर्दा सुन्दरहरैंचाका केही क्षेत्रमा डुबान र कटान हुनुका साथै एक जनाको ज्यान गएको छ । आज बिहान बसेको नगरपालिकाको विपद् व्यवस्थापन समितिको बैठकले जनप्रतिनिधिलाई विपद् व्यवस्थापनमा खटिन अनुरोध गर्ने निर्णय गरेको छ ।
नगरप्रमुख केदारप्रसाद गुरागाईँको अध्यक्षतामा बसेको बैठकले नगरभित्र तत्काल राहत र उद्धारको क्षेत्र पहिचान गरी आवश्यक कार्यहरू गर्ने निर्णय गरेको छ । विपदको सामना गरिरहेका नगरवासीहरूलाई सम्बन्धित वडाको वडाअध्यक्ष र सदस्यहरूसँग सम्पर्क गरी विपद तथा क्षतिको विवरण जानकारी गराउन पनि अनुरोध गर्ने निर्णय भएको छ ।
नगर क्षेत्रका सबै वडामा बाढी र डुबानले सिर्जना गरेका समस्याहरू समाधान गर्नका लागि पानीको प्राकृतिक बहाब रोक्ने र छेक्ने किसिमका अवरोधहरू हटाउन जरूरी भएको बैठकले निष्कर्ष निकालेको नगरप्रमुख गुरागाईँले बताए ।
सो कार्यका लागि विपदको समयमा उद्धार र विपद व्यवस्थापनमा खटिन सबै जनप्रतिनिधिहरू, नगर कार्यपालिकाको कार्यालय, वडा कार्यालयहरू, स्वास्थ्य संस्थाहरू, सुरक्षा निकायहरू र कर्मचारीहरूलाई निर्देशन दिइसकिएको बताइएको छ । विपद व्यवस्थापन, उद्धार र राहतमा खटिन नगरमा रहेका राजनीतिक दलहरू, सामाजिक संघसंस्था लगायत सबै सरोकारवाला व्यक्ति÷पक्षहरूलाई नगरपालिकाले अनुरोध गरेको छ ।
आज साँझ नगरप्रमुख गुरागाईँले एक सूचना जारी गर्दै यस्तो अनुरोध गरेका हुन् ।
यस्तो छ सूचनाको पूर्ण पाठः
आदरणीय नगरबासी आमाबुबा, दाजुभाइ, दिदीबहिनी एवम् सरोकारवाला महानुभावहरू,
यस वर्षको मनसुन सुरु भएसँगै गएरातिदेखि परेको अविरल वर्षाले नगरका १२ वटै वडाहरू डुबानमा परेका साथै नगर क्षेत्र भएर बहने खोलाहरूको बहाव बढी खोला किनारामा बसोबास गर्ने नागरिकहरू विपदको जोखिममा परेको अवस्था छ । विपदको अवस्थामा सचेत भई बसिदिनु हुन सम्पूर्ण नगरबासी महानुभावहरूमा हार्दिक अनुरोध छ ।
यस्तो विपदको विषम परिस्थितिबाट हुनसक्ने जनधनको क्षति रोक्नका साथै विपदमा परेका नगरवासीहरूको जोखिम न्यूनीकरणका लागि आज बिहान ८ बजे बसेको नगरस्तरीय विपद व्यवस्थापन समितिको बैठकले यस नगरभित्र तत्काल राहत र उद्धारको क्षेत्र पहिचान गरी आवश्यक कार्यहरू गर्ने निर्णय भएको व्यहोरा जानकारी गराउँदै विपदको सामना गरिरहनुभएका नगरवासीहरूलाई सम्बन्धित वडाको वडाअध्यक्ष र सदस्यहरूसँग सम्पर्क गरी विपद तथा क्षतिको विवरण जानकारी गराउन हुन अनुरोध छ ।
नगर क्षेत्रका सबै वडामा बाढी र डुबानले सिर्जना गरेका समस्याहरू समाधान गर्नका लागि पानीको प्राकृतिक बहाब रोक्ने र छेक्ने किसिमका अवरोधहरू हटाउन जरूरी भएको बैठकको निष्कर्ष रहेको छ । सो कार्यका लागि विपदको समयमा उद्धार र विपद व्यवस्थापनमा खटिन सबै जनप्रतिनिधिहरू, नगर कार्यपालिकाको कार्यालय, वडा कार्यालयहरू, स्वास्थ्य संस्थाहरू, सुरक्षा निकायहरू र कर्मचारीहरूलाई निर्देशन दिइसकिएको छ । विपद व्यवस्थापन, उद्धार र राहतमा खटिन नगरमा रहेका राजनीतिक दलहरू, सामाजिक संघसंस्था लगायत सबै सरोकारवाला व्यक्ति÷पक्षहरूलाई नगरपालिका हार्दिक अपिल गर्दछ ।
विपदको समयमा उद्धार, राहत, पुनःस्थापना तथा विपद व्यवस्थापनको दीर्घकालीन समाधानका लागि प्रदेश सरकार र संघीय सरकारसँग सहयोगका लागि अनुरोध छ । नदीतटीय क्षेत्रमा बसोबास गर्ने नागरिकहरूको सुरक्षाका लागि नगरस्तरीय उद्धार टोली गठन गरी आवश्यकताअनुसार उद्धार, राहत र व्यवस्थापन गर्न आवश्यक पहल गरिने व्यहोरा समेत सम्पूर्ण नगरबासीहरूमा अनुरोध गर्दछौं ।
साथै सुन्दरहरैँचा–६, सिसौघारी बस्ने वर्ष ५८ को रामबहादुर विश्वकर्माको आजै बिहान गछिया खोलाको बाढीले बगाई भएको निधनप्रति हार्दिक श्रद्धाञ्जली व्यक्त गर्दै शोकसन्तप्त परिवारजनप्रति नगरपालिका हार्दिक समवेदना प्रकट गर्दछ ।
Facebook Comment
नेपाली कांग्रेसको १५औँ केन्द्रीय महाधिवेशन आजदेखि काठमाडौँमा सुरु हुँदैछ ।
‘परम्पराको सम्मान र परिवर्तनको संकल्प : समुन्नत नेपालका लागि सबल कांग्रेसको विकल्प’ भन्ने नाराका साथ महाधिवेशनको दिउँसो २ बजे खुलामञ्चमा औपचारिक उद्घाटन हुने पार्टी प्रवक्ता देवराज चालिसेले जानकारी दिए ।
उद्घाटन समारोहमा विभिन्न दलका शीर्ष नेताहरूलाई निमन्त्रणा गरिएको छ । प्रवक्ता चालिसेका अनुसार राष्ट्रिय स्वतन्त्र पार्टी (रास्वपा)का सभापति रवि लामिछाने, नेकपा एमालेका अध्यक्ष केपी शर्मा ओली, नेपाली कम्युनिस्ट पार्टी (नेकपा)का संयोजक पुष्पकमल दाहाललगायत विभिन्न दलका शीर्ष नेतृत्वलाई महाधिवेशनको उद्घाटन समारोहमा निमन्त्रणा गरिएको छ ।
असोज २२ गतेसम्म चल्ने महाधिवेशनमा सात हजार पाँच सयभन्दा बढी महाधिवेशन प्रतिनिधिहरूको सहभागिता रहने कांग्रेसले जनाएको छ ।
महाधिवेशनको बन्दसत्र र बाँकी कार्यक्रमहरू असोज १९ र २० गते हुनेछ भने निर्वाचन कार्यक्रमका लागि असोज २१ र २२ गतेका लागि तोकिएको केन्द्रीय निर्वाचन समितिले जनाएको छ ।
कांग्रेस केन्द्रीय निर्वाचन समितिले असोज १९ गते दिउँसो २ बजेदेखि साँझ ६ बजेसम्म काठमाडौंस्थित राष्ट्रिय सभागृहमा उम्मेदवारहरूको मनोनयनपत्र दर्ता गर्ने तालिका सार्वजनिक गरेको छ ।
निर्वाचन समितिका सदस्य–सचिव राजु कटुवालका अनुसार तोकिएको समयभित्र सम्पूर्ण केन्द्रीय महाधिवेशन प्रतिनिधि सदस्य तथा महाधिवेशनबाट उम्मेदवार बन्न योग्य व्यक्तिहरूले मनोनयनपत्र दर्ता गर्न सक्ने छन् ।
महाधिवेशनमा सहभागी प्रतिनिधिका लागि खानाको व्यवस्था भृकुटीमण्डपमा मिलाइएको छ। प्रतिनिधिहरूले आफ्नो बसोबासको व्यवस्था आफैँ गर्नुपर्नेछ।
सर्वाधिक मत ल्याएर डा. सुनील शर्मा केन्द्रीय महाधिवेशन प्रतिनिधिमा निर्वाचित
नेपाली कांग्रेसको १५औँ महाधिवेशनका लागि डा. सुनील शर्मा मोरङ–३ बाट अत्यधिक बहुमतसहित केन्द्रीय महाधिवेशन प्रतिनिधिमा निर्वाचित भएका छन्। मोरङ–३ मा खसेको ७९० सदरमतमध्ये शर्माले ६५० मत प्राप्त गर्दै ८२ दशमलव २८ प्रतिशत मतसहित केन्द्रीय महाधिवेशन प्रतिनिधिमा निर्वाचित भएका हुन्।
शर्माले प्राप्त गरेको मतले कांग्रेसको १५औँ महाधिवेशनमा उनको राजनीतिक सक्रियता र नेतृत्वसम्बन्धी चासोलाई थप बलियो बनाएको छ। वडा अधिवेशनबाटै उनको महाधिवेशन यात्रा सर्वसम्मत रूपमा अघि बढेको थियो। उनी बेलबारी नगरपालिका–४ बाट वडा प्रतिनिधिमा सर्वसम्मत भएका थिए।
यसअघि नै डा. शर्मा कांग्रेसको १५औँ महाधिवेशनमा महामन्त्री पदमा उम्मेदवार बन्ने तयारीमा रहेको चर्चा हुँदै आएको छ। पार्टीको नयाँ नेतृत्व र पदाधिकारी चयनलाई लिएर बहस चलिरहेका बेला शर्माले महामन्त्री पदमा आफ्नो दाबी प्रस्तुत गर्ने तयारी गरेका हुन्। स्वास्थ्य, शिक्षा र सामाजिक सेवाका क्षेत्रमा सक्रिय रहँदै आएका शर्मा पछिल्लो समय पार्टीभित्र नेतृत्वको भूमिकामा पनि चर्चामा छन्।
शर्मा नेपाली कांग्रेसको राजनीतिमा २०५४ सालदेखि सक्रिय छन्। १३औँ महाधिवेशनदेखि महासमिति सदस्य रहँदै आएका उनी अहिले १५औँ महाधिवेशनको प्रक्रियामा केन्द्रीय महाधिवेशन प्रतिनिधिका रूपमा अघि बढेका हुन्। वडा तहबाट सर्वसम्मत रूपमा सुरु भएको उनको महाधिवेशन यात्रा अब केन्द्रीय महाधिवेशन प्रतिनिधिका रूपमा अघि बढेको छ।
१५औँ महाधिवेशनमा महामन्त्रीका आकांक्षीका रूपमा शर्माको नाम चर्चामा रहेका बेला मोरङ–३ बाट प्राप्त ६५० मतले उनको राजनीतिक यात्राप्रति थप चासो बढाएको छ। नेता र कार्यकर्ताबीचको दूरी घटाउँदै प्रत्यक्ष रूपमा जनतासँग जोडिएर राजनीति गर्नुपर्छ भन्ने मान्यता राख्ने शर्मा आफूलाई जनतासँग निरन्तर जोडिने नेताका रूपमा स्थापित गर्दै आएका छन्। राजनीति जनतासँग प्रत्यक्ष जोडिनुपर्ने र जनताका समस्या तथा आवश्यकतासँग नजिक रहेर काम गर्नुपर्ने उनको धारणा छ।
मोरङको सुन्दरहरैँचा नगरपालिका–९ गोविन्द मार्गमा समाजसेवी भोलेश्वर दुलालले मौलिक नेपाली संस्कृति र धार्मिक महत्व झल्काउने ज्येष्ठ नागरिक चौतारी (फल्चा) निर्माण गरी समुदायलाई हस्तान्तरण गरेका छन्।
दुर्गादेवी दुलाल एकल महिला प्रतिष्ठानमार्फत निर्माण गरिएको उक्त चौतारी दुलालले आफ्नै निजी १२ धुर जग्गामा करिब १ करोड रुपैयाँको लागतमा निर्माण गरेका हुन्। उपत्यकाबाहिर विरलै देखिने मौलिक शैलीको चौतारी निर्माणका लागि काठमाडौंलगायत विभिन्न स्थानबाट कालीगढ तथा निर्माण सामग्री ल्याइएको थियो।
इँटा र काठमा आकर्षक बुट्टा कुँदेर निर्माण गरिएको चौतारीले पुरानो नेपाली मौलिक संस्कृति र वास्तुकलाको झल्को दिन्छ। चौतारी निर्माणका क्रममा भक्तपुरमा पूजाआजा गरी देवीझोडाको माटो र मास प्रयोग गरेर इँटा जडान गरिएको दुलालले बताए।
दुलाल दम्पतीको परिकल्पनामा निर्माण भएको चौतारीको निर्माण कार्य प्रमिला दुलाल इन्द्रपुर लायन्स क्लबको अध्यक्ष रहेका बेला अघि बढाइएको थियो। निर्माण सम्पन्न भएपछि यसको मर्मतसम्भार तथा संरक्षणको जिम्मेवारी इन्द्रपुर लायन्स क्लबलाई दिने गरी समुदायलाई हस्तान्तरण गरिएको हो।
होटल जलेर खरानी भए पनि समाजसेवा निरन्तर
दुलालले सञ्चालन गर्दै आएको नेपालीरिका होटल गत वर्षको जेनजी आन्दोलनका क्रममा आगलागीबाट पूर्ण रूपमा ध्वस्त भएको थियो। होटल जलेर ठूलो क्षति व्यहोर्नुपरे पनि दुलाल परिवारले सामाजिक सेवाको अभियानलाई निरन्तरता दिएको हो।
आफ्नो व्यक्तिगत पीडाका बाबजुद दुलालले जग्गासहित करिब १ करोड रुपैयाँ बराबरको संरचना निर्माण गरी समुदायलाई हस्तान्तरण गरेका छन्।
चौतारी हस्तान्तरण कार्यक्रममा सुन्दरहरैँचा नगरपालिकाका नगरप्रमुख केदारप्रसाद गुरागाईंले दुलाल परिवारले देखाएको सामाजिक संस्कार र सेवाभावबाट सबैले सिक्नुपर्ने बताए।
उनले पछिल्लो समय समाजमा सामाजिक तथा नैतिक संस्कार कमजोर हुँदै गएको उल्लेख गर्दै मानवीय र नैतिक शिक्षालाई व्यवहारमा उतार्नुपर्नेमा जोड दिए। दुलालले निर्माण गरेको चौतारीले नेपाली मौलिकपनलाई जीवन्त राख्नुका साथै ज्येष्ठ नागरिकबीच अनुभव आदानप्रदान गर्ने महत्वपूर्ण थलोका रूपमा भूमिका खेल्ने उनको भनाइ थियो।
निःशुल्क स्वास्थ्य परीक्षणको व्यवस्था
चौतारी परिसरमा शौचालय, खानेपानीको धारा र किचनसमेत निर्माण गरिएको छ। साथै, दुलालको आफ्नै उद्योग पीएलओ ल्युब आयल प्रालिमा कार्यरत स्वास्थ्यकर्मी तथा नर्समार्फत हरेक मंगलबार ज्येष्ठ नागरिकसहित समुदायका लागि निःशुल्क स्वास्थ्य परीक्षणको व्यवस्था गरिएको दुलालले जानकारी दिए।
चौतारीको संरक्षण, संवर्द्धन तथा रेखदेखको जिम्मेवारी सुन्दर नमुना टोल विकास संस्थाले लिने अध्यक्ष गोपाल दाहालले बताए। समुदायका सबै पक्षको सहकार्यमा संरचनाको संरक्षण गर्दै आगामी पुस्ताका लागि समेत उपयोगी बनाइने उनको भनाइ छ।
हस्तान्तरण कार्यक्रममा वडा नं. ९ का अध्यक्ष प्रकाश श्रेष्ठ, कार्यपालिका सदस्य रूजा घिमिरे, इन्द्रपुर लायन्स क्लबका अध्यक्ष योजना शर्मा, इन्द्रपुर जेसीजका अध्यक्ष समीर बस्नेत तथा सुन्दरहरैँचा उद्योग वाणिज्य संघका अध्यक्ष नारायण कार्कीलगायतको उपस्थिति थियो।
दुलाल परिवारले विगत ३६ वर्षदेखि सुन्दरहरैँचा क्षेत्रमा विभिन्न सामाजिक कार्यमा सहयोग गर्दै आएको जनाइएको छ। व्यक्तिगत कठिनाइ र क्षतिका बीच पनि सामाजिक सेवामा निरन्तर सक्रिय रहेको दुलाल परिवारको कार्यक्रममा उपस्थित अतिथिहरूले प्रशंसा गर्दै आगामी दिनमा समेत सेवाकार्यलाई निरन्तरता दिन शुभकामना दिएका थिए।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
धर्म / संस्कृति7 years agoगुरुङको थर नै गोत्र
You must be logged in to post a comment Login