समाचार
धर्मदेवीमा सहकारी शिक्षा अभिमुखीकरण र पशुपालनसम्बन्धी तालीम सम्पन्न
मुढे शनिश्चरेः संखुवासभाको धर्मदेवी नगरपालिकामा सञ्चालित सहकारी शिक्षा सम्बन्धी अभिमुखीकरण कार्यक्रम र अपांगता भएका व्यक्तिहरुका लागि सञ्चालन गरिएको पशुपालन सम्बन्धी तालिम शनिबार सम्पन्न भएको छ ।
नगरले पशुपालन र सहकारी क्षेत्रको प्रवद्र्धन गर्ने कार्यको थालनी गरेको जनाएको छ । पशुपालन र सहकारीलाई प्राथमिकतामा राखेर नगरवासीलाई आर्थिक सम्वृद्धितर्फ जोड्ने योजनाका साथ नगरपालिकाले यस क्षेत्रको प्रवद्र्धनमा विभिन्न कार्यक्रम गर्न थालेको जनाएको छ ।
शनिबार नगर प्रमुख उदयचन्द्र पौडेलको प्रमुख आतिथ्यता तथा उपप्रमुख तारा महत भट्टराईको विशिष्ट आतिथ्यतामा स्थानीय सामुदायिक हलमा दुवै तालिमको संयुक्त रुपमा समापन गरिएको हो ।
नगरपालिकाले नगर क्षेत्रका सहकारीहरुलाई व्यवस्थित गर्ने योजनाका साथ सहकारीका पदाधिकारी तथा कर्मचारीहरुलाई सहभागी गराएर तालिम सञ्चालन गरेको हो । सहकारीको लेखा र व्यवस्थापनका विषयमा सहजीकरण गरिएको तालिममा ३० जना प्रशिक्षार्थीहरु सहभागी भएको आयोजक मोरङ मिडिया एण्ड सर्भिस प्रा. लि सुन्दरहरैंचाका निर्देशक राजु पौडेलले बताए । सहभागीले गोश्वारा भौचर र चार खाताको विषयमा महत्वपूर्ण ज्ञान हासिल गरेको बताएका छन् ।
यसैगरी, धर्मदेवी नगरपालिका र करुणा फाउन्डेशन नेपालको सहकार्य तथा गुडलक एजकेशन एण्ड ट्रेनिङ सेन्टर प्रा. लि इटहरीको आयोजनामा नगरका अपांगता भएका व्यक्तिहरुका लागि सञ्चालन गरिएको पशुपालन सम्बन्धी तालीम पनि सोही समारोहमा समापन गरिएको छ । तालिममा नगर क्षेत्रका अपांगता भएका नागरिक तथा परिवारका सदस्य गरी ४० जना प्रशिक्षार्थीहरु सहभागी भएका थिए । डा. बसन्त कुमार मेहता र पशुप्राविधिक विशाल पौडेल खत्रीले सहजीकरण गरेको तालिममा पशुप्रजनन, पशु आहार व्यवस्थापन, खोरगोठ सुधार, पशुरोग पहिचान र निदान लगायतका विषयलाई समेटिएको थियो ।
तालीममा सहभागीहरुलाई मिनरल ब्लक, सन्तुलित आहार, साइलेस, परालमा युरिया ट्रिटमेन्ट लगायतका विषयमा प्रयोगात्मक कक्षा सञ्चालन गरिएको आयोजक संंस्था गुडलक एजकेशन एण्ड ट्रेनिङ सेन्टर प्रा. लि इटहरीका प्रबन्ध निर्देशक रेवती निरौलाले जनाए । तालिममा सहभागी भएका प्रशिक्षार्थीहरुलाई पशुपालन सम्बन्ीध औजारहरु दूध बोक्ने क्यान, कराई र डाडु समेत वितरण गरिएको उनले जानकारी दिए । प्रशिक्षार्थीहरुले तालिमबाट व्यवसायिक रुपमा पशुपालन गर्न प्रेरणा मिलेको भन्दै आगमी दिनमा थप तालिम सञ्चालन गर्न नगरपालिकालाई आग्रह गरेका थिए ।
समापन समारोहलाई सम्बोधन गर्दै नगर प्रमुख उदयचन्द्र पौडेलले नगरपालिकाले सहकारी क्षेत्र र कृषि तथा पशुपालनलाई सँधै प्राथमिकतामा राखेको बताए । नगरको समृद्धिका लागि कृषि, सहकारी र पशुपालनलाई संगसँगै जोडेर लैजाने भन्दै उनले त्यसका लागि योजनाहरु लिएर आउन आग्रह गरे ।
समापन समारोहमा धर्मदेवी– ३ का वडाध्यक्ष श्यामबहादुर पौडेल, धर्मदेवी नगरपालिकाका शाखा अधिकृत कमलमणि थापा, धर्मदेवी उद्योग वाणिज्य संघ महासचिव कविता श्रेष्ठ, समाजसेवी सुस्मिता खड्का लगायतको आतिथ्यता रहेको थियो ।
Facebook Comment
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
मोरङको सुन्दरहरैंचास्थित गछिया बजार खेल मैदानमा बिहीबार भएको अन्तिम क्वार्टरफाइनल खेलमा राष्ट्रिय जागृति क्लबले झापाको दमक फुटबल एकेडेमीलाई २–० ले पराजित गर्दै प्रथम गछिया गोल्डकप अन्तर्राष्ट्रिय आमन्त्रण फुटबल प्रतियोगिताको सेमिफाइनलमा प्रवेश गरेको छ।
जागृतिका लागि प्रवेश बस्नेतले खेलको ११औँ मिनेटमा गोल गर्दै अग्रता दिलाए। त्यसपछि ३९औँ मिनेटमा योगेन्द्र कार्कीले दोस्रो गोल जोडेर टिमको जित सुनिश्चित गरे।
विजयी टिमका योगेन्द्र कार्की ‘प्लेयर अफ द म्याच’ घोषित भए र उनले नगद ५ हजार १ सय रुपियाँ प्राप्त गरे।
बिहीबारको खेलसँगै प्रतियोगिताको सेमिफाइनल समीकरण पूरा भएको छ। पहिलो सेमिफाइनल शुक्रबार सिराहाको सहलेस फुटबल क्लब र गाईघाट युनाइटेडबीच हुने छ।
दोस्रो संस्करणको नेपाल प्रिमियर लिग (एनपीएल) अन्तर्गत बिहीबार दुई खेल हुँदैछन्। पहिलो खेल ११:४५ बजे पोखरा एभेन्जर्स र काठमाण्डु गोर्खाज र अपराह्न ४ बजे सुदूरपश्चिम रोयल्स र चितवन राइनोजबीच हुँदैछ। दुवै खेल त्रिभुवन विश्वविद्यालय अन्तर्राष्ट्रिय क्रिकेट रङ्गशालामा हुनेछन्। पोखराका कप्तान कुशल भुर्तेल हुन् भने काठमाण्डुका कप्तान करण केसी हुन्। पोखराको नेतृत्व कुशल मल्लले गरेका छन् भने सुदूरपश्चिमको कप्तानीमा दीपेन्द्रसिंह ऐरी छन्। आजको खेलमा दुई कुशलसँग करण र दीपेन्द्रले प्रतिस्पर्धा गर्ने देखिन्छ। पाँच खेलबाट चार अङ्क मात्र जोडेको पोखरालाई प्लेअफको सम्भावना जीवित राख्न जित्नै पर्ने दबाब छ। काठमाडौँले भने छ खेलबाट आठ अङ्क जोडेको छ। प्लेअफमा पुगिसकेको सुदूरपश्चिम र प्लेअफको बाटोमा रहेको चितवन आमनेसामने हुनेछन्।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login