धरानः मंसिर ४ गते हुन लागेको प्रदेशसभा सदस्य र प्रतिनिधिसभा सदस्यको निर्वाचनका लागि नेपाली कांंग्रेसले सुनसरी क्षेत्र नं १ बाट उम्मेद्वारको नाम सिफारिश गरेको छ ।

कांग्रेस क्षेत्र नं. १, सुनसरीका सभापति सुजेन्द्र तामाङको अध्यक्षतामा बसेको बैठकले प्रत्यक्ष र समानुपातिकतर्फका उम्मेदवारको नाम सिफारिश गरेको हो । क्षेत्रीय सचिव एवम् प्रवक्ता केशव पुरीका अनुसार सुनसरी–१ बाट प्रतिनिधिसभा सदस्यमा प्रत्यक्षतर्फको उम्मेद्वारका लागि पूर्वमन्त्री मीनबहादुर विश्वकर्मा, लक्ष्मी खतिवडा, मीना सुब्बा, उमेश थापा र चन्द्रप्रसाद श्रेष्ठको नाम सिफारिश गरिएको छ ।

यस्तै, प्रतिनिधिसभा सदस्यको समानुपातिकतर्फको उम्मेद्वारका लागि प्रा.डा. गोविन्दबहादुर तुम्वाहाङ, विनोदकुमार राई, भीष्म काफ्ले, डा. आनन्दप्रसाद आचार्य, मीना पुलामी, गणेश परियार, गोविन्द दर्नाल, गणेश सुब्बा, चित्रकुमारी राई, महेन्द्र प्रधान, भोजकुमार न्यौपाने, पूर्ण सुवेदी, प्रेम पौडेल, पूर्णबहादुर राई, निर्मला गुरुङ, मनिता घिमिरे र कोपिला भट्टराईको नाम सिफारिश भएको पनि प्रवक्ता पुरीले जानकारी दिए ।

प्रदेशसभातर्फ यी हुन् सिफारिशमा परेका उम्मेद्वार
कांग्रेसले प्रदेशसभा सुनसरी क्षेत्र नं १ (क) बाट प्रत्यक्षतर्फका उम्मेदवारका लागि सुजेन्द्र तामाङ र अनिल श्रेष्ठको नाम सिफारिश गरेको छ । समानुपातिक उम्मेद्वारका लागि चन्द्रशेखर लामा, अनिल श्रेष्ठ, सन्दीप श्रेष्ठ, रवि राई, किशोर राई, पदमसुन्दर लिम्बू, अशोक अविरल राई, कृष्णकला मादेन, झुमादेवी राई, कुसुम लता ओली, शिला बज्राचार्य, निर्मला शर्मा (नेपाल), श्यामा रेग्मी, विश्वराज शर्मा, मदन ढकाल, विनोद घिमिरे, युवराज शंकर, राजेन्द्र साह, जयप्रकाश शर्मा र सचित शर्मा (झा) को नाम सिफारिश भएको क्षेत्रीय समितिले जनाएको छ ।

यसैगरी, प्रदेशसभा सुनसरी क्षेत्र १(ख) बाट प्रत्यक्षतर्फका उम्मेदवारका लागि माधव घिसिङ, तिलक राई, जगतबहादुर कार्की, रोहित सुब्बा, अजय राई, रमेश काप्mले, सुरेन राई, काशीराम चौधरी, नारद राई, केशव पुरी र हिमाल राई (महिला) को नाम सिफारिश भएको छ ।

प्रदेशसभा सदस्यको समानुपातिक उम्मेदवारका लागि सन्तोष वि.क., मन्जु राई, बुद्धि कटुवाल, ममता तामाङ, गोविन्दबहादुर बस्नेत, पूजा धामी, विजया कटुवाल, रोजन रनपहेली, उर्मिला प्रधान र सुमित राईको नाम सिफारिशमा परेका छन् ।

कांग्रेसले सुनसरी २ (क) मा टुङ्ग्यायो प्रदेश र संघका उम्मेदवार

कांग्रेसबाट मोरङ ३ मा सुनिल शर्माको नाम सिफारिश