कोशी प्रदेश
प्याब्सन स्पोर्टस मिटमा सुन्दरहरैंचाको बर्चस्वः ब्राइट फ्युचर, पूर्वाञ्चल, मदरल्याण्ड, सिद्धार्थ र बालसदन पहिलो, दोस्रो, तेस्रो, चौथो र पाँचाैँ
विराटचोकः निजी तथा आवासीय विद्यालय अर्गनाइजेसन (प्याब्सन) मोरङको आयोजनामा विराटनगरमा भएको ११ औं प्याब्सन स्पोर्ट्स मिटमा मोरङको सुन्दरहरैंचाका विद्यालयले बर्चस्व कायम गरेका छन् ।
ब्राइट फ्युचरले पाँचौँ पटक जित्यो उपाधी
प्रतियोगितामा सुन्दरहरैंचा नगरपालिका वडा नम्बर ८ मा रहेको ब्राइट फ्युचर स्कुल पहिलो भएको छ । यसअघि ४ पटक उपाधी जितेको ब्राइट फ्युचर हालै सम्पन्न सुन्दरहरैंचा नगरस्तरीय प्याब्सन स्पोर्टस् मिटमा पनि पहिलो नै भएको थियो । ब्राइट फ्युचरले ६ स्वर्ण, २ रजत र १ कास्य गरी ३८ अङ्क ल्याउँदै उपाधि हात पारेको हो ।
साबिक विजेता पूर्वाञ्चल एकेडेमी दोस्रो
साविक विजेता सुन्दरहरैंचाको पूर्वाञ्चल एकेडेमी ११ औं संस्करणमा भए भने उपविजेता बनेको छ । ३ स्वर्ण, १ रजत र १ कास्य ल्याउँदै २० अङ्कका साथ पूर्वाञ्चलले दोस्रो स्थान हात पारेको हो । सुन्दरहरैंचा नगरस्तरीय प्याब्सन स्पोर्टस् मिटमा पनि यो विद्यालय उपविजेता नै भएको थियो ।
त्यस्तै, सुन्दरहरैचाको वडा नम्बर ७ मा रहेको मदरल्याण्ड स्कुलले ३ स्वर्ण र १ रजतका साथ १८ अङ्क ल्याउँदै तेस्रो स्थान हात पारेको छ । सुन्दरहरैचाको वडा नम्बर १० मा रहेकाे सिद्धार्थ बोर्डिङ स्कुल १७ अङ्कका साथ चौथो तथा सुन्दरहरैचाको वडा नम्बर ९ मा रहेको बालसदन एकेडेमीले २ स्वर्ण र २ रजतका साथ १६ अङ्क ल्याउँदै पाँचौँ भएको छ ।
त्यसैगरी, ग्रामथानको जनक मेमोरियल स्कुलले १ स्वर्ण, ३ रजत र १ कास्य पदक जिती १५ अङ्कका साथ छैटौँ भएको छ । रतुवामाईको मुनाल आदर्शले २ स्वर्ण र १ रजत जित्दै १३ अङ्कका साथ साताैँ स्थान हात पारेकाे छ।
प्याब्सन मोरङका अध्यक्ष अर्जुन बस्नेतका अनुसार ३ दिनसम्म सञ्चालन भएको स्पोर्ट्स मिटमा विभिन्न खेलहरू समावेश गरिएको थियो । २५ भन्दा बढी एथलेटिक्स तथा कक्षा १०, ११ र १२ का लागि अलगअलग भलिबल प्रतियोगिता पनि समावेश गरिएको प्याब्सन प्रदेश १ का वरिष्ठ उपाध्यक्ष टीकाराम ढकालले बताए । प्याब्सन आबद्ध १ सय ५१ विद्यालयका करीब २ हजारभन्दा बढी खेलाडी विद्यार्थीहरू प्रतियोगितामा सहभागी रहेको प्याब्सन मोरङका सचिव प्रेमलाल सिंह सुवालले जनाए ।
छात्र तथा छात्रा दुवैतर्फ उत्कृष्ट खेलाडी सुन्दरहरैंचाकै
प्रतियोगितामा ४ स्वर्ण ल्याउँदै ब्राइट फ्यूचर स्कूलका सुजन चौधरी छात्रतर्फ उत्कृष्ट खेलाडी घोषित भए भने छात्रातर्फ ३ स्वर्ण ल्याउँदै सुन्दरहरैंचाकै मदरल्याण्ड स्कुलकी रमा दाहाल उत्कृष्ट खेलाडी घोषित घोषित भइन् ।
विजयी खेलाडीलाई जिल्ला समन्वय समिति मोरङका प्रमुख नरेश पोखरेल, प्याब्सन केन्द्रीय सचिव राजेशकुमार दास, प्याब्सन केन्द्रीय सचिवालय सदस्य बासुदेव न्यौपाने, प्याब्सन प्रदेश १ का वरिष्ठ उपाध्यक्ष टीकाराम ढकाल, अभिभावक सङ्घ प्रदेश १ का अध्यक्ष देवी पन्थी, प्याब्सन मोरङका अध्यक्ष अर्जुन बस्नेतलगायतले पुरस्कार तथा ट्रफी वितरण गरेका थिए ।
Facebook Comment
मध्यपूर्वमा अमेरिका र इरानबीचको तनाव फेरि चर्किएको छ । अमेरिकी सेनाको केन्द्रीय कमान्डले इरानको हर्मुज जलमार्गमा रहेको क्युशिम टापुमा ‘आत्मरक्षाका लागि’ सैन्य कारबाही गरेको जनाएको छ ।
कतारी सञ्चारमाध्यम अलजजीराका अनुसार इरानले कुवेत र बहराइनतर्फ ब्यालिस्टिक क्षेप्यास्त्र तथा ड्रोन प्रहार गरेको छ । कुवेतको वायु प्रतिरक्षा प्रणालीले आकाशमै ती आक्रमण निष्क्रिय पारेको र बहराइनमा पनि अमेरिकी तथा बहराइनी सुरक्षा संयन्त्रले मिसाइलहरू अवरोध गरेको अमेरिकाको दाबी छ ।
इरानको इस्लामिक रिभोलुसनरी गार्ड कोप्र्स (आईआरजीसी) ले अमेरिकी कारबाहीको जवाफ स्वरूप ड्रोन र मिसाइल आक्रमण गरेको जनाएको छ । इरानी सञ्चारमाध्यमहरूका अनुसार अमेरिकी सेनाले होर्मुज जलमार्ग नजिकै रहेको एक इरानी तेल ट्याङ्कर तथा केश्म टापुको दक्षिणी क्षेत्रमा रहेको सञ्चार टावरमा प्रहार गरेको थियो ।
आईआरजीसीले त्यसपछि अमेरिकी तथा इजरायली हितका जहाज र क्षेत्रीय सैन्य अड्डाहरूलाई निशाना बनाएको दाबी गरेको छ । मध्यपूर्वमा बढ्दो सैन्य गतिविधि र आक्रमणका कारण क्षेत्रीय सुरक्षा अवस्था थप जटिल बन्दै गएको विश्लेषण गरिएको छ ।
प्रतिनिधिसभाको बैठकमा आजदेखि बजेटमाथिको छलफल शुरू हुँदैछ । सरकारले आर्थिक वर्ष २०८३/०८४ को लागि प्रस्तुत गरेको बजेटमाथि आजदेखि दफाबार छलफल शुरू हुने संघीय संसद् सचिवालयले जनाएको छ ।
यसैबीच प्रतिनिधिसभा नियमावली, २०८३ पारित भएको छ । प्रतिनिधिसभाको हिजोको बैठकबाट नियमावली पारित भएको हो ।
बैठकमा प्रतिनिधिसभा नियमावली मस्यौदा समितिका सभापति गणेश पराजुलीले ‘प्रतिनिधिसभा नियमावली मस्यौदा समितिको प्रतिवेदन, २०८३ लाई पारित गरियोस्’ भन्ने प्रस्ताव प्रस्तुत गर्नुभएको थियो । प्रस्तावलाई सभाको बहुमतले पारित गरेको हो ।
सभामुख डोलप्रसाद अर्यालले प्रतिनिधिसभा नियमावली मस्यौदा समितिको प्रतिवेदन, २०८३ को नियम २ देखि २६३ सम्म र अनुसूची १ देखि ७ सम्म नियमावलीको अङ्ग बनेको घोषणा गर्नुभयो । बैठकले नियमावली मस्यौदा समितिको प्रतिवेदनका सम्बन्धमा सभापति पराजुलीले जवाफ दिने क्रममा स्वीकार गर्नुभएको संशोधन स्वीकृत गरेको थियो ।
आज सुनचाँदीको भाउ घटेको छ । आज सुन तोलामा ५ हजार ५०० रुपैयाँ घटेर २ लाख ८५ हजारमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुन तोलामा २ लाख ९० हजार ५०० मा कारोबार भएको थियो । आज चाँदीको भाउ पनि २१५ रुपैयाँ घटेको छ । आज चाँदी तोलाको ४ हजार ८६५ रुपैयाँमा कारोबार भइरहेको छ ।
हिजो तोलाको ५ हजार ८० रुपैयाँमा कारोबार भएको महासङ्घले जनाएको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login